Morgunblaðið - 12.10.1979, Blaðsíða 15

MORGUNBLAÐIÐ, FÖSTUDAGUR 12. OKTÓBER 1979
15
Fjárlagafrumvarp fyrir 1980 lagt fram á Alþingi:
Ráðherrar Alþýðuflokks og Alþýðu-
bandalags með fjölmarga fyrirvara
HEILDARÚTGJÖLD samkvæmt fjárlagafrumvarpinu nema
321,4 milljörðum króna. Helztu gjaldaliöir frumvarpsins eru: I
milljaróar
Tryggingamál 86,8
Fræöslumál 42,8
Heilbrigöismál 23,5
Niöurgreiðslur 23,0
Vegamál 22,0
Vaxtagjöld 15,6
Búnaöarmál 14,3
Dómgæslu- og lögreglumál 14,3
Húsnæöismál 9,3
Orkumál (þar af afborganir
og vextir vegna Kröflu (3,9milljaróar) 10,9
Önnur samgöngumál an vegamál 8,4
Útvegsmál 6,0
Annaö 44,5
Samtals 321,4
FJÁRMÁLARÁÐHERRA, Tómas
Árnason, lagði fram fjárlagafrum-
varp sitt fyrir árið 1980 á Alþingi i
gær. Heildarútgjöld samkvæmt
frumvarpinu nema 321,4 milljörð-
um króna, en heildartekjur 330,3
milljörðum króna, óbeinir skattar
261,1 milljarði króna og aðrar
tekjur 5,8 milljörðum króna. Hækk-
un heildarútgjalda rikisins frá
siðasta ári nemur um 62%, en þau
voru 198 milljarðar samkvæmt
frumvarpi fyrir yfirstandandi ár.
Heildartekjur rikisins hækka hins
vegar um 60,3%, voru 206 milljarð-
ar króna. Fjármálaráðherra lagði á
fundi með fréttamönnum í gær, að
samstaða hefði verið um frumvarp-
ið í stórum dráttum innan ríkis-
stjórnarinnar, einungis hefðu verið
gerðir nokkrir fyrirvarar af hálfu
ráðherra Alþýðuflokks og Alþýðu-
bandalags.
Samkvæmt frumvarpinu er gert
ráð fyrir því að tekjur ríkissjóðs af
innheimtum tekjuskatti verði tæpir
56 milljarðar, en eru 35,6 milljarðar
á yfirstandandi ári. Þá er gert ráð
fyrir því að tekjur ríkissjóðs vegna
innheimtu eignaskatta verði 7,5
milljarðar á næsta ári, en eru 5,2
milljarðar á yfirstandandi ári.
Tekjur og gjöld frumvarpsins eru
á því verðlagi, sem talið er að muni
gilda á árinu 1980. Fjárlög ársins í
ár voru hins vegar reist á verðlagi
um áramót 1978—1979. Vegna
launahækkana á árinu 1980 eru
áætlaðir 9,7 milljarðar króna.
Engin lög um
innheimtu tekju-
og eignaskatts
Á fréttamannafundinum í gær
sagði fjármálaráðherra, að ný lög
um tekju- og eignaskatt hefðu geng-
ið í gildi um síðustu áramót og komi
því til framkvæmda við álagningu á
árinu 1980. í nýju skattalögunum
vanti hins vegar öll ákvæði um
innheimtu en upphaflega var gert
ráð fyrir að samhliða nýjum lögum
um tekju- og eignaskatt tækju gildi
lög um staðgreiðslukerfi skatta en
því var hafnað. — Fjármálaráðherra
sagði því að nauðsynlegt væri að
afgreiða lög fyrir áramót um inn-
heimtu skattanna og fleiri atriði.
Hann sagði að frumvarp að slíkum
lögum lægi nú nær tilbúið í fjár-
málaráðuneytinu og yrði það vænt-
anlega lagt fram innan tíðar. Gert sé
Heildarút-
gjöld nema
321 milljarði
króna, hækka
um 62% frá
fyrra ári
ráð fyrir því að tekjuskattur ein-
staklinga hækki, sem svarar tekju-
breytingum milli áranna 1978 og
1979, og skatturinn verði að meðal-
tali sv.ipað hlutfall af þeim tekjum,
sem hann sé lagður á.
Heildartekjur sem
næst 29% af þjóðar-
framleiðslu
„Ætla má að samkvæmt frum-
varpinu verði heildartekjur ríkis-
sjóðs sem næst 29% af vergri
þjóðarframleiðslu á árinu 1980.
