Morgunblaðið - 12.08.1983, Page 32
BÍLLINN
BILASAIA SlMI 79944 SMIDJUVEGI 4 KÓRAVOT'
FÖSTUDAGUR 12. ÁGÚST 1983
y\uglýsinga-
síminn er 2 24 80
SÍS-styrkur til FRÍ gegn
þjónustu og viðskiptum
„íþróttahreyfingin verður að selja
*
sig,“ segir fyrrv. formaður HSI
„ÉG TEL mjög eðlilegt að gera svona
viðskiptasamninga. íþróttahreyfingin
á ekki annarra kosta völ en selja sig,“
sagði Júlíus Hafstcin fv. formaður
Handknattleikssambands íslands
(HSÍ) er hann var spurður út í samn-
ing, sem Morgunblaðið hefur undir
höndum, um íþróttastyrk, sem SÍS
veitti Frjálsíþróttasambandinu, en
HSÍ er handhafi hluta íþróttastyrks
SÍS 1983. í samningi FRÍ og SÍS, sem
birtur er á miðopnu, segir m.a. að FRÍ
skuli nota styrkinn, sem er upp á 75
þúsund krónur, til kaupa á þjónustu
og vörum hjá SÍS, kaupfélögunum og
samstarfsfyrirtækjum þessara aðila.
Einnig að Frjálsíþróttasambandið
heimili SÍS að nota starfsemi og að-
stöðu FRÍ og umsvif frjálsfþrótta-
landsliðanna, bæði heima og erlendis,
til auglýsinga og fræðslu um sam-
vinnuhreyfinguna. Morgunblaðið
gerði árangurslausar tilraunir til að
ná í Örn Eiðsson formann Frjáls-
íþróttasambandsins, sem staddur er á
heimsmeistaramótinu í Helsinki, til
að fá hans álit á samningnum.
Eins og kunnugt er hefur SlS
veitt íþróttasamböndum árlegan
íþróttastyrk í nokkur ár. Auglýst
hefur verið eftir umsóknum um
styrkinn og jafnan mörg sambönd
sótt um. Fyrstu tvö árin hlaut
Körfuknattleikssambandið (KKÍ)
styrkinn, síðan Handknattleikssam-
bandið (HSl), og á þessu ári var
styrknum skipt milli HSÍ, sem fékk
tvo þriðju hluta, og FRÍ, sem fékk
þriðjung styrkupphæðarinnar. Sam-
kvæmt heimildum Mbl. er samning-
ur FRÍ mjög svipaður samningi HSÍ
og þeim samningum, sem gerðir
voru við KKÍ.
í samningnum kemur fram að
FRI skuli sem kostur er vekja at-
hygli á styrkveitingunni, sem er upp
á 75 þúsund krónur, og sjá til þess
eftir öllum tiltækum leiðum að
styrkveitingin „veki þá athygli í
fjölmiðlum sem verðugt er“.
Þá skal fulltrúi SÍS eiga þess kost
að sitja alla fréttamannafundi FRÍ
á árinu og honum skal jafnramt
boðið á ársþing FRÍ. Og í áætlun um
samstarf FRl og SÍS á árinu 1983,
sem áföst er samningnum, kemur
fram að samvinnufáninn eða merki
SÍS verði við hún á Laugardalsvelli
eftir nánara samkomulagi. Einnig
að landsliðsbúningar verði merktir
SlS, og að prentað verði á umslög og
bréfsefni að FRÍ sé handhafi
íþróttastyrks SÍS 1983. Og þá skal
fræðslu- og kynningarbæklingum
um samvinnuhreyfinguna dreift í
möppum þátttakenda á námskeið-
um FRÍ, ársþingi þess og stærri
fundum.
Ennfremur er ákvæði um að sér-
stökum hópum verði boðið á frjáls-
íþróttamót, t.d. ákveðnum hópum
samvinnustarfsmanna, viðskipta-
vinum ákveðinna samvinnuversl-
ana, sem fái afhenta miða við inn-
kaup, o.s.frv., auk þess sem forystu-
menn samvinnuhreyfingarinnai
verði heiðursgestir FRÍ á ákveðnum
stórmótum, hérlendis og erlendis.
