Morgunblaðið - 29.08.1963, Side 17

Fimmtudagur 29. ágúst 1963
MORCUNBLAÐIÐ
17
Stefán Björnsson frá Hnífs
dal — Minning
NÓTTINA eftir 33. afmælisdag
sinn 20. ágúst síðastliðinn lézt á
Landsspítalanum í Reykjavík
Stefán Björnsson skrifstofumað-
ur og varaoddviti í Hnífsdal, að
lokinni þungbærri sjúkdómslegu.
Það var fyrst i marzmánuði síð-
astliðnum, að Stefón sálugi
kenndi fyrst þessa sjúkdóms er
leiddi hann til bana, svo sem
fyrr segir. Um mánaðarmótin
marz-apríl varð Stefán að yfir-
gefa starf sitt og leggjast inn á
sjúkrahús ísafjarðar en þar var
gerður á honum holslkurður, er
leiddi til þess að hann fékk að
yfirgefa sjúkrahúsið eftir hæfi-
legan tíma, og var það von ást-
vina hsns og annarra að tekist
hefði að hefta sjúkdóminn og
bati væri vissulega framundan.
En svo reyndist þó ekki, því mið-
ur. Stefán varð á ný að leggjast
inn á sjúkrahús ísafjarðar og
síðar á sjúkrahús í Reykjavik en
þar lauk æfi þessa góða drengs
eins og fyrr segir.
Stefán sálugi var fæddur í
Reykjavík 20. ágúst 1930 og var
því réttra 33 ára gamall er hann
lézt.
Foreldrar Stefáns eru Jóna
Guðmundsdóttir og Björn Skúla
son. Stefán heitinn ólst upp hjá
móður sinni í Reykjavík en var
oft á uppvaxtarárum sínum á
vist með móðurfrændum sínum
á Flateyri við önundarfjörð, þar
sem hann undi hið bezta í jafn-
aldra og vinahópi. Móðir Stefáns
sáluga lét einskis ófreistað til
þess að veita honum kristilegt
og gott uppeldi, því að hún bók-
staflega lifði fyrir hann og lét
eitt yfir þau ganga, enda var
ástríki þeirra á milli með ein-
dæmum.
Að loknu barnaskólanámi
kostaði móðir hans hann til náms
í Verzlunarskóla íslands, þar sem
hann lauk prófi vorið 1949 með
góðum vitnisburði. Að verzlun-
arskólanámi loknu stundaði
Stefán skrifstofustörf og fleira
í Reykjavík og víðar og síðast
hjá Skipaútgerð ríkisms i Reykja
vík áður en hann fluttist vestur.
Stefán giftist eftirlifandi koriu
sinni Sigfríði Lárusdóttur frá
Hnífsdal 27. desember 1956, dug-
mikilli og myndarlegri konu,
sem reyndist honum ómetanleg
stoð í hretviðrum lífsins og ekki
sízt í hinum þungbæru veikind-
um hans nú að síðustu.
Til Hnífsdals fluttu ungu hjón-
in haustið 1959, en þá hafði Stef-
án verið ráðinn skrifstofumaður
hjá Hraðfrystihúsinu h.f. í Hnífs
dal, en því starfi gengdi hann
meðan heilsan leyfði.
Sigfríði og Stefán varð 5. barna
auðið, en 2. elztu bornin fórust
í eldi er laus varð í íbúðarhúsi
þeirra hjóna í Hnífsdal í marz
1962 sem bert varð af fréttum á
sínum tíma, en börn þessi voru
piltur og stúlka, hin efnilegustu
börn. Þessi einstæði og hryllilegi
atburður olli miklum harmi langt
út fyrir heimabyggð barnanna
og mun seint úr minni líða þeim
er nánast voru áhorfendur að
atburðinum. En mestur varð þó
harmurinn föður og móður og
ömmu litlu barnanna, er hér
urðu að sjá á bak efnilegum
og myndarlegum börnum, og má
geta sér til og er reyndar víst,
að þessi hrollvekjandi atburður
hefir verið hinum ungu hjónum
lítt bær, eins og á stóð.
Stefán hafði ekki verið lengi
í Hnífsdal er hann hóf afskipti
af félags og framfaramálum
byggðarlagsins. Hann gekk fljótt
í íþróttafélagið Reyni og reynd-
ist þar dugmikill og úrræðagóð-
ur félagi enda varð hann for-
maður félagsins áður en langt
um leið. Þá var hann kosinn
»f því íélagi í Féiagsiheimilis-
nefnd Hnífsdals og starfaði
þar óslitið til æfiloka með á-
gætum. Vorið 1962 var Stefán
kosinn í hreppsnefnd Eyrar-
hrepps N. ís. og varð strax vara-
oddviti nefndarinnar og skrifari
hennar og reyadist í því starfi
tillögugóður og mjög nýtur mað-
ur.
