Morgunblaðið - 16.10.1981, Blaðsíða 28

28
MORGUNBLAÐIÐ, FÖSTUDAGUR 16. OKTÓBER 1981
Myndin er tekin á kristniboðshátíðinni að Varmá.
Kjalamesprófastsdæmi:
8-900 manns á há-
tíðinni að Varmá
- í tilefni 1000 ára kristniboðs á íslandi
SUNNUDAGINN 11. október var haldin hátíð í Kjalarnesprófastsdæmi í
tilefni 1000 ára kristniboðs landsins. Að sögn prófasts, sr. Braga Frið-
rikssonar, fór hátíðin mjög vel fram, og sóttu hátíðarhöldin milli 800 og
900 manns. 200 manna kór prófastsdæmisins söng samsöng. Er talið að
um 300 manns hafi tekið þátt í undirbúningi hátíðarinnar, og voru
skipulagðar ferðir fólks víða að úr prófastsdæminu. Viðstödd hátíðarhöld-
in var forseti íslands, frú Vigdís Finnbogadóttir, og biskupshjónin, en
biskup íslands, herra Pétur Sigurgc
var það fyrsta opinbera verk hans s
Hátíðin hófst að Esjubergi kl.
8.30 og komu þar saman prestar
og safnaðarfulltrúar, um 50 tals-
ins, hjá hjónunum Sigríði og
Snorra Gunnlaugssyni að Esju-
bergi. Fáni var dreginn að húni
og laust eftir 9 hófst héraðsfund-
ur Kjalarnesprófastsdæmis að
Hlégarði og stóð hann til hádeg-
is. Hádegisverður var siðan
snæddur að Hlégarði í boði sókn-
arnefndar Lágafellssóknar og
voru biskupshjónin meðal gesta
við hádegisverðinn.
Hátíðarsamkoman hófst síðan
ííþróttahúsinu að Varmá í Mos-
fellssveit kl. 13.30. Kirkjukórar
úr prófastsdæminu komu saman
til samsöngs, og stjórnuðu
organistar hinna ýmsu presta-
kalla söngnum til skiptis. Þá
flutti séra Bragi Friðriksson
won, flutti ávarp og blessunarorð og
n biskup fslands.
prófastur ávarp og gat þess m.a.
að sérstakar kveðjur hefðu bor-
ist frá forsætisráðherrahjónun-
um, frú Völu og dr. Gunnari
Thoroddsen, og fyrrverandi bisk-
upshjónum, frú Magneu Þor-
kelsdóttur og hr. Sigurbirni Ein-
arssyni.
Þá var haldin hátíðarguðs-
þjónusta með þátttöku kirkju-
kóranna og kristinna trúfélaga,
þjóðkirkjunnar, aðventista,
hvítasunnumanna, kaþólskra og
fríkirkjunnar i Hafnarfirði.
Hugleiðingu fluttu frú Þórhildur
Olafs Sigurlinnadóttir cand.
theol, og séra Gunnar Krist-
jánsson sóknarprestur á Reyni-
völlum. Séra Birgir Asgeirsson
prestur á Mosfelli þjónaði fyrir
altari. Hátíðarguðsþjónustunni
lauk síðan á því að herra Pétur
Sigurgeirsson biskup Islands
flutti ávarp og blessunarorð og
var það fyrsta ojnnbera verk
hans sem biskup Islands. Siðan
voru seldar kaffiveitingar í Hlé-
garði og að loknu kaffihléi skipti
hópurinn sér á ýmsa staði í
sveitinni og nágrenni til guðs-
þjónustuhalds. Messað var á
Mosfelli, Lágafelli, Reykjalundi,
Hlaðgerðarkoti, Víðinesi og Arn-
arholti, og voru messurnar
allstaðar fjölsóttar. Hátíðar-
höldunum lauk síðan laust eftir
kl. 18.
Sagði séra Bragi Friðriksson
prófastur í samtali við Mbl. að
dagurinn hefði verið mjög
ánægjulegur. Um 300 manns
hefðu tekið þátt í undirbúningi
og vildi hann þakka öllum sem
hönd hefðu lagt á plóginn. Að
auki sagði hann að safnað hefði
verið í sjóð, sem rennur til helm-
inga í styrktarsjóð lamaðra og
fatlaðra og til hins íslenska
kristniboðs, og verður þeirri
söfnun haldið áfram allan
októbermánuð.
