Morgunblaðið - 03.06.1994, Blaðsíða 6
6 C FÖSTUDAGUR 3. JÚNÍ 1994
MORGUNBLAÐIÐ
Félag fjalla-
lelúsögamanaa
TEKIÐ hefur til starfa félag sem
kallar sig “íslenskir fjallaleið-
sögumenn" og eru í því menn
sem hafa margra ára reynslu í
göngu og fjallaferðum og hyggj-
ast þeir sjá ferðamönnum, inn-
lendum sem erlendum fyrir leið-
sögn og skipulagningu ferða um
óbyggðir og fjöll. Þeir hyggjast
reisa búðir í þjóðgarðinum í
Skaftafelli og hafa þar bæki-
stöðvar í sumar.
Félagið mun þó taka að sér leið-
sögn á öðrum svæðum eftir því sem
óskað er. Ákveðnar hafa verið ferð-
ir á Hvannadalshnúk og er þá geng-
ið frá Virkisjökli og reiknað með
að gangan taki 15-17 klst. Önnur
leið er Núpstaðaskógar-Skaftafell
sem er 4ra daga bakpokaferð. Sú
þriðja kallast Þumall og er tveggja
daga klettaklifur og loks Laki—
Skaftafell sem er bakpokaferð úr
Lakagígum í Skaftafell.
Leiðsögumennirnir fjórir sem
hafa hér tekið höndum saman eru
Sveinn Helgi Sverrisson, Leifur Örn
Svavarsson, Hjörleifur Finnsson og
Einar Torfi Finnsson.
■
Pamir besta veit-
ingahusiú í Helsinki
SÆLKERAFÉLAG Finnlands
hefur kunngert að Pamir, veit-
ingahúsið sem er í Hótel Strand-
Intercontinental-hótelinu í Hels-
inki, teljist best þar í borg. Félag-
ið gefur út handbók um veitinga-
staði og þykir það mikill heiður
að uppfylla strangar kröfur fé-
lagsins um gæði og þjónustu og
komst í bókina. Að þessu sinni
eru 102 matstaðir í bókinni og
eru flestir í Helsinki, Turku og
Tammerfors.
Samkvæmt sömu bók fá Bon
Vivant-veitingastaðirnir á skipun-
um Silja Europa og Silja Symphony
fimm stjörnur fyrir matargerðarlist.
Ellefu staðir fá 4 stjörnur svo aug-
ljóst er að menn sem kunna að
meta góðan mat ættu að geta feng-
ið sér vel í gogginn víða í Finnlandi.
Kostakjör í Brussel
í FRÉTTABRÉFI belgísku ríkis-
ferðaskrifstofunnar segir frá því
að SAS-hótelið í Brussel bjóði nú
ljómandi góð helgarkjör og einn-
ig afsláttarkjör fyrir 65 ára og
eldri. Helgarkjörin hljóða upp á
2.450 belgíska franka fyrir
manninn og innifalið er morgun-
verðarhlaðborð.
Gestir sem eru 65 ára fá 65%
afslátt og síðan hækkar afslátturinn
með hverju ári og 100 ára gamall
gestur fær að sjálfsögðu 100% af-
slátt á gistingu.
FERÐALÖG
Spiseloppen í Kristjáníu. Hvern skyldi gruna að bak við þessa veggi
leynist spennandi veitingastaður?
Boröað í Kaupmannahðfn
SPISELOPPEN - hversu margir vita að bakvið nafnið er einn af
betri veitingastöðum Kaupmannahafnar? Og hversu margir trúa því
þegar ég segi að staðurinn sé í Kristjáníu. En þannig er það nú samt.
Spiseloppen er í sótugu múrsteinshúsi fremst í Kristjaníu (við Prins-
essugötu) og svo óhijálegt er umhverfið að það er ekki fyrr en dyrnar
á 3. hæð hússins uppljúkast að maður fer að trúa því að þar sé veit-
ingastaður ^em fékk fjórar kokkahúfur af fimm í Politiken og sé
þekktur fyrir góðan og hugmyndaríkan mat.
