Tíminn - 11.10.1956, Qupperneq 2

2
T í IVII N N, fimmtudaginn 11. október 1956.
Bjarna Ásgeirssonar og Þorleifs Jóns-
sonar minnst á Alþingi í gær
Áður en þingstörf hefjast, vil ég minnast nokkrum orð-
um tvegg'ja fyrrverandi alþingismanna, sem látizt hafa milli
'Jbinga. Eru það þeir Bjarni Ásgeirsson sendiherra, sem lézt
ii sjúkrahúsi í Osló 15. júní s. 1., 64 ára að aldri, og Þorleifur
Jónsson í Hólum, sem andaðist að heimili sínu 18. júní s. 1.,
91 árs að aldri.
iBjarni Ásgeirsson
ísendiherra
Bjarni Ásgeirsson fæddist í
iXnarrarnesi á Mýrum 1. ágúst!
a901. Faðir hans var Ásgeir bóndi j
í Knarrarnesi Bjarnason bónda þar !
Benediktssonar, en móðir Ragn-
heiður Helgadóttir bónda í Vogi
á Mýrum, sonur Helga Helgason-
ar, er var þingmaður Mýramanna
á fyrstu árum hins endurreista
Alþingis 1845—1949. Bjarni lauk
prófi í Verzlunarskólanum í R.vik
árið 1910, stundað nám í bænda-
íikólanum á Hvanneyri og lauk
prófi þaðan árið 1913, en var síð-
an um skeið við framhaldsnám í
lmfræði í Danmörku og Noregi.
.Árið 1915 hóf hann búskap í
Knarrarnesi og bjó þar til ársins
Í921, en það ár fluttist hann að
Beykjum ’ í Mosfellssveit, og rak
þar búskap fram til ársins 1951, er
hann fluttist til Oslóar og tók þar
við sendiherrastörfum, sem hann
jgegndi til æviloka.
Á unglingsárum Bjarna Ásgeirs-
oonar voru ungmennafélög að breið
ast um landið, og á þeim vettvangi
hóf hann störf sín að félagsmálum
og gerðist þar brautryðjandi í sveit
oinni. Síðar var honum falinn ýmis
jconar trúnaður á þjóðmálum og
::éiagsmálum, og sinnti hann um
jangt skeið margvíslegum störfum
; afnframt búi sínu. Ekki verða
joau störf öll rakin hér, en minnst
á nokkur þau helztu. í stjórn Bún-
aðarfélags íslands var hann á
áruntim 1927-—1951, formaður þess
::rá 1939, settur búnaðarmálastjóri
um skeið á árinu 1950 og kjörinn
ormaður Bændasambands Norður
'anda 1951—1952. í bankaráði
Landsbankans var hann 1926—■
.930, bankastjóri Búnaðarbanka
' slands 1930—1938 og gæzlustjóri
Söfnunarsjóðs 1932—1951. Árið
.938 var hann skipaður formaður
yfirfasteignamatsnefndar ríkisins.
á,engi átti hann sæti í verkfæra-
íefnd og um skeið í nýbýlastjórn
og í stjórn áburðarverksmiðjunnar.
.íann var þingmaður Mýramanna
á árunum 1927—1951, sat á 31
hingi alls. Landbúnaðarráðherra
var hann 1947—1949. Árið 1951
var hann skipaður sendiherra ís-
ands í Noregi og Póilandi, og í
ársbyrjun 1952 var hann jafnframt
íiendiherra í Tékkóslóvakíu. í okt.
.955 varð hann ambassador fslands
Noregi.
Bjarni Ásgeirsson var lengst ævi
ninnar bóndi, og flest þau störf,
;iem hér hefur verið getið og hann
/ann að innanlands, eru á einhvern
veg tengd landbúnaðarmálum. í
vúskap sínum var hann stórhuga
ramkvæmdamaður, og á Reykj-
im gerðist hann brautryðjandi um
:'æktun við jarðhita í gróðurhús-
íim. Á Alþingi átti hann löngum
næti í landbúnaðarnefnd, og með
:;törfum sínum þar og forgöngu
sinni í Búnaðarfélaginu og í ráð-
jierradómi átti hann ríkan þátt í
beirri fjölþættu löggjöf, sem á(
áingmannsárum hans og síðan hef-/
jr leitt til stórfelldra umbóta í
í slenzkum landbúnaði.