Að því er fram kemur í viðtali við
Svein Björnsson forseta Iþrótta-
sambands Islands á miðopnu er
stjórn ÍSÍ ekki kunnugt um mál-
efnalegt innihald þeirra samninga,
sem sérsamböndin gera.
Sjá nánar á miöopnu.
Þrjú íþróttasambönd:
Viðskipti eingöngu
við Samvinnuferðir
ÞRJÚ íþróttasambönd a.m.k. gerðu í
vetur sérstaka samstarfssamninga
við ferðaskrifstofuna Samvinnu-
ferðir-Landsýn, þar sem gert er rið
fyrir því að alíir farseðlar vegna
utanlandsferða íþróttamanna verði
keyptir af ferðaskrifstofunni og að
hún skipuleggi heimsóknir erlendra
gesta sambandanna.
íþróttasamböndin, sem hér um
ræðir, eru Körfuknattleikssam-
bandið, Handknattleikssambandið
og Frjálsíþróttasambandið. En
einmitt þessi þrjú sambönd hafa
hlotið íþróttastyrk SlS, en í samn-
ingi um styrkinn, eins og fram
kemur annars staðar á síðunni og
í miðopnu blaðsins, segir að styrk-
Þær eru sjaldséðar það sem af er sumri rófurnar af þessari stærð sem stúlkan er
þarna að pakka, enda eru þær ræktaðar í hituðum jarðvegi. Myndina tók Guðjón
Birgisson Ijósmyndari Mbl. í Garði í Hrunamannahreppi er blaðamenn Mbl. voru
þará ferð fyrir skömmu.
Sáralítið af grænmeti
er komið á markaðinn
„VIÐ HÖFUM sama og ekkert fengið
af útiræktuðu grænmeti enn sem kom-
ið er. Núna ætti að vera aðal blómkáls-
tíminn og rófur ættu að vera komnar í
miklum mæli, en það sem af er höfum
við varla séð þetta grænmeti. Við höf-
um bara fengið „túkallablómkál“ sem
við köllum smáu blómkálshausana og
sáralítið hefur sést af rófum," sagði
Þorvaldur Þorsteinsson forstjóri Sölu-
félags garðyrkjumanna í samtali við
Mbl. en eins og komið hefur fram í
Mbl. þá eru alvarlegar horfur með upp-
skeru kartaflna og útiræktaðs græn-
metis í haust.
Baldur Magnússon sölumaður hjá
Grænmetisverslun landbúnaöarins
sagði að sáralítið af grænmeti hefði
komið til sölumeðferðar í Grænmet-
isversluninni í sumar, en venjulega
væru komnar rófur, gulrætur og
hvítkál á þessum tíma. Sagði hann
að í síðustu viku hefði verið flutt inn
seinasta hvítkálið á þessu sumri og
sagði hann að það væri sjaldan flutt
inn um þetta leyti.
Vísitala fram-
færslukostnaðar:
21—22%
hækkun?
SAMKVÆMT þeim upplýsing-
um sem Morgunblaðið hefur
aflað sér er útlit fyrir 21—22%
hækkun vísitölu framfærslu-
kostnaðar á tímabilinu 1. maí til
1. ágúst. Það svarar til þess að
verðbólguhraðinn miðað við
heilt ár nemi 115—120%. Út-
reikningur framfærsluvísitöl-
unnar fer fram ársfjórðungslega
og 1. maí síðastliöinn var hækk-
unin 23,5% á tímabilinu frá 1.
febrúar.
Hagstofan sér um verðupp-
tökur og útreikning vísitöl-
unnar þótt að forminu til sé
það Kauplagsnefnd, sem skip-
uð er aðilum vinnumarkaðar-
ins, sem hefur þennan út-
reikning með höndum. Kaup-
lagsnefnd mun koma saman
til fundar í dag eða á morgun
til að ljúka afgreiðslu þessara
útreikninga og þeir verða
væntanlega gefnir út í byrjun
næstu viku.
