Morgunblaðið - 19.10.1983, Blaðsíða 2
2
MORGUNBLAÐIÐ, MIÐVIKUDAGUR 19. OKTÓBER 1983
Skoðanakönnun DV:
63,5% fylgjandi
ríkisstjórninni
í SKOÐANAKÖNNUN sem DV
gerði um síðustu helgi og birt var í
DV í gær voru 63,5% þeirra sem
spurðir voru fylgjandi ríkisstjórninni
en 36,5% andvígir ef aðeins eru
teknir þeir sem afstöðu tóku.
Skoðanakönnunin náði til 600
manns og urðu niðurstöður henn-
ar þær að fylgjandi ríkisstjórninni
voru 289 eða 48,2%, andvígir ríkis-
stjórninni voru 166 eða 27,7%,
óákveðnir voru 124 eða 20,7% og
21 vildi ekki svara eða 3,5%.
í frétt DV af skoðanakönnun-
inni segir að listar ríkisstjórnar-
flokkanna, það er Sjálfstæðis-
flokks og Framsóknarflokks, auk
T-lista sjálfstæðismanna á Vest-
fjörðum og BB-lista framsókn-
armanna á Norðurlandi vestra
hefi samtals fengið 58,2% at-
kvæða í síðustu alþingiskosning-
um, en fengju nú samkvæmt skoð-
anakönnuninni 63,5%.
Nokkrir fjall-
vegir enn ófærir
í GÆR og fyrradag var unnið að
snjómokstri á fjallvegum víða um
land sem lokuðust um helgina vegna
snjókomu og skafrennings. Nokkrir
fjallvegir eru enn ófærir og hálka er
BÚR-málið í
borgarráði í gær:
Samþykkt að
ráða Brynjólf
— Atkvæði féllu 3:2
BORGARRÁÐ samþykkti á fundi
sínum í gær að ráða Brynjólf Bjarna-
son hagfræðing í starf framkvæmda-
stjóra Bæjarútgerðar Reykjavíkur,
en útgerðarráð BÚR hafði samþykkt
að ráða Brynjólf á fundi fyrir sl.
helgi.
Borgarráð samþykkti ráðning-
una með 3 atkvæðum borgarráðs-
manna Sjálfstæðisflokksins gegn
2 atkvæðum fulltrúa Alþýðu-
bandalags og Framsóknarflokks,
en fulltrúar þessara flokka sátu
hjá við atkvæðagreiðsluna í út-
gerðarráði.
Endanleg afgreiðsla málsins
mun fara fram á borgarstjórnar-
fundi sem haldinn verður næst-
komandi fimmtudag.
á vegum norðanlands. I gær gerði
versta veður í Vestur-Skaftafells-
sýslu og var um tíma ófært fyrir
minni bíla um Mýrdalssand.
Á Vestfjörðum er Þorskafjarð-
arheiði ófær en búið er að moka
vegina um Hrafnseyrar-, Breiða-
dals- og Botnsheiðar og er vegur-
inn á milli ísafjarðar og Reykja-
víkur nú fær öllum bílum. í gær
var vegurinn um Strandir, úr
Hrútafirði til Hólmavíkur,
mokaður. Frá Hólmavík í Bjarn-
arfjörð er aðeins fært stærri bíl-
um en ófært þaðan og norður í
Árneshrepp.
Fært er flestum bílum frá
Reykjavík og norður um land, allt
til Vopnafjarðar. í fyrradag var
vegurinn úr Fljótum til Siglu-
fjarðar mokaður en hann var orð-
inn þungfær en vegurinn um Lág-
heiði er enn ófær. Þá var vegurinn
fyrir Ólafsfjarðarmúla mokaður í
fyrradag og þá þurfti einnig að
hreinsa veginn frá Akureyri aust-
ur í Ljósavatnsskarð sem þá var
orðinn þungfær. Hálka er á vegum
norðanlands.
Vegurinn um Hólssand er ófær
og vegurinn um Öxarfjarðarheiði
hefur verið ófær um nokkurn
tíma. Mývatnsöræfi eru fær stór-
um bílum svo og frá Möðrudal
niður í Vopnafjörð og vegurinn frá
Möðrudal og yfir Möðrudalsöræfi
er aðeins jeppafær. Breiðdalsheiði
er fær jeppum og vegurinn yfir
Fjarðarheiði og Oddsskarð var
mokaður í fyrradag.
Saltaö á Fáskrúösfirði. Morgunblaöiö/Albert Kemp.
Austfirðir:
Meiri bjartsýni
með sfldveiðarnar
NOKKUR síldveiði var í Mjóafiröi í
fyrrinótt og veiddust þar alls um 300
lestir.
Nokkrir bátar voru þar aö veiöum,
en mest aflaði Guðmundur Ólafur
ÓR, en hann fékk 80 lestir og fór
meö aflann til Ólafsfjarðar. Aörir
bátar voru með minni afla.
Reyðarfírði, 18. október.
HELDUR lifnaði yfir mönnum
hér í morgun er fréttist að Vota-
bergið frá Eskifirði væri að koma
Sumarhús Alþýðusambands Austurlands:
Húsgögn fyrir 500 þúsund
krónur keypt frá Danmörku
ALÞÝÐUSAMBAND Austurlands
keypti í vor dönsk húsgögn í ný
orlofshús, fyrir um 500 þúsund krón-
ur, að því er Sigfinnur Karlsson
formaöur Alþýðusambands Austur-
lands sagði í samtali viö blaðamann
Morgunblaðsins í gærkveldi. Al-
þýðusambandið er að reisa tuttugu
orlofshús á Einarsstöðum, og voru
níu þeirra tekin í notkun í vor, en
áætlað er að hin ellefu verði tilbúin
á næsta ári.
