Morgunblaðið - 23.06.1987, Blaðsíða 57

MORGUNBLAÐIÐ, ÞRIÐJUDAGUR 23. JÚNÍ 1987
57
Bifreiðaeftirlit ríkisins:
AF INNLENDUM
VETTVANGI
eftir BENEDIKT STEFÁNSSON
Deilt um óbreytta þj ón-
ustu og ramma fjárlaga
í BIFREIÐAEFTIRLITI ríkisins er þessa dagana tekist á um
gnmdvallarsjónarmið í ríkisrekstri: Hvort reka eigi stofnunina
innan þess ramma sem fjárlög setja henni, eða láta ríkissjóð bera
halla við uppgjör i árslok. Yfirstjórn fyrirtækisins hefur hrint í
framkvæmd áætlun undir heitinu „Rekstrarátak ’87“ með þetta
að markmiði. Starfsmenn um allt land andmæla aðgerðunum,
leggja niður vinnu og krefjast þess að áætlunin verði dregin til
baka, ella muni þeir ekki snúa aftur tíl starfa. Þeir telja vítavert
að stofnunin ætlist til þess að hægt sé að skera niður fyrirvara-
laust og að á endanum muni viðskiptavinir verða fyrir barðinu
á lakari þjónustu.
Rekstrarátakið var kynnt starfs-
fólkinu á fundi fyrir rúmri viku og
kom flestum í opna skjöldu. Breyt-
ingamar mættu þegar einarðri
andstöðu. Ljóst var að álag hlyti
að aukast á mestu annatímum og
tekjur þeirra sem mesta höfðu yfir-
vinnuna yrðu skertar. Eftir þjóð-
hátiðina ákvað starfsfólkið að
mótmæla þessum aðgerðum með
því að leggja niður vinnu, eða
„halda fund“ í vinnutímanum eins
og það hefur verið orðað.
Málamiðlunar-
tillögur felldar
Fulltrúar starfsmanna gengu á
fund dómsmálaráðherra á föstudag
með þær kröfur sínar að áætlunin
yrði dregin til baka og starfsmönn-
um gefinn kostur á því að fjalla
um breytingar á rekstri stofnunar-
innar í samráði við yfírmenn sína.
Því var hafnað, en ráðherra féllst
á 250.000 krónu aukafjárveitingu
til þess að standa straum af bak-
vakt eftirlitsmanna sem skoða
bifreiðir eftir árekstra að næturlagi
og um helgar.
Á föstudagskvöld kom Guðni
Karlsson forstöðumaður tæknis-
sviðs á fund starfsmanna og bar
fram málamiðlunartillögu. Guðni
lagði til að rekstrarátakinu yrði
hrint í framkvæmd, með þeim fyrir-
vara að eftir tvo mánuði yrði
áætlunin tekin til endurskoðunar í
fullu samráði við starfsmenn. Hann
vék að því búnu af fundi, en starfs-
menn felldu tillöguna.
Málin tóku sfðan nýja stefnu í
gær þegar starfsmennimir lögðu
til að hluti aðgerðanna næði fram
að ganga en stærstu deilumálin
yrðu endurskoðuð á næstu tveimur
mánuðum. Starfsmannaráð, sem í
eiga sæti þrír fulltrúar starfsmanna
og þrír fulltrúar stjómar Bifreiða-
eftirlitsins tók tillöguna til umfjöll-
unar og féll hún á jöfnum
atkvæðum.
Frestun kæmí hart
niður síðar
Að sögn Guðna gat stjóm Bif-
reiðaeftirlitsins ekki fallist á að
minnka niðurskurðinn þar sem það
hefði í raun kippt fótum undan
aðhaldsaðgerðunum. Taldi hann
vænlegra að grípa í taumana þegar
í stað. Yrði niðurskurðinum frestað
um einhverja mánuði kæmi hann
aðeins harðar niður á starfsfólki
og þjónustu stofnunarinnar.
Vagn Gunnarsson trúnaðarmað-
ur sagði að með tillögunni hefði
verið fallist á meginatriði rekstr-
arátaksins, að því undanskyldu að
bifreiðaeftirlitsmenn vildu ekki fela
öðmm að tölvuvinna gögn um
skoðanir. Nú tíðkast að eftirlits-
menn slái sjálfir upplýsingar inn í
tölvu um skoðanir og skráningar
eftir að vinnudegi lýkur Að mati
yfirmanna stofnunarinnar má rekja
stóran hluta yfírvinnu þeirra til
þess. Telja þeir að slík skrifstofu-
störf væm betur komin í höndum
sérþjálfaðs starfsfólks en bifvéla-
virkja.
