Morgunblaðið - 03.01.1979, Síða 25

MORGUNBLAÐIÐ, MIÐVIKUDAGUR 3. JANÚAR 1979
25
fclk í
fréttum
+ INGRID drottningarmóðir í Danmörku átti mjög ánægjuleg jól með fjölskyldu sinni (
Fredensborgarhöll. Fyrir hana voru þau dálítið einstök, þetta munu vera fyrstu jólin sem öll
fjölskyldan „gat mætt til leiks“, þ.e.a.s.i dæturnar, tengdasynirnir og barnabörnin. Jólahaldið var að
venjulegum dönskum sið, farið var til aftansöngs, síðan var jólamaturinn borinn á borð. Það var
jólagæs og hrísgrjónagrautur. bví næst var gengið kringum jólatréð og jólasálmar sungnir við
undirleik Hinriks prins, sem lék á píanóið. Myndin var tekin í höllinni á aðfangadagskvöld. Er Ingrid
drottningarmóðir á myndinni miðri. Ef talið er frá vinstri í aftari röðinni eru þar> Margrét
Danadrottning og Hinrik prins, Benedikta prinsessa og prins Richard, Konstantín konungur af
Grikklandi og drottning hans, Anna María. Pilturinn, sem stendur fyrir framan Margréti drottningu,
er krónprinsinn Páll af Grikklandi og unga stúlkan sem leiðir ömmu sína er Alexia systir hans,
prinsessa af Grikklandi. — Barnabörn Ingiríðar eru fremst, prinsessur og prinsar. — Frá vinstri til
hægri Nicolas (Grikklandi) Joachim prins af Danmörku, Gustav prins af Berleburg, Nathalia
prinsessa af Berleburg og systir hennar Alexandre prinsessa. Lengst til hægri situr Frederik prins af
Danmörku.
+ MYNDIN er tekin í skrifstofu forseta V-Þýzkalands, er sendiherra Islands þar í landi gekk á fund
Walters Scheel forseta Sambandslýðveldisins, til að afhenda honum skilríki sín. — Konan lengst til
vinstri dr. Hildegard Hamm Briicher sem er aðstoðar utanríkisráðherra, þá kemur sendiherrann
Pétur Eggerz, Walter Scheél forseti og lengst til hægri er skrifstofustjórinn í forsetaskrifstofunni dr.
Paul Frank.
FRÁ LEIÐBEIIMINGASTÖÐ HUSMÆÐRA
Unnt er að geyma
afganga af hátíða-
matnum
Margar spurningar út af
geymslu á matarafgöngum hafa
borist til Leiðbeiningastöðvar
innar undanfarna daga. Hér skal
því í stuttu máli gert grein fyrir
hvernig best er að frysta
hátíðamatinn.
Kjötréttir
Ef heimafólkið er orðið leitt á
hangikjötinu má frysta afganginn
og bera hann á borð síðar meir.
Skiptið kjötinu í hæfilega
skammta en hafið ekki meira en
um 1 kg. í hvern skammt, ella er
kjötið of lengi að gegnfrjósa.
Mjög áríðandi er að nota lykt-
heldar umbúðir, svo að ekki komi
hangikjötsbragð af öðrum mat
sem geymdur er í frystinum.
Plastpokar eru ekki nægilega
lyktheldir, það verður því að nota
álþynnu, vefja hana þétt utan um
kjötið og láta síðan grisju eða
venjulegan umbúðapappír utan
um til að hlífa álþynnunni, En
hún er viðkvæm og hættir henni
til að rifna ef hún verður fyrir
hnjaski.
Einnig mætti skera hangikjötið
í þunnar sneiðar, leggja smjör-
pappír á milli sneiðanna, setja
hæfilega margar sneiðar í ál-
þynnu og frysta þær síðan. Þar
með er til gott álegg á heimilinu,
sem unnt er að grípa til, þegar á
þarf að halda.
Á sama hátt má ganga frá
skinku. Það má frysta skinku þótt
hún hafi verið soðin niður í dós.
Afganga af steik má einnig
frysta annaðhvort í bitum eða í
sneiðum. Steik má frysta í
plastpoka eða plastþynnu.
Þá afganga sem hér hafa verið
nefndir má geyma í um þrjá
mánuði, en gæðin versna smám
saman, svo best er að geyma ekki
slíkan varning of lengi í frystin-
um. Þeir tapa gæðunum sínum
minnst ef þeir eru þýddir í
umbúðunum í kæliskápnum.
