Morgunblaðið - 07.01.1940, Blaðsíða 2

2
MORGUNBLAÐIÐ
Hótanir þýskra blaða
við hlutlausu ríkin
Krefjast svars af Svlum
og Norðmönnum
Frá frjettaritara vorum.,
Khöfn í gær.
ARÁSIRNAR á. Norðurlönd í þýsku blöðunum
verða hatramari með hverjum deginum, sem
líður. Aðallega er árásunum beint gegn Sví-
þjóð og Noregi, og hjálp Breta og Frakka til handa Finn-
um er notuð sem tilefni til árásanna. Koma blátt áfram
fram hótanir í garð Svía og Norðmanna í sumum þýsku
blöðunum í dag.
Á fremstu síðu í „Nachtausgabe“ í Berlín birtist í dag
grein með risastórri fyrirsögn, sem segir: „Vesturveldin
ætla að draga Svía og Norðmenn inn í styrjöldinau.
Nachtausgabe vitnar í bresk blöð máli sínu til sönnunar.
Blaðið segir, að Bretar og Frakkar með hjálp sinni til handa
Finnum ætli sjer að hindra flutninga frá Norðurlöndum til
Pýskalands og Vesturveldin ætla sjer að fá flugvjelabækistöðvar
í Svíþjóð til þess að geta þaðar. gert árásir á Þýskaland.
Blaðið heimtar að Norðmenn og Svíar geri grein fyr-
ir því nú þegar, hve Iangt þeir ætla að ganga í að þjóna
V esturveldunum.
„Berliner Telegraf“ segir:
Þýskaland mun aldrei láta
það viðgangast, að vopn og
skotfæri frá Bretum og Frökk-
um verði flutt yfir Norðurlönd
til Finnlands og því síður mun
þýskaland þola að hermenn frá
Vesturveldunum fari yfir Norð-
urlönd til Finnlands.
MÁLMAGN
GÖRINGS
Málgagn Görings „National-
Zeitung" í Essen, ræðst ákaft
á Norðurlönd í dag og krefst
þess, að ráðstafanir verði gerð-
ar til þess að Vesturveldin noti
ekki Svíþjóð og Noreg, sem
skáklaskjól til þess að ráðast
þaðan á Þjóðverja.
Lundúnablöðin halda því
fram, að næstu vikur verði
mjög hættulegir tímar fyr-
ir Norðurlöndin.
Telja þau að Þjóðverjar vilji
umfram alt hjálpa Róssum tij
að vinna sigur, því ef Rússar
bíði ósigur í Finnlandsstyrjöld-
inni, þá minki sigurmöguleikar
Þjóðverja sjálfra.
NARVIK I NOREGI
Bresku blöðin segja, að Þjóð-
verjar geri sjer vonir um að
geta hindrað siglingaleiðir
Breta til Norðurl., ef Moskva
—Berlín möndullinn nái til Nar-
vik í Noregi.
ÖNNUR HLUTLAUS
RÍKI
Það vakti mikla athygli í dag,
er hollenska stjórn.in tilkynti,
að Hollendingar myndu beita
vopnavaldi ef tilraun yrði gerð
til þess að ráðast inn í land
þeirra. Hollenska stjórnin hefir
áður gefið út samskonar yfir-
lýsingar og ýmsar getgátur
koma fram um það hversvegna
þessi yfirlýsing skyldi koma
fram einmitt nú.
Telja margir að Þjóðverjar
hafi aðvarað Hollendinga. Þýsk
blöð hafa undanfarið haldið
uppi árásum á Holland og Bel-
gíu og meðal annars talað um
þessi ríki, sem „hin svonefndu
hlutlausu ríki“.
Hollendingar sjálfir segja, að
yfirlýning þessi sje fram kom-
in vegna þess, að í erlendum
blöðum hafi það verið dregið í
efa, að Hollendingar hefðu
nægilega traustan her til þess
-að verjast innrás í landið.
STERK STJÓRN
I BELGÍU
I Belgíu hefir hin nýja ríkis-
stjórn haldið fyrsta fund sinn. Er
þetta, stjórn, Sem er fámennari en
sú, er áður sat og sterkari. Nýja
stjórnin ætti því að vera fljótari
til að taka ákvarðanir, ef eitthvað
mikilvægt skyldi koma fyrir.
RÚMENAR
SEM EINN
Carol konungur í Rúmeníu hjelt
ræðu í Bessarabíu í dag, en sá
landshluti tilheyrði áður Rúss-
landi, og oft hefir komist á kreik
fregnir um að Rússar hefðu hug á
að ná Bessarabíu aftur undir sig.
Carol konungur sagði, að Rúm-
enar myndu ekki láta aftur eitt
fet af landi sínu og sagði, að
Rúmenar myndu verjast hverri
innrás sem einn maður.
Fangelsi fyrir að
hlusta á erlendar
frjettir
landbúnaðarverkamenn í
Þýskalandi hafa verið dæmd
ir í 12 til 18 mánaða fangelsi fyr-
ir að lilusta á breskar útvarps-
sendingar.
Maður nokkur í Hamborg, gest-
gjafi, og 2 menn aðrir hafa verið
dæmdir í þriggja ára fangelsi fyr-
ir að hlusta á erlent útvarp.
Hvers vegna
Hore Belisha
varð að fara?
Frá frjettaritara vorum.
Khöfn í gær.
að kom allri bresku þjóð-
inni á óvart að Hore Belisha
hermálaráðherra skyldi láta af
embætti sínu. öll ensku blöðin
Iáta í dag undrun sína í Ijósi
og segja eitthvað meira búi
undir þessu en það, sem fram
kom í brjefaskiftum Chamber-
lains og Hore Belisha.