Vagn sagði að með aðgerðum
sínum væri starfsfólkið fyrst og
fremst að mótmæla vinnuálagi.
Með rekstrarátakinu væri gert ráð
fyrir að hver bifreiðaeftirlitsmaður
skoðaði yfir 100 bíla á dag, sem
væri ekki mönnum bjóðandi. Þá
væri gert ráð fyrir því að við um-
skráningu yrði aðeins aðgætt hvort
rétt númer hefði verið fest á bifreið-
ina, en það teldu starfsmennimir
bijóta í bága við lög.
„Þetta mál snýst ekki um yfir-
vinnu okkar, eins og haldið hefur
verið fram. Við vildum fegnir
minnka yfírvinnuna, við höfum
bara verið neydd til þess að vinna
hana í óhófi á undanfömum ámm
vegna álagsins," sagði Vagn. „Mál-
ið snýst um hvort að yfirmenn
stofnunarinnar vilja halda uppi
nauðsynlegri þjónustu við bíleig-
endur. Staðreyndin er að halla-
rekstur á Bifreiðaeftirlitinu er til
kominn vegna mikillar aukningar
í skoðunum og nýskráningum."
Fram yfir fjárlög
mörg ár í röð
Þessar aðgerðir eiga sér nokkra
forsögu. Bifreiðaeftirlitið hefur
mörg undanfarin átt við rekstrar-
erfiðleika að stríða. Stofnunin
hefur farið fram úr fjárveitingum
ár eftir ár og í nokkur skipti þurft
að sækja um greiðslustöðvun en
ríkissjóður neyðst til að leggja fram
aukafjárveitingu.
Árið 1985 veitti Alþingi til að
mynda rúmum 44,6 milljónum
króna til Bifreiðaeftirlitsins á fjár-
lögum. Þegar upp var staðið þurfti
stofnunin á aukaijárveitingu að
halda þannig að heildarútgjöld
ríkisins urðu 68,4 milljónir. Við þá
fjárhæð má bæta sértekjum sem
renna beint til stofnunarinnar og
námu tæpum 16 milljónum króna.
Um 60% af útgjöldum stofnunar-
innar eru beint tengd launum og
má rekja hluta ófyrirséðs kostnaðar
til ráðninga starfsmanna án heim-
ijda að sögn fjármálaráðuneytisins.
Á síðasta ári voru unnir um 70.000
yfirvinnutímar hjá Bifreiðaeftirlit-
inu og væri þeim deilt jafnt á þá
70 starfsmenn sem nú eru á launa-
skrá hefði hver þeirra unnið að
meðaltali 80 yfirvinnustundir í
mánuði.
Við fjárlagagerð á síðasta ári
var sú stefna tekin að hækka fram-
lög til stofnunarinnar umfram
verðbreytingar, flölga stöðugildum
um 12 og veita á þriðja tug millj-
óna króna til nýbyggingar skoðun-
armiðstöðvar í Reykjavík sem
ætlað er að gjörbreyta fyrirkomu-
lagi við bifreiðaskoðanir. Með þessu
var kröfum um aukin fjárframlög
mætt en stjómendum jafnframt
lögð sú skylda á herðar að láta
enda ná saman.
Tillaga um rekstrarátak
Að sögn Hauks Ingibergssonar
framkvæmdastjóra, sem tók við
starfi um síðastliðin áramót, varð
mönnum varð Ijóst í vor að enn
stefndi í sama farið. Yfirmenn Bif-
reiðaeftirlitsins gengu þá á fund
ráðuneytismanna og gerðu þeim
grein fyrir stöðunni. Brugðið var á
það ráð að skipa nefnd fulltúum
stofnunarinnar, dómsmála og fjár-
málaráðuneytis og er afrakstur
hennar „Rekstrarátak ’87“.
Áætlunin gengur í meginatriðum
út á að lækka alla helstu kostnaðar-
liði. Bifreiðaeftirlitsmönnunum er
uppálagt að ljúka öllum skoðunum
í dagvinnu þannig að hægt verði
að fækka yfirvinnustundum um
10.000-13.000 seinni hluta ársins.