Á myndinni eni til vinstri: Anton Örn Kærnested frá Bókaklúbbi Almenna bókafélagsins, Knut Giæver og Inger
Tjaberg frá Den norske Bokklubben, Erik Johansson og Erik Hyllner frá Mánadens Boknytt í Svfþjóð, Ole Werner
Thomsen og Jette Júlíusson frá Gyldendals Bogklub í Danmörku og Bryjólfur Bjarnason frá Bókaklúbbi Almenna
bókafélagsins. Að þessu sinni komust fulltrúar frá fínnska bókaklúbbnum ekki til fundarins.
Fundur norrænna bókaklúbba
FYRIR nokkrum dögum var haldinn
hér í Reykjavík framkvæmdastjóra-
fundur stærstu bókaklúbbanna á
Norðurlöndum. Á fundinum voru
rædd ýmis sameiginleg hagsmuna-
og framtíðarmál er varða rekstur og
viðgang bókaklúbbanna.
Meðal annars kom fram, að Den
norske Bokklubben gaf út í
september á þessu ári Heim-
skringlu Snorra Sturlusonar, og
seldust 105 þúsund eintök af bók-
inni. Bókaklúbbur Almenna bóka-
félagsins (BAB) gerðist aðili að
Nordic Boocklub LTD árið 1976, en
sameiginlegur fundur hefur ekki
verið haldinn hér á landi fyrr en
nú.
Byggingariðnaður
tækni- og skipulags-
lega vanþróaður
BYGGINGARIÐNAÐUR hér á landi er á ýmsan hátt vanþróaður, einkum í
tæknilegum skilningi og hvað varðar skipulag, að því er fram kemur í
álitsgerð Rannsóknaráðs ríkisins um stöðu og horfur í byggingariðnaði sem
kynnt var blaðamönnum á miðvikudag.
í skýrslunni segir, að takmörk-
uðu fjármagni hafi verið veitt til
rannsókna á þeim mörgu sviðum
byggingarstarfseminnar sem
þurfa slíkra rannsókna við. Enn-
fremur að fyrirtækjum í atvinnu-
greininni hafi verið sniðinn þröng-
ur stakkur í allri álagningu á seld
vinnulaun og lánsfjármagn hafi
verið takmarkað þegar fyrirtæki
hafi þurft að fjármagna ýmsar
tækninýjungar. Einnig að allar
framkvæmdir opinberra aðila og
lóðaúthlutanir sveitarfélaga hafi
verið sveiflukenndar. Allir þessir
þættir hafi gert það að verkum að
framfarir í nýrri tækni og nýjum
og betri byggingaraðferðum hafi
ekki átt sér stað í jafn ríkum mæli
og annars staðar þekkist, t.d. á
Norðurlöndunum, þrátt fyrir það
að mannvirkjaeign þjóðarinnar
væri metin í þúsundum milljarða
gamalla króna og að fjármuna-
myndun í byggingariðnaði árið
1978 hefði numið 19,2% af þjóðar-
framleiðslunni það ár.
í álitsgerðinni segir, að stór-
auka yrði rannsóknir og þróun-
arstarf sem og fræðslu- og leið-
beiningarstarfsemi, því að ljóst
væri að þannig mætti fá meiri og
betri nýtingu tækja og mannafla í
mannvirkjagerð. Sá kostnaður
sem þessu yrði samfara mundi
skila sér aftur á fáum árum þjóð-
inni í heild til hagsbóta. Sem
dæmi mætti nefna, að með meiri
rannsóknum hefði mátt koma í
veg fyrir ýmis slys sem orðið hafi
í mannvirkjagerð eins og steypu-
skemmdir og þar með spara mjög
miklar fjárhæðir í endurnýjun og
viðhaldi mannvirkja.
Segir í álitsgerðinni, að stórefla
verði rannsóknir á innlendum
byggingarefnum og notagildi
þeirra, mat á einangrunarefnum
og aðferðum, skipulagsrannsókn-
ir, rannsóknir á ýmsum bygg-
ingaraðferðum og nýrri tækni (t.d.
einingahús), rannsóknir vegna
viðhalds og viðgerða á steinsteypu
og rannsóknir vegna orkusparnað-
ar.
Jafnframt segir í álitsgerð
Rannsóknarráðs, að nauðsynlegt
sé að jafna þær sveiflur sem verið
hafa í byggingarframkvæmdum.
Einnig að upp rísi stærri bygg-
ingarfyrirtæki en nú eru fyrir
hendi, en að forsenda fyrir slíku sé
að samfelldari og stærri verkefni
væru fyrir hendi.
