Morgunblaðið - 02.02.1964, Blaðsíða 18

18
MORGUNBLAÐIÐ
Sunnudagur 2. febrúar1964
Sextugur I dag:
Hallsteinn Hinriksson
íþróttaírömuðui í Hafnarfirði
HALL.STEINN Hinriksson fim-
leikakennari og íþrottafrömuður
í Hafnarfirði er sextugur í dag.
Hann fæddist 2. febrúar 1904 á
Úlfsstöðum á Völlum í Suður-
Múlasýslu.
Hallsteinn er fyrfr löngu lands
þekktur fyrir brautryðjandastarf
sitt á sviði íþrótta í Hafnarfirði,
enda hefur hann í hálfan fjórða
áratug verið einn helzti fim-
leikakennari bæjarina, bæði við
Barnaskóla Hafnarfjarðar og
Flensborgarskóla, auk þess sem
hann hefur verið aðalkennari og
leiðtogi Fimleikafélags Hafnar-
fjarðar.
Hallsteinn hefur aflað sér hald
góðrar menntunar í sérgrein
sinni. Stundaði hann nám við
Statens Gymnastig-Intstitut í
Kaupmannahöfn og lauk þaðan
íþróttakennaraprófi 1929. Auk
þess var hann við framhaldsnám
í Danmörku 1937.
Hallsteinn hefur mikið starfað
að félagsmálum, einkum á sviði
íþróttanna. Hefur hann árum
saman verið í stjórn Fimleika-
félags Hafnarfjarðar og í stjórn
íþróttakennarafélags íslands á
árunium 1936—1946. Einnig var
hann um skeið í stjórn karla-
kórsins Þrasta.
Þekktastur mun Hallsteinn
vera fyrir forystuhæfileika sína
á sviði handknattleiks. Með þrot-
lausu starfi og þjá’fun .árum
saman hefur honum tekizt að
mynda eitt sigursælasta hand-
knattleikslið, sem til er hér á
landi, meðal íþrottaiðkcnda í
Hafnarfirði. Og orðstír Hallsteins
á þessu sviði mun ekki vera
bundinn við ísland eitt, því að
hin röska sveit hafnfirzra hand-
knattleiksmanna hefur hvað eft-
ir annað náð mjög góðum ár-
angri á erlendum vettvangi undir
leiðsögn hins ötula foringja síns,
Hallsteins Hinrikssonar.
Hér skal ekki farið ýtarlega út
í afskipti Hallsteins af íþrótta-
málum, enda munu ýmsir aðrir,
sem betur þekkja til þeirra mála
en sá, er þetta ritar, verða til
þess á þessu merkisafmæli hans.
Hallsteinn hefur um fjöl-
margra ára skeið verið í stjórn
Stéttarfélags barnakennara í
Hafnarfirði, er áður hét Kennara
félag Hafnarfjarðar. Hefur hann
í stjórn félagsins jafnan gegnt
gj aldlkerastörf um.
Fyrir meira en þrem áratugum
var myndaður við Barnaskóla
Hafnarfjarðar Ferðasjóður skóla-
barna, og er markmið hans að
veita börnum þeim, er þreyta
barnapróf við skólann hverju
sinni, kost á sameiginlegri
skemmtiför út um byggðir okkar
kæra lands, án þess að börnin
þurfi að verða fyrir tilfinnanleg-
um fjárútlátum vegna ferðalags-
ins. Aðaltekjur sjóðsins hafa
komið inn á árlegum skemmtun-
um, sem börnin hafa annazt að
Hárgreiðslustofur — Rakarar
Sdtthreinsunarkassar
3 gerðir — Hagstætt verð —
Góðir greiðsluskilmálar.
IViagnús Thorberg
Símar 24626 og 22574.
öllu leyti sjálf. Skemmtanir þess
ar eru nú búnar að öðlast algera
hefð sem árlegur þattur í starfi
skólans. Þær hafa i.ú um margra
ára skeið jafnan verið haldnar
í Bæjarbíói rétt fyrir páskana,
og hafa þær sett allmikinn svip
á skemmtanalíf Hafnfirðinga um
það leyti. Eru skemmtanir þess-
ar afar vinsælar og munu þeir
Hafnfirðingar ekki margir, sem
aldrei hafa komið á þessar ár-
legu skemmtanir b^rnanna.
