Morgunblaðið - 22.12.1959, Blaðsíða 22

22
MOPCTINTtLAÐIÐ
Þriðiuagur 22. des. 1959
FuUkomnasfa flugvél ís-
lendinga boðin velkomin
Úr rœðum formanns Loftleiða og flug-
málaráðherra þegar Leifi Eirikssýni var
fagnað
FLUGFÉLAGIÐ LOFTLEIÐIR hafði síðdegis í gær boð inni í til-
efni af komu hinnar nýju flugvélar sinnar til landsins. Bauð það
allmörgum gestum, þar á meðal flugmálaráðherra, tii samkvæmis,
sem haldið var í veitingahúsinu Lídó.
Kristján Guðlaugsson, hæstaréttarlögmaður, formaður stjórnar
Loftleiða, bauð gesti velkomna með stuttri ræðu. Rakti hann nokkuð
sögu félagsins og minntist á kosti hinna nýju flugvéla, sem það
befur fest kaup á. Komst hann þá m. a. að orði á þessa leið:
Cloudmasterflugvélarnar (DC-
6B) eru 12 fetum lengri, en Sky-
mastervélarnar. Þær taka 80 far-
þega, eins og sætum er þar nú
skipað, en geta tekið yfir 100 far-
þega ef þörf krefur. Auk þess eru
í þeim sex hengirúm, sem ætluð
eru veilum eða sjúkum mönnum,
eða öðrum þeim, sem hvíldar eru
þurfi á löngum flugleiðum. Sky-
mastervélarnar taka mest um 60
íarþega.
Flughraði Cloudmastervélanna
er um 500 km á klst., en það jafn-
gildir því að þær geti’ flogið til
Kaupmannahafnar á röskum 4
klst., en til New York á röskum
8 klst. Flugþol vélanna er jafn-
framt mjög mikið, eða 6650 km
í einni lotu, en það samsvarar
vegalengdinni milli Reykjavíkur
og Los Angeles í Kaliforníu. Af
þessu leiðir að óþarft er að jafn-
aði að millilenda í Gander, en við
það sparast mikið fé. í áætlunar-
flugi til meginlands Evrópu fer
vélin frá Reykjavík að morgni og
Dóíð þér Brahms
DAIÐ þér Brahms . . . heitir nýj-
asta bókin eftir Francoise Sagan,
sem POB á Akureyri gefur út.
Aður hafa komið út á íslenzku
eftir Sagan: Sumarleikur — og
Eins konar bros.
Francoise Sagan er enn ung að
iirum, en hefur vakið óskipta at-
hygli og eru bækur henpar um-
dejldar, Sumum þykir hún of
djÖrf í frásögn, öðrum þykir hún
smellin. Ekki hefur verið minna
rætt um þessa síðustu bók en þær
fyrri. Þar segir hún frá fertugri
Parísarstúlku og ástum hennar.
Þýðinguna gerði Thor Vilhjálms.
con.
Kristján Giuðlaugsson
kemur aftur að kvöldi, en af því
leiðir verulegan sparnað fyrir fé-
lagið.
Cloudmastervélarnar eru bún-
ar loftþrýstikerfi, sem heldur
jafnri loftþyngd í farþegarúmi og
súrefnisskortur getur engum
óþægindum valdið, þótt flogið sé
í allt að 30 þúsund feta hæð, en
bezt nýting vélarinnar er 18.000
fet og að jafnaði er flogið í þeirri
hæð. Af þessu leiðir svo aftur að
vélarnar eru síður háðar veðrum
og vindum og flughæðinni má
nokkuð haga eftir loftstraumum,
þannig að hagkvæmt sé.
Cloudmasterflugvélarnar nýju
eru fyrstu íslenzku farþegaflug-
vélarnar, sem búnar eru ratsjám,
auk allra annarra öryggistækja
og er flugliðum að því mikill
styrkur að fá einnig notið leið-
sögn ratsjánna.
Hreyflar vélanna eru þannig
gerðir, að unnt er að venda skrúf-
unum og hemla með þeim. Auð-
velt er því að stöðva vélarnar á
stuttum flugbrautum, og einnig
má aka þeim á jörðu niðri aftur
á bak, sem áfram.
Flugvél þeirri, sem lendir á
Reykjavíkurflugvelli í kvöld,
hefur verið gefið nafnið „Leifur
Eiríksson". I nafninu einu felst
auglýsingagildi fyrir land og
þjóð. En margt er líkt með skyld-
um. Leifur Eiríksson fæddist á
íslandi — fór til Noregs og fann
Ameríku. Eitthvað svipað má
segja um Loftleiðir hf.
Ég býð nýju flugvélina „Leif
Eiríksson" velkomna í íslenzka
flugflotann og vona að gifta fylgi
nafni.
Ég býð áhöfn og aðra flugliða
félagsins velkomna heim til starfs
og dáða, en þakka þeim jafn-
framt, að þeir hafa enn einu sinni
orðið félagi sínu til sóma erlendis.
Við vitum að íslenzkir flugliðar
standa engum að baki en flestum
framar. Megi sú verða raunin um
alla framtíð, sagði Kristján Guð-
laugsson að lokum.
