Morgunblaðið - 06.04.1957, Qupperneq 9

Laugardagur 6. aprfl 1957
MORCVNBJAÐIÐ
9
Fjárhagsáæilun
Siglufjarðar
SIGLUFIEÐI, 4. apríl: — A fundi
bæjarstjómar Siglufjarðar í gær
var gengið frá f járhagsáætlun
bæjarins, fyrir yfirstandandi ár.
Samkvæmt áætluninni verður jafn
að niður í útsvörum á Siglufirði,
kr. 4.530.000 eða um 20% hærri
upphæð en sl. ár.
Stærstu atvinnufyrirtækin hér í
bænum eru í eign ríkis og bæjar
útsvarslaus, svo þungi útsvaranna
hvílir nær allur á hinum almenna
gjaldanda. Aðrir tekjuliðir- áætl-
unarinnar eru m.a. fasteignagjöld
kr. 450.000, umsetningargjald á-
fengisverzlunarinnar kr. 225.000,
umsetningargjöld hraðfrystihúss
og síldarverksmiðja (SR) kr.
195.000.
Helztu gjaldaliðir eru til al-
mennra trygginga, sjúkrasamlags,
og annarra lýðhjálpar, 1.050.000
kr., menntamál þar í skólabygg-
ingar og íþróttamál, 1.171.000 kr.,
framfærzlumál rúm 500 þús.,
þrifnaðarmál 249.000 kr., lög-
gæzla 351.000 og stjórn bæjarins
315.000 kr. Niðurstöðutölur áætl-
unarinnar eru alls kr. 5.943.000.
— Stefán.
Starfsmenn gefi mat-
a?t á vinmislað
ÞEGAR lokið er smíði rúmgóðrar
matstofu og eldhúss í skrifstofu-
húsnæði Reykjavíkurbæjar að
Skúlatúni 2, er gert ráð fyrir því
að starfsfólkið, sem vinnur þar
þurfi ekki að fara heim til sín
í hádegismat, heldur geti snætt
þar á staðnum.
Þetta upplýsti borgarstjóri á
fundi bæjarstjórnar í gær. Var það
í tilefni þess, að Þórður Björns-
son spurði um hvort ekki ætti að
breyta matmálstímum starfs-
manna bæjarins.
Auk þess sem slik matstofa
verður að Skúlatúni 2, upplýsti
borgarstjóri að í útboðsskilmálum
um samkeppni að ráðhúsi Reykja-
víkur, sem ráðhúsnefnd væri að
ganga frá, væri gert ráð fyrir mat
stofu fyrir starfsfólkið. Þannig
yrði starfsmönnum gert kleift að
sleppa við ferðir um hádegið.
— Útsýn
Framh. af bls. 8
farið víða um Spán og stanzað
í París í annarri leiðinni.
Ferðaáætlun Útsýnar er sam-
in af þaulvönum ferðamönnum,
sem hafa að baki sér margra ára
reynslu af hópferðum erlendis.
Það er skoðun þeirra, að forðast
verði of hraða ferð, svo að þátt-
takendur fái notið náttúrufegurð-
ar, fróðleiks, hvíldar og skemmt-
unar, enda hefur tilhögun og
þjónusta í ferðurn félagsins und-
anfarin sumur hlotið einróma
lof þeirra, sem reynt hafa. Full-
skipað var í ferðum félagsins s.L
sumar, og voru allir farseðlar
pantaðir á nokkrum dögum. Flest
ir voru þátttakendur ungt fólk,
enda er tilhögun ferðanna eink-
um miðuð við hæfi þess og áhuga
mál.
Hópferðalög ry ðja sér æ meira
til rúms um allan heim, sökum
þess að þau eru ódýrari og spara
ferðamanninum áhyggjur og
margháttaða erfiðleika. Auk þess
verður ferðalagið stórum ánægju
legra í hópi glaðváerra félaga.
Kostnaði er mjög stillt í hóf
í ferðum félagsins, og þrátt fyrir
hina nýju skatta munu þátttöku-
gjöld ekki hækka tilfinnanlega
frá síðasta ári.
Skrifstofa Útsýnar í Nýja-Bíói
við Lækjargötu er opin mánud.
til föstud. kl. 5—7 síðdegis, sími
2990, og eru þar veittar allar
nánari upplýsingar um ferðir fé-
lagsins.
Góður úrungur í öllum
greinum d KR-mótinu
i SUNDMÓTI KR, sem fram fór í fyrrakvöld, settu þau enn met
il Guðmundur Gíslason ÍR og Ágústa Þorsteinsdóttir Á, þessar
tvær skæru stjörnur í hópi sundfólksins. Guðmundur bætti met
sitt í 50 m baks. um 1/10 úr sek. en gamla metið er fárra vikna
gamalt. Ágústa hnekkti íslandemeti Þórdísar Árnad. í 50 m bringu-
sundi; bætti það um 6/10 úr sek, en met Þórdísar hefur staðið í 7
ár. Bæði þessi met eru einnig ungiingamet.
