Morgunblaðið - 17.04.1958, Blaðsíða 19

Fimmtuda^ur 17. apríl 1958
MOnCVlKBLAÐIÐ
19
— ísl. tillagan
Framh. af bls. 1.
væru 12 mílna fiskifriðunartak-
mörk mikilvæg. En reyndust 12
mílurnar ekki nægilegar, væri
nauðsynlegt að gera ráð fyrir við-
bót, sem miðaðist við þarfir frem-
ur en ákveðinn mílufjölda.
Benti Hans G. Andersen á, að
sumir teldu íslenzku tillöguna
ganga of langt, svo að hún veitti
ýmsum þjóðum möguleika til mis
notkunar. Kvað hann íslenzku
nefndina vera fúsa til samvinnu
til að fyrirbyggja slíkt, t. d.
þrengja tillöguna og fallast á þá
tiliögu margra þjóða að bæta
gerðardómsákvæði við hana. Fór
Andersen fram á samvinnu allra
fulltrúanna um slíka lausn.
★
f umræðunum talaði Wall,
fiskimálastjóri Breta, gegn tillög-
unni og gagnrýndi almennt af-
stöðu íslendinga ög óskir þeirra
í landhelgismálunum. Ræða Walls
var allharðskeytt, og benti hann
á, að 200 milljónir manna byggju
við Norðursjóinn. Það, sem úr
Norðursjónum aflaðist, hrykki
ekki til, og því yrðu stórþjóðirn-
ar að leita á miðin í Norður-
Atlantshafi. Á svæðinu frá Ný-
fundnalandi að Spitzbergen byggi
aðeins 1 milljón manna, á íslandi,
Grænlandi og Færeyjum aðeins
200 þúsund. Ekkert réttlæti væri
í því, að slíkt fámenni sæti
að auðugustu fiskimiðunum,
meðan 200 millj. manna skorti
fisk.
★
Sú röksemd íslendinga og ann-
arra, að stóru fiskveiðiþjóðirnar
eyddu smám saman fiskistofnin-
um með ofveiði, væri röng
★
Sagði Wall, að Davíð Ólafsson,
fiskimálastjóri, hefði með réttu
kveðið íslendinga vera hlutfalls-
lega mestu fiskiþjóð heims. því
að árlega veiddust 3 lestir á
hvern íbúa. Bretar hefðu skýrslu
um veiði sína á fslandsmiðum í
500 ár. Þeir hefðu fiskað þar ,að
staðaldri í 70—80 áur. Það lítur
því sannarlega ekki út fyrir, að
við Englendingar höfum eytt
fiskistofninum á íslandsmiðum
þrátt fyrir langvarandi veiðar,
sagði Wall. Auðveldlega má
koma í veg fyrir ofveiði, sem ís-
lendingar óttast, með þeim
ákvæðum, sem þegar hafa verið
samþykkt hér á ráðstefnunni um
fiskfriðun og vernd fiskimiða.
Augljóst sanngirnismál væri, að
fiskiþjóðirnar mættu sækja fjar-
læg mið. Að baki þessari afstöðu
Breta liggur hvorki gróðavon eða
heimsyfirráðastefna, sagði Wall.
Taldi hann þessa stefnu Breta
alls ekki ógna hagsmunum lítilla
strandríkja.
Stjórn Gaillards fallin
Alvarlegar horfur í frönskum
stjórnmálum
Fréttir í stuttu máli
ACCRA, 16. apríl — Fulltrúi upp
reisnarmanna í Alsír á ráðstefnu
Afríkuríkjanna í Accra gerir á
morgun grein fyrir baráttu upp-
reisnarmanna.
LONDON, 16. apríl — Alþjóða-
samband útgerðarmanna sam-
þykkti í dag á fundi í London, að
öll skip, er sigldu um Súez-skurð-
inn, skyldu greiða 3% af sigl-
ingargjaldinu aukalega — og
skyldi það renna til greiðslu á
hreinsun Súez-skurðarins í fyrra.
PARÍS, 16. apríl — Stjórn Gail-
lards féll í nótt. Kommúnistar
og íhaldsmenn greiddu báðir at-
kvæði gegn stjórninni, er Gaillard
leitaði trausts þingsins á afstöðu
sinni til Túnismálanna, en hann
vildi ganga til samkomulags við
Túnisstjórn á grundvelli sátta-
tillagna Murphys og Beeleys. At-
kvæði féllu þannig, að 255 þing-
menn studdu stjórnina, en 321
greiddi atkvæði gegn ftenni. Hin
fimm mánaða gamla stjórn
Gaillards, sú 23. síðan styrjöld-
inni lauk, hafði þar með beðið
ósigur — og baðst Gaillard þeg-
ar lausnar.
