Morgunblaðið - 14.08.1975, Qupperneq 2

2
MORGUNBLAÐIÐ, FIMMTUDAGUR 14. AGÚST 1975
Rætist úr heyskapnum
norðanlands og austan
ENN hefur sáralltið rætzt úr hey-
skaparhorfum bænda sunnan-
lands og vestan, þar sem ekki
hefur fengizt almennilegur
þurrkur, fremur jaðrað við rign-
ingu en hitt undanfarna daga.
Hins vegar hefur staða bænda á
Norðurlandi og Austurlandi batn-
að verulega og er orðin allgóð
eftir þurrkinn undanfarna daga
og sagði Halldór Pálsson búnaðar-
málastjóri I samtali víð Mbl. I
gær, að þar væri ekkert neyðará-
stand lengur.
Bændur sunnanlands og vestan
hafa getað heyjað I vothey og þeir
sem hafa sérlega öfluga súgþurrk-
un hafa e.t.v. getað komið ein-
hverju þurrheyi í hlöðu, að því er
Halldór taldi, en flestir hafa sára-
litlu náð inn ennþá og er útlitið
ekki gott. Hins vegar getur enn
rætzt verulega úr þessu, ef sam-
felldur þurrkur fæst um skeið, en
ljóst er, að fóðurgildi þessa heys
hlýtur að verða mun lakara en
það var t.d. í fyrra, er það var I
heildina mjög gott.
Erfiðlega gengur
að hemja Múlakvísl
VINNUFLOKKUM Vegagerðar-
innar misheppnaðist I fyrstu til-
raun að hemja Múlakvísl og urðu
að hættastörfum við bráðabirgða-
„Tilbúnir
að taka
allt landið”
— segir Sverrir Runólfs-
son sem byrjar „blöndun
á staðnum" í dag
1 DAG er ætlunin að taka vega-
gerðarvél Sverris Runólfsson-
ar I notkun í fyrsta sinn á
Islandi og verður byrjað á að
beita vélinni til „blöndunar á
staðnum** á hundrað metra
löngum vegarkafla á Kjalar-
nesi. Þar hafði Sverri verið út-
hlutað 1200 metra löngum veg-
arspotta til tilrauna með þessa
vél og er nú loks Iokið undir-
byggingu vegarins. 1 samtali
við Mbl. I gær lýsti Sverrir
bjartsýni sinni vegna þessara
framkvæmda og sagði m.a.:
„Við erum alveg tilbúnir til að
taka ailt landið.“
Sverrir lagði á það áherzlu,
að hans þáttur I vegarlagning-
unni væri fyr'st að hcfjast mcð
þessu verki I dag. Undirbygg-
ingin kæmi sér eiginlega ekki
við, þar scm verklýsing sín
hefði ekki verið tekin til
greina á sfnum tíma. Sögur
hafa verið á kreiki um að und-
irbygging vegarins væri orðin
geysilega dýr, en Sverrir
kvaðst engan hlut eiga að þvl
máli. „Það má aðeins nefna
nafn Sverris Runólfssonar I
sambandi við „blöndun-
á-staðnum“ — aðferðina,“
sagði Sverrir.
Árdegis I dag munu tveir
vegheflar ryðja mölinni á veg-
inum upp I hrygg og síðan
mun blöndunarvélin blanda
sementi saman við mölina, áð-
ur en vegheflarnir breiða sfð-
an úr malarlaginu á ný. Þá á
eftir að setja asfaltlag ofan á
og mun malbikunardeild
Reykjavfkurborgar annast það
verk, en þó nota aðferð, sem
aldrei hefur verið beitt hér
áður, að þvl er Sverrir telur,
en hún felst I því, að kornin I
asfaltinu eru forhúðuð áður en
þau eru lögð sem slitlag. —
Sverrir stefnir að því að Ijúka
hinum 1100 metrum undir-
lagsins strax eftir helgi. Verk-
ið I dag er eiginlega bara æf-
ing, hitt verður allt lagt á ein-
um degi, segir hann.
Stálvík með
95 lestir
Siglufirði, 13. ágúst.
Skuttogarinn Stálvik er kominn
inn með 95 lestir af góðum fiski,
aðallega þorski, eftir skamma úti-
vist.
M.J.
viðgerð á brúnni yfir ána um mið-
nætti f fyrrakvöld. Hafði áin þá
brotið sér leið að nýju inn f gamla
farveginn, en áður höfðu vega-
vinnumenn náð að veita vestari
hluta hennar burt úr farvegi sfn-
um. Voru þeir búnir að reka nið-
ur nokkra staura sem undirstöður
undir bráðabirgðastöpul undir
brúna, en urðu frá að hverfa er
vatn flæddi aftur yfir svæðið, sem
þeir unnu á. Staurarnir standa þó
ennþá.