Beinir skattar ríkisins verða 19,2%
af heildarskatttekjum þess og því
tæplega 5,6% af þjóðarframleiðslu,"
sagði Tómas Árnason, fjármálaráð-
herra, á fundinum. Ráðherrann
bætti því við, að þetta hlutfall væri
tiltölulega lágt væri miðað við það
sem gengur og gerist í nágranna-
löndum okkar.
Þá sagði ráðherra: „Samkvæmt
lögum um stjórn efnahagsmála og
fleira sem núverandi ríkisstjórn
beitti sér fyrir skulu heildartekjur
og útgjöld á fjárlögum 1980 haldast
innan marka, sem svara til 30% af
vergri þjóðarframleiðslu. Við gerð
fjárlagafrumvarpsins var við það
miðað að tekjur ríkissjóðs færu ekki
yfir 29% af áætlaðri þjóðarfram-
leiðslu á árinu 1980. Á árinu 1979
dróst úr hömlu að taka ákvörðun um
aukna tekjuöflun rikissjóðs. Af þeim
sökum fellur tekjuöflun að upphæð
4,5 milljarðar króna til á næsta ári,
en ríkissjóði var ætlað það fé á
árinu, sem er að líða. Til að brúa
bilið er fyrirhuguð 4,5 milljarða
króna lántaka til skamms tíma. Að
þessari upphæð frátaldri er áætlað
hlutfall tekna ríkissjóðs af þjóðar-
framleiðsu 28,6% á árinu 1980, en
heildarútgjöld nema 28,2% af þjóð-
arframleiðslu.
Auk þess að halda ríkistekjunum
innan ákveðinna marka felur fjár-
lagafrumvarpið í sér aðhald gegn
verðbólgu sem m.a. kemur fram í
tekjuafgangi og greiðslum til Seðla-
bankans, en þær eru áætlaðar 9,6
milljarðar króna. Frumvarpið er
byggt á þeirri meginstefnu, að verð-
bólgan verði ekki meiri en 30% frá
upphafi til loka ársins 1980.“
Fjölmargir fyrirvarar .
Aðspurður um fyrirvara samráð-
herra sinna við frumvarpið sagði
fjármálaráðherra að Alþýðuflokks-
ráðherrarnir hefðu aðeins gert tvo
fyrirvara, annars vegar vildu þeir
stórhækka framlög til húsnæðis-
mála og hins vegar vildi Kjartan
Jóhannsson, sjávarútvegsráðherra,
að tekjur ríkissjóðs yrðu ekki hærri
en 323 milljarðar króna í stað þeirra
rúmlega 330 milljarða sem eru í
frumvarpinu. Helztu fyrirvarar Al-
þýðubandalagsráðherranna voru í
sambandi við vegamál, niðurgreiðsl-
ur, málefni RARIK og málefni
Ríkisútvarpsins og sjónvarps. Þá
mun iðnaðarráðherra ósammála því
hvernig ráð er fyrir gert að ráðstafa
jöfnunargjaldi iðnaðarvara.
Um ný verkefni sagði fjármála-
ráðherra, að þau væru nokkur sam-
kvæmt frumvarpinu. Mætti þar
nefna framlag til framkvæmdasjóðs
öryrkja og þroskaheftra að upphæð
rúmlega milljarður króna, framlag
til þess að mæta félagslegum þætti í
framkvæmdum Rafmagnsveitna
ríkisins að upphæð einn milljarður
króna, framlag til rekstrar geðdeild-
ar Landspítalans 360 milljónir króna
og framlag til eftirlauna aldraðra,
sem mun nema tæpum 500 milljón-
um króna á árinu 1980.
Frá íréttamannafundi (Jármálaráðherra i gær. þar scm hann gerði grein fyrir nýframlögðu frumvarpi til fjárlaga fyrir árið 1980. F.v. Brynjólfur
Sigurðsson, hagsýslustjóri, Tómas Árnason, fjármálaráðherra, Höskuldur Jónsson, ráðuncytisstjóri fjármálaráðuneytis, og Ólafur Davíðsson. hag
fræðingur hjá Þjóðhagsstofnun. Ljósmynd Mbl. Emilia.
nUÁMrUMHR ihmillllNUVIKtl
Endurútgefum fimmtán hljómplötur, sem allar hafa verið uppseldar um árabil.
Koma nú einnig á kassettum.
Selt á sérstöku kynningarverði, sem er helmingi lægra en verð á öðrum plötum, eða
aðeins kr. 3900
Sióasti danur
Kynningarsalan er í VÖRUMARKAÐNUM, Ármúla - Sími 86113