Morgunblaðið/Einar Falur Ingólfsson
Dæmigerður danskur pylsuvagn á Ráð-
hústorginu.
Spiseloppen
verður ellefu ára á
þessu ári. Fyrst
var staðurinn
hugsaður sem
veitinga- og sam-
komustaður fyrir
þúsund manna
byggð Kristjáníu
en fljótlega var
farið að leita út
fyrir hana að við-
skiptavinum.
Þrátt fyrir húf-
urnar fjórar hefur
aidrei verið lærður
kokkur á Spiselop-
pen. Nú eru þar
sjálfmenntaðir matsveinar frá
Danmörku, Frakklandi og Líban-
on. Að sögn eins þeirra, Jesper
Paustian, sem ólst upp í Kristja-
níu, er lögð áhersla á alþjóðlegan,
óhefðbundinn og spennandi mat.
Ég hef nokkrum sinnum snætt á
Spiseloppen og á erfitt með að
halda aftur af sterkum lýsingar-
orðum. Veitingasalurinn er stór og
bjartur með þungum viðarsúlum.
Þjónustan er fijálsleg en fagmann-
leg, og ekki skaðar að hér er
maturinn ódýr, aðalréttir um 100
DKR.
Ég ráðlegg þeim sem ætla sér
að borða á Spiseloppen að mæta
ekki í sínu fínasta pússi. Það hæf-
ir einhvern veginn ekki andrúms-
loftinu. Og hafið ekki áhyggjur ef
þið mætið hundum í yfirstærð við
innganginn. Þeir hafa ekki áhuga
á öðrum mannverum en húsbónd-
anum og eru jafn meinlausir og
Snati í íslenskri sveit. Hér er lítið
sýnishorn af matseðli staðarins.
Einn föstudag var hægt að fá
sér steiktan sverðfisk og kolkrabba
á teini, kryddað með satysc og
hrísgijónum 108 DKR. Meðal kjöt-
rétta sama kvöld: heilsteiktur villi-
svínahryggur með maríneruðum
skorztrótum, bakaður hvítlaukur,
hindbeijaijómasósa og kartöflur,
sykraðar baunir 120 DKR. Annan
dag var meðal annars boðið upp á
stökkan smjördeigsturn með
kryddaðri sveppafyllingu, kartöfl-
um og maríneruðu grænmeti, 89
DKR.
Vín hússins eru á 90 DKR en
þess utan er ágætis úrval af
frönskum, spönskum, portúgölsk-
um, marókóskum og argentískum
vínum á bilinu 120-220 DKR. Ekki
er tekið við greiðslukortum.
Stephan a Porta
er öllu hefðbundnari veitingastaður
við Kóngsins Nýjatorg og á sér
sess í sögu okkar undir nafninu
Mjóni. Þar sátu löngum andans tröll
á borð við Biynjólf Pétursson, Kon-
ráð Gíslason og Benedikt Gröndal,
supu drykki og lásu blöðin.
Stephan a Porta er í glæsilegum
salarkynnum, matseðillinn er á
frönsku, ensku og dönsku og þjón-
ustan glæsileg. Réttir eru klassísk-
ir og gerast vart betri. Hvergi hef
ég bragðað jafn góðar gratíneraðar
kartöflur. Aðalréttirnir eru aðeins
dýrari en á Spiseloppen, frá 95-158
DKR. En staðurinn fylgir tíðarand-
anum og býður upp á pizzu og
pastarétti frá 40 DKR. Fyrir
nokkrum árum var byggður gler-
skáli við húsið og þar geta þeir
setið sem vilja fýlgjast með mann-
lífinu og horfa á Konunglega leik-
húsið handan götunnar. Fyrir inn-
an glerhúsið eru tveir salir. Annar
gegnir hlutverki bars og kaffihúss
en þar fyrir innan er veitingasalur-
inn. Og ekki er ónýtt að sitja yfir
gratíneruðum kræklingum og með-
læti fyrir 138 DKR, heilsteiktu
lambakjöti með sinnepi og gras-
laukssósu 128 DKR og eftirrétt-
urinn er gióðaðar nektarínur með
Grand Marnier fýrir 42 DKR. Stað-
urinn tekur á móti öllum helstu
greiðslukortum.