7/10 UR SEKUNDU
Þó metin að þessu sinni yrðu
ekki fleiri, náðist góður ár-
angur í flestum greinum. Þann
ig vann Helgi Sigurðsson ör-
uggan sigur í 200 m sundinu
og var 7/10 úr sek. frá metinu.
í skriðsundi drengja vantaði
Guðm. Gísiason 7/10 úr sek.
til að jafna drengjamet Péturs
Kristjánssonar, en Guðmund-
ur var í sérflokki í þessari
keppni. I boðsundinu skorti
sveit Ármanns 7/10 úr sek.
upp á metið. Þannig brustu
margar vonir um ný met.
FAIXA FLEIRl
Keppni mótsins var í flestum
greinum skemmtileg. Athyglis-
verðar eru framfarir stúlknanna
í 50 m bringusundi. Sú hin yngsta
þeirra, Hrafnhildur, hefur nú
þrisvar keppt í vetur, fyrst náði
hún rúml. 44 sek., síðan rúml. 43
og nú 42,1 sek. Kannski það verði
hún sem hnekkir fleiri metum
Þórdísar.
200 m skriðsund karla: 1. Helgi
Sigurðsson Æ 2:19,7. 2. Pétur
Kristjánsson Á 2:20,6. 3. Gylfi
Guðmundsson ÍR 2:26,4. 4. Guðm.
Gíslason ÍR 2:27,2.
100 m skriðsund kvenna: 1. Ág-
ústa Þorsteinsdóttir Á 1:10,6. 2.
Margrét Ólafsd., Á 1:28,4. 3. Hjör
ný Friðriksdóttir Á 1:32,2.
100 m bringusund karla: 1. Þor-
geir Ólafsson Á 1:16,9. 2. Ólafur I
Guðmundsson Á 1:17,4. 3. Torfi
Tómasson Æ 1:20,5. 4. Magnús
Guðmundsson ÍBK 1:22,7.
100 m bringusund drengja: 1.
Einar Kristinsson Á 1:21,2. 2.
Hörður Finnsson ÍBK 1:22,5. 3.
Birgir Dagbjartsson SH 1:22,6. 4.
Emil Ingólfsson Á 1:24,2.
50 m baksund karla: 1. Guðm.
Gíslason ÍR 32,7; met. 2. Ólafur
Guðmundsson ÍR 33,1. 3. Stein-
þór Júlíusson Á 35,5.
50 m baksund kvenna: 1. Helga
Haraldsdóttir KR 38,5. 2. Helga
Þórðardóttir KR 44,5.
50 m baksund telpna: 1. Ágústa
Þorsteinsdóttir Á 40,3. ísl. met.
2. Sigríður Sigurbjörnsdóttir Æ
41,0. 3. Bergþóra Lövdahl ÍIl
41,5. 4. Hrafnhildur Guðmunds-
dóttir ÍR 42,2.
50 m skriðsund drengja: 1. GuS
mundur Gíslason ÍR 28,1. 2. Sólon
Sigurðsson Á 29,9. 3. Gunnar
Benediktsson SH 31,7. 4. Guðl.
G. Jónsson Á 32,0.
4x50 m bringuboðsund karla:
1. Ármann 2:21,4. 2. Ægir 2:26,0.
3. ÍR 2:27,3. 4. B-sveit Ármanns
2:32,5.
Vilhjálmur Einarsson reynir enn
við metið í hástökki án atrennu,
en hann hefur hætt það um 13
sm í vetur!
Frjólsíþróttoi
cð Hólegolaiidi
d morgun
Á morgun verður hald'ð að
Hálogalandi innanhússmót í
frjálsum íþróttum. Er það Frjáls
íþróttaráð Reykjavíkur sem sér
um þetta mót, en það er haldið í
tilefni af 25 ára afmælis ráðsins,
sem var 1. marz.
Keppt verður í atrennulausu
stökkunum, þrístökki og lang-
stökki, hástökki með og án at-
rennu, stangarstökki og kúlu-
varpi. Meðal keppenda má nefna
Vilhjálm Einarsson sem á metin
í öllum atrennulausu stökkun-
um, Valbjörn Þorláksson í stang-
arstökki og Guðmund Hermanns-
son og Skúla Thoroddsen í kúlu-
varpi. Nú eru allir frjálsíþrótta-
mennirnir komnir í góða þjálfun
og má því búast við góðum ár-
angri og harðri keppni. Mótið
hefst kl. 2 e.h.
