Tíminn - 18.08.1960, Blaðsíða 4

4
TÍMFNN, fímmíudagimi 18. ágúst.'tl960-
l
/.WAW.WAV.W.W.W
Nýjungar
:«!
.v.v,

Ef hetlafrumur mannskepn-
unnar ynnu ekki starf sitt svo
Mjóðlega sem raun ber vitni,
myndum við nú er rökkva
tekur, heyra þung högg og
stór úr Sjálfstæöishúsinu við
Austurvöll. Einmitt á þessum
kvöldum heyja þar skákein-
vigi á vegum Skáksambands
Islands stórmeistarinn Friðrik
Ólafsson og skákmeistarinn
Freysteinn Þorbergsson, sem
á þessu ári ber þann virðulega
tltil, íslandsmeistari í skák.
Það er ætkinin í þessari grein
að ræða lítillega ura fyrri helming
þessa skákeinvigis, en rétt þykir
í upphafi að gera nokkra grein
fyrir tilkomu þess. Á s.l. vori
mættust garpar tveir austur í
Garðaríki, Botvinnik og Tal. Þeir
börðust þar um titil heimsmeist-
ai'a í skák og hinn síðarnefndi,
nýgenginn í hjónasængina, fór
með sigur af hólmi. Á þessu ári
er svo hafinn alheimsslagur um
réttinn til þess að skora á Tal til
enivígis um heimsmeistarattilinn
sem sagt: ný heimsmeistarakeppni
í skák er byrjuð og henni lýkur
1963.
Adþjóðaskáksambandið skipu-
leggur keppnina hverju .sinni.
Þing sambandsins skiptir jarð-
skorpunni í nokkur svæði og á-
kveður jafnframt, hversu marga
þátttakendur hvert einstakt land
eða lönd megi senda til keppninn-
ar. ísland fær rétt til þess að
senda einn keppanda að þessu
•sinni. Þessi íslenzki fultlrúi verður
síðan að ganga á hólm við fuU-
trúa annarra þjóða ,er deila svæði
með honum. Gangi okkar manni
vel í þeim harða leik og hljóti hátt
sæti, verður hann næst að mæta
efstu mönnum úr hinum svæðun-
um, og hreppi hann enn eitt af
efstu sætunum, er hann kominn í
lokabaráttuna, þar sem sigurveg-
arinn hlýtur réttinn til þess að
skora á heimsmeistarann. í þenn-
an lokaslag komst Friðrik Ólafs-
son að nýafstaðinni heimsmeist-
arakeppni, og var í allri keppninni
landi sínu sem endranær til sóma
með góðri taflmennsku og gæfri
framkomu.
Flestir munu vissulega hafa tal-
ið Friðrik sjálfskipaðan fulltrúa
okkar í heimsmeistarakeppninni,
sem nú er hafin. Hann stendur
vafalítið feti framar öðrum ís-
lenzkum skákmeisturum að þeim
þó ólöstuðum og hefur mátað jöfn-
um höndum amerisk undrabörn
og innborna áhugamenn. Hins ber
þó sannqrlega að gæta, að réttur
íslandsmeistara sé á engum tíma
fyrir borð borinn, og þvi mun
þetta einvígi til komið og er vel
til fundið. Skákeinvígi þessara
ungu manna er kærkomið öllum
skákunnendum og gott er til þess
að vita ,að það mun aðeins for-
leikur að stæiri atburðum hér-
lendis á vettvangi þessarar góðu
og göfugu íþróttar.
I.
Fyrsta einvígisskák þeirra Frið-
riks og Freysteins var tefld s.l.
miðvíkudagskvöld. Eftir að hafa
greit.t aðgangseyrinn, iukust upp
fyrir mér dyr einvígissalarins.
Keppendur sátu þar uppi á sviði,
hvar einnig var fyrir komið stóru
.■.V.V.V.V.-.V.V.V.V/.V.W
!■ . S
s
sýningartafji og klukkum, er'
sýndu hvað leið tíma hvors kepp-'
anda um sig.<J bafcsal var einnig
sett upp tafl og þar skýrðu þefcktir
skákmeistarar ganginn í skákinni.
Sem sagt: Til fyrirmyndar. — Eig-
inlega er ég njósnari á staðnum.
Hér er líka stríð og engin styrj-
öld er án njósnara. Ætlunin er
að hlusta eftir hverju orði hinna
vísu manna í skákfræðum og nota
þau til skrifa.
