Morgunblaðið - 01.12.1985, Blaðsíða 4

4
MÓhGIÍNBLAÐIÐ, SUNNUDAGUR1. DESEMBER1985
Axel Gíslason aðstoðarforstjóri Sambandsins:
Sambandið hugðist
ekki kaupa eignir og
skuldir Hafskips
SAMBAND ísl. samvinnufélaga gekk ekki til viðræðna við fulltrúa íslenska
skipafélagsins með það fyrir augum að taka yfir neitt af eignum, skuldum
eða skuldbindingum Hafskips eða íslenska skipafélagsins, að því er Axel
Gíslason, aðstoðarforstjóri Sambandsins, sagði á fundi með Félagi ís. rekstr-
arráðgjafa á fimmtudagskvöld.
Axel Gíslason sagði á þessum
fundi að hann vildi þar nota tæki-
færið til að leiðrétta, að því er
hann teldi, mistúlkun á viðræðum
Sambandsins við fulltrúa ísl.
skipafélagsins og á niðurstöðum
þeirra. Hann sagði það staðreynd,
að viðræður Sambandsins við
þessa aðila hefðu ekki fjallað um
kaup skipadeildarinnar á Hafskip,
ekki um sameiningu skipadeildar-
innar og Hafskips eða íslenska
skipafélagsins, ekki um að kaupa
skip Hafskips eða ísl. skipafélags-
ins, eða gámaflota, bíla, lyftara eða
annan tækjakost og ekki heldur
um yfirtöku á skuldum Hafskips
gagnvart Otvegsbanka eða annar-
staðar. Viðræður hefðu snúist um
stofnun nýs skipafélags, hlutafé-
lags sem væri að meirihluta í eigu
skipadeildar Sambandsins en með
þátttöku einhverra af hluthöfum
Hafskips og stjórnarmanna í ís-
lenska skipafélaginu, sem legðu
fram hlutafé allt að 200 milljónum
í hið nýjafélag.
Axel sagði það skoðun sína að
markaðurinn hér á landi væri
Raufarhöfn:
Húsið Geysir
eyðilagðist
í eldsvoða
Kaufarhöfn, 29. nóvember.
HÚSIÐ Geysir á Raufarhöfn eyði-
iagðist í eldsvoða í nótt. Húsið var
mannlaust. Talið er að eldurinn hafi
kviknað út frá rafmagnsinntaki.
Geysir er gamalt tveggja hæða
járnklætt timburhús. Enginn hef-
ur búið í því um tíma en eigendur
þess eru búsettir erlendis. Eldur-
inn kom upp í kvisti hússins þar
sem rafmagnsirntakið er og var
kvisturinn orðinn alelda þegar til-
kynning barst til slökkviliðsins á
Raufarhöfn um klukkan 3.45.
Slæmt veður var í nótt, en slökkvi-
starfið gekk vel miðað við aðstæð-
ur. Slökkvistarfi var lokið fyrir
klukkan 7 í morgun. Eldurinn fór
um alia efri hæðina og er húsið
mikið skemmt. Verður það varla
endurbyggt.
- Helgi.
tæpast nógu stór til að bera þrjú
sjálfstæð flutningakerfi í kaup-
skipaútgerðinni og með stofnun
félagsins hefði því verið að því
stefnt að mynda hér öflugt félag
sem með því að tryggja sér núver-
andi flutningsmagn skipadeildar
Sambandsins og Hafskips, væri
komið með um 40-45% af markað-
inum á móti um 60% hlutdeild
Eimskips. Með svo öflugu félagi
væri raunverulega kominn val-
kostur sem tryggði raunverulega
samkeppni á þessum markaði, sem
væri aftur forsenda frjálsrar
samkeppni, að mati Axels.
Sérstakur gestur þessa fundar
Félags ísl. rekstrarráðgjafa var
Valur Arnþórsson og spurði blaða-
maður Mbl. Val hvort einhverjar
líkur væru á því að til nýrra við-
ræðna kæmi milli Sambandsins
og íslenska skipafélagsins í ljósi
málaleitunar Dagsbrúnar. Valur
svaraði því til að eins og málum
háttaði þá stundina hefðu forsend-
ur ekki breyst á neinn hátt að
aðstæða væri til að ætla að afstaða
stjórnarinnar hefði breyst frá því
sem var. Að auki sagði Valur að
Útvegsbankinn væri í mjög erfiðri
stöðu og ætti í viðræðum við
Eimskipafélagið og af þeirri
ástæðu einni kvaðst Valur ekki
myndu kalla stjórn Sambandsins
saman á ný, því að slíkt kynni að
verða túlkað af einhverjum sem
viðhorfsbreyting af hálfu stjórnar-
manna Sambandsins og þar með
spillt fyrir viðræðum Útvegsbank-
ans við Eimskipafélagsmenn.
Morjíu nblaöið/Árni Sæberg.
Bóthildur til vinstri og Guðrún Björg með tvær nýfæddar blómarósir á einni af sængurkvennadeildum Fæðing-
ardeildar Landspítalans.