Enda þótt kommúnistar og
íhaldsmenn séu á öndverðum
meiði hvað viðvíkur stefnunni í
málefnum N-Afríku, stóðu þeir
saman í atkvæðagreiðslunni að
fáeinum íhaldsmönnum undan-
skildum. Kommúnistar telja eðli-
legt að uppreisnarmenn í Alsir
fái stuðning frá Túnis, en íhalds-
menn vilja ekki slaka til í neinu
við Túnisbúa. Þó hafði Gaillard
tekizt að fá ^okkra íhaldsmenn
á sitt band áður en yfir lauk.
Coty Frakklandsforseti hefur
átt viðræður við fjölda stjórn-
málaleiðtoga í dag og kynnt sér
viðhorf þeirra og afstöðu til
deilumálanna. Stjórnarkreppa
þessi er álitin mjög alvarleg, en
enn sem komið er gera menn sér
litlar vonir um að hún leysist
skjótlega eða farsællega. Má því
segja, að ástandið sé meira en
alvarlegt.
Leiðréfting
í FRÉTT í blaðinu í gær um út-
för Ásgríms Jónssonar, listmál-
ara, var komizt svo að orði, að
menn úr Sinfóníuhljómsveit ís-
lands hefðu blásið á lúðra fyrir
utan heimili hins látna lista-
manns. Var hér um að ræða
menn úr Lúðrasveit Reykjavík-
ur. Eru lesendur beðnir velvirð-
ingar á þessu ranghermi.
I. O. G. T.
St. Andvari nr. 265
Fundur í kvöld kl. 8,30. — Inn-
taka. Hagnefndaratriði. — Æ.t.
— Landhelgin
Frh. af bls. 1
til máls og lagði til, að önnur
ráðstefna yrði kvödd saman inn-
an tveggja ára til þess að endur-
skoða samþykktir þessarar ráð-
stefnu. í fyrri tiilögu Kanada
var gert ráð fyrir að lögsögu-
landhelgin yrði þrjár mílur, cn
fiskveiðilandhelgi tólf mílur.
Sagði Kanadamaðurinn, að úr því
að Bretar og Bandarikjamenn,
sem ættu helming kaupskipaflota
heims, hefðu horfið frá þriggja
mílna lögsögulandhelginni væri
heimskulegt af Kanada að binda
sig áfram við hana. Þess vegna
hefðu Kanadamenn ásamt Ind-
verjum og Mexico borið fram
tillögu um sex mílna landhelgi —
og að strandríki heiðu einkarétt
til fiskveiða á sex milna belti
þar fyrir utan. Bandaríkjamenn
hefðu áður verið samþykkir til-
lögu Kanada þar sem gert var
ráð fyrir tólf mílna fiskveiðiland-
helgi, en ef gengið yrði að hinni
nýju tillögu Bandaríkjamanna
væru tólf mílurnar þar með tekn
ar af dagskrá. Ríkin þrjú lýstu
því yfir að þau mundu aidrei
fallast á að erlendum þjóðum
yrði leyft að veiða innan
jex mílna landhelgi.
Meðal þeirra, sem Coty hefur
rætt við, er Pinay, leðitogi óháðra
íhaldsmanna, sem eiga einna
drýgstan þátt í falli stjórnar
Gaillards. Pinay er í hópi þeirra,
sem taldir eru líklegir til þess
að reyna stjórnarmyndun. Enda
þótt erfitt sé að spá um það
hvaða stjórnmálamaður (eða
hverjir) séu líklegir til þess að
reyna stjórnarmyndun, eru ýms-
ar getgátur á lofti. Pflimlin, fjár-
málaráðherra Gaillardstjórnar-
innar — úr lýðræðislega þjóð-
flokknum, er meðal þeirra — svo
og Pleven fyrrum landvarnaráð-
herra. Margt þykir benda til þess
að erfitt verði að mynda sam-
steypustjórn eins og málum er
komið, og þykir líklegt að reynt
verði að mynda minnihlútastjórn.