Einar Hafliðason verkfræðing-
ur hjá Vegagerðinni sagði í sam-
tali við Mbl. í gær, að gera ætti
aðra atlögu að ánni og reyna að
breyta farvegi hennar, en ekki
myndi sjást fyrr en árdegis á
fimmtudag hvort það tækist. Ef
heppnaðist að hemja ána að þessu
sinni, yrði haldið áfram að koma
bráðabirgðastöpli undir brúna, en
erfitt væri að segja til um hversu
langan tíma það verk tæki. Það
gæti verið allt frá nokkrum tím-
um upp i 1—2 daga. Því væri ekki
unnt að spá neinu að svo stöddu
um það, hvenær unnt yrði að opna
brúna fyrir bílaumferð að nýju.
< Ljósm. Sv. Þorm.
í GÆR voru settir lásar á hurðir flugskýlisins á Reykjavikurflugvelli,
þar sem mikið tjón varð á tveimur litlum flugvélum sl. sunnudag vegna
fikts manns eins, sem var þar á ferð í leyfisleysi. Gunnar Sigurðsson
flugvallarstjóri sagði i samtali við Mbl. í gær, að áður hefði verið reynt
að setja lása á hurðirnar, en margir aðilar geymdu flugvélar þarna inni
og oft væri unnið þar inni á nóttunni og því væri ákaflega erfitt að
tryggja, að ekki kæmust þar inn óviðkomandi aðilar. Gunnar sagði, að
ef flugvélaeigendurnir vildu hafa sérstakan gæzlumann í skýlinu, yrðu
þeir að ráða hann sjálfir sem leigutakar skýlisins.
Fölsku peningarnir
ekki í umferð hér
MORGUNBLAÐIÐ ræddi í gær
við helztu myntsala höfuðborgar-
innar og spurði þá hvort þeir
hefðu fengið til sölu fölsuð eintök
af minnispeningi Jóns Sigurðs-
sonar, en frá fölsun þeirra var
skýrt í blaðinu í gær. Bar þcim
saman um að slfkir peningar
hefðu ekki verið I umferð hér
néma hvað einn myntsali fékk
falsaðan pening erlendis frá og
var hann kveikjan að því að þessi
mál voru könnuð. Tóku mynt-
salarnir skýrt fram, að þeir hefðu
kynnt sér vel öll einkenni minnis-
penings Jóns Sigurðssonar og
væru þeir á varðbergi ef falskir
peningar kæmu I dagsljósið.
Blaðið ræddi í gær við Björn
Tryggvason aðstoðarbankastjóra
Seðlabankans. Hann sagði, að
fullvíst væri talið, að fölsku pen-
ingarnir væru gerðir í Lfbanon og
líklegast að þarlendir aðilar væru
upphafsmenn að fölsuninni. Væri
mjög erfitt að ráða við þetta þar
eð stjórnvöld í Lfbanon vildu
ekkert gera til að stemma stigu
við þessari iðju.
Samkvæmt þeim upplýsingum
sem Mbl. aflaði sér í gær er áferð
fölsku peninganna önnur en
þeirra sem eru ekta. Er talið að
þeir séu steyptir í mót en ekki
slegnir eins og upprunalegi minn-
ispeningurinn. Auk þess hefur
upprunalegi peningurinn nokkur
sérkenni sem hægt er að þekkja
hann á og er talið að hann sé
þannig til f a.m.k. fjórum
afbrigðum. Á einu þeirra eru t.d.
þrjú örsmá bogin strik fyrir ofan
eðið í föðurnafni Jóns og í öðru
afbrigðinu er lykkja í skjaldar-
merkinu. Þessi sérkenni sjást
ekki berum augum, heldur verður
að nota stækkunargler til þess að
sjá þau.
Þess skal að lokum geta, að
Morgunblaðið hefur undir hönd-
um bréf frá firma nokkru í Beirút
í Lfbanon til íslenzks aðila. Segir
Framhald á bfs. 23
Samið um
nýja land-
helgisflug-
vél í gær
TVEIR ráðherrar, þeir Matthfas
Á. Mathiesen fjármálaráðherra
og Ölafur Jóhannesson dóms-
málaráðherra, undirrituðu f gær
samning við fulltrúa hollenzku
Fokker-flugvélaverksmiðjanna
um kaup á flugvél af gerðinni
Fokker Friendship til handa
Landhelgisgæzlunni. Rfkisstjórn-
in hefur veitt heimild til töku 450
milljón króna láns til kaupa á
vélinni, en að sögn Baldurs Möll-
ers ráðuneytisstjóra mun endan-
legt verð vélarinnar þó verða
nokkru hærra, þegar öll tæki og
innréttingar hafa verið keypt í
vélina.
