Morgunblaðið - 21.08.1990, Qupperneq 3

MORGUNBLAÐIÐ ÞRIÐJUDAGUR 21. ÁGÚST 1990
3
Fiskvinnslufyrirtækið Dvergasteinn
hf. stofnað á Seyðisfírði:
Eignir Norðursíldar
og Fiskvinnslunnar
keyptar á 102 millj.
ÚTGERÐARFYRIRTÆKIÐ Dvergasteinn hf. var stofnað á Seyðisfirði
síðastliðinn laugardag og er markmiðið með stofnun fyrirtækisins að
kaupa fyrrum eignir Fiskvinnslunnar hf. og Norðursíldar hf. sem
Byggðastofnun og Landsbanka Islands voru slegnar á uppboði fyrir
ekki alls löngu. Um er að ræða tvö fiskvinnsluhús með tækjum. Geng-
ið hefur verið frá kaupsamningi, og verður kaupverðið 102 milljónir
króna. Stofnaðilar hins nýja fyrirtækis eru bæjarsjóður Seyðisijarðar,
útgerðarfyrirtækið Gullberg hf., hafnarsjóður Seyðisfíarðar og verka-
Iýðsfélagið Fram.
Stefnt er að því að afla.um 80
milljóna króna hlutafé í fyrstu, en í
framtíðinni er ætlunin að hlutafé
verði um 120 milljónir króna. Stofn-
aðilarnir fjórir leggja 40 milljónir
króna til fyrirtækisins, bæjarsjóður
og Gullberg 15 milljónir hvort, en
hinir tveir 5 milljónir. Ætlunin er
að fyrirtækið verði almenningshluta-
félag, og hafa nokkrir aðilar þegar
keypt hlut í því. Stjórnarformaður
félagsins, Ólafur M. Ólafsson út-
gerðarmaður, sagði í samtali við
Morgunblaðið að nú væri verið að
leita að framkvæmdastjóra fyrir fé-
lagið, en engin ákvörðun hefði verið
tekin um skipakaup. Vilyrði hefur
fengist frá Byggðastofnun og
Landsbankanum fyrir kaupum fyrir-
tækisins á þrotabúum Fiskvinnsl-
unnar og Norðursíldar og verður
kaupverðið, að sögn Þorvaldar Jó-
hannssonar bæjarstjóra, 102 milljón-
ir króna, sem munu greiðast á næstu
fimmtán árum. Fyrstu þrjú árin eru
hins vegar afborgunarlaus.
Auk Ólafs eiga þeir Sigurður
Jónsson bæjartæknifræðingur og
Jón Guðmundsson fulltrúi vérkaiýðs-
félagsins Fram sæti í stjórn félags-
ins.
Prestar mótmæla
húsaleiguhækkun
PRESTAFÉLAG íslands hefur harðlega mótmælt hækkun á leigu fyr-
ir embættisbústaði presta og krafíst þess að hækkunin verði látin
ganga til baka. Segja talsmenn félagsins að hækkunin sé almennt á
bilinu 100-200% og jafngildi 10-15% kjararýrnun hjá þeim prestum
sem þetta snertir, en þar sé einkum um unga presta að ræða í fámenn-
ari prestaköllum sem hafi litla möguleika til að afla sér aukatekna.
Á blaðamannafundi sem Prestafé-
lagið boðaði til kom fram að þessi
hækkun veki sérstaka undrun með
tilliti til þess að stjórnvöld skírskoti
mjög til svonefndrar þjóðarsáttar og
spyija megi hvort það samræmist
henni að auka sérstaklega álögur á
eina stétt manna. Leiguhækkunin
tók gildi 1. ágúst. Fram kom að leig-
an hafi verið á bilinu frá rúmum tvö
þúsund krónum í um níu þúsund
krónur. Eftir hækkunina er hún
lægst rúmar tvö þúsund og hæst í
rúmar 17 þúsund krónur. Um er að
ræða 72 prestsetur og eykst gjald-
taka ríkisins úr 114.414 krónum á
mánuði i 568.838 krónur við hækk-
unina.
Gjaldtakan er byggð á lögum frá
1968 og reglugerð frá 1982. Fram\
kom að Prestafélagið hafi alla tíð
mótmælt að lögin næðu til embættis-
bústaða presta, en þeim mótmælum
hafi aldrei verið sinnt.