Af erl. vettvangi
ÞÝZKT KVENNALANDSLIÐ
í KNATTSPYRNU
Þýzkar konur hafa nú nokkuð
almennt tekið að leggja stund á
knattspyrnu. f septembermánuði
s.l. fór fram landsleikur í knatt-
spyrnu milli kvennaliða Þýzka-
lands og Hollands og unnu hinar
þýzku með 2:1. Nú leita þýzku
stúlkurnar víða fyrir sér utan
lands síns að mótherjum. Hefur
m.a. komið til greina Svíþjóð,
England, Rússland og Danmörk.
Danir telja hæpið að þeir myndi
landslið, þó kvennalið hafi þar
oft sézt leika knattspyrnu.
KUTZ VANN * PARÍS
Nýlega fór i,jm fyrir tilstilli
franska blaðsins l’Humanité 10
km víðavangshlaup og var mörg-
um boðin þátttaka. Sigurvegari
varð Kutz, Rússinn sem vann
bæði 5 og 10 km hlaupið í Mel-
bourne. Tími hans var 29:58,6. —
Annar varð Pólverjinn Krzysz-
kowiak á 30:06,0, en Rússinn
Bassalaev og Þjóðverjinn Por-
badnik urðu jafnir í 3. sæti á
30:0,8,0.
HINN frægi enski knattspyrnu-
maður, Stanley Matthews, lék
ekki með liði sínu Blackpool um
sl. helgi. Ástæðan var sú að hann
meiddist á fæti er hann lék
tennis við 12 ára gamlan son sinn.
Ekki er vitað hvort Matthews
verður orðinn það góður í fætin-
um að hann geti leikið með lands-
liðinu gegn Skotlandi, en sá leik-
ur á að fara fram í kvöld (6.
apríl).
Vilhjálmur Einarsson:
Um Ólympmbókina
í MBL. fyrir skömmu birtist
greinarkorn eftir Thorolf Smith
blaðamann, sem hét: „Engill sem
flýgur lóðrétt". Var grein þessi
svar við yfirlýsingu, sem Jakob
Hafstein formaður Í.R. gerði við-
víkjandi klausu sem birtist í
Mánudagsblaðinu þ. 25. marz.
Það má því segja að upphaf þess-
ara skrifa hafi verið næsta lítil-
fjörleg, þar sem Mánudagsblað-
ið er, en úr því að leikurinn er
hafinn, þykir mér rétt að útskýra
nokkuð mitt sjónarmið í sam-
bandi við umræddar línur í
Ólympíubókinni, sem eru 34 tals
ins, þar sem skoðanir fyrrnefnds
blaðamanns eru til umræðu.
Þegar ritað er um undirbúning-
inn undir Ólympíuförina, hvað
er þá eðlilegra en að getið sé um
skoðanir, sem koma fram í út-
varpinu og eru bein ádeila á gerð
ir Ólympíunefndar, sem þá hafði
fyrir skömmu ákveðið að senda
tvo þátttakendur til Melbourne.
Auðvitað átti blaðamaðurinn
mjög góða möguleika á því að
segja á eftir: „Þetta sagði ég!“
Víst voru líkurnar 10:1 að hér
væri „uppsláttaratriði“ fyrir Th.
Smith.
Það kemur svo fram í fyrr-
nefndri blaðagrein Th. Smith að
hann hafi ekki álitið ranga þátt-
töku íslands í Ólympíuleikunum,
heldur aðeins talið rangt að
senda spretthlaupara til leikanna.
Sé þetta rétt, og ef útvarpser-
indið var aðeins umkvörtun um
hverjir sendir skyldu, á ádeila
mín í bókinn engan rétt á sér,
og bið ég Th. Smith auðmjúk-
lega afsökunar. Það er þó' svo,
að ég fæ ekki gleymt ummæl-
um í þá átt að enginn mundi
sakna íslenzka fánans í Mel-
bourne, að þýðingarlaust væri að
senda okkar menn almennt
keppm við storveldin. Benti Th.
Smith e. t. v. á einhverja aðra
en spretthlaupara sem átti að
senda?
Það hefur enn ekki komið fram
þýðingarmikið atriði í sambandi
við umrætt útvarpserindi, en hins
vegar hefur orðið misræmi í um
mælum síðar. Mánudagsblaðið
segir: „. . . í ritinu (Ólympíu-
bókinni) er grein, þar sem ráðist
er ómaklega á einn blaðamann
fyrir skoðanir hans á utanferðum
íþróttamanna . . .“ Það er alls
ekki um að ræða skoðanir á ut-
anferffum íþróttamanna, heldur
á þátttöku í Oíympíuleikunum.
Sé til nokkurt íþróttamót í heim
inum, þar sem árangur skiptir
í raun og veru litlu máli, þá eru
það einmitt Ólympíuleikarnir.
