Morgunblaðið - 27.10.1968, Blaðsíða 11
MORGUNBLAÐIÐ, SUNNUDAGUR 27. OKTÓBER 1968
11
BEZT að auglýsa
í Morgunblaðinu
- SVOBODA
Framhald af bls. 9
en varð síðan að fara huldu
höfði ásamt dóttur sinni.
Einkasonur þeirra hjóna, Mir
oslav að nafni, var tekinn til
fanga árið 1942 og sendur í
eina af útrýmingarbúðum naz
ista, þaðan sem hann átti
ekki afturkvæmt lifanSi.
Kjarnfóður
Slml 1 11 25
Símnefni: Mjólk
félag
Reykjavíkur
Enda þótt Ludvik Svoboda
sé orðinn maður aldraður, hef
ur hann tekið mjög virkan
þátt í þeirri þróun til aukins
frjálsræðis og endurreisnar
þjóðlífsins, sem hófst í janúar
sl. Hann er enn við góða
heilsu og hefur sýnt, að hann
hefur til að bera hörku her-
mannsins, sem er reiðubúinn
til þess að fórna öllu fyrir
föðurland sitt. Sennilega hefði
naumast nokkur annar maður
verið þess megnugur að sam-
eina eins Tékka og Slóvaka í
endurreisnarstarfi því, sem
hafið var í byrjun þessa árs
jafnt sem þá örlagaríku daga
er í hönd fóru eftir innrás Sov
étríkjanna og fylgiríkja þeirra
í Tékkóslóvakíu.
Það má telja víst, að það
hafi verið járnvilji þessa
gamla hermanns sem kom í
veg fyrir, að Rússar skipuðu
leppstjórn í Tékkóslóvakíu
þegar eftir hernám landsins.
Hann stóðst allar þvinganir í
þá átt að skipa nýja ríkis-
stjórn í stað þeirrar, sem fyr-
ir var, enda þótt ráðherrar-
nir væru ýmist fangelsaðir í
Moskvu, færu huldu höfði í
Prag eða værú í útlegð. Það
má einnig telja víst, að hann
hafi komið í veg fyrir það
með einbeitni sinni, að Alex-
ander Dubcek, Josef Smrkov
sky og aðrir þeir, sem Rússar
höfðu flutt nauðuga til
Moskvu, yrðu teknir af lífi.
Hann kvaðst ekki vera til
viðtals við sovézk stjórnar-
völd, nema Alexander Dub-
cek og hinir flokksleiðtogar-
nir frá Tékkóslóvakíu yrðu
látnir setjast að samningaborð
inu ásamt sér og fengju að
taka þátt í samningaviðræð-
unum. Yrði eitt hár á höfði
þeirra skert, þá hótaði hann
því að fremja sjálfsmorð og
allur heimurinn myndi skilja,
hvers vegna hann hefði grip-
ið til slíks örþrifaráðs. Þessa
örlagaríku daga varð Ludvik
Svoboda að hetju í augum
þjóðar sinnar.
!