Fæðingardeild Landspítalans:
Ljósmæður „af gamla skól-
anum“ hættar kennslu
LJÓSMÆÐUR „af gamla skólan-
um“ hafa í mótmælaskyni við
meint launamisrétti lagt niður
kennslustörf á fæðingardeild
Landspítala fslands. Ljósmæðurn-
ar gera kröfur um sömu laun fyrir
sömu vinnu og að fá umbun fyrir
kennslustörf eins og læknar á
Landspítalanum. Þær benda á bók-
anir frá gerð sérkjarasamninga
þeirra í desember 1984 varðandi
þessi mál og í viðtali við þær kemur
fram, að komið getur til þess, að
Ijósmæður með hjúkrunarmenntun
leggi einnig niður kennslu, þannig
að nemar í heilbrigðisstéttum fái
enga kennslu af hendi Ijósmæðra
á fæðingardeiidinni.
„Af gamla skólanum" segja
þær ljósmæður sig vera, sem
hlotið hafa tilskilin ljósmæðra-
réttindi að loknu tveggja ára
námi, án þess að hafa áður lokið
hjúkrunarnámi, en árið 1982 var
hjúkrunarpróf fyrst gert að inn-
tökuskilyrði við Ljósmæðraskól-
ann. í dag njóta hjúkrunarfræði-
menntaðar ljósmæður hærri
launa sem nemur tveimur launa-
flokkum skv. BSRB-samningum.
Að sögn Guðrúnar Bjargar Sig-
urbjörnsdóttur formanns Ljós-
mæðrafélags íslands og Bóthild-
ar Steinþórsdóttur ljósmóður,
sem er hjúkrunarmenntuð, hefur
nú verið beðið úrlausna í heilt
ár, eða frá gerð sérkjarasamn-
inga í desember 1984, en þær
segjast sammála um að reglan
„sömu laun fyrir sömu vinnu"
eigi að gilda.
Um helmingur starfandi ljós-
mæðra á Fæðingardeild Land-
spítalans er af „gamla skólan-
um“, þar af meirihluti deildar-
ljósmæðra. 19-20 ljósmæðranem-
ar og 50-70 læknanemar njóta
kennslu í fæðingarhjálp á ári
hverju. Þurfa læknanemar að
taka á móti a.m.k. tveimur börn-
um hver á námstímanum en ljós-
mæðranemar a.m.k. 40 börnum.
Ljósmæðurnar hættu kennslu 1.
nóvember sl. en þær standa
misjafnlega að mótmælaaðgerð-
unum að sögn þeirra Guðrúnar
og Bóthildar. Sumar vísa nemum
hreinlega á dyr, en aðrar ieyfa
þeim að vera viðstöddum, án þess
þó að veita tilsögn. Bóthildur
sagði að hjúkrunarmenntaðar
ljósmæður sinntu nú allri
kennslu, en ljósmæður nytu
engrar umbunar fyrir kennslu-
störf sín. Læknar fengju aftur á
móti greitt sem svarar sjö
klukkustunda vinnu á mánuði
fyrir kennslustörf og því gæti vel
komið til þess að þær tækju þátt
í að fella niður kennslu, þó ekki
væri nema af þeirri ástæðu.
Gunnlaugur Snædal yfirlækn-
ir á fæðingardeildinni og skóla-
stjóri Ljósmæðraskóla íslands
sagði í viðtali við blaðamann, að
mál þetta væri í athugun hjá
stjórnarnefnd ríkisspítalanna;
að sjálfsögðu hefði þetta áhrif á
kennsluna en hann vonaðist til
að málið leystist farsællega og
fljótlega.
Einhliða yfirlýsing líkleg
til að skapa óróa og tortryggni
- sagði Birgir ísleifur Gunnarsson í ræðu á fundi um kjarnorkuvopnalaus Norðurlönd
RÁÐSTEFNA um kjarnorkuvopna-
laus Norðurlönd hófst í Kaupmanna-
höfn á föstudag. Til borgarinnar eru
saman komnir þingmenn frá öllum
Norðurlöndum, þeirra á meöal átta
íslenskir bingmenn, þeir Ólafur G.
Einarsson, Birgir ísleifur Gunnars-
son, Ingvar Gíslason, Svavar Gests-
son, Jón Baldvin Hannibalsson,
Guðrún Agnarsdóttir og Kristín
Kvaran.
Meðal beirra sem héldu ræðu á
Umræða um stofnun þing-
bandalags með Framsókn
var fyrir opnum tjöldum
— segir Hannibal Valdimarsson
„Það er engin opinberun að við
Björn Jónsson stóðum í viðræðum
um stofnun þingbandalags með
Framsókn í byrjun árs 1969. Það
var gert fyrir opnum tjöldum,"
sagði Hannibal Valdimarsson, fyrr-
verandi alþingismaður og ráðherra,
í samtali við Morgunblaðið. Frá
þessu er skýrt í lokabindi ævisögu
Eysteins Jónssonar, fyrrum ráð-
herra og formanns Framsóknar-
fiokksins, og greindi Morgunblaðið
frá því í frétt í eær.