Adenauer
hjá Macmillan
LONDON, 16. apríl. — Adenauer
kanslari kom til London í dag og
hélt þegar til fundar við Mac-
millan forsætisráðherra í Down-
ingstreet 10. í leiðinni kom Ad-
enauer við í Clarence House,,
aðsetri Elisabetar drottningar-
móður og Margrétar prinsessu,
og skráði nafn sitt í gestabók
hússins.
Munu viðræður þeirra Mac-
millans aðailega fjalla um
Þýzkalandsmálin með tilliti til
þess að þau verði rædd á hugs-
anlegura ríkisleiðtogafundi.
Síðari fregnir herma, að Aden-
auer og Macmillan hafi verið al-
gerlega sammála í öllum atriðum
við umræðurnar í dag.
í kvöld snæðir Adenauer hjá
Elísabetu drottningu.
Samkomur
K. F. U. M.
Fundur í kvöld kl. 8,30. Sýnd
verður séra Friðriks-niynd Ös-
valds Knudsens. Allir karlmenn
velkomnir.
K. F. U. K_____Ud.
Saumafundur og kaffi i kvöld
kl. 8,30. Dagskrá: 1. Framhalds-
sagan. — 2. Frásögn hjúkrunar-
nemans. — 3. Hugleiðing, Helga
Hróbjartsdóttir kennari.
Sveitastjórarnir.
Hjálpræðisherinn
1 kvöld kl. ^0,30: Almenn sam-
koma. Allir velkonuiir.
SAMKOMAN
er i Mjóstræti 3 í kvöld kl. 8,30.
Stefán Kunólfsson, Litia-Holti.
Filadelfía
Almenn samkoma kl. 8,30. —
Ester Nilsson og fleiri tala. A'll-
ir velkomnir.
DICTAFONM
eða Iítið segulbandstæki óskast keypt. Tilboð sendist
afgr. Morgunbl. merkt: — „8361“.
Rýmingarsala Rýmingarsafa
I dag og næstu daga seljum við alla okkar morgun-
sloppa og kjóla á mjög lágu verði.
Notið þetta einstæða tækifæri. Verð frá 95 krónum.
|M ARKAÐURI NN|
Tempalarasundi.
Hjartanlega þakka ég gjafir, skeyti og aílan hlýhug á
sjötugsafmæli mínu, Einnig ágætar viðtökur og fyrir-
greiðslu á ferðalaginu.
Guð blessi ykkur öíi.
7. apríl 1958
Guðrún Guðmundsðóttir,
Sveinungseyri, Gufudalssveit.
Hjólbarðar
750x20
825x20
P. Stefánsson hf.
Hverfisgötu 103
Sími13450
Húseigendur athugið!
Get bætt við mig málningarvinnu utanhúss og innan.
Unnið eftir tímavinnu.
ERLINGUR PAT.SSON
málarameis 100:1. — Sími 10910.
Konan mín
MARf A JÓNSIIÓTTIR
lézt af slysförum þriðjudaginn 15. apríl. Jarðarförin aug-
lýst síðar.
Fyrir mína hönd og annarra vandamanna.
Júníus Ólafsson
Arnarbæli v/Breiðholtsveg.
ÞORVALDUR ÁRNASON
fyrrv. skattstjóri
andaðist í Landakotsspítala að kvöldi 15. þ.m.
Ingibjörg Guðmundsdóttir og börnin.
Bróðir minn
HELGI PÉTURSSON
andaðist 8. þ.m. að heimili sínu Kaplaskjólsvegi 41.
Jarðarförin ákveðin föstudaginn 18. þ.m. kl. 1.30.
Jarðað verður frá Fossvogskapellu.
F.h. aðstandenda.
Pétur Ketilsson.
Jarðarför mannsins míns og föður okkar
GUÐBJÖRNS SIGURÐSSONAR
Teigi Dalasýslu,
fer fram að Hvammi laugardaginn 19. apríl.
Athöfnin hefst kl. 11 á heimili hans.
Gísla Kristbjörnsdóttir og börn.
Innilegar þakkir fyrir auðsýnda samúð við andlát og
jarðarför
SALÓME GUÐMUNDSDÓTTUR
Hulda Kristjánsdóttir, Kristín Sigvaldadóttir.
Hugheilar þakkir færum við öllum þeim, sem veittu
okkur hjálp, samúð og styrk, við fráfall og útför
BRAGA EGILSSONAR
Aðstandendur.
Þökkum heilum huga ást og virðingu við
Dr. VICTOR URBANCIC
og hlýja hluttekningu í okkar sáru sorg.
Dr. Melitta Urbancic og fjölskyida.