Morgunblaðið - 04.08.1979, Síða 8

8
MORGUNBLAÐIÐ, LAUGARDAGUR 4. ÁGÚST 1979
Manuela Wieslcr og Heiga Ingólfsdóttir. Ljósm. Emiiía.
Fnunflytja verk eft-
ir Pál P. Pálsson
á Skálholtstónleikum
Manuela Wiesler og Helga Ing-
ólfsdóttir koma um verzlunar-
mannahelgina fram á sumartón-
leikum í Skálholtskirkju. Verða
haldnir þrennir tónleikar, kl. 15
iaugardag. sunnudag og mánu-
dag.
Á tónleikunum um helgina
verður frumflutt verk sem Páll P.
Pálsson samdi á þessu sumri og
tileinkaði Manuelu og Helgu.
Heitir tónverkið Stúlkan og vind-
urinn og er hugmynd sótt í
samnefnt kvæði Þorsteins Valdi-
marssonar. Þá eru á tónleika-
skránni verk eftir Bach og Matth-
eson. Hafa verk Matthesons, sem
var mikils metinn fræðimaður og
tónskáld, að mestu fallið í
gleymsku. Eru verk þau sem flutt
verða í Skálholti eftir hann varð-
veitt í Konungbókhlöðunni í
Kaupmannahöfn. Verk Bachs, sem
þær flytja er sónata í hmoll fyrir
flautu og sembal.
Næsta vetur munu þær Manuela
Wiesler og Helga Ingólfsdóttir
halda í tónleikaferð til Noregs og
Svíþjóðar og hefur þeim verið
veittur norrænn styrkur í því
skyni, en sl. vetur fóru þær m.a. í
tónleikaferð til Kaupmannahafn-
ar. Aðgangur að sumartónleikun-
um í Skálholti er ókeypis og kl. 17
sunnudaginn 5. ágúst verður
messað í Skálholtskirkju.
Frábærir
dómar um
sellóleik
Gunnars
Kvarans í
Kristjáns-
borgarhöll
Copenhagen Summer
Festival er árleg tónlistarhátíð.
sem að þessu sinni fer fram í
Hallarkirkjunni í Kristjáns-
borg. Hátiðin hófst með
sellótónleikum Gunnars
Kvarans, en Gunnar hlýtur
mjög lofsamlega dóma tón-
listargagnrýnenda Politiken
og Berlingske tidende. Á
verkefnaskránni voru einleiks-
svítur Bachs í g-dúr og d-moll.
Gagnrýnandi Politiken segir
meðal annars um leik Gunnars:
„Kvaran leikur á hljóðfæri
sitt af fullkominni snilld. Hann
er gæddur þeirri listrænu
hæfni, sem þessi verk gera kröfu
til svo þau fái notið sín og
hefjist upp í það að verða lifandi
„melódískar arabeskur".
Tilfinning hans fyrir stíl, form-
skyn og músíkalskur styrkleiki
gera það að verkum að leikur
hans er hrífandi, hvort sem það
er í hröðum köflum, hinum
hæga hátíðleika saraböndunnar
eða skörpu og ákveðnu hljóðfalli
gígjunnar. I öllu, sem hann gerir
titrar músíkölsk taug. Kannski
titrar sú taug mest í túlkun
d-moll svítunnar".
í Berlingske tidende segir
m.a., að enda þótt hljómburður-
inn í hallarkirkjunni sé ekki
lýtalaus og einleikarinn hafi
setið á fremur óh^ppilegum
stað, þá hafi það ekki farið fram
hjá neinum hversu afburða-
góður sellóleikurinn var. And-
stæðurnar í hinum ýmsu köflum
verkanna hafi skapað spennu og
stíganda, sem myndað hafi
sterka og sjálfstæða heild.
