Tímarit lögfræðinga - 01.12.1988, Blaðsíða 3

Tni\mr—i
r öi.iim: ihvi.a
4. HEFTI___38. ÁRGANGUR____DESEMBER 1988
LUGANOSAMNINGURINN UM DÓMSVALD
OG UM FULLNUSTU DÓMA í EINKAMÁLUM
Árið 1968 gerðu stofnríki Efnahagsbandalags Evrópu (hér skammstafað
EB) með sér samning um dómsvald og um fullnustu dóma í einkamálum.
Þessi samningur hefur tekið nokkrum breytingum og nefnist nú með siðari
breytingum og bókunum Brusselsamningurinn.
Fríverslunarbandalag Evrópu (hér skammstafað EFTA) sýndi því áhuga að
gera sérstakan fjölþjóðasamning sem hefði að geyma samsvarandi reglur og
Brusselsamningurinn og með þvf meginmarkmiði að samraemdar reglur giltu
um dómsvald og um fullnustu dóma í einkamálum í öllum ríkjum EB og EFTA.
Aukið samstarf EB og EFTA-rfkja hefur verið mjög í sviðsljósinu að undan-
förnu og má rekja það til sameiginlegs ráðherrafundar í Lúxemborg f apríl
1984 en þar var gefin út sameiginleg yfirlýsing sem fól f sér hvatningu til
aukins samstarfs ríkjanna.
Samstarf aðildarrfkja EB og EFTA um fjölþjóðasamning sem hefði að
geyma samsvarandi reglur og Brusselsamningurinn hófst 1985 með stofnun
sérstaks verkefnishóps. öll aðildarríki EB og EFTA tóku þátt í undirbún-
ingi þessum. Undirbúningnum lauk með sérstökum samningi um dómsvald
og um fullnustu dóma í einkamálum sem gerður var 16. september 1988 í
Lugano í Sviss. Hefur samningur þessi hlotið nafnið Luganosamningurinn.
Aðeins aðildarríki EB geta orðið aðilar að Brusselsamningnum en aðild
að Luganosamningnum er bundin við aðildarríki EB og EFTA. Fyrir þau
aðildarríki EB sem undirrita báða samningana þýðir þetta að ýmist verður
að beita Brusselsamningi eða Luganosamningi eftir því hver atvik eru. Er
aðalreglan sú að eigi lögskipti sér stað milli aðila búsettra í ólíkum EB-
rfkjum ber að beita Brusselsamningi en ef lögskipti eiga sér stað milli
aðila sem eru búsettir annars vegar f EB-ríki og hins vegar í EFTA-rfki
eða sem búsettir eru f óllkum EFTA-ríkjum ber að beita Luganosamningi.
Eru um þetta nánari reglur f Luganosamningnum.
Luganosamningurinn (og raunar þáðir samningarnir) gildir aðeins um einka-
mál en þó ekki um þau öll. Hann gildir t.d. hvorki í málaferlum út af persónu-
réttindum né f skattamálum. Luganosamningurinn telst tvöfaldur samningur