Þá var á það bent að starfskjör
presta væru lök og það hefði fengist
óbein viðurkenning á því síðastliðið
vor þegar sameiginleg nefnd ríkisins
og Prestafélagsins var sett á fót tii
að endurskoða starfskjör presta.
Embættisbústaðir presta séu víða í
lélegu ástandi og óþarflega stórir
og því fylgi mikill kostnaður að
kynda þá. Þannig sé hitunarkostnað-
ur víða á bilinu 8-13 þúsund krónur
á mánuði og eigi leiga á bilinu 10-18
þúsund krónur að bætast við greiði
presta almennt 18-30 þúsund krónur
í húsnæðiskostnað, sem þeir nota í
þágu embættisins. Það sé hátt hlut-
fall af 80 þúsund króna grunnlaun-
um.
Hjá dóms- og kirkjumálaráðu-
neytinu fengust þær upplýsingar að
leiga fyrir embættisbúsatði væri
rúmar 9 þúsund krónur að meðal-
tali. Leigan hefði ekki hækkað í
nokkur ár vegna mistaka, þar sem
skýrt væri kveðið á um það í reglu-
gerð að leiguna ætti að endurskoða
með vissu millibili.
Flug-leiðir:
Skrifsto fuhúsnæði
í New York til leigu
FLUGLEIÐIR auglýstu um helgina að fynrtækið vildi leigja hluta af
skrifstofuhúsnæði sínu í New York í Bandarílgunum. Að sögn Hólm-
fríðar Árnadóttur hjá Flugleiðum er ástæðan sú að húsnæðið sé og
hafi alltaf verið of stórt fyrir Flugleiðir.
Hóimfríður Árnadóttir sagði að
Flugleiðir hefðu flutt inn í þetta
húsnæði fyrir þremur árum og hefði
það verið tekið á leigu þar sem stað-
setning og annað hentaði mjög vel.
Það hefði hins vegar verið allt of
stórt og því hefði komið upp sú hug-
mynd hvort ekki mætti nýta það
betur til dæmis með því að setja upp
þar íslenska viðskiptamiðstöð sam-
hliða skrifstofuhaldi Flugleiða. Boðið
er upp á að Flugleiðir annist síma-
þjónustu og að aðgangur sé veittur
að telefaxi, telexi og ljósritun. Sagði
hún eitt íslenskt fyrirtæki hafa nýtt
sér þessa þjónustu um nokkuð skeið.
Væri þetta góður kostur fyrir íslensk
fyrirtæki sem vildu hafa aðstöðu í
New York en hefðp ekki bolmagn
til að setja upp eigin skrifstofu.
Hólmfríður sagði að ekki væri
verið að draga saman seglin á New
York-skrifstofu Flugleiða. Hins veg-
ar hefði dregið úr Norður-Atlants-
hafsfluginu síðan húsnæðið var tek-
ið á leigu.
Gestir í Árbæjarsaftii á leið framhjá Smiðshúsi. í baksýn er Dillonshús. Morgunbiaðið/Emar Faiur
Metaðsókn að útivistarsvæðum borgarinnar:
Islendingar kröfuharð-
ari gestir en útlendingar
- segir Margrét Hallgrímsdóttir borgarminjavörður
Tóvinna í Árbæ.
BORGARBÚUM býðst nú að
eyða frítíma sínum á fjöl-
breytilegri hátt en áður og
virðast gera það ef marka má
aðsókn að Árbæjarsafni, Hús-
dýragarðinum í Laugardal og
útivistarsvæðinu í Viðey. Met-
aðsókn hefur verið í Árbæjar-
safni í sumar, yfir 50 þúsund
manns hafa sótt Húsdýragarð-
inn frá því hann var settur á
laggirnar í maí síðastliðnum
og á síðasta ári komu um 30
þúsund manns í Viðey.
Forstöðumaður í Árbæjarsafni
er Margrét Hallgrímsdóttir borg-
arminjavörður og sagði hún að
aðsókn að safninu hefði aukist
mjög að undanförnu, eða um 50%
frá fyrra ári. Á milli 30-40 þús-
und manns hefðu sótt safnið það
sem af er sumri. Helstu fram-
kvæmdir sem eru á döfinni í
Árbæjarsafni er klæðning á húsi
sem stóð áður á Suðurgötu 7.
Húsið er merkilegt fyrir þær
sakir að það var byggt árið 1820
og síðan byggt við það í áföngum
þannig að tók ekki sína endan-
legu mynd fyrr en 1880. Ráð-
gert er að ljúka klæðningu húss-
ins, sem er með bindiverki, í
haust. Fimm smiðir eru starfandi
við safnið og þeirra verkefni
verður að ganga frá húsinu að
innan.
