Morgunblaðið - 25.09.1993, Blaðsíða 3

Morgunblaðið - 25.09.1993, Blaðsíða 3
MORGUNBLAÐIÐ LAUGARDAGUR 25. SEPTEMBER 1993 C 3 fara á einhvers konar pyntinga- sirkus, Jim Rose's Circus, þar sem menn borða rakvélablöð og gler, lyfta straujárnum með geirvörtun- um og kveikja á ljósaperu með því að láta leiða rafstraum í gegnum sig. Mér skilst að lífaldurinn í þess- ari grein sé ekki hár. Á götunum voru hljóðfæraleikarar, útimarkaðir og götuleikhúsfólk og er mér einna minnisstæðastur maður sem gekk á slakri -línu og spilaði á rafmagns- fiðlu. Hann var vel skítugur af sóti og götunni og hefur búið í flutn- ingabíl síðust 7 árin og ferðast á honum um Evrópu. Þá er einnig kvikmyndahátíð í gangi og bók- menntahátíð, svo af nógu er að taka. í lok hátíðarinnar var, síðan stórfengleg flugeldasýning við Ed- inborgarkastalann, The Glenlivet Fireworks Concert við undirspil The Scottish Orchestra. I miðborginni, á Caltin Hill og Arthur's Seat, söfn- uðust saman um tvöhundruð þús- und manns til að sjá og heyra. Þegar ég lít til baka og hugsa um listahátíðina finnst mér eins og ég hafi fullkomlega náð að skynja hana í öllu sinu veldi. Það er eins og hún hafi sprengt utan af sér heildartilfinninguna og sé þúsund hlutir púslaðir saman, þar sem djúpt er á kjarnanum. Hátíðin varir í þriár vikur en margir eru farnir að teygja hana upp í fjórar. í vikunni áður en hún hófst opinberlega voru ýms- ar uppákomur, til að mynda jazz- hátíð. Er þessi vika þá nefnd 0 vika eða forvika. Magnið er mikið og alltaf að aukast, en ég er ekki viss um að gæðin aukist að sama skapi. Alltof margir peningamenn eru komnir í spilið og gríniðjan blómstr- ar. Edinborg er ákaflega rómantísk og falleg borg og sérstakur andi er yfir henni með öllum þessum list- þyrstu ferðamönnum. Höfundur er leiklistamemi í Edinborg Jónas Bragi Jónasson synir glerskúlptúra í Listhúsinu í Laugardal KALT VATN ÍSNÁLAR, jökulbrot og kristallar. Svalt og fágað. Aldrei gróft eða hrátt, heldur unnið af natni og nákvæmni. Þannig er glerið hans Jónasar Braga Jónassonar sem nú sýnir í Listhúsinu í Laugardal. Hann segir að glerið sé stóra ástin í lífi sínu, þessi vökvi sem geti eins og vatnið tekið á sig ótal myndir þegar hann kólnar. Þó láti hann nægja örfá einföld form til að móta úr klakamyndir; þríhyrning og fer- hyrning auk hringsins. „Ég hef alltaf ver- ið í þessum hvössu línum," segir hann, „teiknað svona síðan ég var litill. En svo vind ég þær til og beygi í glerinu þannig að mýktin verður ef til vill aðaleinkenni." Jónas Bragi lauk í fyrra meistaragráðu í glerlist við Lista- og hönnunarháskól- ann í Edinborg. Hann er 28 ára gam- all og hefur tekið þátt í tíu sýningum síðan hann útskrifaðist úr Myndlista- og hand- íðaskólanum 1989. Þar á meðal er alþjóðleg glerlistasýning sem haldin var í Japan 1990, sýning í Smith's Gallery í London sama ár og „New Designers" - sýning nýrra hönnuða í London á síðasta ári. Það var raunar gott ár hjá Jónasi Braga, hann fékk fyrstu verð- laun í samkeppni nemenda úr glerdeildum listaháskóla í Bretlandi fyrir Öldur sem gefur að líta í Listhúsinu. Um fimmtíu verk voru