Bjarni Ásgeirsson var vinsæll
:naður og drengur góður. Hann
var mælskur, talaði fagurt mál og
Eldur i gluggatjalda-
verkstæðs
Um klukkan hálfsjö í gærkveldi
var slökkviliðið kvatt að Hverfis-
götu 116 (húsi Sveins Egilssonar),
en þar stóð eldur út um glugga á
húsnæði því, sem Hansatjaldaverk
stæðið hefir. Töluverðar skemmd-
ir urðu á efni og vélum verkstæð-
isins, en annars var eldur fljótt
slökktur.
Klukkan 19,40 í gærkveldi brann
skúr við Grænuhlíð nær til ösku.
í skúrnum var geymt spýtnabrak.
ljóst og var jafnan prúðmenni í
málflutningi og allri framkomu, en
varið gat har.n mál sitt með festu
og þunga gegn harðri andstoðu.
Á skemmtimótum var hann au-
fúsugestur, léttur í máli og glað-
vær. Hann var skáldmæltur vel,
birti ljóð eftir sig á yngri árum og
orti löngum fleygar stökur. Á búi
sínu var hann höfðingi heim að
sækja. Vegna mannkosta sinna
varð hann góður fulltrúi þjóðar
sinnar erlendis síðustu æviárin.
Þorleifur Jónsson
í Hólum
Þorleifur Jónsson fæddist á
Hólum í Hornafirði 21. ágúst 1864
og átti þar heimili ævilangt. For-
eldrar hans voru Jón bóndi í Hól-
um Jónsson prests á Hofi í Álfta-
firði Bergssonar og kona hans, Þór-
unn Þorleifsdóttir bónda á Hólum
Hallssonar. Hann stundaði nám í
Möðruvallaskóla 1881—1882 og var
síðan forráðamaður fyrir búi móð
ur sinnar til ársins 1890 og far-
kennari á vetrum. Á árunum 1890
—1935 var hann bóndi í Hólum,
en lét þá búið í hendur dóttur
sinni og tengdasyni og dvaldist síð
an hjá þeim til æviloka.
Þorleifur í Hólum valdist
snemma til margs konar forustu
meðal sveitunga sinna og sýslunga.
Hreppstjóri í sveit sinni var hann
um riimt hálfrar aldar skeið. —
Sýslunefndarmaður var hann lengi
og voru honum oft falin sýslu-
mannsstörf í Austur-Skaftafells-
sýslu. Um langt skeið var hann
forráðamaður sveitunga sinna í
skólamálum og kirkjumálum. —
Hann vann ötullega að auknum
samgöngum og bættri verzlun í
héraði sínu og var þar eindreginn
samvinnumaður. Þingmaður Aust-
ur-Skaftfellinga var hann fyrst
kosinn árið 1908 og var fulltrúi
þeirra á Alþingi samfellt á árun-
um 1909—1933, sat alls á 27 þing-
um og var síðustu árin varaforseti
sameinaðs Alþingis. í Landsbanka-
nefnd átti hann sæti árin 1928—
1935.
Þorleifur Jónsson var mikill á-
hugamaður um búnað og ræktun
landsins og stórvirkur bóndi á
jörð sinni. Hann var vel máli far-
inn, prúðmenni í framgöngu og lét
erjur stjórnmálanna ógjarnan
hagga jafnvægi sínu. Ekki hafði
hann sig mikið í frammi í orðræð-
um á þingfundum, en vann á þingi
vel og farsællega að framfaramál-
um sýslunga sinna og bændastétt-
ar landsins alls. Þegar aldur færð-
ist yfir og hann hafði létt af sér
umstangi í búskap og félagsmál-
um, vann hann að umfangsmiklum
ritstörfum, skrifaði verzlunarsögu
héraðs síns og birti níræður ævi-
minningar sínar.
Eg vil biðja þingheim að votta
minningu þessara tveggja bænda-
höfðingja virðingu sína með því
að rísa úr sætum.
Dregið i 10. fl. happ-
drættis Háskólans
í gær var dregið í 10. flokki
happdrættis Háskóla íslands. Vinn
ingar voru 1050 og tveir aukavinn-j
ingar samtals 534 þúsund krónur.
Fimmtíu þúsund króna vinningur
kom á hálfmiða nr. 669 seldum í
Reykjavík. Tíu þúsund króna vinn-
ingur kom á hálfmiða nr. 28618 í
Reykjavík, annar tíu þúsund kr.
vinningur á nr. 39185. Þrír fimrn
þúsund kr. vinningar komu á þessi
númer: 3796, 16314 og 20209.