Margrét sagði að íslendingar
sem sæktu safnið væru kröfu-
harðari en útlendir gestir og
vildu helst alltaf hafa einhveija
sýningu í gangi. Nóg hefur verið
af þeim í sumar og má þar nefna
sumarsýningu safnsins,
Reykjavík á stríðsárunum.
Margrét sagði að undirtitill sýn-
ingarinnar, „Og svo kom blessað
stríðið...“ hefði farið fyrir
bijóstið á mörgum útlendingnum
sem ætti erfitt með að skilja
hvað væri svo blessað við þær
hörmungar sem stríðið hafði í
för með sér. Anhað hefði verið
uppi á teningnum hér á landi,
stríðið hefði fært landsmönnum
atvinnu og komið þeirri þróun
af stað að Reykjavík breyttist
úr þorpi í borg.
Þá hefur í Miðhúsum og Vélar-
sal staðið yfir prentsýning í til-
efni af 550 ára afmæli prentlist-
arinnar. Síðastliðinn sunnudag
var haldinn sérstakur búskapar-
og heimilisiðnaðardagur á safn-
inu og var þá sýnt hvernig ull
er lituð, spunnið er úr hrosshár-
um og ofin eru bönd. Safninu
hefur áskotnast gamall vefstóll
og var ofið á hann í Efstabæ
gestum til fróðleiks og ánægju.
I safninu er starfrækt krambúð
þar sem hægt er að kaupa ýmsa
smávöru og sagði Margrét að sú
nýbreytni hefði mælst mjög vel
fyrir hjá gestum. Þá hefur verið
messað á hveijum sunnudegi í
Árbæjarkirkju í sumar. Safnið
er opið daglega frá 10-18 að
mánudögum undanskildum fram
til 1. september.
Gott samstarf hefur verið með
Árbæjarsafni og Húsdýragarðin-
um í Laugardal og um síðustu
helgi voru dýr úr garðinum sýnd
á safninu. Tómas Guðjónsson,
forstöðumaður Húsdýragarðs-
ins, sagði að aðsókn að safninu
hefði verið afar góð í sumar, eða
yfir 50 þúsund manns frá opnun.
Ýmislegt hefur veriðgert gestum
til afþreyingar, til að mynda
hefur verið sýnt hvernig loð-
kanínur eru klipptar, slegið er
með orfi og ljá og gestum boðið
að bragða á kexi með kalkún-
eggjum. Tómas sagði að í haust
yrði kennsla fyrir ellefu ára
skólanemendur í bústörfum. Nú
hefði garðurinn ásamt Árbæjar-
safni fest kaup á yfir 100 ára
gamalli léttikerru sem nýtist sem
safngripur hjá Árbæjarsafni og
til flutninga á vörum og fólki
innan Húsdýragarðsins. Kerran
var flutt inn frá Danmörku 1984
og var í eigu Nonnahúss á Akur-
eyri.
Eftir heimsókn í Húsdýra-
garðinn má bregða sér yfir sund-
ið til Viðeyjar en fastar ferðir
eru á milli lands og eyjar. Þórir
Stephensen, staðarhaldari í Við-
ey, sagði að aðsókn hefði aukist
mikið í sumar og þakkaði hann
það helst góðri veðráttu. Sagði
að hann að skipulagðar væru
gönguferðir á Vestureyna og
Austureyna og búið sé að leggja
veg að Viðeyjarhlaði og yfir á
Eiðið, þar með hefði Vestureyjan
opnast mikið. Þar hefðu verið
merktar inn gönguleiðir með' til-
liti til listaverks Richards Serra,
stuðlabergssúlnanna, og hefði
fólk sótt þangað gífurlega mikið.
Hann sagði aðfornleifauppgröít-
urinn drægi einnig að sér fjölda
fólks og rústir þorpsins austur á
Sundbakka. í kjallara Viðeyjar-
stofu er sýning á gömlu Viðeyj-
arprenti og munum úr fornleifa-
uppgreftrinum.
Þórir sagði að einnig hefði það
færst í vöxt að fólk komi til Við-
eyjar til að njóta útiverunnar,
komi þá með nesti og börnin og
barnakerrurnar.
iRA rð nrttei C-i jh*»iírit.*;í9aö in
3