Öllum reyndist auðvelt að
vinna með Stefáni, því að hann
var mjög samvinnuþýður og
drengur góður í hvívetna, sem
öllum vildi vel og gekk glaður
og reifur að hverju starfi, enda
lundin létt og aðlaðandi. Stefáns
heitins er því sárt saknað af
samherjum og vinum heima í
sveitarfélagi hans og víðar þar
sem spor hans hafa legið.
Hann var trúr í stárfi og vildi
hag húsbænda sinna í hvívetna,
án þess þó að hann vildi á nokk-
urn hátt halla á þá aðra, er hlut
áttu að máli í starfi hans, svo
sem verkafólk fyrirtækis þess er
hann vann hjá, og annarra er
þurftu að leita hans við af-
greiðslu ýmsra mála. Um þetta
var mér persónulega kunnugt.
Sem samstarfsmaður Stefáns
heitins alla tið eftir að hann kom
til Hnífsdal hefi ég mikils að
sakna, samstarfsins og samvinn-
unnar í daglegum önnum, sem og
samstarfsins að menningar og
hugðarmálum okkar beggja fyrir
heimabygð okkar, sem Stefáni
sáluga varð fljótt mjög kær.
Og sannarlega er skarð fyrir
skildi í okkar litia sveitarfélagi,
er svo starfshæfur maður fellur
frá fyrir aldur fram, en slíkra
manna er jafnan mikil þörf, ekki
síst í dreif-býlinu. Og ætla má
að hans hefðu beðið mörg og
mikilsverð störf í framtíðinni í
þágu samfélagsins í heimabyggð
hans, ef honum hefði orðið
lengra lífs auðið. í fáum orðum
sagt. Við samstarfsfólk og vinir
Stefáns heitins eigum erfitt með
að sætta okkur við orðinn hlut
og eigum eflaust eftír að sakna
sárar en við gerum okkur ljóst í
fljótu bragði. Sakna hans þegar
verkefnin, sem biðu hans, fara
að kalla til úrlausnar. En eng-
inn skyldi amast við framvindu
tilverunnar. Eflaust á hver Drott
inleg ákvörðun sér sinn ákveðinn
tilgang, þótt við mennirnir eig-
um oft erfitt með að skilja og
sætta okkur við ákvörðun höf-
undan lífsins, ekki sízt er hann
svipti okkur, sem eftir lifum,
kgerum ástvinum í blóma lífsins.
Fullviss er ég þess, að þótt vin-
ur minn Stefán hafi svo fljótt
kvaddur burtu frá starfi, þá hef-
ur hann markað þau spor með
lífi sínu sem ekki munu mást út.
Hnífsdælingar munu lengi
minnast hins góða og glaðlega
samferðamanns. En þótt við sam
starfsmenn og vinir Stefáns heit-
ins eigum erfitt með að sætta
okkur við orðinn hlut, að þá
dylst okkur ekki, að mestur
harmur er kveðinn að eftirlifandi
ástvinum hans, sem öll hafa
misst svo óendanlega mikið, við
iát hans, að einungis vonin um
endurfundi og minningin um
hinn horfna ástvin getur grætt
þau sár.
Ég votta eftirlifandi konu og
móður Stefáns og blessuðum litlu
börnunum dýpstu samúð mína,
og bið þess af heilum hug að
sá er öllu stjórnar, styrki þau í
þeirra miklu sorg.
Einar Steindórsson.
hefur jafnan gengið heil að
hverju því starfi er hún hefur
tekið að sér. Eiginmanni sínum
og börnum var hún ástrík eig-
inkona og móðir. Eiríkur
Finnson var dugandi mað
ur og drengur góður, heið
arlegur og samvizkusamur
svo að af bar. Eiga margir
ísfirðingar bjartar minningar
um vinátttu og góð kynni við
heimili hans og fjölskyldu.
Frú Kristín dvelur á ísafirði
75 ára í dag
Kristín Einarsdóttir
í DAG á sjötíu og fimm ára frú
Kristín Einarsdóttir, ekkja Ei-
ríks Finnssonar, verkstjóra á ísa
firði. Þessi heiðurskona er fædd
á Hríshóli í Reykhólasveit 29.
ágúst árið 1888. Hún er dóttir
hjónanna Elínar Jóhannesdóttur
Jónssonar bónda á Blámýrum í
Ögursveit og Einars Pétursson-
ar, Gestssonar dannebrogsmanns
í Rauðseyjum, Ólafssonar á
Brekku í Saurbæ, Sturlaugsson-
ar ríka. Kona Péturs Gestsson-
ar var Ástríður Magnúsdóttir
úr Skálheyjum í Breiðafirði, en
móðir hennar var Sigríður Ein-
arsdóttir, alsystir sr. Guðmundar
Einarssonar á Kvennabrekku,
föður frú Theódóru Thoroddsen
og frú Þóru, móður sr. Matthí-
asar Jochumsonar. Systir Péturs
Gestssonar, var Ragnheiður
Gestsdóttir, móðir Gests Páls-
sonar skálds.
