Morgunblaðið - 13.07.1979, Blaðsíða 5

MORGUNBLAÐIÐ, FÖSTUDAGUR 13. JÚLÍ1979
5
Myndin er tekin í Kerlingarfjöllum sl. laugardag, en
þar var þá sólskin og hlýtt. Hér er skíðafólk á leið í
brekkurnar eftir að hafa snætt gómsætan og hollan
morgunmat í skíðaskálanum í Kerlingarfjöllum. Fjallið
t.h. er Loðmundur. Ljósm.: sn.
Flugdagur og Islands-
meistaramót í vélflugi á
Sauðárkróki á laugardag
Sauðárkróki 12. )úl(.
FYRIRHUGAÐ er að
halda Flugdag á Sauð-
árkróki næstkomandi
laugardag, 14. júlí, og
sama dag gengst
Flugmálafélag íslands
fyrir íslandsmeistaramóti
í vélflugi á Sauðárkróks-
flugvelli. Hefst það klukk-
an 9 fyrir hádegi með
undirbúningi keppenda
fyrir flugleiðsögu keppni,
sem haldin verður fyrir
hádegi yfir fyrirfram
ákveðna stað í Skagafirði.
Eftir hádegi verður síðan keppt
í marklendingum en sigurvegari
úr samanlagðri keppninni hlýtur
Shell-bikarinn og ferð til þátttöku
í meistaramóti Norðurlanda í
vélflugi, sem haldið verður í
Finnlandi. Klukkan 15 hefst flug-
sýning á Sauðárkróksflugvelli þar
sem sýnt verður m.a. hópflug,
listflug, svifflug, fallhlífastökk og
fleira auk þess ,sem fólki gefst
kostur á útsýnisflugi að lokinni
sýningu og vélarnar verða al-
menningi til sýnis.
Búist er við að mikill fjöldi
flugvéla hvaðanæva að af landinu
heimsæki Sauðárkrók um þessa
helgi en Flugdagur á Sauðárkróki
er að verða árlegur viðburður, sem
Flugklúbbur Sauðárkróks gengst
fyrir og helgaður er minningu dr.
Alexanders Jóhannessonar.
- Kári
Innlend
framleiðsla á
hnetusmjöri
Hnetuhúsið hefur hafið fram-
leiðslu á hnetusmjöri úr jarðhnet-
um. „Jarðhnetum hefur verið lýst
sem meistaraverki náttúrunnar
hvað snertir næringargildi“, seg-
ir í Fréttatilkynningu frá fram-
leiðanda. „Má þar nefna hversu
mikill orkugjafi jarðhnetur eru:
Hálft kíló af þeim veitir um það
bil sömu orku og 1 kg. af nauta-
kjöti eða 36 meðalstór egg“.
Hnetusmjörið er notað á brauð,
í bakstur, á saltkex og margt
fleira.
Hnetusmjörið, sem Hnetuhúsið
framleiðir, er grófmalað og ekki
blandað öðrum efnum, en slíkt er
oft með innflutt hnetusmjör, segir
í fréttatilkynningunni. Þá er og
pökkunardagsetning stimpluð á
merkimiðana.
Haukur vann
og Margeir
gerði jafntefli
Haukur Angantýsson vann
Bandaríkjamanninn Albertstone
í þriðju umferð Philadelphiu-
skákmótsins og Margeir Péturs-
son gerði jafntefli við Regans frá
Bandarfkjunum. Eru þeir þá
báðir með tvo vinninga.
Efstir á mótinu eru Bandaríkja-
mennirnir Rhode og Hertan með 3
vinninga.
Lagadeild
mælir með
Stefáni Má
LAGADEILD Háskóla íslands
samþykkti á fundi fyrr í þessari
viku með öllum greiddum atkvæð-
um að mæla með því við mennta-
málaráðherra að Stefán Már
Stefánsson yrði skipaður pró-
fessor við deildina með aðal-
kennslugrein á sviði réttarfars.
Áður hafði dómnefnd úrskurðað
alla þrjá umsækjendur um stöð-
una hæfa, en þeir eru Björn Þ.
Guðmundsson, settur prófessor,
dr. Páll Sigurðsson dósent og
Stefán Már Stefánsson, settur
Dagpeningar á ferðalög-
um innanlands hækka
Ferðakostnaðarnefnd hefur
ákveðið dagpeninga til greiðsiu
gisti- og fæðiskostnaðar ríkis-
starfsmanna á ferðalögum innan-
lands á vegum ríkisins og gilda
þessir dagpeningar frá og með 1.
júlí 1979.
Til kaupa á gistingu og fæði
einn sólarhring eru greiddar
14.000 krónur en var áður 12.000
og hefur hækkað um 14%. Sé
einungis um að ræða kaup á
gistingu í einn sólarhring eru
greiddar 5.800 krónur en var áður
4.500 krónur og hefur hækkað um
26%. Til kaupa á fæði hvern
heilan dag, minnst 10 klst. ferða-
lag, eru greiddar 8.200 krónur en
var áður 7.500 og er hækkunin
8.5%. Sé um að ræða ferð í hálfan
dag, minnst 6 klst. ferðalag, er
greitt til kaupa á fæði 4.100
krónur en var áður 3.750 og nemur
hækkunin 8.5%
Mikiö úrval af:
★ Rauðum barna- og unglingabuxum
★ Alls konar Bandidó barna- og unglingabuxum
★ Bullitt denimbuxum,
★ Bandidó denimbuxum
★ Stórum bolum
★ Alls konar bolum með myndum ofl.
★ Sportjakkar barna og unglinga
★ Stuttbuxur barna
★ Kakhibuxur barna og unglinga
og auðvitað peysur, ef ykkur finnst kalt.

Barna og unglingadeild
WKARNABÆR
Austurstræti Sími 28155