Morgunblaðið - 13.08.1996, Blaðsíða 4

4 B ÞRIÐJUDAGUR 13. ÁGÚST 1996
MORGUNBLAÐIÐ
ÍÞRÓTTIR
Guðrún og Jón Amar
sýndu styrk sinn
GUÐRÚN Arnardóttir úr Ármanni
og Jón Arnar Magnússon, UMSS,
sýndu í bikarkeppni FRÍ um helgina
svo ekki verður um villst að þau
bera höfuð og herðar yfír aðra frjáls-
íþróttamenn hér á landi. Guðrún tók
þátt í fimm einstaklingsgreinum,
sigraði í þremur og varð í öðru sæti
í tveimur. Guðrún hefur síðustu
misseri lagt áherslu á grindahlaup,
kom fyrst í mark í 100 og 400 m
grindahlaupí auk 400 metra hlaups-
ins. Þá varð hún önnur í langstökki
og einnig í þrístökki, en það eru
greinar sem hún hefur ekkert æft
í mörg ár. Guðrún hljóp einnig loka-
sprettina í 4x100 m og í 1.000
metra boðhlaupi og innsiglaði sigur
sveita Ármanns.
Jón Amar hafði líkt og Guðrún
yfirburði í þremur greinum. Kom
fyrstur í mark í 100 m hlaupi á 10,69
sek í miklum mótvindi. I 110 m
giindahlaupi og langstökki komst
enginn með tæmar þar sem Jón hafði
hælana. Einnig tók hann þátt í spjót-
kasti og náði þar þriðja sæti á eftir
Sigurði Einarssyni, Ái-manni og Ein-
ari Vilhjálmssyni, ÍR. í kringluklasti
varð hann fjórði á eftir Vésteini
Hafsteinssyni, Pétri Guðmundssyni
og Eggerti Bogasyni. Einna eftir-
minnilegastur var 400 m sprettur
Jóns í 1.000 m boðhlaupi sem var
síðasta grein keppninnar. Þar tók
hann við keflinu í öðm sæti nokkm
á eftir liðsmanni FH, hljóp hann
uppi og kom nokkuð á undan honum
í mark. Þá var Jón einnig skráður
til leiks í 200 m hlaupi en hætti við,
því hlaupið var á sama tíma og
keppni stóð yfír í kringlukasti.
Morgunblaðið/Golli
JON Arnar Magnússon, UMSS, sigraði með yfirburðum í 100
metra hlaupi á 10,69 sekúndum þrátt fyrir óhagstætt veður.
Jóhannes Marteinsson ÍR, til vinstri, varð annar og Kristján
Friðjónsson, UMSK, sjötti.
Engin hand-
tímataka
í bikarkeppninni um helgina
var í fyrsta skipti hér á Iandi
einungis notast við rafmagns-
tímatöku í öllum hlaupum, en
síðustu ár hefur rafmagns-
timataka verið notuð j'afn-
hliða handtímatökum. Nú
voru þrjár klukkur við mark-
línuna sem tóku tímann og
að sögn eins forráðamans
mótsins gafst þessi tiihögun
vel og jók um leið á ná-
kvæmni við tímatökur. Um
leið þurfti ekki eins marga
starfsmenn við hvert hlaup
og áður. Var þetta einn liður
í undirbúningi fyrir fram-
kvæmd Smáþjóðaleikanna
sem haldnir verða hér á landi
í júní ánæstaári.
Fánar
óspart notaðir
ANNAR liður í undirbúningi
Smáþjóðaleikanna sem var
verið að reyna á í bikar-
keppninni að þessu sinni var
að við verðlaunaafhendingu
fyrir hveija grein í 1. deild
var félagsfánum þriggja
efstu manna flaggað og kepp-
endur snéru sér um leið í átt
til þeirra. Tókst þetta vel að
því undanskildu að fram eftir
degi á laugardag vantaði
fána UMSK en hann kom fyr-
ir rest og gekk þá allt fyrir
sig eins og í sögu.