Vélin verður afhent Islending-
um f nóvember eða desember á
næsta ári, að sögn Péturs Sigurðs-
sonar forstjóra Landhelgisgæzl-
unnar, og sagði hann það mjög
skjóta afgreiðslu, þar sem nú væri
yfirleitt um tveggja ára af-
greiðslufrest að ræða á þessari
gerð flugvéla. Vélin er í grund-
vallaratriðum sömu gerðar og TF-
SÝR, Fokker-flugvélin, sem Land-
helgisgæzlan á nú, en þó hafa
orðið um 270 breytingar, smærri
og stærri, frá þvf að SÝR var
smíðuó. Nýja vélin er alveg eins
og Fokker-farþegavélarnar, en án
farþegainnréttingar. Hún verður
búin bensíngeymum til langflugs
og á að hafa allt að 12 tíma flug-
þol. Hún verður með stóra út-
sýnisglugga og aðstöðu fyrir rat-
sjá. Eftir er að velja f hana ýmis
tæki, þar sem, það þarfnast
nánari athugunar, að sögn Péturs.
Þá á einnig eftir að ákvarða um
innréttingar f hana að nokkru
leyti, en þær verða smfðaðar hér
heima að hluta.
Undirmenn sam-
þykktu heimild
til verkfalls
SlÐDEGIS í gær voru talin at-
kvæði f atkvæðagreiðslu undir-
manna á kaupskipunum um það
hvort heimila ætti stjórn og trún-
aðarmannaráði boðun verkfalls
eða ekki. Urðu úrslit atkvæða-
greiðslunnar þau, að já sögðu 85,
en 17 sögðu nei.
Engin ákvörðun hefur verið
tekin um boðun verkfalls, að sögn
Guðmundar Hallvarðssonar sem
sæti á í samninganefnd undir-
manna. Sáttasemjari hefur boðað
fulltrúa undirmanna og skipafé-
laganna til fundar klukkan 10 fyr-
ir hádegi f dag.
Sú krafa sem undirmenn setja á
oddinn er að verða ekki lakar
launaðir en hafnarverkamenn
sem þeir vinna við hliðina á í
höfnum, en að sögn undirmanna
hafa þeir dregizt verulega aftur
úr hafnarverkamönnum hvað
kaup snertir undanfarin ár.
Guðmundur teflir á
5 mótum til áramóta
GUÐMUNDUR Sigurjónsson
stórmeistari heldur I vikulokin
til Lundúna en þar mun hann
tefla á skákmðti sem hefst n.k.
sunnudag og lýkur sunnudag-
inn 31. ágúst. Þátttakendur á
mótinu eru 11 talsins, þar af 5
stórmeistarar. Að þessu móti
loknu heldur Guðmundur beint
til Spánar og teflir þar á móti á
Costa Brava. Að þvf Ioknu held-
ur hann til Svíþjóðar og teflir
fyrir íslands hönd f 6-landa
keppninni sem að þessu sinni
er haldin í Gautaborg. Síðan
verður hálfstnánaðar frf þar til
svæðamótið í Júgóslavfu hefst
19. október en þar verður
Guðmundur meðal þátt-
takenda. Loks mun Guðmund-
ur taka þátt I Hastingsmótinu
um áramótin, en á þvl móti
tryggði Guðmundur sér stór-
meistaratitil um sfðustu ára-
mót. Af þessari upptalningu
má sjá, að Guðmundur mun
ekki sitja auðum höndum á
næstunni.
Morgunblaðið fékk þær
upplýsingar hjá Guðmundi í
gær, að auk hans myndu stór-
meistararnir Adorjan frá Ung-
verjalandi, Sax frá Ungverja-
landi, Timman frá Hollandi og
Torre frá Filipseyjum tefla á
mótinu í Lundúnum. Tveir al-
þjóðlegir meistarar tefla á mót-
inu, Miles og Nunn frá Eng-
landi, og auk þeirra tefla 4 titil-
lausir, Basman, Webb og Horn-
er frá Englandi og Pritchett frá
Skotlandi. Framangreindir
stórmeistarar eru allir þekktir
skákmenn.
Mótið á Costa Brava á Spáni
hefst 3. september og stendur
til 18. sama mánaðar. Þegar er
ljóst að þarna verða nokkrir
þekktir skákmeistarar, svo sem
stórmeistararnir Vaganjan frá
Sovétríkjunum, Szabo frá Ung-
verjalandi, Pomar frá Spáni,
Ciric frá Júgóslavíu og Benkö
eða Reshewsky frá Bandaríkj-
unum, auk Guðmundar. Þá
verður Garcia frá Kúbu með, en
hann er alþjóðlegur meistari.
Þátttakendur eru alls 12 tals-
ins. Guðmundur tefldi á þessu
móti i fyrra.