öll taka blöðin undir það
með Chamberlain, að Hore Bel-
isha hafi rækt embætti sitt af
dugnaði og kostgæfni, en sum
blöð gefa í skyn, að ósamkomu-
lag við herforingjana hafi vald-
ið því, að hann varð að fara.
Sagt er að Cþamberlain hafi
látið undan kröfum herforingj-
anna eftir að hann heimsótti
hermennina á vígstöðvunum ný-
lega.
Öllum ber saman um að he.r-|
málaráðherraskiftin muni ekki
breyta neinu um stríðsfyrirætl-
anir Breta.
Hore Belisha var boðið sæti
verslunarmálaráðherrans í
bresku stjórninni, sem þykir
hin mesta virðingarstaða, en
hann vildi ekki taka við því.
Aftur á móti eru bresku blöð-
ih sammála um að vel hefði far-'
ið, að útbreiðslumálaráðherrann
Ijet af embætti, og fagna komu
John Reith í það embætti.
Búist er við, að þar sem John
Reith er ekki þingmaður, verði
líonum fengið sæti í neðri deild
þingsins, sem fulltrúa fyrir
Cambridge háskóla.
Rússneski kafbáturinn
skaut 100 skotum
á sænska skipið
Frá frjettarítara vorum.
Khöfn í gær.
kipshöfnin á sænska skipinu
„Fánrik", sem rússneskur
kafbátur skaut í kaf í Botniska
flóanum í gær, er komin til
hafnar í Svíþjóð. Skipshöfnin er
ÖII ósærð.
Skipverjar segjast ekki vera
í neinum vafa um að kafbátur-
inn hafi verið rússneskur.
Kafbáturinn kom upp um 400
metra frá ,,Fánrik“ og hóf þeg-
ar skothríð á skipið úr fallbyssu
á framþilfari.
Fyrstu skotin hittu reykháf
skipsins og stjórnpall. Alls var
skotið 100 skotum á hið sænska
skip.
Sunnudagur 7. janúar 1940.
ipiniiiiiiiiHiiiiiiiiiiiiiíniiiniiiiiiiiiiiiininiiininiiiiiiiiniiiiiiiiiiiiiiiiHiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiinj
iFlagspren^iur ádanskri grund|
Nýlega fundust fjórar flugvjelasprengjur hjá bóndabæ hjá Höjer
á Suður-Jótlandi. Sprengjumar höfðu grafist uni meter niður í mýr-
lendið. Þær vógu 250 kg. hver. — Á myndunum sjest, ér verið er að
flytja sprengjurnar með hestum og á neðri myndinni sjest ein af
sprengjunum.
Rússar grafa skotgrafir
á Kirjálaeiði: Búast við
langvarandi stríði
Frá frjettaritara vorum.
Khöfn í gær.
RÚSSNESKI HERINN er nú farinn að grafa
sjer skotgrafakerfi á Kirjálaeiði. Hafa þeir
einnig byrjað á að leggja tvöfaldar gadda-
vírsgirðingar fyrir framan herbúðir sínar.
Þetta þykir benda til þess, að Rússar hafi nú gefið upp alla
von um að þeir sigri Finna bráðlega og þess vegna búi þeir
um s.ig þarna, svo vel sem unt er.
Rússar hafa haldið uppi skot-
hríð á Mannerheimlínuna, en
ckki hafa þeir reynt að gera
áhlaup á varnarvirki Finna. Er
búisf við að þeir muni ekki
reyna að hefja þarna sókn fyr
en siðar í vetur, eða með vorinu.
HERSLEÐAR
Sumar fregnir herma þó, að
ein hætta sje Finnum búin, en
hún sje sú, að Rússar komi á ís
yfir Ladogavatn og ráðist á
hægri arm finska hersins, sem
berst norðan vatnsins. Eru
Rússar farnir að nota vjelknúna
hersleða á ísnum á vötnunum í
Finnlandi.
Hernaðartilkynningar Finna í
dag segja, frá orustum við Salla
og sigri í lofti. Voru 8 rúss-
neskar flugvjelar skotnar niður
í gær og tvær urðu að nauð-
lenda.
Konur og börn fórust 1 gær í
loftárás, sem rússneskar flug-
vjelar gerðu á óvíggirta bæi í
Mið- og Norður-Finnlandi.
SKAUT NIÐUR
6 FLUGVJELAR
I dag gerðu níu rússneskar
flugvjelar árás á bæ einn skamt
fyrir norðan Helsingfors. Finsk-
ar flugvjelar hófu síg til flugs
og lögðu til orustu við Rússana.
Átta af níu flugvjelum voru
skotnar niður.
Þar af skaut einn finskur
flugmaður niður 6 rúss-
neskar flugvjelar.
Á noróurvígstöðvunum hefir
lítið verið um hernaðaraðgerðir,
enda er kuldinn þar óskaplegur.
Finnlandssöfnunin
innlandssöfnunin var í fyrra-
*- dag komin upp í krónur
102,182,00.
Að því er ritari Norræna fje-
lagsins skýrði Morgunblaðinu
frá í gær, er enn von á nokkru
söfnunarfje utan af landi.
Söfnunin nálgast nú brátt að
verða svo mikil, að samsvari
einni krónu á hvern íbúa í land-
inu.
Danska útvarpið flytur í dag
kl. 10,25 eftir íslenskum tíma
alþýðutónleika undir stjórn
Fritz Busch og tekur ungfrú
María Markan þátt í hljómleik-
unum sem einsöngvari. FÚ.