Ctbreiðið TIM&NTC
rtlsiIlftfslíIiíI/fKfitoTíúfíúflIlslIf?!!
Nína Tryggvadóttir við vinno sína,
Nína Sveinsd. opnar sýningu á glerskreyli
myndum á efstu hæð Laudsbókasafnsins
Nína Tryggvadóttir opnar í kvöld sýningu á glerskreyti-
myndum og tillögumyndum til glerskreytingar á efstu hæð
Landsbókasafnshússins við Hverfisgötu. Eru þarna 23 myndir
til sýnis. Sýningin verður opnuð almenningi kl. 1 á morgun
og verður síðan opin alla daga kl. 1—10 síðd. í kvöld verður
sýningin opnuð fyrir gesti.
Nína Tryggvadóttir hefir að und-
anförnu dvalizt í París og tekið þar
þátt í ýmsum sýningum. Síðustu
tvö árin hefir hún snúið sér a'ð
gluggaskreytilist, og munu slíkar
myndir ekki hafa sézt hér á sýn-
ingu áður.
Eins og kunnugt er, þá er mynd
list Nínu allsérstæ'ð, t. d. hefir
hún fengizt töluvert við gerð klipp
mynda úr mislitum pappír og náð
góðum árangri. Nýtízku glerskreyt
ing fellur mjög vel við stíl Nínu
og virðist raunar beint framhald
af fyrri myndum hennar. Erlendis
er skreyting kirkjuglugga mjög
virt listgrein, og var einnig hér
á landi á fyrri öldum, en á síðari
árum hefir nær ekkert verið um
slíkt að ræða og fáir eða engir ís-
lenzkir listamenn lagt stund á þá
grein.
Á sýningu Nínu gefur að lítá
nokkrar slíkar myndir og eru þær
sérkennilegar og fagrar, þótt þær
njóti sín ekki sem bezt þarna, þar
sem skilyrði eru slæm íil sýning-
ar slíkra mynda, sem þurfa að
gegnlýsast. Þarna eru einnig all-
margar myndir, sem gætu verið
eða eru hugsaðar sem fyrirmyndir
gluggaskreytinga í kirkjum. Þarna
eru frumdrættir að gluggaskreyt-
ingu í franska kirkju, því að Nína
hefir verið beðin að gera slíka lil-
lögu og kom til mála að hún
skreytti glugga í franskri kirkju.
Nokkuð er um kirkjubyggingar
hér á landi þessi árin, og mikill
áhugi vaknaður fyrir skreytingu
kirkna. Hér er því sannarlega þörf
á góðum listamanni, sem sinnir
þessu verkefni, og mættu fleiri
leggja stund á það en Nína
Tryggvadóttir, og væri æskilegt að
slíkir listamenn fengju hæfileg
viðfangsefni í þessari grein hér
heima.
Lét seiu hann heíði drnkknað9
.Nú hefir verið upplýst, hvernig háttað var „slysi“ nokkru,
sem varð 11. ágúst í fyrra, þegar talið var, að Philip Ross,
sóknarprestur í Chesshire í Wales, hefði drukknað, er hann
var að baða sig. Fundust föt hans á ströndinni og þrátt fyrir
víðtæka leit. fannst maðurinn ekki. Rétturinn, sem fjallaði
um málið, úrskurðaði að maðurinn væri dáinn og hefði
drukknað. En nú er sem sagt komið á daginn, að hann drukkn
aði ekki, en hefir skipt um nafn, er „kvæntur“ ríkri ekkju
og var fyrir skömmu á skemmtiferðalagi í Sviss.
Séra Ross, sem er um fimmtugt,
stakk sem sé af frá konu og em-
bætti. Hann skipti um nafn, nefndi
sig Davies og tók saman við frú
Ryall, sem er 51 árs, velefnuð
ekkja, en hana hitti hann þá fyrir
skömmu við jarðarför manns lienn-
ar. Brall þetta varð uppvíst, vegna
þess, að dóttir frú Ryall, gaí blöð-
unum vísbendingu um, hvernig í
öllu lægi.
„Prestsekkjan" varð að flytja af
prestssetrinu og keypti sér þá sitt
eigið híts. Söfnuðurinn hélt hátíð-
lega sorgarathöfn eftir prest sinn
og til þess að hjálpa ekkjunni, var
efnt til minningarsjóðs, sem safn-
aðist í nær 40 þús. ísl. krónur.
Kirkjan hefir tekið sjóð þennan í
sína vörzlu í bili, eftir að upp
komst um svindlið.