Frú Kristín Einarsdóttir er
þannig komin af merku og ágætu
fólki. Hún giftist manni sínum,
Eiríki Br. Finnssyni, verkstjóra
á ísafirði 19. júlí árið 1911, en
hann lézt 9. nóvember árið 1956.
Áttu þau hjón 6 mannvænleg
og vel gefin börn, sem öll eru
á lífi. Eru þau: Jóhann Eiríks-
son, yfirfiskmatsmaður á Vest-
fjörðum, kvæntur Halldóru Guð
mundsdóttur, Baldur, forseti
bæjarstjórnar Siglufjarðar,
kvæntur Hólmfríði Sveinbjörns-
dóttur, Bragi, framkvæmdastjóri
Samlags skreiðarframleiðenda,
kvæntur Ragnheiði Sveinsdótt-
ur, Arnfríður búsett í Minneapol
is, gift Harry Bergström, Iðunn
gift Böðvari Sveinbjörnssyni,
forstjóra á ísafirði og Einar,
settur skattstjóri í Vestmanna
eyjum, kvæntur Guðrúnu Þor
láksdóttur.
Auk þess ólu þau hjón upp
sonarson sinn, Birgi Baldursson,
og hefur nú átt þar heima í rúm
50 ár. Hún ber aldur sinn vel
og nýtur samvista við börn sín
og barnabörn. Enda þótt hún
hafi eins og aðrir mætt ýmsum
erfiðleikum á lífsleiðinni er
óhætt að fullyrða að hún sé
gæfukona. Vinir hennar og ætt
ingjar þakka henni mikið og fag
urt lífsstarf um leið og þeir
árna henni allra heilla á 75 ára
afmælinu.
S. Bj.
í « ' A
sem stundar nú nám í rafeinda-
fræði í Bretlandi. Hann er kvænt
ur Ólafíu Auðunsdóttur
Reykjavík.
Frú Kristín Einarsdóttir er
dugnaðar og mannkostakona
Hún stjórnaði heimili sínu af
skörungsskap og bar það jafn-
an hinn mesta myndarbrag. Var
ánægjulegt að koma þangað og
dvelja með húsbændum og hin-
um drengilegu og vel gefnu
börnum þeirra hjóna. Frú Krist-
ín tók einnig verulegan þátt í
félagslífi á ísafirði. Var hún
m.a. stofnandi stúkunnar Vöku.
Einnig tók hún mikinn þátt í
félagsstarfi innan kvenfélagsins
„Ósk“ og kvennadeildar Slysa-
varnafélagsins á ísafirði. Hún
Lagermaður
Heildverzlun óskar að ráða afgreiðslu- og lager-
mann. Umsóknir ásamt meðmælum ef fyrir hendi
eru sendist blaðinu merktar: „Reglusamur — 5434“
fyrir 31. ágúst.
Malreiðsla — Framreiðsla
Matreiðslukonu og framreiðslustúlku vantar að
0
veitingahúsi utan Reykjavíkur. Einnig vantar konu
til afgreiðslustarfa á kaffistofu í miðbænum.
Þrískipt vakt. — Uppl. í síma 10252 og 24552.
Stúlka óskast
til starfa á ljósmyndaverkstæði Týli.
Upplýsingar veittar á verkstæðinu,
Laugavegi 16, 3. hæð.
Ibúð óskast
Ung barnlaus hjón utan að landi óska eftir 1 til 2
herb. íbúð fyrir 1. okt. Fyrirframgreiðsla ef óskað
er. Tilboð óskast sent fyrir laugardag merkt:
„Reglusemi — 5277“.
Koraa óskast
til heimilisaðstoðar 5 klst. á dag 5 daga vikunnar.
Hátt kaup. — Upplýsingar í síma 24944.
Stangaveiði
Veiðileyfi til sölu í Eyrarvatni í Svínadal. Mikill
lax er nú genginn í vatnið. Bátar og hús á staðnum.
Veiðileyfi seld í verzlun Helga Júlíussonar sími 458
Akranesi.
Stangaveðifélag Akraness.
Silfurtún — íbúð
Kennara vantar tveggja herbergja íbúð. Upplýs-
ingar í síma 50256 milli kl. 1—3 í dag og á morgun.
Veitingastofa
Lítil veitingastofa í fullum gangi til sölu. Þeir sem
hafa áhuga, leggi nafn sitt inn á afgreiðsluna
merkt: „Veitingastofa — 5275“ fyrir hádegi laugar-
dag.
Matráðskona óskast
Dugleg matráðskona óskast 1. okt. n.k. í verksmiðju-
mötuneyti i nágrenni Reykjavíkur. Gott eldhús.
Húsnæði á staðnum. Umsækjendur sendi tilboð
merkt: „Ábyrgðarstarf—Hátt kaup — 5433“ á afgr.
Mbl. f. h. 2. sept. n.k.