Morgunblaðið - 07.09.1974, Qupperneq 14

14
MORGUNBLAÐIÐ, LAUGARDAGUR 7. SEPTEMBER 1974
Loran C viðtæki
1. TRUFLANAMÆLIR.
2. TRUFLANA DEYFARI.
3. AÐVÖRUNARLJÓS, EF STÖÐ DETTUR ÚT.
4. SVIÐVELJARI.
5. RÆSIR OG LJÓSSTYRKUR.
6. AÐVÖRUNARLJÓS VEGNA STRAUMROFS.
7. TRUFLANAFILTERAR, STILLANLEGIR.
8. LEITARSTILLING FYRIR STÖÐ.
9. LORAN C KEÐJUVELJARI.
■ Finnur fyrri stöðu með 15 — 40 metra fráviki.
'■ Nákvæm staðarákvörðun 70 — 400 m á jarðbylgju.
■ Langdrægni — 1200 sjómílur jafnt dag sem nótt á jarðbylgju 2500
sjómílurá refleksbylgju.
■ Áreiðanlegar upplýsingar, stillanlegir filterar á truflandi stoðvar.
■ Rautt Ijós kviknar um leið og stöðin fellur út.
■ Auðveldur aflestur sjö stafa tala með stillanlegum Ijósstyrk, sem
gefur stöðulínur á víxl.
'H Öruggt í notkun, innbyggðar neyðarrafhlöður taka sjálfvirkt við ef
straumrof verður.
VIÐHALDS OG VARAHLUTAÞJÓNUSTA
Friðrik A. Jónsson
Bræðraborgarstíg 1
Kin nýja álma sjúkrahúss Akraness. Ljósm. h.j.þ.
Nýja sjúkrahúsálman á
Akranesi tekin í notkun
Akranesi, 4. sept.
ÞRIÐJUDAGINN 27. ágúst var
tekinn f notkun inngangshluti
nýbyggingar sjúkrahúss Akra-
ness.
Undirbúningur að byggingu
hússins hófst, er byggingar-
nefnd var kosin, hinn 6. aprfl
1962. Bygging hússins hófst
haustið 1963. 1 desember 1968
var tekin til notkunar 31 rúma
sjúkradeild. Læknamiðstöð og
heilsuvernd var tekin f notkun
vorið 1970 og röntgendeild árið
1972.
Byggingaráfangi sá, sem nú
er lokið, er um 17% allrar ný-
byggingarinnar. 1 honum er
aðalanddyri, aðstaða fyrir alla
stjórnun og skrifstofur, fundar-
herbergi, biðstofa, skiptistofa,
sölubúð, sjúkrastofa fyrir 4
rúm auk nauðsynlegra snyrti-
herbergja. Auk þessa hefur
verið sett upp lyfta.
Áformað er að ljúka
innréttingu eldhúss á þessu ári
og taka í notkun 31 rúm á lyf-
lækningadeild á næsta ári.
Byggingu hússins mun væntan-
lega ljúka árið 1977.
Húsið er teiknað af teikni-
stofu Húsameistara ríkisins.
Nú hin síðari árin hefur Verk-
fræði- og teiknistofan s/f,
Akranesi, annast allar inn-
réttingateikningar undir umsjá
húsameistara, en stofan hefur
séð um hönnun burðarvirkja og
lagna frá upphafi.
Stjórn sjúkrahúsins bauð til
kaffidrykkju í tilefni af opnun
þessa hluta byggingarinnar,
sem raunar setur á hana nýtt
andlit á móti suðri og sól. —
Við það tækifæri bauð forstöðu-
maðurinn Sigurður Ölafssön
gesti velkomna, og eftirtaldir
aðilar fluttu ávörp: —
Jóhannes Ingibjartsson
byggingafulltrúi, Ríkharður
Jónsson, form. sjúkrahúss-
stjórnar, Daníel Ágústínusson,
forseti bæjarstjórnar, og
Guðmundur Árnason, form.
læknaráðs, en hann er yfir-
læknir lyflækningadeildar-
innar.
