Morgunblaðið - 19.12.1935, Page 5

ififfirTíii i 'tfÉjtfiÉMfnwrWV ••'T'f Tií•
Fimtudagmn 19. des. 1935.

MORGUNBLAÐIÐ
—Bækur—
sendar Morgunbiaðinu.
Bíbí.
Nýlega er komin út, á kostnað Æskunnar, saga, með
nafninu Bíbí, eftir danska skáldkonu, Karen Michaélsen,
en magister Sig. Skúlason hefir snúið henni á íslensku.
Saga þessi hefir hlotið feikna útbreiðslu bæði í Dan-
mörku, Þýskalandi, Englandi og víðar, og dómar um
hana hafa verið mjög á einn veg. Höfundinum er ljett
um að skrifa fyrir börnin og Bíbí litla söguhetjan er
hin skemtilegasta, fjörugur telpuhnokki, sem kemur öll-
um í gott skap. Mun blaðið von bráðar birta nánari um-
sögn um þessa góðu barnabók. — Þá er nýkomin út hjá
Æskunni bók, sem heitir „Sagan af honum Lubba“, á-
gætis barnabók.
Sólveig,
skáldsaga eftir Kristján Sig. Kristjánsson. Þetta er saga
ungrar prestsdóttur, sem kemur í uppvaxandi útgerðar-
þorp, reynir þar árekstur kommúnismans og framtaks
einstaklingsins, er svo stórhuga, að hún kastar sjer inn í
hringiðuna fyrir bræðralagshugsjónina, stofnar fjelag,
stofnar skóla og gefur út blað, og stendur seinast sigri
hrósandi yfir þeim Qflum, sem öllu vilja sundra í þjóðfje-
laginu og leggja alt í rústir. Sagan túlkar truna á sigur
hins góða.
Tveir lífs og einn liðinn,
skáldsaga eftir Sigurd Christiansen. Sigurður Skúlason
þýddi með leyfi höfundar. — Sigurd Christiansen póst-
afgreiðslumaður í Drammen varð á svipstundu frægur
fyrir þessa bók sína, enda var hún tekin fram yfir allar
aðrar í bókmentasamkepni Norðurlanda. Bókin hefir
sjerstöðu um efnisval og efnismeðferð, þar er gripið snild-
artökum á lífsreynslu, sem fæstum er kunn, og Sigurði
Skúlasyni magister hefir tekist að færa hana í ágætan
búning. Ógleymanleg bók þeim, sem lesa.
Andri litli á vetrarferðalagi,
eftir L. G. Sjöholm. Isak Jónsson þýddi. — Höf. þessarar
bókar er kunnur sænskur uppeldisfræðingur, og hefir rit-
að mikið fyrir börn — sjerstaklega á þann hátt, að fræða
þau um leið og hann skemtir þeim. Þessi bók hefir öll
einkenni fræðsluáhuga og frásagnarhæfileika hans. Á-
reiðanlega ágæt barnabók.
Baráttan gegn trúnni,
erindi eftir Bjarna Jónsson dómkirkjuprest. Þetta er út-
varpserindi, svarræða við erindi Gunnars Benediktssonar
um kommúnista og trúarbrögð. Að niðurlagi segir höf.:
Það er önnur heimsmynd og önnur heimsskoðun nú en í
fornöld og á miðöldum. En-trúin á sama erindi
til mannanna nú eins og þá. Hún lifir, þó að gegn henni
sje barist.
Sjálfstætt fólk,
eftir Halldór Kiljan Laxness. Þessi bók er beint áfram-
hald af sögu þeirri sem birtist í fyrra. Tími hefir ekki
unnist til þess að skrifa rækilegan dóm um bókina eins
og hún á skilið, en það mun verða gert svo fljótt sem
tími vinst til. í fyrra seldist fyrra hefti þessarar bókar
einna best allra bóka sem þá komu út.
Heiða,
síðari hluti. Fyrri hluti kom í fyrra og hefir síðari hlutans
verið biðið með mikilli eftirvæntingu af fjölda unglinga,
sem lásu fyrri bókina. Bókin gerist í Sviss og er talin með
b’estu barnabókum sem skrifaðar hafa verið, og er þetta
síðara bindi ekki síður skemtilegt en hið fyrra.
Karl litli,
æfintýri frá Danmörku, eftir Jóh. Magnús Bjarnason,
vestur-íslenska skáldið sem flestir kannast við að góðu
einu. Þetta er ákaflega skemtilegt æfintýri og margar
furðulegar frásagnir í því. Frásagnarstíllinn bráðskemti-
legur og hugmyndaflugið geisilegt. Bókin er með mörgum
fallegum myndum eftir Jóhann Briem listmálara. Þeir
sem lásu á sínum tíma „Eirík Hansson" og „Brasilíufar-
ana“ vita að frá hendi þessa höfundar er altaf von á
einhverju skemtilegu.