Friðrik stýrir hvítu mönnunum
og hefur leikið kóngspeði. Frey-
steinn leikur einnig kóngspeði
sínu og upp kemur frönsk vörn,
þar sem hann lendir brátt í uppá-
haldsafbrigðinu sinu. Leikur nú
Freysteinn áður lítt kunnum leik
í stöðunni og hefur í hótunum við ;
eitt af peðum Friðriks, sem eyðir
miklum umhugsunartíma á fyrstu
V.V.V.V.V.V.V.V.V.'.V.V,"
Afleikir
!■■■■■■!
ekki auðunnin, og er hún teflist
áfram tekst Freysteini að halda
jöfnu.
II.
Fimmtudagskvöld. Önnur skák-
in er hafin. Stórmeistarinn velur
Grönfeldsvörn gegn drottningar-
SKÁKESNVÍGI
Friðriks og
.V.’.V.V.V.V.V.V.’.V.V.V.VAV.V.V.V.VV.V.V.V.
leikina. Skákskýrendur sjá nú vart
annað en sæng stórmeistarans sé
útbreidd, en sá ber ekki nafnbót-
ina fyrir ekki neitt og snýr sig
út úr erfiðleikunum og fer sjálf-
ur að hafa í frammi hvers kyns
hótanir. Tekur nú Freysteinn að
hugsa alllengi um hvern léik og
verður ljóst, að báðir verða tíma-
naumir undir lokin.
Sigurður íþróttaþulur lýsir veð-
urfari meðan hann bíður eftir því,
að íslendingar fái knöttinn, en
þar sem veðurlýsingu er ekki til
að dreifa, verð ég að líta yfir á-
horfendur meðan beðið er næsta
leiks. Áhorfendum fjölgar stöðugt
og er margt stórmenna, læknar,
lögfræðingar, menntaskólakennar-
ar og Helgi Sæmundsson auk
blaðamanna. Rökræður eru í full-
um gangi um stöðuna í skákinni
og sýnist sitt hverjum . . Frey-
steinn hugsar enn. Rautt hárið
minnir á Smyslov, en hreyfingar
allar á Botvinnik, Ég veiti því at-
hygli, að hann horfir af og til frá
borðinu hugsandi út í loftið og
mér er tjáð ,að þetta sé tæknilegt
atriði frá sálfræðilegu sjónarmiði.
Sennilega gerir Botvinnik þetta
einnig. En nú kemur leikurinn.
Freysteinn gefur kost á peði, Frið-
rik þiggur og virðist hafa öll ráð
í hendi sér. En tíminn er naumur.
Báðir leika leifturhratt og Frey-
steinn finnur bezta framhaldið.
Eftir 40 leiki hefur Friðrik að
vísu peð yfir, en skákin reynist
peðsbyrjun Islandsmeistarans. Enn
virðist sá síðarnefndi hafa fengið
betra út úr byrjuninni, og Frið-
rik hugsar mikið um fyrstu leik-
ina. f baksalnum fletta menn skák
leksikoni Pachmanns hins tékk-
neska og kemur í Ijós, að Friðrik
hefur leikið riddara á c6, en þessa
leiks lætur Pachmann að engu
getið sem kæmi hann ekki til
greina. Skákskýrendur eru og ekki
.sáttir við leikinn, hafa að vísu séð
hann og minnir að Ingi R. beiti
honum gjarna í hraðskák. Benóný
Benediktsson skákmeistari með
jafnan hlut við rússn. skákmeist-
ara til þessa, tekur af skarið með
að Friðrik sé engu síðri skák-
maður en Pachmann, svo leikur-
inn muni ágætur, þótt leksikonið
geti ekki um hann. En Freysteinn
hótar, riddari b5, segja menn, og
þessi hótun er skoðuð gaumgæfi-
lega. Niðurstaðan verður sú, að sá
leikur sé ekki góður strax. Frey-
steinn verði að' hrókfæra og
tryggja sig heima fyrir, útvikla
sig eins og aðrir menn eins og það
heitir á fagmáli. Meistararnir leika
hægt. Friðrik hugsar, en Frey-
steinn gengur um gólf og þurrkar
móðuna af gleraugunum. Áhorf-
endur eru fleiri en fyrsta kvöldið
og skeggræða í ákafa, enda útlit
fyrir skemmtilega skák.
Freysteinn hugsar lengi um 11.
leik sinn, sem svo verður öllum til
skelfingar hinn forboðni riddari á
b5! Friðrik fær nú tækifæri til
að ryðja drottningu sinni braut
inn í óvinalandið og hirðír heilani
hrók Freysteinn reynir að fanga
drottninguna en það tekst ekki, og
þar sem hann hefur þá tapað liði
gefst h’ann upp í 17. leik. Vissulega
snögg og óvænt úrslit. Hér er
annars skákin: Hvítt: Freysteinn
Svart: Friðrik. 1. d4, Rf6. 2. c4, g6.