„Það er ekkert óeðlilegt við að
leitað sé eftir samstarfi við aðra
þingflokka til að ná aðstöðu í
nefndum,“ sagði Hannibal. „En
þrátt fyrir miklar umræður varð
ekkert úr þessari samvinnu."
í þessu lokabindi ævisögu
Eysteins Jónssonar segir enn-
fremur að þeir Hannibal og
Eysteinn hafi ræðst við í júnílok
1969 og hafi Hannibal þá nefnt
að hann ætlaði sér að gera upp
við Alþýðubandalagið og stofna
flokk.
„Það getur verið að ég hafi
sagt þetta við Eystein, ég man
það ekki. En hitt er rétt að ég
var orðinn vondaufur um að
tækist að gera Alþýðubandalagið
gamla að kosningabandalagi á
breiðum grundvelli í stað komm-
únistaflokks," sagði Hannibal.
Vilhjálmur Hjálmarsson frá
Brekku, fyrrum þingmaður og
ráðherra, hefur ritað ævisögu
Eysteins Jónssonar og er loka-
bindið rétt ókomið í búðir. En
er nokkuð á döfinni að Hannibal
Valdimarsson riti eða láti rita
sínar æviminningar?
„Sumir segja að Eysteinn hafi
ákveðið að láta skrásetja ævi-
minningar sínar til að leiðrétta
ýmis atriði sem hann telur að séu
rangtúlkuð í ævisögu ólafs
Thors. Svo kannski ætti ég að
láta skrá mína sögu til að leið-
rétta sögu Eysteins! Nei, ég hef
fyrir löngu gert upp hug minn í
þessum efnum; frásagnir póli-
tískra andstæðinga frá liðnum
tímum hljóta alltaf að vera ólík-
ar og ég ætla ekki að auka við
söguna með minni túlkun," sagði
Hannibal Valdimarsson.
föstudag var Birgir ísleifur Gunn-
arsson. Hann lagði áherslu á, að
„varðveita hið norræna jafnvægi"
og að íslendingar taki þátt í um-
ræðum og athugunum kjarnorku-
vopnalaus Norðurlönd, þannig að
þjóðin geti sem best gert sér grein
fyrir hvað þjóni öryggishagsmun-
um íslands, Norðurlandanna sém
heild og friðargæslu i heiminum
almennt. Hann áréttaði þá stefnu
Alþingis að ekki verði staðsett
kjarnorkuvopn á íslandi og varaði
við einhliða yfirlýsingu Norður-
landa, heldur víðtækt samkomulag
þar sem kjarnorkuvopn sovét-
manna á Kolaskaga og við Eystra-
salt yrðu hluti af.
Ennfremur sagði Birgir ísleifur:
„Þrjú Norðurlandanna, ísland,
Danmörk og Noregur, eru í Atl-
antshafsbandalaginu, því varnar-
bandalagi, sem varðveitt hefur frið
í Evrópu í 36 ár og er það eitt
lengsta friðartímabil í sögu Evr-
ópu. Við viljum njóta góðs af þessu
bandalagi, en einn af hornsteinum
þess er að litið er á bandalagssvæð-
ið sem eina heild, það er sameigin-
legt varnarsvæði. Allar umræður
um kjarnorkuvopnalaus svæði á
Norðurlöndum hljóta því að fara
fram í samráði við samherja okkar
í Atlantshafsbandalaginu og verða
liður í þeirri óhjákvæmilegu
stefnu bandalagsins að draga úr
kjarnorkuvopna-kapphlaupinu.
Samstaða á Vesturlöndum innan
Atlantshafsbandalagsins um mál
af þessu tagi er grundvallaratriði
að mínu mati. Eg vil geta um í
þessu sambandi, að fyrir nokkrum
vikum kom til Islands Michel
Voslensky, sovéski sagnfræðingur-
inn sem nú býr á Vesturlöndum
og ritaði hina frægu bók Nomen-
klatura. Hann starfaði um árabil
í innsta hring sovéska kerfisins og
þekkir það út og inn. Hann sagði:
Sovétríkin leita eftir pólitískum
áhrifum á Vesturlöndum og helst
pólitískum yfirráðum. Ein helsta
leiðin til að ná þeim markmiðum
er að brjóta niður samstöðu Vest-
urlanda, kljúfa þau hvert frá öðru
og gera Vestur-Evrópu þannig í
heild veika og auðveldari viðfangs.
Einhliða yfirlýsing Norðurlanda
um kj arnorku vopnalaus svæði,
sem ekki væri í samræmi við heild-
arvarnarstefnu Atlantshafs-
bandalagsins væri þannig einn
þáttur í sundrung Vestur-Evrópu,
líkleg til að skapa óróa og tor-
tryggni og því í reynd ekki líkleg
til að auka friðarlíkur í heiminum.
Það hlýtur að vera meginverk-
efnið í friðar- og afvopnunarmál-
um að draga úr magni kjarnorku-
vopna frekar en að hugsa um ein-
stök landssvæði í þessu efni.“
o
INNLENT