Morgunblaðið - 06.08.1992, Blaðsíða 1

Morgunblaðið - 06.08.1992, Blaðsíða 1
64 SIÐUR B/C STOFNAÐ 1913 175.tbl.80.árg. FIMMTUDAGUR 6. AGUST 1992 Prentsmiðja Morgunblaðsins Svíþjóð: Mesta at- vinnuleysi eftirstríð Stokkhélmi, Ósló. Reuter. Alls voru 307.000 manns at- vinnulausir í Svíþjóð í lok júlí og hefur atvinnuleysið aldrei verið jafn mikið frá síðari heimsstyrjöldinni, að því að at- vinnumálaráð sænska félags- málaráðuneytisins sagði í gær. Atvinnuleysi fer einnig vaxandi í Noregi. Svíar án atvinnu voru 6,5% vinnufærra manna. Atvinnulaus- um fjölgaði um 40.000 í'rá því í lok júní og 152.000 frá júlí í fyrra. Atvinnumálaráðið sagði að at- vinnuleysið væri að hluta tíma- bundið en einnig væri alvarlegum efnahagssamdrætti um að kenna. Gote Bernhardsson framkvæmda- stjóri ráðsins hvatti stjórnina til að auka útgjöld ríkisins til að skapa atvinnutækifæri. Hann sagði að ráðið greiddi vikulega 500 milljón- ir sænskra króna (um 5 milljarða ÍSK) í atvinnuleysisbætur og að stjórnin þyrfti að taka tíu milljarða s.kr. (um 100 milljarða ÍSK) lán vegna þessa kostnaðar ef ekki drægi úr atvinnuleysinu. Atvinnuleysið í Noregi jókst úr 5,5% í júní í 6,1% í júlí. Að sögn norskra blaða er stjórn Verka- mannaflokksins að kanna ýmsar leiðir til að draga úr atvinnuleys- inu. Meðal annars þykir koma til greina að banna launahækkanir og hætta við dýrar umbætur á velferðarkerfinu. Fjármálaráð- herra Noregs, Sigbjörn Johnsen, sagði í gær að norskir hálauna- menn þyrftu að sætta sig við verri lífskjör til að hægt væri að berjast gegn atvinnuleysinu. „Við sem höfum hæstu launin verðum að stíga á hemlana. Margir okkar hafa efni á kjaraskerðingu," sagði Johnsen í viðtali við Dagbladet. Hann nefndi hins vegar ekki í hvaða mynd slík lífskjaraskerðing myndi verða. Reuter Her í þágu friðar Gæsluliðar Sameinuðu þjóðanna aka skriðdreka í gegnum íbúðarhverfi í Sarajevo í átt að aðalstöðvum SÞ í borginni. Hjálparstarf SÞ liggur nú niðri vegna lokunar flugvallarins. Ottast drápsfíla Nýju Delhi. The Daily Telegraph. SKÓGARVERÐIR í Madhya Pradesh-ríki á Indlandi eru nú í óða önn að reisa raf- magnsgirðingar til að verjast mannýgum fílum, sem gert hafa innrás í ríkið fjögur ár í röð og drepið fjölda manns. í fyrri viku drápu fílarnir konu þegar þeir lögðu af stað í árlegt flakk sitt og íbúar í grennd við þorpið Raipur, þar sem næst er von á skepnunum, vakta svæðið með kyndlum. Drápsfílanna varð fyrst vart árið 1988, þegar þeir eyðilögðu hús og rifu upp tré. íbúar segja að allt að 50 manns hafi verið drepnir í árásum þeirra, þó að yfirvöld hafi aðeins staðfest 14 dauðsföll. Menn eru ragir við að drepa skepnurnar, því fílar eru friðaðir og þar að auki taldir heilagar skepnur af innfæddum. Maður sem hugðist færa fílunum fórnir var drepinn eftir að fórnargjaf- irnar voru uppétnarl Bosníustjórn segir yfir 120.000 manns í haldi í fangabúðum Serba: Lið SÞ hótar að fara frá Sarajevo vegna bardaga Sarajevo, Sameinuðu þjóðunum, Washington. Reuter, The Daily Telegraph. FRIÐARGÆSLULIÐAR Sameinuðu þjóðanna kunna að fara frá Sarajevo innan skamms hætti bardagar ekki í borginni. Flugvellin- um í Sarajevo hefur verið lokað eftir harða bardaga milli Serba og sveita Bosníustjórnar. Bandaríska utanríkisráðuneytið fór þess á leit í gær að þjóðir heims öfluðu gagna um