Umsögninni í Berlingske tid-
ende lýkur með þessum orðum:
„Alvaran í hinum tignarlegu og
ljóðrænu sarabönduköflum (þar
sem strokurnar voru svo fagrar
og hljómurinn svo fágaður að
sjaldgæft hlýtur að teljast)
sýndi listrænan þroska á mjög
háu stigi."
Aflahrotan að undanförnu
Eins og skýrt var frá í
Morgunblaðinu á fimmtudag
hafa nokkrir togarar verið
kærðir fyrir að fara ekki að
reglum um meðferð á afla, m.a.
að fiskur hafi verið laus á dekki
o.fl. Þá hefur einnig verið skýrt
frá því að Hafrannsóknastofn-
unin hefur breytt viðmiðunar-
reglum varðandi þorskveiðar
um hlutfall og stærð smáfisks f
aflanum.
Síðustu vikur hefur mikill afli
borist á land, svo mikill að
frystihúsin hafa varla haft
undan að vinna hann, enda
sumarleyfistíminn í hámarki um
þessar mundir. Af þessum
sökum hefur hluti aflans farið í
lægri gæðaflokka eins og saltfisk
og skreið. Þá hafa einnig borist
spurnir af því að töluvert af
þeim fiski sem veiðst hefur
síðstu daga hafi verið þannig að
orðið hafi að setja hann í gúanó.
Morgunblaðið bar þessi atriði
undir nokkra aðila í gær og fara
svör þeirra hér á eftir.

„Ekkert við aflann að
athuga á nokkum hátt”
— segir Marteinn Jónasson
framkvæmdastjóri B.Ú.R.
„Við fullnýtum okkar afla og
erum vel í stakk búnir til þess
núna“, sagði Marteinn Jónas-
son, framkvæmdastjóri Bæjar-
útgerðar Reykjavíkur.
Marteinn sagði að síðustu túrar
hjá togurum bæjarútgerðarinn-
ar hafi verið mjög góðir, til
dæmis hafi Snorri Sturluson
landað 319 lestum úr síðustu
ferð sem gefi af sér 54 milljónir
í brúttóverðmæti.
„Það segir sig sjálft að þarna
var ekki um neitt rusl að ræða“,
sagði Marteinn, en hann var
spurður hvort rétt væri að aflinn
úr síðustu ferð Snorra Sturlu-
sonar hafi að mestu farið í
afgangsvinnslu. „Við erum að
frysta þennan fisk af fullum
krafti og ekkert við aflann áð
athuga á nokkurn hátt“, sagði
Marteinn.
Um kærur Framleiðslueftir-
lits sjávarafurða á togara sem
ekki hafa farið að reglum um
meðferð á afla sagði Marteinn að
honum væri kunnugt um kærur
á skipstjóra vítt og breitt um
landið vegna meðferðar á þeim
fiski sem verið hefur fram yfir
kassana, og sem menn hafa
fengið í síðustu hollunum.
„En
ég álít að í sumum tilfellum sé
þarna um að ræða meðferð á
fiski sem ekki réttlætir að menn
séu kærðir fyrir", sagði
Marteinn Jónasson.
„Ekki skemmst meira af
fiski en venjulegt er”
— segir Jón B. Jónasson deildar-
stjóri í sjávarútvegsráðuneytinu
„REGLUGERÐIN um mat og
eftirlit á ferskum fiski var sett
sérstaklega í þeim tilgangi að
tryggja gæði hráefnisins, því
reynslan hefur sýnt að fiskur
sem komið hefur af millidekki,
enda þótt hann sé oftast sfðast
veiddur, hefur verið lélegast-
ur,“ sagði Jón B. Jónasson,
deildarstjóri í sjávarútvegs-
ráðuneytinu. Hann sagði að
reglugerðin hefði einnig verið
sett til þess að draga úr afla-
toppnum.
