Morgunblaðið - 19.06.1986, Qupperneq 5

MORGUNBLAÐIÐ, VIÐSKIPn/JQVINNUlÍF FIMMTUDAGUR 19.JÚNÍ 1986
B 5
reynslu hefur i leiknum auglýsing-
um. En hvemig skyldi ganga að
manna slíkar auglýsingar? „Við
höfum lagt mikla áherslu á að koma
okkur upp sem mestri breidd af
góðum týpum og erum með fjölda
slíkra á skrá hjá okkur. Hins vegar
er það staðreynd að auglýsandinn
gerir vaxandi kröfur um að fá alltaf
ný og ný andlit en samt fólk sem
á að geta leikið. Helst vilja menn
fá einhvem eins og Sigga Siguijóns
án þess þó að það sé Siggi Siguijóns
og gleyma því að það kemur ekki
nema einn Siggi Siguijóns fram á
hverri öld. Þessi krafa kostar því
oft mikla leit og við höfum í vaxandi
mæli leitað til leikaranna okkar,
jafnvel þótt andlit þeirra séu ekki
alveg ný. Það er líka að vakna
skilningur á því að það þarf fag-
menn á þessu sviði eins og öðmm
til að koma þeim skilaboðum mark-
visst til skila, sem auglýsingunni
er ætlað að flytja, því að oft em
skilaboð auglýsingarinnar fólgin í
svipbrigðunum einum og það em
fagmennimir, leikaramir, sem
kunna að skila þessum svipbrigðum
þegar við á.“ En sé enginn hörgull
á góðu fagfólki til að leika í sjón-
varpsauglýsingum kvarta þeir
Bjöm og Egill sáran yfir því að
tilfinnanlega vanti þessar djúpu
viskíraddir, sem gefi svo mörgum
erlendum sjónvarpsauglýsingum
sinn sérstaka blæ. Það vantar sem
sagt viskíið í íslensku raddböndin.
Svo mikið hefur verið fjallað um
þátttöku íslands í söngvakeppni
Evrópu að það væri að æra óstöðug-
an að fara frekar út í þá sálma,
þótt það hafi verið meginverkefni
Hugmyndar frá því í marsmánuði
og fram í maí. Þó er ljóst að þeir
félagamir telja sig hafa öðlast
mikilsverða reynslu í þeirri eldskím
allri. Þeir bera iof á Ríkisútvarpið
að hafa veitt utanaðkomandi aðila
tækifæri til að axla alla þá ábyrgð,
sem þessu var samfara, og segjast
vonast til að þetta marki upphafið
að því að sjónvarpið leiti í ríkara
mæli út fyrir stofnunina eftir inn-
lendri dagskrárgerð og dagskrár-
efni. Það má heyra á þeim Agli og
Bimi að hugur þeirra stendur til
slíkrar sjónvarpsvinnu. Þeir segja
að til sé ósáður akur, þar sem sé
gerð stuttra kvikmynda er henti
sjónvarpi og nægt framboð á
vinnufúsum höndum nú þegar
blómaskeið langra leikinna kvik-
mynda sé greinilega að baki. Þeir
sjá líka mikla framtíð í gerð tónlist-
armyndbanda, enda orðið svo fræg-
ir að til þeirra leitaði bandarísk
söngkona, Regina að nafni, og fékk
þá til að gera myndband með sér,
sem nú hefur verið margsýnt hjá
sjónvarpsrásinni bandarísku sem
lifir á því að sýna einvörðungu slík
tónlistarmyndbönd. Og á meðan
siglir Regina með lagið sitt upp
vinsældaiistana vestan hafs.
Nýir iandvinningar
- ný viðhorf
Þeir Egill og Bjöm em þó ekki
búnir að segja skilið við auglýsinga-
heiminn. Þeir em meira að segja
svo stórhuga að þeir em búnir að
setja á myndbandssnældu sýnis-
homasyrpu af auglýsingum sínum,
sem þeir ætla að koma á framfæri
í Danmörku. Nú líður nefnilega
senn að því að Danir komist í fyrsta
sinn í kynni við sjónvarpsauglýsing-
ar en kunna lítið til verka á því
sviði. Þeir félagamir þykjast sjá
teikn þess að breskir og þýskir
auglýsingagerðarmenn muni
storma inn á þennan markað og
hví skyldu ekki íslenskir kunnáttu-
menn, sem hafa lært að vinna vel
við knappan fjárhag, geta nælt sér
í sneið af þeirri köku? Og hér heima
fyrir eiga þeir sér líka óskaverkefni
— eða öllu óskakúnna.