Fiskréttir
Soðinn fisk má frysta í soðinu
eða í sósunni sem borið er með.
Leggið réttinn í álmót eða í
plastbox. Geyma má fiskrétti í
um tvo mánuði. Þíðið þá í
umbúðunum og hitið þá við mjög
vægan hita en sjóðið ekki réttinn,
þar sem hætt er við, að fiskurinn
verði þá sundurlaus.
Síld í edikslegi má frysta með
góðum árangri í góðu íláti með
þéttu loki. Hellið ediksleginum
yfir síldarflökin, svo að þau séu
alveg hulin af leginum. Vissara er
að vefja álþynnu utan um ílátið,
svo að síldarlyktin breiðist ekki út
um alla frystikistuna.
Síld í edikslegi má geyma í um
þrjár vikur í frysti. Best er að
þýða hana í umbúðunum í kæli-
skáp.
í frysti
Fisk í hlaupi er hinsvegar ekki
unnt að frysta með góðum
árangri, hlaupið verður lint og
leiðinlegt.
Ábætisréttir
Matarlímsbúðinga má frysta
með góðum árangri. Má geyma þá
í skálum úr eldföstu gleri. Venju-
legt gler er viðkvæmt fyrir
snöggum hitabreytingum, og því
hætt við að það springi sé það
látið í frystinn.
Hinsvegar skal ekki frysta
ávaxtahlaup eða ávaxtagrauta
sem jafnaðir hafa verið með
kartöflumjöli. Eplaköku með
brauðmylsnu má frysta, en brauð-
mylsnan verður þá ekki stökk,
þegar eplakakan er borin fram.
Pönnukökur má frysta með
góðum árangri, Vefjið þær saman
og setjið sultu á þær ef vill.
Leggið pönnukökurnar í plastbox
og setjið tvöfalda plastþynnu á
milli laga.
Á sama hátt má frysta vöfflur.
Setjið tvöfalda plastþynnu á milli
vöfflulaga og vefjið ál- eða
plastþynnu utan um þær. Vöfflur
og pönnukökur má þíða í um-
búðunum með því að láta þær
liggja á eldhúsþorðinu. En með
því að láta plastþynnu á milli laga
má taka þær í sundur, þær þiðna
þá mjög fljótt.
Ýmislegt fleira
Soðið rauðkál má frysta með
mjög góðum árangri. Það þarf
einungis að setja það í plastpoka
áður en það er látið ofan í
frystikistuna. Setjið frosið kálið
beint í pottinn og hitið það áður
en það er borið á borð.
Ef keypt hefur verið of mikið af
osti má frysta hann í hæfilegum
bitum. Hætt er þó við að ostar
sem hafa verið frystir molni og
þorni.
Afganga af rjóma má frysta í
góðum ílátum, en hætt er við að
rjóminn verði dálítið kekkjóttur
og að erfiðar gangi að þeyta hann
með góðum árangri. Hann verður
að smjöri áður en varir.
Hrásalöt og salöt með majones
er hinsvegar ekki unnt að frysta
með góðum árangri. Sama máli
gegnir um salatblöð, heila tómata
og hreðkur.
Að lokum skal tekið fram að
gæðin á slíkum varningi rýrnar
eftir því sem geymslutíminn
lengist. Á það sérstaklega við um
þann mat sem mikil fita er í.
Geymið því ekki matinn of lengi í
frystinum. Það er góð regla að
dagsetja alla böggla sem látnir
eru ofan í frystikistuna og færa
inn í bók, strika síöan út, það sem
tekið er upp úr kistunni. Þá er
síður hætt við að góður matarbiti
gleymist á kistubotninum. g jj
.Eskulýðsráð Hafnarfjarðar gekkst í sl. viku fyrir fjölskylduhátið i
íþróttahúsi Ilafnarf jarðar. Var flutt dagskrá tvisvar um daginn. kl. 15
og kl. 20. og sóttu hana milli 1500 og 2000 manns að sögn Ellerts
Borgars Þorvaldssonar formanns ráðsins. A dagskrá var söngur
Öldutúnsskólakórsins, Ilalli og Laddi. Brimkló. diskótek og
jólasveinar komu í heimsókn og endað var á flugeldasýningu um
miðnættið. Ljósm. Kristján.