Júlfus.
Mývetningar taka upp
ítölu í .beitarlönd sín
Mývetningar hafa í hyggju að
taka upp ítölu I beitarlönd sín,
en land þeirra nær allt fram að
Vatnajökli. Samþykkti hrepp-
stjórn Skútustaðahrepps sl.
vetur að undirbúa þetta, með
því að fara fram á að fá gerð
gróðurkort af öllu svæðinu,
heimalöndum og öræfum, og
var því lokið í sumar.
— Það er merkilegt og lofsvert að
eitt sveitarfélag skuli taka það upp hjá
sjálfu sér að telja fé ! beitarlöndin, til
að tryggja að gróðurlendi sé ekki
skemmt, sagði Ingvi Þorsteinsson, sem
var með flokk manna fyrir norðan til að
vinna þetta verk. En þetta mun vera
fyrsta sveitarfélagið, sem ákveður ítölu
og laetur fara fram sllka heildarúttekt I
byggð og á fjöllum.
— Ekkert bendir til þess að Mý-
vatnssveitin sé ofsetin fé, sagði Ingvi.
En talsvert er þar um gróður- og jarð-
vegseyðingu af foki. Búið var að kort-
leggja IVIývatnsöraefin áður, en I sumar
voru heimalöndin tekin fyrir og verkinu
lokið.
Sagði Ingvi, að vonir stæðu til þess
að af þessu svæði yrði gert fyrsta
svonefnda myndkortið, sem er raunar
loftmynd og nákvæmasta kort, sem
hægt er að fá. Mundi væntanlega fást
aðstoð við það, en að þvl standa Rala
og Landmælingar auk sveitarfélagsins.
Auk Mývatnssveitar var I sumar unn-
ið að kortlagningu á gróðri á Flateyjar-
dalsheiði inn af Fnjóskadal, að beiðni
viðkomandi sveitarfélags En þarna er
mikið gósenland hvað gróðurfar snert-
ir Varjróðurkortagerð lokið á þessum
stað Einnig var I sumar lokið við
kortlagningu Austur-Skaftafellssýslu,
og þá búið að kortleggja gróðurfars-
lega alla sýsluna, bæði hálendi og
láglendi. En þannig er búið að taka
fyrir alla Borgarfjarðarsýslu og Mýra-
sýslu. Á landinu öllu er búið að kort-
leggja um 60%. Við þessi störf eru
6—10 menn á hverju sumri, sem fer
eftir fjárveitingu.
Gróðurkort hafa verið gerð af öllu
mið-hálendinu, og tekið til við byggð-
Gróðurfarsleg
úttekt gerð
á öllu svœðinu
ina. Nú er ekki aðeins tekinn fyrir
gróðurinn, heldur llka ræktunarskilyrði
á hverri jörð og jafnframt sett niður
landamerki á hverri einustu jörð.
Sagði Ingvi Þorsteinsson, að nú væri
að verða algengt að óskað væri eftir
gróðurfarslegri úttekt á vissum svæð-
um I sveitunum. Bærist svo margar
beiðnir um sllkt, að engan veginn sé
unnt að sinna þvl öllu. Sé Ifkt og
bændur hafi vaknað við og áttað sig á
þvi hversu brýnt þetta sé. Hefði þjóðar-
gjöfin, aukin fjárveiting til þessara
verkefna, þvl ekki getað komið á betri
tíma. En þar er ætlast til að hluti
fjárveitingarinnar fari til þess að auka
afköstin við úttekt á gróðrinum
Kvaðst Ingvi vonast til þess, að með
þeirri fjögurra milljón króna fjárveit-
ingu til viðbótar sem til kæmi I þessu
skyni, yrði hægt að Ijúkra gróðurfars-
legri úttekt á landinu og gróðurkorta-
gerð af þvl öllu áður en fimm ár væru
liðin.