Að málsverði loknum má ganga
út í kvöldið, yfir mjóa götu og þá
er maður fyrir framan Hviids
Vinstue sem er svo þekkt meðal
íslendinga að ég hef ekki fleiri orð
um það.
Pylsuvagnar
þykja náttúrlega ekki fínir veit-
ingastaðir en setja óneitanlega svip
á borgina. Hver hefur ekki fengið
sér Fransk Hotdog í Höfn? í Eg-
on’s Polser á Ráðhústorginu fær
maður einn slíkan fyrir 16 DKR,
fjórum krónum meira ef beikon-
pylsa er í brauðinu. Þeir sem kjósa
hefðbundnar pylsur, borga 12-14
DKR og geta valið milli tveggja
sinnepsgerða, ýmissa sósa og lykta
hreesilega af lauk næstu klukku-
tímana. Það er auðvitað afar
danskt og ég tala nú ekki um ef
pylsunni er skolað niður með einum
bjór.
Jón Stefánsson
Höfundur er búsettur í Kaup-
mannahöfn.
Rólegt njgg
vlð Baleareyjar
HAFNIR þar sem seglbátar með háum möstrum sem rugga hægt og
rólega fram og aftur í kvöldkyrrðinni í suðrænum löndum eru afar
sjarmerandi. Langflestir myndu líklega taka boði fegins hendi um að
búa um borð í bát^og sigla um Miðjarðarhafið í nokkra daga. Alla
vega gerði ég það. Ég hafði ekki gert mér grein fyrir að þetta rólega
rugg getur verið óttalega þreytandi og maður kemst ekki langt á
nokkrum dögum. Nú er ég reynslunni ríkari og sjarminn er farinn af
lífinu um borð í seglbát.
Flest ríki hafa ákveðnar reglur
um eign og leigu á bátum.
Svisslendingar þurfa t.d. að
o hafa svokallað B-skírteini til
Ul að sigla um höfin blá undir
svissneskum fána eða til að
leigja skútu á Spáni eða Grikk-
21 landi. Þeir þurfa að sækja tíma
Jí? í siglingafræði, taka próf og
52 sigla þúsund sjómílur undir eft-
Ul irliti áður en þeir fá skírteinið.
Ég fór með í slíka siglingu.
Hafði aldrei verið lengur en
hálftíma um borð í seglbát og
hlakkaði til. Ákvað að taka ekki sjó-
veikispillu af því að maður á að verða
svo þreyttur af þeim en svaf samt
mest allan fyrsta daginn, gubbaði í
stillilogni um kvöldið og tók mínar
töflur eftir það.
Eins og í vöggu
Við lögðum upp frá Palma á Mall-
orca. Bátaklúbburinn þar er óttalega
lítilfjörlegur. Sturtumar kaldar og
salemin á bryggjunni ósnyrtileg. En
klettótt ströndin og gróðivaxin eyjan
séð af dimmbláu hafinu er falleg.
Við höfðum nægan tíma til að dást
að henni. Okkur fannst við góð ef
við fórum 8 hnúta (14,4 km) á
klukkustund. Báturinn ruggaði ró-
lega eins og vagga og ég lognaðist
fljótt út af.
Við vorum sex um borð. Skipstjór-
inn er efnafræðingur sem fer á
hveiju ári í tveggja vikna siglingu
fyrir siglingaskólann Hochsee-Seg-
elschule Rorscþach. Hinir voru að
safna mílum og ég að fylgjast með.
Þau skiptust á um siglingastjóm og
hjálpuðust að við að aka seglunum
svo að vindurinn nýttist sem best.
Mér fannst heldur lítið um að vera
og svaf þegar þau sigldu 11,7 metra
langri skútunni næstum upp á sand-
sker í fögrum flóa 32 mílur suðvest-
ur af Palma þar sem við vörpuðum
akkeri.
Hvað kostar að
hringja frá íslandi?