send til keppninnar sem haldin var í tengslum við stóra glersýningu, „Crystal '92", í borg- inni Dudley skammt frá Birmingham. Þó að Jónas Bragi hafí komið sér upp vinnu- stofu við Laugaveg segist hann ekki vilja missa tengslin úti í Englandi og þurfi hvort sem er að fara öðru hvoru til að ná sér í gler. „Glerheimurinn er enn frekar lítill, þar skipta menn hundruðum en ekki þúsundum eins og í annarri myndlist. Mér fínnst bæði nauðsyn- legt og sjálfsagt að fara að hitta fólk og taka þátt í leiknum." Jónas Bragi Jónasson Ung Iistgrein Gleriðn á sér afar langa sögu og listin sækir í hana. Jónas notar til dæmis forna rómverska aðferð við handslípun. „En það var ekki fyrr en 1960 að gíerlist hóf að vinna sér sess," segir hann. „Þá fóru fyrstu lista- mennirnir, Toleido-hópurinn, að vinna með heitt gler. Þannig að glerið sem sjálfstætt listform er rétt að ná fullorðinsaldri og vin- sældir þess hafa aukist mjög á allra síðustu árum. Neues Glas heitir glerlistarblaðið sem hvað mest er skoðað og þar er eitt dæmið um þessa sprengingu, það birtir árlega mynd- ir af hundrað verkum og hefur til skamms tíma fengið svona 4-500 sendar frá lista- fólki. En i fyrra bárust því yfir 3.000 myndir af glerlistaverkum." Ekkert strokleður Jónas Bragi varð hrifinn af glerinu í Mynd- listaskólanum hér heima og langaði að ná á því betri tökum. Síðan hefur hann komið sér upp ákveðinni aðferð við glermótun, í skólun- um í Surrey og eftir það Edinborg. „Fyrst finn ég form sem mér finnst fallegt, segir Morguriblaðið/Kristinn hann, „og gef mér góðan tíma til að átta mig á hugmyndinni sem ég vinn nú orðið beint í vax. I glerinu er nefnilega ekkert strokleður og maður verður að vera alveg ákveðinn. En þegar því er náð steypi ég mót um frummynd- ina úr gifsi og muldum tinnusteini og strengi stálnet yfir. Bræði síðan vaxið út með gufu og leyfi mótinu að þorna í nokkrar vikur." Þolinmæði „Þá fer það inn í ofn, ýmist með köldum glermolum, eða þá að 1200 gráðu heitu gleri er hellt í þegar mótið er orðið um 900 gráðu heitt. Þarna strái ég líka lit í glerið og læt það svo vera í hitanum nokkrar klukkustund- ir. Síðan er ofninn opnaður til að kæla glerið snögglega niður í svona 600 gráður þannig að öll hreyfmg hætti og eftir það er honum lokað aftur og glerið látið kólna hægt að stofu- hita eftir kúnstarinnar reglum í margar vikur. Þá þarf að ná mótinu utan af og slípa það þangað til upprunalegri hugmynd er náð. Þetta tekur nokkrar vikur í viðbót - þolin- mæði er algert lykilatriði í vandaðari glerlist." Þ.Þ. Norræna húsid Listaverk f rá Skagen- saf ninu í Danmörku í SÝNINGARSÖLUM Norræna hússins verður opnuð sýning, laug- ardaginn 25. september kl. 15 sem ber yfirskriftina Skagen - norrænt menningarsamfélag fyrir einni öld. Þetta er sýning á úrvali listaverka frá Skagensafninu á Jótlandi, málverk, vatnslita- myndir og teikningar. 