Þá segir að leggja verði áherzlu
á vandaðan undirbúning skipulags
svo sem með kortagerð, könnunum
á náttúrufari, umhverfisáhrifum,
hagkvæmni í landnýtingu, með
skynsamlegri landkaupastefnu,
með langtímaáætlunum um lóða-
framboð, með sveigjanlegri bygg-
ingarreglum, með mótun skyn-
samlegrar íbúðastefnu og að
tengsl milli heimilis og vinnu-
staðar yrðu auðvelduð.
Loks segir í álitsgerð Rannsókn-
arráðs, að fjármögnun íbúðabygg-
inga sé sveiflukennd og lítt háð
framkvæmdum. Efla verður lána-
kerfið, þannig að ekki verði fyrir
hendi mismunur á milli íbúða
byggðum á félagslegum grundvelli
og almennra íbúða. Þá segir að
taka þurfi ákvarðanir um fram-
kvæmdir við orku- og samgöngu-
mannvirki með meiri fyrirvara en
gert hefur verið og þær þurfi að
vera vel undirbúnar, því það hafi í
för með sér meiri byggingarhraða
og minni kostnað.
Rætt um lögbann á
olíuleiðslu á fundi
bæjarráðs Keflavíkur
BÆJARSTJÓRN Keflavíkur samþykkti á fundi sínum þann 6. október
síðastliðinn, að vísa til bæjarráðs tillögu frá Ólafí Björnssyni, bæjarfulltrúa
Alþýðuflokksins, þar sem segir að leita eigi samstarfs við bæjarstjórn Njarð-
víkur um að fá sett lögbann á notkun olíuleiðslu varnarliðsins sem liggur á
mörkum bæjanna. Mál þetta var rætt á fundi bæjarráðs í Keflavik á þriðju-
dag, en niðurstöðu í málinu er ekki að vænta fyrr en síðar í mánuðinum.
Leiðslan liggur frá Keflavíkur-
höfn til flugvallarins. Þá er enn-
fremur í tillögunni krafa um lög-
bann á olíugeyma þá sem næst
standa byggðinni. Segir í tillög-
unni, að lögbannið eigi að standa
þar til fyrir liggi yfirlýsing sigl-
ingamálastofnunar, um að mann-
virkin uppfylli kröfur þær, sem
gildandi reglur ákveða.
Þá var og vísað til bæjarráðs
tillögu frá Karli Sigurbergssyni,
bæjarfulltrúa Alþýðubandalags-
ins, um að mál þetta verði leyst á
grundvelli hugmynda sem ESSO
lagði fram á sínum tíma um mál-
ið; hvernig ætti að haga leiðslum
að olíusvæðinu og um tilfærslu
þess á svæðinu. Lýsti hann því yf-
ir að hann væri á móti tillögu
Ólafs Björnssonar.
„Tilefni þess að ég flutti þessa
tillögu er það, að forráðamenn
Njarðvíkurbæjar gengu nýlega á
fund utanríkisráðherra vegna
þessa máls og að þeirra mati var
sá fundur árangurslaus. Þetta er
staðan þrátt fyrir að alþingi fól
ráðherranum að flýta lausn máls-
ins eins og verða mætti. Markmið
tillögu minnar er það, eftir að
hafa séð að ekkert gengur, að sjá
hvort ekki verði farið að huga að
lagfæringum á leiðslunum og olíu-
geymunum,” sagði Ólafur Björns-
son í samtali við Morgunblaðið.
„En olíuhöfn í Helguvík er fram-
tíðarlausnin, ég hef ekki heyrt
aðrar tillögur sem standast sem
framtíðarlausn. Það er engin
lausn að færa geymana lengra inn
á flugvöllinn og betur yfir vatns-
bólin okkar," sagði ólafur. Þá
kvaðst Ólafur vona að raunin yrði
sú að sett yrði lögbann á notkun
olíuleiðslunnar og olíugeymanna
og þá kæmi í ljós hvort menn
hefðu ekki efni á að ganga þannig
frá þessum málum að ekki skapað-
ist hætta af.
Tómas Tómasson, forseti bæjar-
stjórnar, sagði að það væri mikil
ákvörðun að leggja lögbann á
eldsneytisflutninga á Keflavíkur-
flugvöll og yrði það skoðað niður í
kjölinn í bæjarráði, hvaða mögu-
leikar væru á að gera slíka hluti.
Þá sagði Tómas að allir væru sam-
mála um að ekki væri búandi leng-
ur við olíuleiðslurnar og olíugeym-
ana, en skiptar skoðanir væru um
á hvern hátt best væri að leysa
það vandamál.