Tíminn - 22.07.1961, Blaðsíða 1
Á^ikriftarsfmmn er
1-23-23
164. tbl. — 45. árgangur.
Laugardagur 22. júlí 1961. j
lli
TÍU MILLJÓNIR
íVEGALÓGN
Hinn 21. júlí afhenti sendiherra Banda-
ríkjanna James K. Penfield, dr. Benjamín
Eiríkssyni, bankastjóra framkvœmdabanka
íslands, ávísun, að upphæÖ 5 milljónir
króna, sem er fyrsta greiðsla af 10 milljón
króna láni, sem nota skal til að leggja nýja
veginn milli Hefnarfjarðar og Keflavíkur.
Stjórn Bandarikjanna samþykkti beiðni íslands
. um lán til þessara framkvæmda, sem að hennar
(Framhald á 2. síðu>
HEYSKAP FREST-
AÐ OG FARiÐ í
SÍLDARVINNU
20 bændur af Hérat$i á plönum
á SeytSisfirði.
milli Reykjavíkur og Keflavíkur
Fyrsta umferð Norðurlandamótsins ij
skák hófst í Gagnfræðaskóla Austur-
bæjar í gærkveldi, og tók ljósmyndari|
blaðsins þessa mynd þar.
Skipin sökkhlaða í vað-
andi síld á Rifsbanka
Mikil og góð veiði var í
fyrrinótt, í gærdag á Rifs-
banka og Sléttugrunni og allt
útlit var fyrir áframhaldandi
veiði, þar sem veður var bjart
og gott. Síldin veður vel og er
feit og góð. Yfirleitt fá skipin
stór köst og þurfa sjaldnast
að nota nein leitartæki, því að
torfurnar sjást svo vel. Skipin
streymdu sökkhlaðin inn til
Sigluf jarðar í allan gærdag og
þar var búizt við söltun langt
fram á nótt, ef söltun upp í
samningana hefði ekki verið
stöðvuð fyrir þann tíma. Síld-
arútvegsnefnd var á fundi þar
í gær og ræddi, hve lengi yrði
leyft að salta upp í þá samn-
inga, sem fyrir eru. Þá mun
einnig hafa verið tekin fyrir
krafa síldarsaltenda um ríkis-
ábyrgð fyrir söltun.^
H-eldur minni umsvif voru á
Austfjarðar'höfnunum, enda mörg
skip farin þaðan til veiða á Horn-
banká.
Síldarflutriingaskipið Aska lagði
af stað með síld frá Seyðisfirði
áleiðis til Hjalteyrarverksmiðju í
gærdag.
Síldin, sem veiðist á Hornbank-
anum og annars staðar vestan við
Langanes er óvenjulega feit og
þolir því mjög illa hnjask. Flest
skip þurfa að fara um 10 mílna
leið til hafnar og þolir síldin mjög
illa svo langa legu, og er því
sjaldnast hægt að salta allan afla,
sem bátarnir koma með, þótt fitu-
magnið sé nægilega mikið til sölt-
unar.
(Framhaia á 2 slðui
Frá fréttaritara Tímans á Egilsstöðum.
Heldur er tíðin slæm hér í sveitinni og gengur
heyskapur treglega. Miklar þokur eru flesta daga,
en sólblettir á milli. Eru hey því orð'in víða hrak-
in og fáir náð að hirða hey að ráði. Margir bænd-
ur hafa alveg frestað heyskap um stund, en vent
sínu kvæði í kross og farið í síldarvinnu til Seyðis-
fjarðar með heimalið sitt. Þangað er stutt að
fara, — um klukkustundar ferð, — en uppgrip
mikil í vinnu. Hafa að minnsta kosti 20 bændur
á Héraði valið þennan kost, þar eð veðurguðirnir
eru þeim ekki eins hliðhollir og Ægir karl sjó-
mönnum. Þar vinna bændur dag ’og nótt, ásamt
heimasætunum úr sveitinni, en eru vibúnir að
grípa pjönkur sínar og halda heim á tún sín, um
leið og útlit er fyrir þerri.
Hvalavaða í Skagafirði
Frá fréttaritara Tímans á Sauðárkróki.
Síðdegis í gær gerðust þau tíðindi norður í Skagafirði, að mjög aðsópsmikil hvalavaða kom
svamlandi fylktu liði inn fjörðinn og stefndi heim í höfn á Sauðárkróki. Menn, er voru á litlum
dekkbáti úti á firðinum, urðu vöðunnar fyrst varir, sveigðu úr leið og sigldu síðan á eftir henni
inn fjörðinn.
Fleiri skip komu bráðlega á vettvang og hjálþuðust að við reksturinn. Við nánari athugun reynd-
ist hér vera marsvin á ferð og ekki færri en 100 saman.
Reksturinn reyndist nokkuð erfiður, en þó tókst að hrekja 3 eða 4 marsvín á land, þar sem
ljárinn beið þeirra. Hin busluðu stóran úti í höfninni, en þreyta sótti að þeim, er á leikinn leið.
Liggja þau nú flest dösuð hér rétt í hafnarmynninu.
Ekki var vitað í gærkveldi, hvort gangskör yrði gerð að því að vinna dýrin, þar eð ekki lá ljóst
fyrir, hvort nokkurt verð væn fyrir þau að hafa.
1
I
Breytingar r a lausaskuldum bænda |
f. ' ' • ' > • ■ • ' bráíabirg'Salög bls. 3 e^saaaMMBBMBaMMaBMMSMMMaaca m. w-—'; WMiMMMB^gaBgMgBMBBMMBMMHBBnMBMBBguaaBMBBirqMHMMaBMBMMBMMBMBl