Morgunblaðið - 02.10.1964, Page 8

8
MORCU NBLAÐID
Fostudagur 2. okt. 1964
Leirmunir i
Asmundarsal
í ÁSMUNDARSAL er nú sýn-
ing. á leirmunum og teikning-
um eftir ungan listamann, Hauk
Sturluson. Þar getur að líta
margan fallegan grip, sem vert
er, að gaumur sé gefinn. *
Haukur Sturluson hefur að
undanförnu dvalið erlendis við
nám, og verður ekki annað sagt
en að árangur sé góður, eins og
glöggt kemur í Ijós í þeirn verk-
um, er hann sýnir nú í Ásmund-
arsal. Leirmunir Hauks eru
nokkuð sérstæðir, a.m.k. hér-
lendis. Vasar,'föt, könnur o. fl.,
sem hann sýnir, ber þess greini-
lega merki, að hæfileikamaður
hefur farið höndum um og ráðið
litameðferð. Það er einkennandi
fyrir keramik Hauks, að þar er
jafnan tekið fullt tillit til sjálfs
leirsins og jarðlitir nær ein-
göngu ndtaðir við skreytingu.
Áferðin er rík og verkar sann-
faerandi, stundum hrjúf og skap
ar þá fjölbreytni í sjálfu form-
inu. Allir virðast munirnir unn-
ir út frá aidagamaili hefð, en
með nýtízkulegum hugmyndum
og tækni — einmitt á þann hátt,
sem hæfði leirkerasmiðum fyrir
þúsundum ára og hæfir enn.
Það er ánægjulegt að sjá þessi
verk og vita, að þarna er á ferð
íslenzkur leirkerasmiður, sem
virðist eiga sér mikla framtíð,
»g vonandi, að Haukur verði
aldrei smekkleysi fjöldans að
bráð.
Teikningar Hauks Sturluson-
•r eru iifandi og skemmtilega
gerðar, en samt finnst mér þær
hvergi eins þroskaðar og leir-
kerasmíðin. Beztur finnst mér
hann, er hann notar einfalt
pennastrik, og hann virðist hafa
tilfinningu fyrir því, að línan
á að lifa eigin lífi á pappírnum,
en ekki gegna hlutverki ritaðs
máls og leitast við að segja
sögu. Það er enginn efi á því, að
Haukur Sturluson hefur góða
hæfileika sem teiknari, og yfir
því mættum við gleðjast. Sann-
leikurinn er nú einu sinni sá,
að það eru aðeins örfáar hræður
hérlendis, sem kunna einhver
skil á því, hvað teikning er og
hvað ekki. Það er t.d. óskiljan-
legt fyrir frændur okkar á Norð
urlöndum, hvað hérlendir menn
hafa lítið unnið að svartlist og
hvað fáir íslendingar safna
svartlistarblöðum. Hér skal það
vera málverk, ef mark skal á
taka. Sumar af pennateikning-
um Hauks Sturlusonar verkuðu
sérlega vel á mig, og það getur
vel verið, að hann eigi sér fram-
tíð sem teiknari, en þó er það
í leirnum, sem hann sýnir okkur
fyrst og fremst, að hann er lista-
maður að eðlisfari og skilur,
hvað hann er að gera. Mér dett-
ur ekki í hug, að hann sé búinn
að ná þeim árangri, sem honum
er mögulegur. Til þess er hann
enn of ungur í faginu. En hér
er eftirtektarverð sýning á ferð,
sem ég er óhræddur við að mæla
með.
Ég vona, að sem flestir eigi
eftir að hafa ánægju af sýningu
Hauks Sturlusonar. Það er nú
orðið svo í henni Vík, að maður
tekst allur á loft, þegar eitthvað
gott kemur fram í myndlist.
Það er nægilegt af hinu. Ef ein-
hver teljandi listmenning væri
raunverulega fyrir hendi í höfuð
staðnum, mundi maður laus við
ýmsa af þeim Bogasalsmeistur-
um, sem veita manni vægast
sagt litla ánægju, en sanna lágt
menningarstig fjöldans á sviði
lista.
Valtýr Pétursson.
Unglingstelpa
óskast til sendiferða á skrifstofu vora.

Balletskólinn
LAUGAVEGI 31
tekur til starfa 5. október.
Kenndur verður ballet í
barna- og unglingaflokk
um fyrir óg eftir hádegi.
Einnig verða hinir vin-
saelu dag- og kvöldtímar
kvenna.