Þá hafa verið gerðir nýir samning-
ar við framleiðendur bílnúmeranna,
en þau eru stærsti aðkeypti kostn-
aðarliðurinn. Einnig á að taka
tölvumál til endurskoðunar, segja
upp leigusamningum á óarðbæru
húsnæði, breyta aðferð við
nýskráningar bifreiða og bjóða út
prentun fyrir stofnunina.
Meðal þess sem til athugunar
er enn ekki er gert ráð fyrir í
áætluninni er að fækka ferðum
eftirlitsmanna vegna aðalskoðunar
bifreiða, þannig að hún fari aðeins
fram á þéttbýlustu stöðunum í
hveijum fjórðungi.
„Það er ekki vafi á því að styttri
opnunartími hefur þau áhrif að
þjónusta við viðskiptavini okkar
skerðist. Bifreiðaeigendum gefst
minni tími til þess að koma með
bíla sína til skoðunar. Við hefðum
gjaman viljað grípa til aðgerða
fyrr svo að áhrifin yrðu ekki eins
afgerandi," sagði Guðni Karlsson.
Hærri fjárveiting
nauðsynleg
Gunnar Jónasson formaður Fé-
lags bifreiðaeftirlitsmanna sagði
að ástæðulaust væri að beija
hausnum við steininn, stofnunin
gæti einfaldlega ekki veitt þá þjón-
ustu sem henni væri skylt nema
með hærri fjárveitingu. „Á undanf-
ömum ámm hefur bflum og
umskráningum fjölgað til muna,
en starfsfólki bifreiðaeftirlitsins
fækkað. Það sér hver heilvita mað-
ur að sú þróun getur ekki haldið
endalaust áfram.
Það er vissulega kominn tími til
þess að kryfja þessi mál til mergj-
ar. Mín skoðun er sú að niðurskurð-
ur sé ekki nauðsynlegur ef
stofnunin fengi til sín þær tekjur
sem hún aflar.
Fengi Bifreiðaeftirlitið tekjur af
umskráningum, skatta sem það
innheimtir og hluta af prófgjöldum
næmi það um 300 milljónum króna,
en í ár er okkur ætlaðar 135 millj-
ónir á fjárlögum. Allir vita hversu
dýrt er að fara með bifreið í skoð-
un og það má varpa þeirri spum-
ingu til bíleigenda hvort þeir ætlist
ekki til þess að fá einhveija þjón-
ustu fyrir peningana," sagði
Gunnar.
Fundur með ráðherra í dag
Þegar þetta er ritað er deilan í
Bifreiðaeftirlitinu enn í sjálfheldu,
en starfsmenn ætla að ganga á
fund ráðherra fyrir hádegi í dag.
Haukur Ingibergsson sagði í sam-
tali við blaðamann í gær að ekki
væru fleiri krónur í kassanum eftir
þessa helgi en í síðustu viku, það
væri því ekki um það að ræða að
hvika frá niðurskurðinum. Gunnar
lét þau orð falla í samtali við blaða-
mann í gærkvöldi að hann tryði
því að yfirvöld drægju áætlunina
til baka. „Ef við féllumst á þá
málamiðlun að hefja störf og láta
rekstrarátakið yfir okkur ganga,
væri starfsandinn innan stofnunar-
innar I molum. Það myndi þá aldrei
gróa um heilt," sagði hann.
Bifreið
ofan í gil
á LágheiðL
BIFREIÐ fór út af vejginum yfir
Lágheiði fyrir ofan Olafsfjörð í
gær. og valt ofan í gil. Okumað-
urinn var einn í bifreiðinni og
sakaði hann ekki.
Óhappið varð um hádegisbiiið.
Svo virðist sem ökumaður hafí
misst stjóm á bifreiðinni á of mik-
illi ferð í hættulegri beygju á
veginum. Bifreiðin fór út af vegin-
um og ofan í gil, þar sem hún
stöðvaðist að lokum á hvolfi ofan í
læk. Það varð ökumanni til happs.
að bifreiðin fór niður í gilið á hjólun-'
um og valt ekki fyrr en neðst.
Ökumann sakaði ekki og komst
hann sjálfur út úr bifreiðinni og til
Ólafsfjarðar, þar sem hann gerði
lögreglunni viðvart. Bifreið hans er
nokkuð mikið skemmd.
Bjóöum nánast allar
stæröir rafmótora frá
EOF í Danmörku.
EOF rafmótorar eru í
háum gæðaflokki og á
hagkvæmu verði.
Ræöiö viö okkur um
rafmótora.
= HEÐINN =
SELJAVEGI 2, SÍMI 24260
essemm sU 05