„Framleiðslueftirlit sjávaraf-
urða hefur eðli málsins sam-
kvæmt eftirlit með því að eftir
þessum reglum setfarið. Það
hafa nú kært nokkur skip og þau
mál eru komin í dómsmálakerf-
ið. Ef þau fá enga lausn þar
verður vitaskuld að grípa til
einhverra annarra ráða, en í því
efni erum við að sjálfsögðu
bundnir af gildandi lögum og
reglugerðum", sagði Jón B. Jón-
asson. Hann bætti því við að
iðulega hefði þeim hugmyndum
skotið upp að setja yrði löggjöf
til samræmingar á afla og
vinnslugetu þannig að heimilt
væri að takmarka afla skipanna
verulega í aflahrotum. Þá sagði
Jón að einnig mætti hugsa sér
fleiri leiðir eins og til dæmis
lokanir á þeim svæðum þar sem
veiðist hvað mest.
„í gangi er könnun á þessum
málum og mér vitanlega hefur
ekki skemmst meira af fiski að
undanförnu en venja er til“,
sagði Jón B. Jónasson. „Engu
hefur verið keyrt í gúanó, eftir
því sem við best vitum, en menn
keppast við að salta og salta,
þótt það hafi nú yfirleitt ekki
reynst vel, að salta togarafisk
sem hefur verið ísaður. Þá hafa
menn jafnvel verið að hengja
upp í skreið og þetta er kannski
ekki heppilegasti árstíminn til
þess.
í aflahrotunni fyrir Vestur- og
Norðurlandi að undanförnu hef-
ur mikið veiðst af þeim sterka
stofni sem rætt hefur verið um
að þurfi að vernda til þess að
byggja upp hrygningarstofna.
Þáttur í því eru þessi breyttu
viðmiðunarmörk sem eiga að
leiða til lokunar á þeim svæðum
þar sem þessi smáfiskur veiðist".
„Óvenju stór og
fallegur fiskur”
- segir Jón Páll Halldórsson
framkvæmdastjóri Nordurtangans
„ÞETTA hefur verið óvenju
stór og fallegur fiskur sem
komið hefur hér á land að
undanförnu og ég veit ekki til
annars en að hann hafi verið vel
nýttur“, sagði Jón Páll Hall-
dórsson, framkvæmdastjóri
Norðurtangans á ísafirði. Hann
sagði að í framhaldi af umræð-
um manna um nauðsyn sam-
ræmingar veiða og vinnslu yrðu
menn að gera sér grein fyrir
hvert þeir vildu stefna með
þeirri samræmingu. „Á það að
vera viðmiðunin að afli í afla-
hrotum gangi ljúflega í gegn-
um vinnsluna? Ef svo er ekki þá
er það eðlilegt sjónarmið að
flotinn sé of stór“, sagði Jón
Páll. „Menn verða þá auðvitað
að gera sér grein fyrir, að með
því að minnka hann er verið að
stofna til atvinnuleysis.“
Hann sagði að menn yrðu að
gera það upp við sig hvort halda
ætti upp sem jafnastri vinnu við
fiskvinnsluna allan ársins hring
eða ekki. „Þá verður fólk líka að
leggja harðar að sér í fiskvinnsl-
unni á vissum árstímum eins og
verið hefur, en aflahrota hefur
komið í júlímánuði undanfarin
fjögur ár,“ sagði Jón Páll Hall-
dórsson.
Hann sagði að því væri ekki að
leyna að þessi aflahrota kæmi á
ákaflega óheppilegum tíma, þar
sem um væri að ræða helsta
sumarleyfistímann. „Það er
einnig Ijóst að þessum sömu
fiskvinnslustöðvum mun vanta
hráefni í haust," sagði Jón Páll.
„Ekki veit ég hvernig má fara að
því að fá sama aflamagn á land,
allan ársins hring, sem vissulega
væri það æskilegasta, en hitt
veit ég að við höfum ekki saltað
eða hengt upp einn einasta ugga.
Það má gjarnan koma fram, að
við erum búnir að vinna á annað
þúsund lestir af grálúðu hérna
frá áramótum sem öll hefur
farið í frystingu", sagði Jón Páll
Halldórsson að lokum.