Kennarar við skólann eru: Björg Bjarnadóttir, Krist
ín Kristinsdóttir, Lilja Hallgrímsdóttir og Wennie
Schubert. - Upplýsingar og innritun fer daglega
fram í símum 37359 og 24934 kl. 4—6 e.h.
Eldri nemendur ganga fyrir og eru þvt beðnir um
að hafa samband við okkur, sem fyrst.
1965 árgerð Chevrolet Impala Sport Coupé. eÞssi bifreið var ásamt öðrum Chevrolet-bílum
fyrst sýnd almenningi hinn 24. september síðastliöinn.
1965 árgerðir af bifreiðum G.M.
VÉLADEILD Samband íslenzkra
samvinnufélaga hélt fund með
blaðamönnum síðastl. mánudag,
í tilefni af því, að General Mot-
ors, sem S.f.S. hefur söluumboð
fyrir á íslandi, er um þessar
mundir að sýna 1965 árgerð bif-
reiða sinna. Sala á bílunum hefst
eftir nokkra daga. Meðal þess,
sem forstöðumenn Véladeildar-
innar skýrðu blaðamönnum frá,
er eftirfarandi:
Chevrolet býður nú 45 gerðir
í 5 stærðarflokkum, þæ.a.s.
Chevrolet, Chevelle, Chevy II.,
Corvair og Corvette. Allar þssar
gerðir hafa náð fótfestu á íslandi
hema Corvette, sem ekki hentar
aðstæðum hér á landi.
Hinn eiginlegi Chevrolet hefur
um langt skeið haldið sæti sínu
sem heimsins söluhæsta bifreið.
Útlit hans hefur síðan 1961, eða
um fjögurra ára skeið einkennzt
af beinum látlausum línum. —
Áhrifa tilbreytingaleysis mun
ekki hafa gætt fyrr en undir það
siðasta, enda sýnir Chevrolet
„flaggskip“ sitt í ár með all-
nýstárlogu útliti. Helztu einkenni
þess eru mjúkar, sveigðar línum
og ber mest á þeim í gluggalín-
unni. Þetta útlit, sem menn
nefna „bylgjulínuna“ er reyndar
sameiginlegt einkenni flestra G.
M. gerða í ár. Chevrolet hefur
lengst um 8 cm. og breikkað um
6 em., en er hins vegar 1 cm.
lægri en s.l. ár. Chevrolet er nú
byggður á rafsoðna stigagrind,
í stað x laga grindar áður. —
Enn fremur eru allar rúður
sveigðar, og aðhæfast þannig enn
betur hinu nýja útliti.
CHEVEÍLLE kemur nú fram í
annað sinn og hafa aðeins litlar
breytingar verið gerðar á hon-
um. Þegar Chevelle kom fyrst á
markaðinn fyrir ári, vakti útlit
hans mikla athygli og má segja
að þar hafi G.M. „prufukeyrt"
þau útlitseinkenni, sem nú ráða
mestu. Helzti kostur Chevelle er
annars stærð hans, hann er að
lengd og breidd jafnstór Chevro
let 1966. Þessi stærð þykir hent-
ug til aksturs í bæjum, jafnframt
því að vel fari um 6 farþega.
Stærð sem þessi er vinsæl meðal
atvinnubílstjóra, t.d. tók Bif-
reiðastöð Steindórs 10 slíka bíla
í notkun á árinu.
CHEVY XI er að mestu leyti
óbreyttur frá síðasta ári, aðeins
breytt krónlögn og vatnskassa-
hlif, en bodyskelin hin sama. —
Chevy stingur því nokkuð í stúf
við aðrar gerðir Chevrolet í ár,
þar sem hann heldur útliti sínu,
með béinum látlausum línum,
sem hann hefur haldið frá því
hann fyrst kom út, árið 1962.
Þetta má e.t.v. rekja til þess, að
G.M. gerir ekki meiriháttar breyt
ingar á smærri gerðum nema á 5
ára fresti, eins og sjá má á
Corvair.
CORVAIR kemur nú á mark-
aðinn í sjötta sinn, og í fyrsta
skipti í nýjum ham. Hann hefur
fengið bylgjudregna gluggalínu,
og hefur öll breytingin miðað að
því, að minna á sportbíla. Eina
og kunnugt er ,hafa amerísku
verksmiðjurnar auglýst af ákafa
nýjar gerðir ódýrra bifreiða setn
minna á sportbíla og eiga að
hæfa ungu fólki. Einna minnst
hefur borið á G.M. í þessu kapp-
hlaupi til þessa.