Þar sem Hallsteinn Hinriksson
hefur svo lengi sem minnzt var
á annazt fjárreiður Stéttarfélags
barnakennara í Hafnarfirði, hef-
ur það jafnframt fallið í hans
hlut að sjá um fjárreiður Ferða-
sjóðs skólabarna. Hefur hann
annazt það starf — sem og gjald-
kerastarfið fyrir félagið — af
stakri alúð og samvizkuseimi,
enda hefur ferðasjcðurinn blómg
azt vel í meðferð hans.
Undanfarin sumur hefur Hall-
steinn verið verkstjóri við
unglingavinnu á vegum Hafnar-
fjarðarbæjar, einkum við fegr-
un og snyrtingu biejarins. Hefur
hann rækt starf þetta með mik-
illi prýði, og hafa skipulagshæfi-
leikar hans notið sín einkar vel
í því.
Kvæntur er Hallsteinn Ingi-
björgu Árnadóttur kennara,
hinni ágætustu konu, og eiga þau
fjögur mannvænle; börn, sem nú
eru flest uppkomin.
Samstarfsmenn og félagar Hall
steins í Stéttarfélagi barna-
kennara í Hafnarfirði senda hon-
um og fjölskyldu hans beztu
kveðjur og árnaðaróskir í tilefni
af 'sextugsafmælinu.
Ólafur S. Magnússon.
Frá Vöruhappdrætti S.l.B.S.
Sögur til
næsta bæjar
Flokkur starfsmanna í stofn-
un einni í Reykjavík keypti
45 miða í Vöruhappdrætti
SÍBS. Ekki voru númer þessi
í röð, heldur dreifð um tvo ;
tugi þúsunda. Á einu einasta !
ári gáfu þessir 45 miðar vinn- |
inga að fjárhæð samtals ;
1.010.000,00 krónur. Þetta voru
tveir vinningar á hálfa ;
milljón hvor og einn á 10 þús. j
Ekki bar á öðru en blessunin
ein fylgdi þessum skyndilega
fengnu fjármunuim.
Nú er það svo að margir
kjósa að kaupa miða í röð til
þess að flýta fyrir yfirliti í
langri vinningaskrá og þvi
má geta þess ð enn fást
miðar í röð í nokkrum umiboð-
um happdrættis SÍBS.
★
Ungum manni, búsettum i
þorpi úti á landi, tók að leið-
ast bið eftir „þeim stóra“ í
happdrættinu eða að minnsta
kosti sæmilegum glaðning!
Að morgni útdráttardags hitti
hann umboðsmann Vörulhapp-
drættisins að máli og sagðist
ekki mundi hirða um að
endurnýja framar. Þessi miði
var, um hádegið, lagður í póst
og sendur skrifstofu happ-
drættisins í Reykjavík. Um
kvöldið heyrði þessi ungi
maður, um Útvarpið, að núm-
er hans hefði hlotið næst
hæsta vinninginn.
Ekki er kunnugt hversu
lengi hann nagaði sig í handar
bakið en miðann sinn keypti
hann aftur í næsta flokki. —
Furðusögur um happdrætti
eru margar og sem betur fer
flestar ánægjulegar.
★
Dregið verður í 2. fl. vöru-
happdrættis S.Í.B.S. á mið-
vikudaginn.
Enn fást miðar keyptir
í nokkrum uimboðum.
Anna Margrét Björnsdóttir
F. 17. des. 1881 d. 17. jan. 1964.
MARGRÉT var fædd á Akranesi,
en naut ekki lengi umsjá for-
eldra sinna, því nokkra daga
gömul var hún flutt í fóstur til
sæmdarhjóna Halldóru og Bryn-
jólfs nokkurs sem bjuggu í
Gerði. Dvaldist Margrét þar til
14 ára aldurs, og naut þar nær-
gætni og hlýju, og minntist hún
fósturforeldra sinna ætíð með
innileik. Enda sýndi hún hug
sinn til þeirra, því hún lét ann-
an drenginn sinn bera nafn
þeirra beggja. Eftir fermingu
dvaldist hún á Akranesi um
skeið, en fluttist svo til Rvíkur,
og vann þá í vistum, og ýms
önnur störf sem til féllu. Kynnti
hún sig svo vel að húsbændur
hennar frá þessum tíma urðu
vinir hennar ævilangt og
greiddu fyrir henni ef með
þurfti.