Presturinn fékk sér aldrei neitt
bað í sjónum. Hér var aðeins um
vel hugsað bragð af hans hálfu.
Hann fór til London og hitti þar
frú Ryall. Þau bjuggu þar síðan
saman, sem hr. og frú Davies. Einn
ig leigðu þau um tíma sveitasetur,
þar sem þessi skemmtilega yfir-
skrift stóð yfir dyrum: TP þess að
vera hamingjusamur, er nauðsyn-
legt að lifa óþekktur.
225 fiisgvélar komu á
KefSavíkurflugvöII
í september
i
I septembermánuði 1956 höfðu
samtals 225 farþegaflugvélar við-
komu á Keflavíkurflugvelli. — Eft-
irtalin flugfélög höfðu flestar við-
komur:
i BOAC. 33 vélar. Flying Tiger
Line 31 vél. Pan American 30 vél-
ar. Trans World Airlines 28 vélar.
KLM 14 vélar. Trans American 14
vélar.
j Samtals fóru um flugvöllinn 10500
I farþegar. Vöruflutningar námu alls
166000 kg. og póstur um 34000 kg.
Krabbameinsfélagi ís-
lands barst höfðing-
Seg gjöf
Frk. Karítas Finsen, starfsstúlka
Landssímans á Akranesi, ánafnaði
j félaginu 10.000,00 króna gjöf, er
I venzlafólk hennar afhenti, en
Karítas lézt 25. ágúst s. 1. eftir
langa vanheilsu. Hún var dóttir
Ólafs Finsen fyrrverandi héraðs-
læknis á Akranesi.
Fjárflutningar
(Framhald af 12. síðu).
ferðir. Þá flytja flugvélarnar alls
konar framlciðsluvörur bænda á
markað hér, kjöt, sláturvörur og
garðávexti, en flytja vetrarforða,
kornvörur, byggingarvörur og fóð
urbæti austur til bænda. Nema
þessir flutningar um 80 lestum á
ári.
Lambaflutningur til
Vestmannaeyja.
Þá stendur til að flytja á næst-
unni 25—30 líflömb frá Kirkjubæj
arklaustri til Vestmannaeyja. Flug-
félagið notar tveggja hreyfla far-
þegaflugvélar sínar til flutningana
og eru farþegasæti tekin úr þeim
á meðan. Hægt er að flytja 80 lömb
í einni ferð ef ekki er annar varn-
ingur.
Erlent yfirlít
(Framhald af 6. síðu)
ir verið vinstrisinnaður og því
bu'ðu kommúnistar ekki fram gegn
honum, er hann var kosinn fram-
kvæmdastjóri. Hann hefir þó jafn-
an hafnað samstarfi við þá og
beitti sér fyrir því bæði á þingi
verkalýðsfélaganna og Verka-
mannaflokksins nú, að samfylking-
arboðum frá þeim var hafnað.
ÞAÐ KOM ljóst fram í málflutn-
ingi Cousin á báðum áðurnefndum
þingum, að hann stendur lengra
til vinstri en aðrir leiðtogar brezku
verkalýðshreyfingarinnar hafa gert
undanfarið. Einkum kom þetta þó
fram í því, að hann er harðari and-
stæðingur fhaldsmanna. Ræðum
hans var jafnframt betur tekið cn
annarra forvígismanna vérkálýðs-
samtakanna, svo að almennt er nú
farið að tala um hann sem hinn
„sterka mann“ samtakanna.
Það er enn svo stutt síðan, að
Cousin kom fram opinberlega, að
margir brezkir blaðamenn ræða
um hann sem óskrifað blað. Flestir
telja þeir hann sjálfstæðan og
fremur einráðan og hann sé því
ólíklegur til að bindast einum eða
öðrum armi flokksins. Hann studdi
t. d. Brown, en ekki Bevan í gjald-
kerakosningunni, þótt sá síðar-
nefndi standi honum vafalaust nær
í skoðunum. Ýmsir telja því, að
hann láti sig dreyma um að verða
„þriðja aflið" í flokknum, ef svo
mætti að orði kveða. Yfirleitt er
nú líka farið að ræða um hann
við hlið þeirra Gaitskells og Bev-
ans. Allar spár hníga og í þá átt,
að hann muni eiga eftir að koma
mjög við sögu á komandi árum,
ef honum endist betur líf og heilsa
en fyrirrennurum hans tveimur,
sem áður er sagt frá. — Þ. Þ.