Dýrin tala,
eru sögur um dýrin, þýddar eftir mjög vinsælli sænskri
bók, „Djurens underbara liv“ og er þetta I. hefti af fjór-
um sem eiga að koma út. Mikill fjöldi af dýramyndum er
í bókinni og eru sögurnar sagðar á einföldu og ljettu
máli, og fljettað inní þær sem mestum fróðleik um lifn-
aðarhætti dýranna. Þessi bók er vís til að verða vinsæl
meðal barna og unglinga.
Bæ
ur
handa unglingnm
04 börnum:
Bibi
eftir dönsku skáldkonuna Karin Michelis er nýlega komin út. Bíbí er fjörug
stúlka, sem tekur upp á mörgu og verður ekki ráðafátt. Bók þessi hefir ver-
ið þýdd á mörg tungumál, og alstaðar hlotið hinar mestu vinsældir. Bíbí er
stór bók, 270 bls., prýdd fjölda mynda. — Kostar í kápu kr. 5,75. t fallegu
bandi kr. 7,50.
#' )
I Það gleður jafnt
| gainla $em unga,
Sagan af honum Lubba,
er komin í bókabúðir fyrir nokkrum dögum. Saga þessi verður áreiðanlega
kærkomin yngri lesendunum, enda hefir hún flogið út þessa fáu daga, sem
hún hefir verið til sýnis í bókabúðunum. — Kostar í laglegu bandi kr. 2,00. —
Þetta er því ódýr Jólabók.
Þá má nefna þessar vinsælu bækur:
I)avíð Gopperfield
eftir hið heimsfræga skáld, Charles Dickens.
Landnemar
eftir enska skáldið Frederick Marryat (Marryat kaptein).
ÁRNI OG ERNA. OTTÓ OG KARL. HETJAN UNGA.
Þetta eru bækurnar, sem þið skuluð gefa unglingunum fyrir jólin, þær eru
hver annari betri og skilja eftir góðar endurminningar að loknum lestri.
Þórunn Björnsdóttir.
Miðvikudaginn 4. des. voru
jarðneskar leifar Þórunnar
Björnsdóttur ljósmóður bornar
til grafar. Það mun, eins og
Morgunblaðið sagði, vera vand-
skipað sæti hennar. Mjer fanst
það einkenna hana allra mest
frá öðrum konum, sem jeg
þekki, að alt, sem hún sagði og
gerði var á bjargi bygt. Þetta
fann jeg allra best þegar hún
var komin inn til mín á mínum
þrautastundum hæglát, en viss
í öllu sem þurfti að gera, aldrei
ráðalaus. Það var svo gaman,
að sjá hvað fallega sameinaðist
í henni þrekið og blíðan. Jeg
þakka þjer Þórunn fyrir öll
sporin til mín og alt, sem þú
gerðir fyrir mig og mína. Altaf
þótti mjer vænna um þig eftir
því sem við vorum oftar saman
og jeg skildi þig betur, þá gat
jeg betur notið þess góða og
göfuga, sem ætíð var þjer sam-
fara. Og jeg þakka og man síð-
ustu samfundi er jeg kom að
sjúkrabeð þínum, og hvað and-
litði á þj«r ljómaði er þú fórst
að tala um áhugamálið þitt
mikla, sem ávalt var umtalsefni
okkar er við hittumst í seinni
tíð. Jeg fann að það gladdi þig,
að bæði læknirinn og hjúkrun-
arkonan voru Ijósuböni þín.
líka ágætismanneskjur bæði.
Þannig bar hún ávöxt iðju sinn-
ar, en sjálfsagt hefir hún fyrst
fyrir alvöru fengið laun verka
sinna er hún kom hinum megin
við tjaldið.
Blessuð sje minning þín.
Þökk fyrir alt og alt.
Kona.
X
x
j
X
V
♦,♦
♦♦♦
*
T
t
❖
t
t
t
t
t
t
t
t
t
t
t
t
t
t
t
t
t
t
t
Y
t
♦!♦
að valið hepnist á jólamatnum, gerið því innkaup
,rðar þar sem nógu er úr að velja og vörurnar best-
ar. — Við getum til dæmis boðið yður eftirtaldar
vörur svo eitthvað sje nefnt af öllu því, sem á
boðstólum er:
Gæsir, Endur, Rjúpur, Hænsni.
Grísakjöt, Kálfakjöt, Nautakjöt, Dilkakjöt.
Okkar viðurkenda Hangikjöt og grænar
baunir má ekki vanta á neitt jólaborð.
Glæný egg hjer úr bænum koma daglega.
Allskonar grænmeti, nýkomið, lægsta verð
sem heyrst hefir á árinu.
Ávextir, allar tegundir, með lægsta verði.
(Kaupið ávexti í köldum búðum og geymið þá á köldum stað)
Gjörið svo vel að senda okkur jólapantanir
yðar sem fyrst, til hagsbóta fyrir yður.
Matarversl. Tómasar Jónssonar
Laugaveg 2, sími 1112
Laugaveg 32, Bræðraborgarstíg 16,
Sími 2112. Sími 2125.