Morgunblaðið - 23.10.1983, Blaðsíða 40

HOLLHVUOODi Bítlaæöiá^J
öi?íc völd ^/^5 jfli0iir0UíiipiwtP 4
SUNNUDAGUR 23. OKTÓBER 1983
Norskir ráðgjafar:
Vinna að
úttekt á
skipulagi
SÍS
KÁÐGJAFAR frá norska fyrirtæk-
inu Asbjörn Habestad hafa undan-
farnar vikur unnið að mikilli úttekt
á skipulagi Sambands íslenzkra
samvinnufélaga, með það fyrir aug-
um að gera tillögur um breytingar á
fyrirtækinu í nútímalegra horf.
Norsku ráðgjafarnir hafa farið
mjög gaumgæfilega í gegnum alla
rekstrarþætti fyrirtækisins og
hafa fengið framkvæmdastjóra og
deildarstjóra hinna ýmsu deilda í
viðtöl.
Samkvæmt þeim upplýsingum,
sem Morgunblaðið hefur aflað sér,
hefur komið fram hjá Norðmönn-
unum, að nauðsynlegt sé að gera
umtalsverðar breytingar á skipu-
lagi Sambandsins á næstu árum,
en þess ber þó að geta, að Norð-
mennirnir eru aðeins ráðgefandi
og því munu þeir leggja niðurstöð-
ur sínar fyrir stjórn Sambandsins,
sem síðar mun taka ákvörðun um
hvort farið verður út í breyt-
ingarnar eður ei.
Því má svo bæta við, að sú regla
hefur verið viðhöfð innan Sam-
bandsins, að menn hætti þar
störfum 65 ára að aldri. Því er
Ijóst, að nokkrir helztu forvígis-
menn fyrirtækisins og dóttur-
fyrirtækja munu láta af störfum á
næstu 2—3 árum. Þeir Erlendur
Einarsson, forstjóri, Hjalti Ein-
arsson, framkvæmdastjóri inn-
flutningsdeildar, Vilhjálmur
Jónsson, forstjóri Olíufélagsins hf.
og Kristleifur Jónsson, banka-
stjóri í Samvinnubankanum.
Fanginn sem strauk:
I einangrun á
Litla-Hrauni
FANGINN sem strauk af Litla-
llrauni á miðvikudag hefur nú verið
settur í einangrun á Litla-Hrauni og
er það refsing fyrir að strjúka úr
vistinni. Heimilt er að halda honum
í einangrun í allt að þrjá mánuði.
Fanginn náðist á fimmtudag.
Lögreglan hafði spurnir af honum
í heimahúsi í Reykjavík og sótti
hann. Hann var fiuttur austur í
gær og settur í einangrun.
Búnaður fyrir Rás 2 upp á Klif
Morgunblaðið/Ólafur Bragason.
RÁN, þyrla Landhelgisgæzlunnar, var fengin til að flytja búnað fyrir Póst & síma upp á Klifið í Vestmannaeyjum í vikunni, að sögn Magnúsar H.
Magnússonar, stöðvarstjóra Pósts & síma í Vestmannaeyjum. „Búnaðurinn, sem þyrlan flutti fyrir okkur eru sendar, loftnet og annar búnaður vegna
útsendinga á Rás 2, en stöðin á Klifinu þjónar Vestmannaeyjum og reyndar öllu Suðurlandinu," sagði Magnús ennfremur. Það kom fram hjá
Magnúsi, að farnar voru nokkrar ferðir, en heildarþyngd varningsins var um 4 tonn. „Það er stefnt að því, að þessi búnaður verði tilbúinn í næsta
mánuði, þegar útsendingar á Rás 2 eiga að hefjast.
Utvarpsráð:
Viðræður um
beina útsend-
ingu á leikjum
ÚTVARPSRÁÐ samþykkti á
fundi sínum sl. föstudag, að for-
stöðumaður fjármáladeildar og
íþróttafréttamaður hefji við-
ræður við Landsímann um verð
stofnunarinnar á beinni útsend-
ingu knattspyrnuleikja erlendis
frá. Um er að ræða sjö leiki —
tvo úrslitaleiki í Evrópumótum
í vor, úrslitaleik Mjólkurbikars-
ins og úrslitaleik bikarkeppni
enska knattspyrnusambandsins
og þrjá valda leiki úr deilda-
keppninni á Englandi.