„Við vorum ekki ánægð með að
þurfa að kaupa erlend húsgögn, en
ég kannaði þetta víða og það varð
niðurstaðan að við keyptum hús-
gögn frá Danmörku, að undan-
skildum sófaborðum þó, þau eru
innlend smíði,“ sagði Sigfinnur
Karlsson. Hann sagði nauðsynlegt
hafa verið að kaupa furuhúsgögn,
vegna litar þeirra og samræmis í
sumarhúsunum, og ekki hefðu
fundist húsgögn smíðuð hér á
landi, sem hefðu talið henta. Því
hefði þessi leið verið valin, og hús-
gögnin keypt fyrir milligöngu ís-
lenskra innflutningsaðila. Sig-
finnur kvað ekki ljóst, hvort hús-
gögnin í þau hús sem eftir er að
taka í notkun, yrðu íslensk eða er-
lend.
Patreksfjörður:
Ollum hreppsbúum boð-
ið að kaupa hlutabréf
— vangoldin laun greidd út í gær
STARFSFÓLK Hraðfrystihúss Patreksfjarðar fékk í gær greidd laun, sem
það hefur átt inni undanfarnar 4—6 vikur. Togbáturinn Þrymur, sem gerður
hefur verið út frá Patreksfirði en varð stopp um sama leyti og húsinu var
lokað og öllu starfsfólki sagt upp fyrr í þessum mánuði, hefur hafið róðra á
ný og kom hann t.d. inn í fyrradag með 7,5 tonn. Afli í fyrri róðrum hefur
einnig verið tregur. Togarinn Sigurey, sem verið hefur í slipp í Englandi,
kemur til Patreksfjarðar í dag eða kvöld og verður reynt að koma honum á
veiðar sem allra fyrst, að sögn Jens Valdimarssonar, kaupfélagsstjóra og
stjórnarformanns Hraðfrystihússins, sem Mbl. fékk þegar upplýsingar hjá í
gær.
Fyrir hádegi í dag ætlaði stjórn
Hraðfrystihússins að senda öllum
skattgreiðendum á Patreksfirði
bréf og bjóða hlutabréf í hrað-
frystihúsinu til kaups. „Við gerum
okkur vonir um að fá um fimm
milljónir króna á þennan hátt og
bendum í bréfinu á ýmsa greiðslu-
möguleika — vinnuframlag, lána-
möguleika og fleira," sagði Jens í
samtali við blm. Morgunblaðsins.
„Þetta er þáttur í þeirri viðleitni
okkar að skapa mótvægi hér
heima við það hlutafé, sem vænt-
aniega kemur inn með skuldajöfn-
un Sambandsins og Olíufélagsins
hf.“
Jens sagði að hægt hefði verið
að greiða laun eftir að samið hefði
verið við Landsbankann um
greiðslu afurðalána — ekki hefðu
verið tekin ný lán, enda hefði það
aldrei staðið til. Fyrirtækið skuld-
aði nú þegar meira en nóg. „Það
sem við höfum verið að gera er að
fá lengingu á lánum, uppstokkun á
kerfinu," sagði Jens. „Við stöndum
ekki undir frekari lánum enda
viljum við vinna okkur út úr þess-
um erfiðleikum."
Hann sagði í framhaidi af
þessu, að rétt væri að árétta að
þær 190 milljónir króna, sem
fyrirtækið skuldaði, væru ekki að-
eins skuldir hraðfrystihússins.
„Þetta eru heildarskuldir fyrir-
tækisins og ná yfir skuldir af hús-
inu, 200 tonna bát, 500 tonna tog-
ara og ýmsum eignum og tækjum
í landi,“ sagði Jens. „Þegar þess er
gætt að skuldir á togurum í land-
inu almennt eru 120—220 milljón-
ir króna, þá birtast þessir hlutir í
nokkuð öðru ljósi."
í síðustu viku áttu stjórnar-
menn í Hraðfrystihúsi Patreks-
fjarðar hf. og forsvarsmenn undir-
búningsfélags að stofnun nýrrar
fiskvinnslu á Patreksfirði með sér
fund, þar sem ræddir voru mögu-
leikar á samstarfi þessara tveggja
hópa. Undirbúningsnefndin hefur
safnað hlutafjárloforðum fyrir um
tvær milljónir króna. Jens sagðist
hafa óskað eftir öðrum fundi með
forsvarsmönnum hópsins, því við
uppbyggingu atvinnulífs á Pat-
reksfirði og hraðfrystihússins þar
væri sá hópur mjög þýðingarmik-
111. Hann kvaðst engu vilja spá um
hvort samstaða næðist þar á milli.
MEÐ YKKAR STUÐNINGI
hefur ríkissljórninni tekisl að tryggja
atvinnu og lækka verðbólguna úr 130°,
niður i 30'V,. -
AÐEINS MEÐ YKKAR STUÐNINGI
getur hún haldið áfram að draga úr
verðbólgunni og hafið nýja sókn til
framfara í atvinnumálum og til
bættra lífskjara.
Upplýsingarit
stjórnarinn-
ar komið út
í GÆR kom út upplýsingarit rfkis-
stjórnarinnar um árangur efnahags-
aðgerða stjórnarinnar.
Fyrirhugað er að dreifa ritinu
inn á öll heimili landsins og verð-
ur byrjað á því í dag, en þetta er
fjórblöðungur, gefinn út í 65 þús-
und eintökum.