Árið -1908 giftist hún Guð-
mundi Guðmundssyni ættuðum
úr Miðfirði og fluttust þau það
ár norður og bjuggu þar í 15 ár,
ekki við mikil efni, en sæmilega
afkomu, því bæði voru þau hjón
dugleg og ráðdeildarsöm. Þar
fyrir norðan fæddust synir
þeirra Björn (nú kaupm. í
Brynju) og Brynjólfur Halldór.
Svo flytja þau hjónin árið
1923 til Rvíkur og eignast lítið
en vinalegt heimili á Urðarstíg
16. Eftir fá ár flytja þau á Grett-
isgötu 51. Drengirnir stálpuðust
og leituðu sér menntunar, sem
efni leyfðu, enda báðir góðum
gáfum gæddir. En svo urðu þau
fyrir þeirri miklu sorg að Bryn-
jólfur dó snögglega 17 ára gam-
all harmaður af öllum sem hann
þekktu. Enda var framkoma
hans og þeirra bræðra beggja
fáguð og aðlaðandi. Síðan fluttu
þau á Skeggj agötu 16 og hafa
átt þar heima síðan.
Margrét sáluga var kona hrein
lynd og ákveðin í skoðunum, en
svo umtalsfróm og væg í dóm-
um sínum um aðra að af bar en
fljót að rétta öðrum hjálparhönd
ef með þurfti.
Heimili þeirra hjóna bar vott
um snyrtimer.nsku og iðni hús-
freyjunnar, því hún vann mikið
í höndunum þótt hún í æsku
hefði ekki möguleika að afla sér
tilsögn í hannyrðum. Og vin-
kona hennar hefur sagt mér að
þegar Margrét var ung og stall-
systur hennar fengu tilsögn í
handavinnu, hafi hún grátið heit
um tárum af því að geta ekki
notið þess sama. En svona var
þetta svo oft áður, að menn
urðu að sætta sig við sinn litla
hlut.
Fyrir 8 árum varð Margrét
fyrir heilsuleysi, og átti jafnan
síðan mjög erfitt með gang og
hreyfingu, var sem sagt bundrn
við rúm sitt eða stól upp frá
því. Svo stundirnar verða langar
fyrir athafna manneskjur. Þeg-
ar svo er komið. Og andlegar
áhyggjur og erfiðleikar eru oft
þungbærari en líkamlegar þján-
ingar.
Þeir sem umgengust eða
heimsóttu Margréti sál síðustu
árin gátu ekki annað en dáðst að
stillingu hennar og rósemi. Þvl
verður hún í minningu þeirra
hin sanna umburðarlynda hetja.
Þannig munum við þig Margrét.
Hvíl í eilífum friði.
P. B.
ATHUGIÐ
ab borið saman við útbreiðslu
er iangtum ódýrara að auglýsa
Morgunbiaðinu en öðrum
blöðum.
G. Þorsteinsson & Johnson h.f.
Sími 24250.
Leikandi létt með
FILUIUA bíiskúrðshurð
• Seljast með eða án upp-
setningar.
9 Veita birtu í gegnum sig.
9 % léttari en viðarhurð.
• Ekkert viðhald.
9 Fáanlegar með radíóúitbún
aoi til að opna og loka.
4 litir
Nú er rétti tíminn að
panta fyrir vorið.
Leitið upplýsinga.
Viðtalstími minn
í Neskirkju verður framvegis kl. 4,30 til 5,30 mánu-
daga, þriðjudaga, miðvikudaga og fimmtudaga.
Sími fyrst um sinn hinn sami og hjá séra Jóni Thor-
arensen nr. 10 535.
FRANK M. HALLDÓRSSON, sóknarprestur.