Aðrir amerískir bílar frá G.M.
fylgja að mestu sömu stefnu og
Chevrolet, Buick, Oldsmobile og
Pontiac sýna stærri gerðir sínar
með bylgjulínu en minni gerð-
irnar nær óbreyttar. Yfirleitt
virðast „Coupé“ bilar bera af,
hvað fegurð snertir í ár, og eina
ig eru hinir nýju „station“ bílar
með „skyroof“ til augnayndis.
VAUXHALL-verksmiðja G.M,
I Englandi kemur fram með
Velox og Cresta lítilsháttar
breytta. Viva, minnsti bíllinn,
verður eins, en í hópinn bætist
sendibíll. Von er á nýjum Victor
um áramótin en mikil leynd hvíl
ir yfir þeim breytingum.
OPEL sýnir allar gerðir ó-
breyttar, en býður nú ríkuleg-
ustu milligerðirnar, Rekord „L*
og sportbílinn Rekord Coupé,
einnig með 6 strokka, 115 ha.
Kapitan vélum.
Eftir um það bil einn mánuS
hyggst Véladeild SÍS sýna al-
menningi nýjustu gerðir Chevro-
let bifreiða í hinu nýja húsnæði
sínu í Ármúla 3.
Rit um einangrun íbúðarhúsa
Frá IðnaðardeilcJ Atvinnudeildar
IÐNAÐARDEILD Atvinnudeild
arinnar hefur sent frá sér rit
um einangrun íbúðarhúsa, en
það er fyrsti þáttur í kynningar-
starfsemi, sem áformað er að
efla varðandi íbúðarbyggingar.
En rannsóknir á einangrunar-
efnum voru eitt af fyrstu verk-
efnum Iðnaðardeildarinnar eftir
að hún var stofnuð 1937. Guð-
mundur Halldórsson, verkfræð-
ingur, hefur unnið ritið í sam-
ráði við sérfæðinga bæði innan
stofnunarinnar og utan.
í inngangi bókarinnar er m.a.
bent á eftirfarandi, ef einhver
skyldi efast um gildi góðrar ein-
angrunar: 1) Aukin einangrun
minnkar hitakostnað og er því
heppileg bæði fyrir einstaka hús
eigendur og þjóðina í heild.
Láta mun nærri að við íslend-
ingar eyðum árlega til upphit-
unar íbúðarhúsa um 200 millj-
ónum króna 2) Vel einangrað
hús endast betur vegna minni
rakaskemmda 3) Góð einangrun
veldur jafnari hitadreifingu,
þannig að herbergin nýtast bet-
ur 4) Illa einangrað hús er hins
vegar heilsuspillandi og er allt-
af óþægilegur dvalarstaður.
Þannig mæla gild rök með góðri
einangrun, en til að kostirnir
komi skýrt í ljós, þarf m. a. að
taka tillit til eftirfarandi atriða:
a) Samræmi verður að vera í
einangrun hússins. T. d. er lítið
gagn að mjög góðri einangrun
á gólf, veggi og þak, ef síðan
er notað einfalt gler í glugga
b) Vandað skal til uppsetning-
ar einangrunarinnar, því að rif-
ur og holur gegnum einangrurv-
arlagið auka mjög varmatap
frá húsinu. c) Létta húshluta
(t. d. úr tré) þarf að einangra
allt að helmingi betur en þunga,
M. a. af þeim sökum þarf að ein-
angra þök sérlega vel. d) Raki
eykur varmaleiðni einangrunar-
efnisins og þar með varmatap-
ið frá húsinu. Þarf því að verja
einangrunina gegn raka með
réttri notkun rakavarnarlaga.
e) Fyrir hverja gráðu, sem með-
alherbergishiti er hærri en 20
stig C, vex varmatap frá húsinu
um 6%. Því er hagkvæmast að
herbergishitinn sé sem jafnast-
ur í kringum 20 stig C, en slíkt
er bezt tryggt með því að láta
sérfróðan mann reikna út mið-
stöðvarkerfið. Þá er minnt á
nokkur atriði er valda því að
erfitt er að gefa algildar reglur
um einangrun húsa, svo sem
veðurfar (meðalhiti ársins um
2 stigum lægri á Norðurlandi
en SuðuúlandiX hitunaraðferð
og rakavarnarlög.
Ritið um einangrun íbúðar-
húsa er 67 bls. að stærð og í þvi
aö finna miklar upplýsingar fyr-
ir þá sem þurfa að taka ákvarð-
anir um einangrun húsa. f henni
er mikið af töflum og skýrmtj-
artextum.
Fólk vantar til
frystihússtarfa
FI8KUR hf.
Hafnarfirði. — Sími 5Ö-M3.