Morgunblaðið - 01.06.1980, Blaðsíða 5

MORGUNBLAÐIÐ, SUNNUDAGUR 1. JÚNÍ1980
5
ÚTVARP KL. 16.20
Tilveran
Blaðamennirnir Ólafur Geirs-
son og Árni Johnsen hrinda úr
vör nýjum þætti á Sjómannadag-
inn, þættinum Tilveran, og verð-
ur hann framvegis á sunnudögum
í sumar kl. 16.20—17.20. Tilveran
verður að mestu leiti í beinni
útsendingu og er sitthvað á könn-
unni hjá þeim félögum. Verður
þar fléttað saman léttara efni og
öðru sem er þyngra undir fæti, en
að sjálfsögðu verður þátturinn
Tilveran ekki lagður á borðið
fremur en tilveran sjálf.
í fyrsta þætti Tilverunnar fá
þeir Árni og Ólafur til liðs við sig
Jóhönnu Kristjónsdóttur blaða-
mann til þess að kynna og spjalla
um atriðin, þá verður fjallað á
snaggaralegan hátt um gamla
miðbæinn í Reykjavík, söng-
kennsla fer fram á vegum Garð-
ars Cortes, rætt verður við fiski-
fræðing um vísnagerð á hafi úti,
vísa vikunnar verður flutt, símað
út á land, leikin tónlist og
sitthvað fleira.
Árni Johnsen
ölafur Geirsson
ÚTVARP KL. 19.25
Innanborðs og utan
Guðmundur Hallvarðsson,
formaður Sjómannafélags
Reykjavíkur, er með þátt i út-
varpinu í kvöld, sem hann nefnir
„Innanborðs og utan“. I þættin-
um er rætt við nemendur Vél-
skólans og Stýrimannaskólans
um námið og viðhorf þeirra til
sjómennsku. Farið verður með
hljóðnemann á kvöldvöku á
Hrafnistu. Róbert Arnfinnsson
les ljóð og Gylfi Ægisson er
tekinn tali. Rætt verður við
formann Sjómannadagsráðs,
Pétur Sigurðsson og rifjað upp
gamalt viðtal við Felix Jónsson
um sjóferðarbænina. Inn á milli
atriða verða leikin létt lög.
SJONVARP KL. 20.35
Verk eftir íslensk tónskáld
Hljómsveit Tónmenntaskóla Reykjavíkur og skólakór Garðabæjar
flytja tvö verk eftir íslensk tónskáld á sunnudagskvöldið. Fyrra verkið er
Ljóti andarunginn eftir Þorkel Sigurbjörnsson og hið síðara Orðagaman
eftir Jón Ásgeirsson.
Stjórnandi er Gígja Jóhannsdóttir, en kórstjóri Guðfinna Dóra
Ólafsdóttir.
SJÓNVARP KL. 21.05
Héðan til eilífðar
Á sunnudagskvöld sýnir sjónvarpið fyrsta hluta bandarískrar sjón-
varpskvikmyndar, sem byggð er á metsölubók eftir James Jones, Héðan
til eilífðar (From Here to Eternity). Myndin er í þremur hlutum og er
leikstjóri Buzz Kulik. Aðalhlutverkin eru í höndum Natalie Wood,
William Devane, Roy Thinnes, Stever Railsback, Joe Pantoliano og Peter
Boyle. Sagan gerist í bandarískri herstöð í Honolulu árið 1941 og hefst
skömmu áður en Japanir gera árás á Pearl Harbour. Herdeildinni bætist
liðsáuki, ungur maður að nafni Prewitt. Hann hefur getið sér nokkra
frægð sem hnefaleikari og menn gera sér vonir um að hann keppi á vegum
deildar sinnar.
Athugasemd f rá
formanni f jár-
veitinganefndar
Sjómannadagsbladid
EIÐUR Guðnason, formaður fjárveit-
inganefndar, hafði í gær samband við
Morgunblaðið vegna þeirra ummæla
Sverris Hermannssonar alþing-
ismanns í greininni „Á gagnvegum" í
Morgunblaðinu í gær, þar sem hann
segir, að fjárveitinganefnd „velkist
enn í vafa“ um það hvort heimila
skuli fjármálaráðherra að breyta
söluskattsskuld Olíumalar h.f. við
ríkissjóð í hlutafé. Eiður vill taka.
eftirfarandi fram:
„í umræðum á Alþingi, þegar
málefni Olíumalar bar á góma, upp-
lýsti Ragnar Arnalds fjármálaráð-
herra, að hann hefði óskað eftir því
við Seðlabanka íslands, að bankinn
framkvæmdi sérstaka athugun á
viðskiptum Olíumalar h.f. við banka-
kerfið í heild. Það gefur auga leið, að
meðan þeirri athugun er ekki lokið,
getur fjárvéitinganefnd ekki tekið
ákvörðun í þessu máli. Þetta er Sverri
Hermannssyni mæta vel kunnugt og
fjárveitinganefnd ritaði fjármálaráð-
herra bréf þessa efnis og lýsti jafn-
framt þeirri skoðun sinni, að æski-
legast væri að þessari athugun yrði
hraðað sem allra mest.“
Sjómannadags-
aðið 1980
í SJÓMANNADAGSBLAÐINU
1980 kennir margra grasa og er víða
komið við í sjósókn landsmanna á
undanförnum árum og áratugum.
Meðal efnis má nefna ávarp
Steingríms Hermannssonar sjávar-
útvegsráðherra, grein eftir Pétur
Sigurðsson formann Sjómanna-
dagsráðs, Jónas Þorsteinsson skrif-
ar um sjómannadaginn á Akureyri,
Ásgeir Jakobsson fjallar um fræki-
lega björgun b/v Elliða, Ingólfur
Ingólfsson um Verðlagsráð sjávar-
útvegsins og margt fleira efni er í
blaðinu, sem of langt mál er að telja
upp; greinar, viðtöl og mikið af
myndum. Blaðið er 98 blaðsíður að
stærð, ritstjórn skipa þeir Guð-
mundur H. Öddsson og Jónas Guð-
mundsson.
KANADA
Enn eru örfá sæti laus í leiguflugsferðir
á íslendingaslóðir í Kanada.
Winnipcg
30. júlí - 20. ágúst
Vcincouver
1. júlí - 22. júli
Kalifomia
1.-22. júlf
Rútuferð frá Vancouver suður
með vesturströndinni. Ein-
staklega glæsileg ferð með
viðkomu í fjölda stórborga s.s.
Las Vegas, Los Angeles, Holly-
wood ofl. ofl. Einnig komið í
hið víðfræga Disney-land, en
ferðinni lýkur með flugi til
Vancouver og þaðan heim.
Sætaframboð takmarkað.
Hawaii
1.-22. júli
Ævintýraeyjan Hawaii býðst
íslendingum nú í fyrsta sinn í
skipulagðri hópferð. Tveggja
vikna gisting á Hawaii og 1
vika í Vancouver. Konfekt-
molinn í sumardagskrá Sam-
vinnuferða-Landsýnar.
Takmarkaður fjöldi farþega
og því um að gera að panta
strax.
Alltaf eitthvað nýtt og spennandi
Samvinnuferdir-Landsýn
AUSTURSTRÆTI 12 - SÍMAR 27077 & 28899
lli
/
V