Þegar ráðist var í efnahags-
aðgerðir ríkisstjórnarinnar í
vor var ekki búist við því, að
fram kæmu nein sérstök áhrif
á útreikning framfærsluvísi-
tölunnar nú í ágúst, vegna
fyrirsjáanlegra verðhækkana
á tímabilinu. Hefðu laun
hækkað um 20—22% 1. júní
síðastliðinn hefði þessi hækk-
un þó að iíkum orðið öllu
hærri. Þeim aðilum sem sent
hafa frá sér spár um verðlags-
þróun á næstu mánuðum, s.s.
Þjóðhagsstofnun og fyrirtæk-
inu Kaupþingi hf., ber saman
um, að verðbólgan muni
hjaðna verulega undir lok árs-
ins.
urinn skuli notaður eins og unnt
sé til kaupa á þjónustu og vörum
hjá SÍS, kaupfélögunum og sam-
starfsfyrirtækjum þessara aðila.
I fréttabréfi Samvinnuferða-
Landsýnar um samstarfssamn-
ingana segir að á móti leggi ferða-
skrifstofan íþróttahreyfingunni
lið á ýmsan hátt. Fyrst og fremst
komi það þó í hlut skrifstofunnar
að greiða fyrir alþjóðlegum sam-
skiptum með hagstæðum samn-
ingum og útsjónarsemi, eins og
segir í fréttabréfinu.
Suðurland:
Minni mjólk-
urframleiösla
í rigningunni
„MjólkurframleiAslan í síAustu
viku var mun minni en 1 næstu
viku þar á undan og í sömu viku í
fyrra. Þetta er líklegast vegna
rigninganna eftir verslunarmanna-
helgina en viA höfum ekki áttaA
okkur á því hvort þetta heldur
áfram. Þetta er líkt því og var rign-
ingasumariA 1955, þá datt nytin al-
veg úr kúnum," sagAi Grétar Sím-
onarson mjólkurbússtjóri Mjólk-
urbús Flóamanna á Selfossi í sam-
tali viA Mbl.
Grétar sagði að það sem af er
árinu væri mjólkurframleiðslan
á Suðurlandi um 1% minni en í
fyrra og væri útlitið ekki gott
með framhaldið þó öll nótt væri
ekki úti enn. Menn hefðu verið
að vona að töluverð mjólk yrði í
haust vegna þess að kýrnar báru
seinna, en nú væri útlit fyrir
töluvert minni mjólk en var í
fyrrahaust, þó minni hefði hún
varla mátt vera. Grétar taldi að
vanta myndi beit handa kúnum í
haust, fyrirsjáanlega yrði lítil
háaspretta og grænfóðrið yxi af-
ar illa.
Grétar taldi að flytja þyrfti
meiri mjólkurafurðir að norðan
í haust og vetur en áður hefur
þurft en sagði jafnframt að ver-
ið væri að skoða þessi mál núna
I samvinnu við Mjólkursamsöl-
una í Reykjavík.
Selshakkavélin
reynd á Grenivík
ÁKVEÐIÐ hefur verið að selhakkavél-
in, sem Landsmiðjan hefur smíðað
fyrir hringormanefnd, verði staðsetl á
Grcnivík í tengslum við fóðureldhús
loðdýrabúsins Grávöru. Verður sel-
skrokkum safnað samar. í frysti-
geymslur víða um land og þeir síðan
sendir til Grenivíkur, þar sem vélin og
framleiðslan verður reynd.
Að sögn Björns Dagbjartssonar,
formanns hringormanefndar, hefur
veiði á fullorðnum sel verið talsvert
meiri nú en í fyrra, en kópaveiði lítil.
Sagði hann, að nefndinni hefðu bor-
izt á annað þúsund sýnishorna af
veiddum sel og taldi hann, að mikill
meirihluti þess sels yrði nýttur,
hundruð skrokka að minnsta kosti.
Hér væri því hafin nýting selkjöts-
ins, hvort sem hún væri sú æski-
legasta, sem hugsanleg væri. Bezt
væri ef markaður fyrir skinnin fynd-
ist og síðan fyrir kjötið. Nú væri ver-
ið að leita fyrir sér með skinnin og
væri áformað að senda sýnishorn af
þeim til Japan. Það væri vissulega
skref í rétta átt, þegar farið væri að
nýta selskrokkana og mjög lítið væri
um það, að menn hefðu rekist á hræ
á víðavangi á þessu ári.