Ræða flugmálaráðherra
Ingólfur Jónsson, flugmálaráð-
herra, tók næstur til máls. Minnt-
ist hann brautryðjendastarfs
Loftleiða, sem hafið hafði verið
af miklum kjarki og bjartsýni
ungra manna. Óskaði hann félag-
inu til hamingju með hina nýju
flugvél, sem eiga mundi ríkan
þátt í að bæta samgöngurnar
milli íslands og annarra landa.
Auk flugmálaráðherra tóku til
máls þeir Magnús Jochumsson,
póstmeistari og Björn Br. Björns-
son, formaður Flugbjörgunar-
sveitar Islands. Óskuðu þeir
Loftleiðum til hamingju með
hinn glæsilega nýja flugfarkost.
Sigurður Magnússon, fulltrúi,
stjórnaði samkvæmi þessu, sem
fór hið bezta fram.
Kristján Guðlaugsson, formað-
ur Loftleiða, þakkaði öllum
þeim, sem stuðlað höfðu að flug-
vélakaupunum, m. a. fram-
kvæmdastjóra félagsins, Alfreð
Elíassyni, sem unnið hefði frá-
bært starf í þágu félagsins. Einn-
ig þakkaði hann Pan American
fyrir góða samvinnu í sambandi
við flugvélakaupin.
— Vesturveldin
Framh. af bls. 1.
„Þjóðaleiðtogarnir hafa veitt
því athygli, að miklar framfarir
hafa orðið í þróun efnahagsmála
Vestur-Evrópu. Þeir eru sammála
um það, að hin vestrænu iðnaðar-
lönd hafa nú aðstöðu til að beita
sameinaðri orku sinni til nýrra
og mikilvægra verkefna í efna-
hagssamstarfinu, einkum þó með
það í huga, að:
1) Efla þróun og framfarir í
hinum vanyrktu löndiím.
2) Haga stefnu sinni þannig í
efnahagsmálunum, að stuðli
að skynsamlegri notkun auð-
linda og orku og að viðhaldi
samstarfs í alþjóðamálum".
Kristinn Olsen flaug
n
Lj
KRISTINN Olsen var sjálf-
kjörinn til a8 fljúga Leifi
Eiríkssyni fyrstu ferðina heim
til íslands. Kristinn flaug líka
Skymasterflugvél Loftleiða,
gömlu Heklu heim með Alfreð
Elíassyni, því þeir tveir
ásamt Sigurði Ólafssyni, flug-
manni, eru stofnendur Loft-
leiða.
Kristinn hefur verið flug-
stjóri allt frá upphafi félags-
ins, 1944. Hann lærði í Kanada
árið 1942, kenndi kanadiskum
nýliðum sprengjukast úr fliug-
vél í styrjaldarlokin, en kom
svo heim.
Þeir byrjuðu með litla eins-
hreyfils sjóflugvél, Stinson,
sem tók fjóra farþega. Síðan
kom Norseman, Grumman,
Anson, Douglas DC-3, Kata-
lina, Skymaster og nú síðast
DC-6. Kristinn hefur flogið öll
um þessum flugvélum meira
og minna, hann á 13—14.000
flugstundir að baki og hann
hefur flogið meira en 1.000
sinnum yfir hafið, milli megin
landa Evrópu og Ameríku. Og
nú kemur hann frá Miami á
Florida. En þegar við hittum
hann í flugstjórnarklefanum á
Leifi Eirikssyni laust fynr
miðnættið í gær sagði hann:
— Þetta er fljótasta ferðin,
sem ég hef haft í Loftleiðavél
frá Goose Bay. Við vorum
ekki nema rúma fimm og
hálfa klukkustund. Og tæpar
fjórar frá New York til Goose.
— En hann var kaldur á
Goose Bay. Þar stóð allt fast,
allt nema tíminn, við vorum
í kapphlaupi. Það bilaði nefni-
lega hjá okkur benzíndæla,
venjulega enga stund verið að
skipta, þegar svona kemur
fyrir. En þeir urðu svo loppn-
ir við að káfa á hreyflunum,
að við urðum að láta drasla
I
— Komum í tæka tíð.
vélinni inn i skýli. Og þess
vegna náðum við ekki kok-
teilnum hér í dag. — En það
gerir ekkert. Maður er kom-
inn í jólaskap. Hálf afkáralegt
fannst manni nú samt að sjá
þá þarna suður á Flórida búa
sig undir jólin — undir pálma-
trjánum og steikjandi sól. Það
var ekki mikið jólalegt upp á
(Ljósm. Mbl.: Ól. K. M.)
islenzka vísu. Ég er hræddur
um að það færi um þá hroll-
ur, lagsmaður, að halda jólin
í kuldanum hér. — En ég vil
hafa snjó og kulda hér um
jólin, fyrr er það ekki jóla-
legt. Og veðrið hér kemur
okkur strax í jólaskap. Við
komum í tæka tíð, eins og
jólasveinarnir. — h.j.h.
í jólaferdinni til íslands

-4-
Leyfum oss hér með að tilkynna heiðruðum við skiptavinum vorum að vér erum fluttir að
Hverfisgötu 89 að Laugaveg 178
(gegnt benzínafgreiðslu Shell).
Jafnframt hefur símanúmer vort breytzt og er nú 35260.
Hjólboiðinn h.f.
Laugavegi 178 — Sími 35260.
i