'I Lesbók er fjallað um Skagen-málarana. Sendiherra Danmerkur, Villads Villadsen, flytur ávarp og opn- ar sýninguna. Claus Olsen, for- stöðumaður Skagensafnsins, held- ur fyrirlestur með litskyggnum í fundarsal Norræna hússins sama dag kl. 16. Hann fjallar þá um menningarsamfélagið á Skagen sem myndaðist fyrir síðustu alda- mót. Meðal þeirra listamanna sem mynduðu þetta samfélag voru Holger Drachmann, sem málaði sjávarmyndir, Carl Locher, Mich- ael Ancher og kona hans Anna Ancher, Viggo Johansen, P.S. Kroyer og Karl Madsen; frá Nor- egi komu Fritz Thaulow, Christian Skredsvig, Eilif Petersen og Christian Krogh. Meðal Skagen-málaranna þró- aðist norræn raunsæisstefna og voru viðfangsefnin daglegt líf fiskimanna og listamannalíf. En það voru ekki eingöngu list- málarar sem settust að eða heim- sóttu Skagen. Nefna má gagnrýn- andann Georg Brandes og skáldin Henrik Pontoppidan og Gustav Wied, tónskáldin Hugo Alfvén og Carl Nielsen komu þar einnig við sögu. Á sýningunni í Norræna húsinu eru m.a. verk eftir Onnu og Micha- el Ancher, Holger Drachmann, Viggo Johanesen, P.S. Kroyer, Carl Locher, Laurits- Tuxen, Viggoi Johansen og Carl Madsen. Á sýningunni er einnig vatnslita- mynd eftir Svavar Guðnasonfrá 1964. Sýningin verður opin daglega frá kl. 14-19 og stendur til sunnu- dagsins 24. október. Námskeið í myndþerapíu SIGRÍÐUR Björnsdóttir held- ur verklegt kvöldnámskeið á Brekkustíg 8 í myndþerapíu. Mámskeiðið er fyrst og fremst ætlað kennurum, fóstrum, þroskaþjálfum, hjúkrunarfólki, og öðru fagfólki á uppeldis-, kennslu-, félags- og heilbrigðismálasviðum og einnig þeim sem áhuga hafa á að kynnast myndþerapíu af eigin raun. Á námskeiðinu gefst þátttakend- um kostur á að taka þátt í virkum æfingum í eigin myndsköpun og gagnkvæmum umræðum þar að lútandi. Sigríður Björnsdóttir er löggilt- ur félagi í Hinu breska fagfélagi myndþerapista (BAAT). Hér á landi hefur menntamálaráðuneytið metið námskeið Sigríðar til stiga. MENNIN6ARSJ0ÐURINN veitir fé til norrænna samstarfsverkefna á sviði rann- sókna, menntamála og menningar í breiðri merkingu þess orðs. Styrkir eru einnig veittir til samstarfs á al- þjóðlegum vettvangi sem á sér það markmið að kynna norræna menningu og menningarstefnu. Fé er fyrst og fremst veitt til tímabundinna verkefna með breiðri norrænni þátttöku, þar sem að minnsta kosti þrjú lönd eiga hlut að máli. Með styrkveitingu óskar stjórn sjóðsins að stuðla að • aukinni þátttöku almennings í norrænu menningar- samstarfi, • þróun menningarlífs á Norðurlöndum, • nýsköpun, tilraunastarfi og þverfaglegu samstarfi. Sjóðsstjórnin leggur sérstaka áherslu á • samstarfsverkefni fyrir og með börnum og ungling- um, sérstaklega þar sem lögð er áhersla á beina þátttöku þessa hóps, • menningarmiðlun Norðurlandanna á milli, þ.á.m. stærri sýningar, • samstarfsverkefni sem stuðla að auknum málskiln- ingi á Norðurlöndum, • samnorrænt menningarstarf sem dregur úr tor- tryggni gagnvart útlendingum og kynþáttahatri. Umsóknareyðublöð með leiðbeiningum og frekari upp- lýsingum um styrkveitingar sjóðsins fást hjá Norræna menningarsjóðnum: Nordisk Kulturfond, Store Strandstræde 18, DK-1255 Kobenhavn K. Sími +45 33 96 02 00. eða Menntamálaráðuneytið, Sölvhólsgötu 4, 150 Reykjavík. Sími 91-60 95 00. ____________________;___________ :

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.