Morgunblaðið - 17.01.1987, Blaðsíða 1

fHnriPuMi&M!*
PRENTSMIÐJA MORGUNBLAÐSINS LAUGARDAGUR 17. JANÚAR 1987
BLAÐ
Bankastjórn Útvegsbanka íslands:
Athugasemdir um skýrslu nefndar vegna
viðskipta Útvegsbankans og Hafskips
— til viðskiptaráðherra og bankaráðs
Morgunblaðið birtir í dag í heild athugasemdir bankastjóra Útvegsbank-
ans við skýrslu um viðskipti bankans og Hafskips hf. Sú skýrsla var samin
af þrig-gja manna nefnd sem Hæstiréttur tilnefndi samkvæmt lögum frá
Alþingi og birt opinberlega 10. nóvember á síðasta ári. Morgunblaðið birti
skýrsluna í heild 15. nóvember.
1. Inngangur
Mánudaginn 10. nóvember 1986
skilaði sérstök nefnd þriggja
manna, sem skipaðir voru af
Hæstarétti, skýrslu um viðskipti
Utvegsbanka íslands og Hafskips
hf. Nefndin starfaði samkvæmt lög-
um nr. 119 frá 1985. Skýrslan
birtist í fjölmiðlum áður en alþingis-
menn fengu hana til aflestrar og
umræðu. Bankaráð og bankastjórn
Utvegsbanka íslands, sem eru harð-
lega gagnrýnd í skýrslunni, fengu
á engan hátt að segja álit sitt á
einstökum þáttum hennar, né
skýrslunni í heild. Þessi skýrsla
nefndarinnar er því miður á margan
hátt byggð á misskilningi og álykt-
anir, sem þar eru dregnar, mót-
sagnakenndar, villandi og sumpart
rangar. Því telur bankastjóm Ut-
vegsbankans sig knúna til að gera
athugasemdir til ráðherra og bank-
aráðs um skýrslu nefndarinnar.
Skipun nefndarinnar vekur
nokkra athygli. Til formennsku var
valinn hæstaréttarlögmaður. Hinir
nefndarmennimir voru löggiltur
endurskoðandi og dósent við Há-
skóla íslands. Enginn þessara
manna hefur sérstaka þekkingu eða
reynslu í bankamálum, hvorki úr
viðskiptabanka né Seðlabanka. Við
kvaðningu meðdómenda til setu í
dómi, þar sem sérþekkingar er þörf
eða reynslu á sérstökum sviðum,
þykir sjálfsagt að velja menn með
slíka sérþekkingu eða reynslu. Við
tilnefningu í þessa nefnd hafa dóm-
arar Hæstaréttar hins vegar sjálf-
sagt tekið mið af þeirri staðreynd,
að nefndinni var ekki ætlað að
kveða upp dóma.
í 2. gr. laga nr. 119 frá 1985
er kveðið á um hlutverk nefndarinn-
ar og segir þar, að nefndin skuli
kanna, hvort um óeðlilega við-
skiptahætti hafí verið að ræða í
viðskiptum Útvegsbanka íslands og
Hafskips hf. eða í viðskiptum Haf-
skips hf. við aðra aðila. Hún skuli
athuga, hvort lánafyrirgreiðsla
bankans hafí verið í eðlilegu sam-
ræmi við tiltekin atriði og að
könnun nefndarinnar skuli enn-
fremur beinast að öðrum viðskipta-
legum þáttum málsins, þó ekki að
þeim atriðum sem unnin eru af
opinberum rannsóknaraðilum lög-
um samkvæmt. Það er áberandi,
að nefndinni er aðeins falið að
kanna og athuga en hvergi er talað
um rannsókn eða rannsóknarnefnd,
að undanskildum einum stað í 4.
gr. laganna. Akæruvald var henni
ekki fengið með lögunum.
Ekki verður séð, að bollalegging-
ar nefndarinnar í köflum 2.8 og 2.9
í skýrslunni, rúmist innan þess hlut-
verks sem ákveðið er í 2. gr.
laganna, en í þessum köflum er
fjallað um ábyrgð bankaráðs og
bankastjórnar Útvegsbankans og
skyldu þessara aðila til að segja af
sér á meðan rannsókn stóð yfír.
Mál þetta hefur verið til rannsóknar
hjá Rannsóknarlögreglu ríkisins og
er nú til ákvörðunar hjá embætti
Ríkissaksóknara. Með þessum
bollaleggingum sínum hefur nefnd-
in farið langt út fyrir það starfssvið,
sem henni var markað með 2. gr.
laganna.