Morgunblaðið - 20.02.1990, Qupperneq 12

12
MORGUNBLAÐIÐ ÞRIÐJUDAGUR 20. FEBRÚAR 1990
Ráðuneyti án verkeftia
eftir Birgi ísleif
Gunnarsson
Fyrir skömmu ritaði ég hér í
Morgunblaðið grein um væntanlega
umfjöllun Alþingis um stofnun
umhverfisráðuneytis. Þar rakti ég
þann tvíþætta ágreining sem væri
um málið: Annars vegar um máls-
meðferð þar sem verið væri að
draga þennan mikilvæga málaflokk
niður í svað pólitískra hrossakaupa
vð Borgaraflokkinn. Hins vegar
væri mikill efnislegur ágreiningur
um það hvort rétt væri að stíga
þetta skref, að stofna sérstakt
umhverfisráðuneyti. Ekki skal end-
urtekið hér það sem í þeirri grein
stóð.
Mig skorti hugarflug
Eg verð að viðurkenna að þegar
„Nú skyldi samþykkja
lögin um að stofina
ráðuneytið en geyma
ákvörðun um hvaða
verkeftii ráðuneytið
ætti að fá. M.ö.o. stoftia
ráðuneyti án verkeftia.“
ég ritaði þessa grein í Morgun-
blaðið skorti mig hugarflug til að
sjá fyrir enn eitt atriði sem mikill
ágreiningur hefur orðið um varð-
andi meðferð málsins. Sá þáttur
málsins er hins vegar svo einstakur
að nauðsynlegt er að vekja rækilega
athygli á honum.
Mál þetta kom fyrir Alþingi í
tveimur frumvörpum. Annað var
frumvarp til laga um breytingu á
lögum um Stjórnarráð íslands, þar
sem kveðið var á um að umhverfis-
ráðuneyti yrði stofnað. Hitt frum-
varpið var um hvaða verkefni hið
nýja umhverfisráðuneyti ætti að fá.
Nú eru ýmsir þættir umhverfismála
hjá mörgum ráðuneytum og því
þarf lagabreytingu til að flytja þá
málaflokka til hins nýja ráðuneytis.
Málin átti ekki að skilja
í sundur
Forsætisráðherra mælti fyrir
báðum þessum málum í einni og
sömu ræðunni þann 8. nóvember
sl. Astæðan fyrir því var auðvitað
sú að málin væru svo nátengd að
þau yrðu ekki skilin sundur. Málun-
um var báðum vísað til þingnefndar
í einu og allir reiknuðu með að þau
yrðu samferða í gegnum þingið.
poggen
pom
Glæsileiki og hagkvæmni
Þar sem gæöin koma fyrst
Funahöföa 19, sími 685680
Birgir ísleifur Gunnarsson
Þegar Alþingi kom saman að
nýju eftir áramót var komið annað
hljóð í strokkinn. Nú skyldi sam-
þykkja lögin um að stofna ráðuneyt-
ið en geyma ákvörðun um hvaða
verkefni ráðuneytið ætti að fá.
M.ö.o. stofna ráðuneyti án verk-
efna. Ríkisstjórnarflokkarnir hafa
knúið málið í þann farveg og eru á
góðri leið með að láta samþykkja
stofnun umhverfísráðuneytis og
enginn veit hvenær því verða með
lögum fengin nokkur verkefni.
Hvers vegna?
En hvers vegna er gripið til þess-
ara einstöku vinnubragða? Ástæð-
urnar virðast tvær: Oþreyja for-
manns Borgaraflokksins eftir því
að fá ráðherratitil vð hæfi. Hin
ástæðan er mikill ágreiningur innan
stjórnarflokkanna um hvaða verk-
efni hið nýja ráðuneyti á að fá.'Þar
er deilt um flesta málaflokka. Á
að slíta Hollustuvernd ríkisins í
sundur og ef ekki hvar á yfirstjórn
hennar að vera? Á að taka hluta
af Landgræðslu ríkisins og Skóg-
rækt ríkisins og setja undir hið
nýja umhverfisráðuneyti? Á að taka
hluta af verkefnum Siglingamála-
stofnunar ríkisins og setja þau und-
ir hið nýja ráðuneyti? Á að taka
Veðurstofuna frá samgönguráðu-
neytinu og setja undir hið nýja ráðu-
neyti? Þetta eru dæmi um spurning-
ar sem hart er deilt um á stjórnar-
heimilinu.
Eldarnir loga
Á meðan eldarnir loga glatt á
ríkisstjórnarheimilinu á að stofna
nýtt ráðuneyti án verkefna. Nátt-
úruverndarmál verða t.d. áfram hjá
menntamálaráðuneyti þar til lögum
um það hefur verið breytt. Dýra-
vernd og fuglafriðun verða á sama
hátt áfram hjá menntamálaráðu-
neyti. Yfirstjórn ráðstafana gegn
umhverfismengun af völdum ein-
nota umbúða verður hjá iðnaðar-
ráðuneyti og þannig má áfram telja
hvern málaflokkinn á fætur öðrum.
Auðvitað var sjálfsagt og rétt að
afgreiða hvort tveggja í einu: stofn-
un ráðuneytis og hvaða verkefni
það fengi. Nú á bara að stofna ráðu-
neyti og síðan munu menn arka að
auðnu um það hvort og þá hvenær
það fær einhver verkefni.
Höfundur er e/nn af
AFGASRÚLLUR
alþingismönnum Sjálfstæðisflokks
fyrir Reykjavíkurkjördæmi.
fyrir bílaverkstæöi
Olíufélagið hf
681100
ARNAÐ HEILLA
Í7A ára afmæli. í dag 20.
*l \/ febrúar er sjötugur Jón
Snorri Bjarnason frá Ögur-
nesi, Hlíðavegi 5 ísafirði.
Hann er að heiman i dag.
Nk. laugardag, 24. þ.m., ætl-
ar hann að taka á móti gest-
um í safnaðarheimili Lang-
holtskirkju kl. 15-18.
F Bókfærsla I ]
j Bókfærsla II j
| Tölvubókhald j
! Tölvuskóli íslands ;
Isími: 67 14 66, opið til kl 22Í
Ummmmmmmmmmmmmmmmmmm*