„Við fengum nefnilega eins kon-
ar menningaráfall þegar við komum
út til Noregs þama á dögunum og
urðum þess áskynja hversu óskap-
leg vanþekking ríkir um ísland og
allt sem íslenskt er, jafnvel meðal
frænda okkur á hinum Norðurlönd-
unum,“ segja þeir félagamir.
„Þama kom upplýst og framsækið
fólk hvaðanæva úr Evrópu og við
komumst að raun um að sú mynd
sem það hafði af íslandi var vægast
sagt heldur fáfengileg. Vafalaust á
þetta sér allt sínar skýringar. Við
vitum að af hálfu ferðamálayfir-
valda er lögð heilmikil vinna í land-
kynningarmál en óhjákvæmilega
fær maður það á tilfínninguna eftir
þessa reynslu að það starf sé ekki
mjög markvisst og ekki hafí tekist
að koma því nægilega vel til skila
hver staða íslands sé í samfélagi
þjóðanna og að hér búi fólk sem '
er í takt við helstu strauma nútím-
ans og haldi uppi miklu og blómlegu
menningarlífí."
Og Björn Bjömsson rifjar upp í
þessu sambandi atvik frá þeim tíma
er hann var við nám og störf hjá
danska sjónvarpinu í bemsku ís-
lenska sjónvarpsins. Hann átti þess
þá kost að sækja mikla norræna
fatasýningu í Bella Center í Kaup-
mannahöfn. Hann gekk þar um
sali innan um glæsta sýningarbása
nágrannanna, þar sem blasti við
norræn hönnun og uppsetning af
allkunnri smekkvisi frændþjóða
okkar. Síðan var honum skyndilega
gengið fram á sýningarbás helsta
íslenska ullarvömframleiðanda þess
tíma. Nokkur mannsöfnuður var
samankomin við básinn og inni í
honum miðjum stóð forstjórinn og
eigandinn á hvítri skyrtu og með
uppbrettar ermar og kynnti fram-
leiðslu sína með þvi að bera hana
við sjálfan sig með fyrirgangi og
tilheyrandi hávaða. „Mér var undir-
eins ljóst að fólkið var ekki þama
komið til að virða fyrir sér f atnaðinn
heldur til að horfa á manninn sem
eitthvert fyrirbæri og skemmti-
kraft. Ég læddist hljóðlega á braut
og lét engan vita af því í það skipt-
ið að ég væri líka íslendingur."
Og Egill tekur upp þráðinn: „Það
er frá sveitamennsku af þessu tagi
sem við verðum að hverfa. Burt
með minnimáttarkendina, því að
hún er ástæðulaus. Hún hefur verið
alltof rílq'andi hjá þessari sjálfs-
bjargarkynslóð, þessum dugnaðar-
forkum sem hér hafa ráðið ríkjum
til skamms tíma. Nú er hins vegar
að taka við völdum önnur kynslóð
með ný viðhorf og sem þjáist ekki
af neinni minnimáttarkennd gagn-
vart því sem útlenskt er. Við vitum
að þjóðin er vel menntuð og að við
erum sigldari en almennt gerist
meðal annarra þjóða. Þar af leið-
andi erum við oft á tíðum með víð-
ari sjóndeildarhring og breiðari
þekkingu að ýmsu leyti. Við getum
þess vegna gert okkur gildandi á
öllum þeim sviðum, sem við kærum
okkur um. En til þess þarf ákveðna
fagmennsku, ekki síst í því að koma
því á framfæri sem við höfum upp
á að bjóða. Við vitum að það þarf
nú á dögum að pakka öllum sköpuð-
um hlutum í tilteknar neytendaum-
búðir — það þarf að „pródúsera"
kynningarnar á því er koma skal á
framfæri. í því skyni þarf að nota
fjölmiðlun nútímans og þá ekki síst
sjónvarpið sem er sterkasti miðillinn
sem til er. Innan þess er sterkasta
tjáningarformið myndir og tónlist í
bland. Bítlamir og Abba hafa senni-
lega átt stærri þátt í mótun þeirrar
ímyndar sem við höfum af Bretlandi
og Svíþjóð en flest annað. Sjón-
varpsstöðvar um allan heim æpa á
gott og velframreitt efni á þessu
sviði. Það þarf bara að nýta sér
þessi tækifæri — nota kollinn til
að búa til efni sem höfðar til þessa
markaðar og skapa um leið ákveðna
ímynd af þessu fallega landi og
þessu nútímafólki sem byggir það.