Áhugamannahópur
vill kaupa Alafoss
— segir Albert Guðmundsson fjármálaráðherra
„ALLT starfsmannafélagið í Ála-
fossi, ýmsar prjónastofur um allt
land, sem hafa viðskipti við Álafoss,
og önnur fyrirtæki _sem lifa af við-
skiptum sínum við Álafoss, svo sem
Hilda hf., hafa haft samband við mig
og lýst áhuga á að mynda með sér
félag um kaup á Álafossi," sagði Al-
bert Guðmundsson fjármálaráð-
herra, er Mbl. spurði hann hvort í
undirbúningi væri félagsstofnun um
kaup á Álafossi.
Albert sagði að upphaflega
hefði hann ætlað að leggja fyrir
Alþingi eitt frumvarp um sölu á
ýmsum ríkisfyrirtækjum. Tækni-
legir örðugleikar hefðu verið á því,
og nú væri í undirbúningi frum-
varpagerð, þar sem sérstakt frum-
varp yrði flutt um hvert fyrirtæki.
Tollverðir teknir med ótoll-
afgreitt áfengi og tóbak
Hafa viðurkennt að hafa þegið að gjöf frá sjómönnum
TVEIR tollverðir hafa viður-
kennt að hafa þegið gjafir frá
sjómönnum, ótollafgreitt áfengi
og tóbak og þannig gerst brot-
legir í opinberu starfi. A fimmtu-
dagskvöldið var tollvörður tek-
inn ölvaður undir stýri á bifreið
sinni. I bifreiðinni fannst ótoll-
afgreidd áfengisflaska. Maður-
inn skýrði frá því, að hann hefði
verið að starfi í Mánafossi með
félaga sínum, sem þá var kallað-
ur fyrir.
Við rannsókn málsins fannst
ótollafgreitt áfengi og tóbak í
vinnuskáp, og á heimilum
þeirra fundust nokkrar ótollaf-
greiddar áfengisflöskur, whisky
og vodka auk tóbaks. Þeir hafa
viðurkennt að hafa þegið áfeng-
ið og tóbakið að gjöf. Þá fund-
ust innflutt matvæli, nokkrir
kjúklingar og hamborgar-
hryggir. Tollverðirnir voru
hafðir í haldi í tæpan sólar-
hring og sleppt á föstudags-
kvöldið.
Sagðist hann reikna með að mál
þessi sæju dagsins ljós á Alþingi
bráðlega.
Varðandi Álafoss sagði hann
áhugamenn um kaupin vera stór-
an hóp manna, sem hefði það sam-
eiginlegt að lifa af samskiptum
sínum við Álafoss.
Flugleiðir:
Um 20% aukning
í Atlantshafsflugi
„HVAÐ einstaka rekstrarþætti
áhrærir hafa að verulegu leyti náðst
þau markmið sem sett voru varðandi
Norður-Atlantshafsflugið. Þar hefur
orðið um 20% aukning í flutningum
það sem af er árinu,“ segir Siguröur
Helgason, forstjóri Flugleiða, m.a. í
grein í nýjasta hefti Flugfrétta.
„Verulegur samdráttur hefur
orðið í Evrópuflugi vegna bágbor-
ins efnahagsástands hér innan-
lands, aukinnar samkeppni frá
ferjum og auknu flugi annarra að-
ila. Var samdráttur þessi yfir
sumarmánuðina nálægt 15%,“
segir Sigurður Helgason ennfrem-
ur.
„1 innanlandsfluginu hefur
einnig orðið samdráttur um 10%
sem er fyrst og fremst afleiðing af
bágbornu efnahagsástandi hér
innanlands. í rekstraráætlun var
gert ráð fyrir vissum samdrætti,
bæði í Evrópuflugi og innanlands-
flugi, en samdráttur varð í reynd
meiri en ráð var fyrir gert,“ sagði
Sigurður Helgason.
„Sá þáttur sem jákvæðastur
hefur verið í flugrekstri nú undan-
farna mánuði er lækkun eldsneyt-
iskostnaðar. Miðað við sama tíma
árið áður hefur eldsneytisverð
lækkað um 15—18%.
Bætta rekstrarafkomu má Svo til
eingöngu rekja til þessa rekstrar-
þáttar," segir Sigurður Helgason,
forstjóri Flugleiða.
Maöur féll
af fjórðu hæð
MAÐUR féll af fjórðu hæð húss við
Bergþórugötu á þriðja tímanum í
fyrrinótt. Lögregla og sjúkralið
komu á staðinn og var maðurinn
fluttur á slysadeild. Hann mun vera
úr lífshættu. Ekki var kunnugt um
nánari tildrög slyssins, er Morgun-
blaðið fór í prentun í gær.