GJALDSKRÁ Pósts og síma fyrir
símtöl til útlanda er skipt upp í átta
verðflokka í sjálfvirka símkerfinu og
fer gjaldið eftir þvíhvert hringt er
hverju sinni. Dagtaxti gildir frá kl.
8.00 til 23.00 og kostar míntúan til
útlanda allt frá 58 kr. og upp í 225
kr. Næturtaxtinn tekur við eftir
kl. 23.00 á kvöldin til kl. 8.00 að
morgni, en þá kostar míntúan
frá 43,50 til 168.50.
Handvirka þjónustan er mun dýrari.
Fjarlægðir landanna frá íslandi
skipta augljóslega ekki öllu máli
þegar rýnt er gjaldskrána, heldur
em það þeir samningar, sem gerðir
eru við viðkomandi símastjórnir,
sem hafa úrslitaáhrif á það í hvaða
verðflokkum löndin lenda.
Dagtaxti Næturtaxti
Lönd (8.00-23.00) (23.00-8.00)
Danmörk, Færeyjar,
Noregur, Sviþjóð,
Þýskaland___________58 kr
Finnland, Holland 61 kr
Bretland, Frakk-
land, Spánn 68 kr
43,50 kr.
43,50 kr.
51,00 kr.
Austurrki, Bandarikin, Beliga, Hawali,
Irland, Ljchtenstein, Lúxemborg,
Portúgal, Slóvakia,
Sviss, Tékkland,
Ungverjaland 86 kr 64,50 kr.
Alsir, Búlgara, Eistiand, Gíbraltar, Grikkland,
italía, Jómfrúreyjar, Júgóslavia, Kanada,
Króatia, Kýpur, Lettland, Litháen, Libýa,
Malta, Marokkó, Moldava, Pólland, Puerto
Rico, Rúmena, Samveldis-
rikin, Slóvena,
•Túnis, Tyrkland 98 kr 73,50 kr.
Ástralía, Falklandseyjar, Grænland, Malaví,
Qatar, St. Helena, Venezúela, Hong Kong,
Kúveit,
Nýja-Sjáland 150 kr 112,50 kr.
Bermda, Brúnei, Guinea, Japan, Malasía,
Namibía, Níger, Nicaragua, Nígera,
Óman, Perú, Rwanda, Lesótó,
Singapore, Suöur-Afríka, Súdan,
Swaziland,
Taiwan, Tailand 201 kr 150,50 kr.
Alaska, Angóla, Argentína, Bahamaeyjar,
Bahrein, Bangladesh, Brasilía, Chile,
Costa Rica, Egyptaland, Filipseyjar,
Gambía, Graenhöfðaeyjar, Haítí, Indland,
Iran, Irak, Israel, Jamaíka, Jórdanla,
Kenýa, Mexlkó, Sameinuðu arabísku
furstadæmin, Seychells-eyjar,
Sri Lanka,
Víetnam og fleiri 225 kr 168,50 kr.
Nýtt ferðablað
hef ur gðngu sína
FYRSTA tölublað FERÐA-
MÁLA sem er nýtt ferðablað
er komið út og er gefið út af
Farvegi hf. sem einnig gefur
út ferðaritið Farvís-Afanga.
Ætlunin er að blaðið komi út
mánaðarlega og eins og nafnið
gefur til kynna er fjallað um
hinar ýmsu hliðar ferðaþjón-
ustunnar, fyrirtæki og stofnan-
ir, menntun, fundi og umræður
um uppbyggingu hennar.
Ferðamál er prentað á dag-
blaðapappír og er einnig í dag-
blaðabroti. í fréttatilkynningu
segir að því verði aðallega dreift
til áskrifenda. Blaðið er tólf síður.
Meðal efnis má nefna ávarp
Halldórs Blöndals, samgönguráð-
herra, sagt er frá ferðamálasam-
tökum Suðurnesja, fundi fulltrúa
norðlægra höfuðborga, tilkynnt
um ljósmyndasamkeppni o.fl. Rit-
stjóri og ábyrgðarmaður er Þórunn
Gestsdóttir