Sú ímynd hjálpar síðan upp á sölu
á öllum öðrum afurðum héðan, sem
við teljum eiga erindi á erlendan
markað. Það kaupir enginn físki-
bollur úti í búð ef menn vita ekki
af þeim þar. Þess vegna klæjar
okkur líka í fínguma að fá að takast
á við það verkefni að „pródúsera"
Island — að fá tækifæri til að koma
því á framfæri á okkar hátt. Við
viljum því gjaman fá ísland hf. sem
kúnna.“
Loftmyndir
Landmælingar íslands
taka ínotkun nýtt
skráningarkerfi
LANDMÆLINGAR íslands eru
að taka í notkun og kynna nýtt
skráningarkerfi loftmynda, sem
unnið hefur verið að undanfarin
fimm ár. Þorvaldur Bragason,
deildarstjóri Fjarkönnunardeild-
ar LÍ segir að markmiðið sé að
notendur loftmynda um allt land
geti gerst áskrifendur að skráðu
efni; ársskýrslum, skrám, flug-
línukortum og örfilmum af loft-
myndum.
Ársskýrslur og kynningarefni frá
árunum 1981 til 1984 var nýlega
sent til 180 aðila víðsvegar um
landið, sveitarfélaga, búnaðarsam-
banda, ríkisfyrirtækja og -stofnana,
bæjarfógeta og sýslumanna, hér-
aðsskjalasafna og nokkurra verk-
fræðistofa. Að sögn Þorvaldar hafa
þegar margir þessara aðila, sér-
staklega utan höfuðborgarsvæðis-
ins, óskað eftir því að gerast áskrif-
endur að árlegu skráningarefni um
sitt svæði og nokkrir hafa hjá sér
fullkomnar upplýsingar um allar
loftmyndir sem teknar hafa verið
af landinu á undanförnum árum.
Má þar nefna Vegageið ríkisins,
Orkustofnun, Háskóla íslands og
Skipulagsstjóra ríkisins. Þeir sem
nýta sér efnið geta fylgst með því
hvað tekið er af loftmyndum á Is-
landi og gert myndapantanir bréf-
lega til Landmælinga íslands.
Þannig þurfa notendur utan
Reykjavíkur ekki að leggja á sig
ferðlag til borgarinnar til að skoða
og panta loftmyndir.
Þorvaldur Bragason, landfræð-
ingur, deildarstjóri Fjarkönnunar-
deildar hefur aðallega unnið að
þessu verkefni ásamt Ágústi Guð-
mundssyni, forstjóra Landmælinga
íslands, og Magnúsi Guðmundssyni
landfræðingi.
XJöföar til
XJL fólks í öllum
starfsgreinum!
EN H.F,
BÆJARHRAUNI 10, HAFNARFIRÐI, SIMI 651000.
LOFTMYNDIR — Þeir sem standa að skráningarkerfí loft-
mynda, f.v. Þorvaldur Bragason, deildarstjóri Fjarkönnunardeildar
Landmælinga Islands, Magnús Guðmundsson, landfræðingur og Ágúst
Guðmundsson, forstjóri Landmælinga íslands.
ENSKU
SKÁPARNIR
FYRIR:
• Vinnustaði
• íþróttahús
• Umferðar-
miðstöðvar
• Flugvelli o.fl,
I BISLEVl
Seljendur ogkaupendur
hlutabréfa
Markmid okkar er að studla að eflingu og þróun hluta-
bréfaviðskipta hér á landi og að starfrœkja hlutabréfa-
markad
Kaupum og seljum hlutabréf í eftirtöldum hlutafélögum
á eftirfarandi verði:*)
Eimaskipafélag íslands hf. Kaupverð m.v. 100 kr. nafnverðs Kaupverð að lokinni jöfnun Söluverð m.v. 100 kr. nafnverðs Söluverð að lokinni jöfnun
370 185 400 200
Flugleiðir hf. 390 130 421 140
Iðnaðarbankinn hf. 125 91 135 98
Verslunarbankinn hf. 124 90 134 97
*) Askilinn er réttur til að takmarka þá fjárhæð sem keypt er fyrir.
Veitum hvers kyns ráðgjöf og aðstoð við stofnun hlutafélaga, verðmat
hlutabréfa, útboð hlutafjár og kaup og sölu hlutabréfa.
Hlulabréfamarkaéurinn hf
Skólavörðustíg 12, 3. h. Reykjavík. Simi 21677