Morgunblaðið - 22.04.1990, Page 25

C 25
MORGUNBLAÐIÐ SUNNUDÁGUR 22. APRÍL 1990
Meistari dávaldanna
Peter Casson
Allra síóasta skemmtun
i Háskólabíói í kvöld kl. 23.15
Peter Casson
á heimsmet í
fjöldadáleiðslu
Fyndnasta og athyglisverðasta skemmtun sem völ er á
Afinæliskveðja:
Emerentsíana Kristín
Pálsdóttir — Neskaupstað
Forsala aðgöngu-
miða í Háskólabíói
Á morgun, mánudag 23. apríl,
verður Sjana okkar níræð. Þeir, sem
lifað hafa 90 ár í okkar umbreyt-
inga þjóðfélagi, hafa frá mörgu að
segja, sumu svo ótrúlegu í dag, að
ungt fólk telur ýkjur einar.
Sjana hóf sitt líf á nýbyijaðri
öld, full af bjartsýni og gleði. Hún
hafði allt til að bera, til að eignast
draumalífið, falleg og greind stúlka,
ólgandi af lífsfjöri og dugnaði.
Tími æskuáranna var strangur
skóli, strit í baráttunni fyrir
lífsbjörg þeirra tíma, en það var að
skapi Sjönu að vinna vel að hveiju,
sem hún gekk.
Emerentsíana Kristín Pálsdóttir,
sem við köllum Sjönu, er elst af tíu
systkinum frá Veturhúsum í Eski-
firði.
Það var ekki veraldlegur auður
í garði. Sjana fór ung að vinna utan
heimilis. Henni bauðst vist á góðum
heimilum, sem á þeim árum þótti
góður skóli ungra stúlkna.
Sveitastörfin og umhirða á
skepnum átti þó mestan hug henn-
ar. Þar var hún í essinu sínu. Mörg
er sú kýrin og kindin, sem hún
hjálpaði við erfiðan burð. Það var
henni í blóð borið. En það fæðast
ekki allir undir óskastjörnunni.
Sjana kenndi snemma æfi sjúkdóms
í skjaldkirtli, sem þá strax breytti
lífi hennar í sjúkdómsgöngu, það
hlé, sem varð eftir aðgerð við þeim
sjúkdómi, varaði ekki lengi. Kölkun
í liðum og tilheyrandi kvalir leiddu
enn til aðgerða og sjúkrahúsdvölin
varð lengri og lengri. Ekkert af
þessu hefur þó bugað kjark og
lífsþrótt Sjönu. Hún berst enn
hetjulegri baráttu við sitt heilsu-
leysi. Greind hennar, kjarkur og
traust á æðri mætti, hafa verið
hennar styrkur. Hún hefur stundum
verið hörð í skapi og lái henni hver,
sem það getur, en ávallt hefur ver-
ið grunnt á gáskanum og glettnum
spaugsyrðum. Það hefur ávallt
myndast gleði og léttleiki í návist
hennar.
Ég, sem skrifa þessar línur, er
yngstur systkina Sjönu. Það slettist
stundum upp á vinskapinn, þegar
ódæll strákur lét illa að stjórn eldri
systur, en gegnum árin hafa bönd
okkar systkinanna, orðið traustari
og gagnkvæmur skilningur aukist.
Ég hef dáðst að dugnaði og kjarki
systur minnar og að fylgjast með
henni hefur gefið mér annað mat á
lífinu. Það eru hetjur eins og Sjana,
sem fara hljóðlega, en gefa svo
mikið, þeim, sem mega vera að því
að staldra við og þakka fyrir gjafir
lífsins.
Ég þakka fyrir að eiga Sjönu að
sem lengst. Gjarnan hefði ég viljað
geta fært þér í afmælisgjöf eitthvað
þér til gleði og yndisauka, en ég
veit að þér eru kærastar í dag,
blessunaróskir og að ég segi þér,
að mér þykir vænt um þig, systir
mín.
Magnús
Sjana dvelst á sjúkrahúsinu á
Neskaupstað.
Stokkur með
hitamæli, áttavita o.fl.
V^terkur og
kJ hagkvæmur
auglýsingamiðill!

Jeep Cherokee
Amerískur lúxusjeppi
Frábærir aksturseiginleikar.
Hentar jafnt í bæjarakstri
sem utan vega. Allur hugsanlegur
aukabúnaður innifalinn í verði.
Verð frá kr. 2.370.500
Jeep Cherokee er búinn
mengunarvamarbúnaði
af fullkomnustu gerð.
Samlæsing á öllum hurðum Rafdrifnar rúður.
og afturhlera með
fjarstýringu.
4 gíra sjálfskipting með
SELEC TRACK millikassa.
Læst mismunadrif.
6 cyl 4,0 lítra vél með beinni
innspýtingu. 177 hö.
CATALYZERS KEEP
NATURE CLEAN. |
IVCHRYSLER
M
JÖFUR
T T