Leikarnir hafa slíkt menningar-
gildi, og þjóðirnar kappkosta svo
mjög að taka þátt í þeim þrátt
fyrir litla sigurmöguleika, en ein-
mitt þetta gerir leikana slíka
íþróttahátíð, sem þeir eru. Kjör-
orð leikanna er að mikilvægast sé
að taka þátt í þeim og keppa
drengilega, ekki að sigra. Frá
þessu sjónarmiði, sem allir þeir
menn þelrkja sem mikið hafa
fengizt við framkvæmd þessara
mála, sér í lagi Ólympíunefndin,
verður sjónarmið Th. Smith enn
hæpnara. Og hví að vera að
kveða upp úr eftir að þetta var
útkljáð? Hefði ekki verið upp-
byggilegra að vara við vítinu í
tíma?
Ég hef þegar útskýrt að nokkru
þær „dulrænu hvatir“ sem urðu
til þess að fyrrnefnds útvarpser-
indis var getið í Ólympíubókinni.
Til frekari skýringar, vil ég
geta um fyrirkomulág míns þátt-
ar í bókinni: Vegna þess hve
ferðin var mér happasæl, fannst
mér rétt að nota þætti úr dag-
bókinni, sem upphaflega voru
ekki ætlaðir til birtingar, en sýna
bgtur hugarfarið og hugsanagang
inn á hverjum tíma í ferðinni, en
lýsing á eftir getur gert. Vegna
þess að ég álít að allur árang-
ur byggist að miklu á sálará-
standinu, þótti mér sem þetta
gæti orðið íþróttamönnum að
gagni. Umræddur kafli, þar sem
vikið er að Th. Smith var skrif-
aður í flugvél, 21. okt. eins og
bókin ber með sér, og við vorum
að leggja af stað að heiman. Ég
hafði fyrir nokkrum vikum ver-
ið gestur í Tivoli við fegurðar-
samkeppnina No. 2 sama sum-
arið og þar hafði Thorolf Smith
gengið fram og verið kynnir.
Rétt áður en við lögðum upp í
ferðalagið bárust úrslit keppn-
innar frá London, sem kunn eru,
og í saiaa mund kom Th. Smith
fram í útvarpinu með áðurnefnt
erindi. Mér datt í hug að reynsl-
an úr fegurðarkeppninni hefði
valdið afstöðu hans til þátttöku
á Ólympíuleikunum. Þegar að
því kom að ákveða hvort þetta
skyldi fellt niður úr dagbókinni,
og vissulega kom það til álita,
fannst mér það ástæðulaust, hér
væri í hæsta lagi um að ræða
misheppnaða fyndni, sem kæmi
harðast niður- á þeim sem not-
aði hana. Ef einhver sér ástæðu
til þess að lesa persónulega árás
á Th. Smith úr þessum línum, eða
á milli þeirra, harma ég miö'* að
hafa ekki í tíma fjarlægt þær.
Það væri fjarri mér að standa
í illindum við Thorolf Smith.
Þvert á móti hef ég ávallt haft
hinar mestu mætur á honum sem
blaðamanni, en hefi aldrei talað
við hann persónulega, er ókunn-
ugur um hans einkalíf og hef
aldrei ætlað mér að gera árás
á hann, aðeins umrætt erindi.
Ég get ekki neitað því, að erind-
ið olli mér vonbrigðum, ekki sízt
vegna þess að það kom frá
Thorold Smith og alls ekki vegna
þess að ég teldi nærri mér
höggvið. Ég varð enn fyrir von-
brigðum er ég las umrædda grein
í Morgunblaðinu. Ég vissi að
Ólympíubókin yrði ekki óaðfinn-
anleg, en í von um að hún gæti
orðið einhverjum til gagns eða
gamans, skrifaði ég hana á ó-
nógum tíma og við erfið skil-
yrði. Útgáfudagur var bundinn
við 11. marz (50 ára afmæli f.R.)
og ég í starfi utan bókarskrift-
anna. Þess vegna slæddist eitt
orð inn í texíann, sem mig
skorti góða þýðingu á. Þetta orð
var „celebrate", sem í setning-
unni varð „celebarte“. Segja má
að allt þetta hafi ekki orðið til
einskis, því þetta undraorð,
„celebarte", verður uppistaðan í
grein Thorolfs Srnith, sem skort-
ir hugkvæmni til að víxla a og r,
en til að leysa úr þessari torráðnu
gátu mætti fræða Th. Sm.th á
því, að celebrate er enska, og
Þýðir að halda hátíðlegt, halda
upp á hátíð, o. fl.
Að endingu þakka ég Th.
Smith fyrir það óbeina hrós, sem
því fylgir að hann hefur lesið
Ólympíubókina, a. m. k. aftur að
bls. 66. Það sýnir sig einnig að
bókin hefur ekki komið út til
einskis, því með henni hefu. nafn
Th. Smith verið gert ódauðlegt,
svo sem hann sjálfur segir.
Vilhjálmur Einarsson.