3. Rc3, d5. 4. Bf4, Bg7. 5. e3, 0—0.
6. Db3, dxc4. 7. Bc4, Rc6. 8. Be2,
Rd7. 9. Hdl, Rb6. 10. Bf3, a5. 11.
Rb5, a4. 12. Dc3, Rd5. 13. Bxd5,
Dxd5. 14. Rxc7, Dxg2. 15. f3, Dxhl.
16. Kf2, Bh3. 17. Gefið.
III.
Önnur vika. Mánudagskvöld.
Þriðja skák. Friðrik stýrir hvítu
og leikur nú drottningarpeðsbyrj-
un. Hann vill annaðhvort forðast
frönsku vörnina hans Freysteins
eða sýna, að hann getur beitt fyrir
sig hverju sem vera vill. Frey-
steinn velur Nimzo-indverska vörn
og Friðrik fær gott tafl út úr byrj-
uninni. Tekst Friðriki brátt að ná
einu af peðum þeim, er hylja
skulu nekt svarta kóngsins, en
Freysteinn fær aftur á móti kom-
ið frípeði upp á þriðju línu. Hót-
anir Friðriks um mát leiða þó
til þess, að Freysteinn verður að
láta af hendi skiptamun eftir
rúma tuttugu leiki, og þykjast
menn nú sjá fyrir örlög íslands-
meistarans.
í kvöld hlusta ég ekkert á skák-
skýringar í baksalnum, enda þótt
í hópi þeirra sé nú alþingismaður
Tímahrak
■V.V.V.V.V.V.V.V.VV.SV.%
Jón Þorsteinsson, sem lagði út af
mismun peðsfórnar og peðstaps í
viðreisnarræðu sinni á þingi í vet-
ur. Annars minnist ég aðeins eftir
að hafa séð einn þingmann á skák-
mótum að jafnaði eða Karl Guð-
jónsson úr Eyjum. Ég hef fengið
sem sessunaut fyrrv. formann
Taflfélagsins, og hefur hann ætíð
á takteinum fimm leiki fram í tím-
ann og skakkar ekki frá því, er
teflist, en þetta læt ég samt spara
mér sporin inn í baksalinn. Áhorf-
endur fleiri en áður og nú ánægðir
með taflmennsku stórmeistarans.
Friðriki tekst ekki að notfæra
s.ér skiptamunsvinninginn og tek-
ur loks það ráð að gefa hann til
baka og vinnur peð í leiðinni. En
nú gerast ævintýralegir atburðir í
tímahrakinu, sem báðir keppendur
eru komnir í. Friðrik skilur eftir
mann í dauðanum. Ég sé, að Frið-
rik tekur samstundis eftir afleikn-
um og sýpur hveljur, fer höndum
um stuttklipptan kollinn og biður
vænlega fyrir sér eftir því, sem
tími er til. Svona hegðun mun
alveg bönnuð í afleikjum. Þá eiga
menn að vera rólegir og láta and-
stæðinginn halda að um kombina-
sojn par exellence sé að ræða. Nú,
en þetta er í lagi, Freysteinn hefur
bitið í sig ákveðið áframhald, sér
ekki fingurbrjótinn, og Friðrik
forðar manninum í næsta leik!!!
Skákin fer í bið eftir 40 leiki og á
Friðrik peð yfir, en almennt er
reiknað með jafntefli. Ingi R. er
þó á annarri skoðun.
Biðskákin er tefld kvöldið eftir.
Friðrik teflir af nákvæmni, en
vinningur virðist torsóttur. Þá fat-
ast Freysteini. Friðrik fær kost á
að hóta í senn manni eða máti og
Freysteinn gefst upp.
Staðan er því 2%:% stórmeist-
aranum í vil að hálfnuðu einvíg-
inu. íslandsmeistarinn hefur sem
sagt ekki haft árangur sem erfiði,
og ekki sótt sér stóran feng — en
væntanlega er síðasta orð hans
enn ósagt í þessu einvígi.
S.B.B.
Þér fáið Ijúffengan og nærandi drykk
ef þér notið hið nýja INSTANT
(5comalt
Auðnofað, bragðgott og hreinlegt.
Jafnvel börnin geta blandað sér
án þess aS óhretinka eldhúsBð.
Heit eða köld mjólk og INSTANT
COCOMALT innlheldur mikið at
vítamínum og öðrum nauðsynleg-
um nærlngarefnum.
Reynið INSTANT COCOMALT
strax I dag.