stríðsglæpi í Bosníu og Bandaríkin f óru fram á skyndifund í mannréttindanefnd Samein- uðu þjóðanna vegna frétta um dráp og pyntingar í fangabúðum í Bosníu. Mik Magnusson, talsmaður SÞ í Sarajevo, sagði að einn gæsluliði hefði verið drepinn og sex alvarlega særðir í bardögum undanfarna daga og að ef átökum linnti ekki gæti gæsluliðið ekki sinnt störfum Brakandi þerrirtil baga Á myndinni sjást rússneskir bændur taka sér kaffihlé, en spáð er mjög lélegri kornuppskeru vegna þurrka víða í landinu. Vél- búnaður bænda er úreltur og flutningakerfið ófært um að koma matvælum nógu fljótt í geymslur svo að mikið fer til spillis. Bænd- ur efndu víða til mótmæla í gær, tepptu umferð með því að leggja dráttarvélum á aðalgötum og hót- uðu að neita að selja afurejirnar á því lága verði sem yfirvöld bjóða. Alexander Rútskoi varaforseti, sem hefur landbúnað á sinni könnu, tók undir mótmælin gegn stefnu stjórnar Borís Jeltsíns for- seta en Rútskoi er nú orðinn helsti keppinaUtur forsetans um völd. Reuter sínum. Bæði Serbar og Bosníuher reyna að sækja í bardögum í kring- um Sarajevo og er talið að 8.000 múslimar og Króatar og 5.000 Ser- bar taki þátt í bardögunum. Skrið- drekum, eldflaugum og stórskotal- iði er beitt, en Serbarnir hafa það framyfir andstæðinga sína að þeir ráða mikilvægum hæðum í kring- um borgina. Sendiherra Bosníu-Herzegovínu hafði uppi þungar ásakanir um fjöldamorð í fangabúðum Serba á fundi öryggisráðs SÞ. Hann sagði að 17.100 manns hefðu verið drepnir í 10 fangabúðum, þar af 8.000 í herbúðum í bænum Prijed- or. Bosníustjórn segir að að minnsta kosti 120.000 manns sé haldið í einangrunarbúðum Serba í landinu. Ekki hefur verið hægt að ganga úr skugga um ásakanirn- ar, þar sem óháðir aðilar og hjálparstofnanir hafa ekki fengið aðgang að fangabúðunum. Örygg- isráð SÞ hefur krafist þess að Rauði krossinn og aðrar alþjóðlegar stofn- anir fái aðgang að búðunum. Demókratar á Bandaríkjaþingi krefjast þess í auknum mæli að Bandaríkjastjórn hafi frumkvæði að beitingu hervalds í nafni SÞ til að stöðva dráp Serba í fangabúð- um. Þingmenn sökuðu Serba um „þjóðarmorð" og líktu ástandinu við það þegar fyrstu fréttir af út- rýmingarbúðum nasista bárust og mættu vantrú fólks. Lewis Mac- Kenzie, yfirmaður gæsluliðs SÞ í Sarajevo, sagðist í gær efast um að hægt yrði að stöðva átökin í Bosníu með hervaldi og sagðist telja að til þess þyrfti 600-800.000 hermenn til að byrja með. ? ? ? Ný uppgötvun: Prótein gegn heilahrörnun Washington. Reuter. BANDARÍSKIR vísindamenn segjast hafa uppgötvað nýtt pró- tein, sem kann að koma að gagiii við að bæta heilaskaða eftir hjartaáfall og í sjúkdómum eins og Parkinson-veiki og Alzheim- er-veiki. Notkun próteinsins, sem kallað er taugavaxtarþáttur, myndi vera algerlega ný aðferð til að vinna gegn heilahrörnun, að sögn visinda- mannanna frá Suður-Kaliforníu- háskóla. Próteinið er þeim eiginleik- um gætt að það kemst inn í heila- frumur gegnum varnarkerfi heil- ans, sem væri nauðsynlegur eigin- leiki lyfs sem ætti að vinna gegn fyrrgreindum sjúkdómum. Nú er engin lækning þekkt við Alzheimer- veiki, sem veldur hægfara hrörnun heilafruma, en vísindamennirnir vöruðu við að ekki væri að búast við lyfi byggðu á uppgötvuninni fyrr en eftir 5-10 ár.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.