Sigurði vís-
að úr keppni
MJÖG hart eftirlit var með
þvi að keppendur héldu sig á
afmörkuðum svæðum á meðan
keppni í þeirra grein fór fram
líkt og er gert á mótum er-
lendis, en þessi mál hafa verið
laus í reipunum á fijálsíþrótta-
mótum hér á landi síðastliðin
ár og keppendur getað valsað
um völlinn eins og þeim hefur
hugnast. Sigurður Einarsson
spjótkastari hafði ekki verið
látinn vita um þetta og varð
hann fyrir þvi að vera vísað
úr leik í miðri keppni í spjót-
kasti. Keppendur voru 13 í
spjótkastkeppninni og því
löng bið á milli kasta. Hléið á
milli hugðist Sigurður nota til
að þyggja ráð hjá þjálfara sín-
um og fara á salernið. Þegar
hann kom á ný til leiks var
honum vísað úr keppni fyrir
að hafa ekki beðið um leyfi
til að yfirgefa kastsvæðið. Var
hann óhress með það en
ákvörðun dómara var ekki
breytt. Þetta kom hins vegar
ekki í veg fyrir sigur hans í
keppnini þar sem áður en að
þessu kom hafði hann kastað
lengst allra, 72 metra, og eng-
um tókst að gera betur.
FH-ingar sigruðu með 16 stiga mun í bikarkeppni FRÍ í fimmta sinn á sex árum
Það kom ekkert annað
en sigur til greina
Mjótt á munum
Fyrirfram var reiknað með að
FH-ingar væru líklegir til að veija
titil sinn en skæðustu andstæðingar
þeirra í fyrra, Ármenningar, myndu
veita þeim harða samkeppni svo og
ÍR sem að nýju var komið í 1. deild
eftir eins árs veru í 2. deild. Fyrri
daginn var mjótt á munum í kapp-
hlaupinu um stigin. FH var oftast
nær skrefi framar en Ármenningar
og IR-ingar voru skammt undan.
Þessar þijár sveitir voru í nokkrum
sérflokki en því næst komu sveitir
HSK og UMSS með tugþrautar-
kappana og frændurna Olaf Guð-
mundson Jón Arnar Magnússon í
broddi fylkingar.
Kristján brosti
„Okkur hefur gengið betur en
við þorðum að vona og mér sýnist
allt stefna í að við náum öðru sæt-
inu,“ sagði Kristján Harðarson,
þjálfari Armenninga, með bros á
vör er líða tók á fyrri keppnisdaginn
og ljóst að það yrði hans sveit en
ekki ÍR sem fylgdi FH eftir. Hafn-
firðingar héldu vel á spöðunum og
náðu öðru sætinu í 4x100 metra
boðhlaupi karla og kvenna og fengu
þar fjórtán stig en Ármanni gekk
síður í karlahlaupinu og fékk 11
stig fyrir boðhlaupið. FH hafði því
sjö stiga forskot á Ármenninga og
ÍR var skammt undan eftir dýrmæt
tólf stig fyrir fyrrgreindar greinar.
„Okkur hefur gengið vel í öllum
greinum en samt er mjótt á mun-
um, en spennan en nauðsynleg í
svona keppni,“ sagði Helga Hall-
dórsdóttir FH-ingur að loknum
fyrsta deginum, en hún hafði þá
önglað í ófá stig fyrir bikarmeistar-
ana og átti eftir að bæta um betur
síðari daginn.
Jón og Guörún í eldlínunni
Jón Arnar Magnússon, UMSS,
og Guðrún Arnardóttir, Ármanni,
voru í eldlínunni í mótinu og undir-
strikuðu hvílíka yfirburði þau hafa
í frjálsíþróttum hér á landi.
Jón Arnar sagðist enn ekki hafa
jafnað sig eftir tugþrautakeppni
Ólympíuleikanna en lét það ekki á
sig fá og bar uppi sveit UMSS með
glæsilegri frammistöðu. „Ég er enn
nokkuð þungur og þreyttur," sagði
Jón á meðan langstökkskeppninni
stóð. „Ég mun hafa hægt um mig
á næstunni og æfi samt á fullu en
verð í hægari gangi en áður,“ bætti
hann við og sagðist næsta verkefni
sitt vera þátttaka í stærsta tug-
þrautarmóti ársins í Talence í
Frakklandi um miðjan september.
Guðrún Arnardóttir keppti í fimm
einstaklingsgreinum og sigraði í
Aldrei virtist vera nein hætta á því að bikar-
inn g’engi FH úr greipum í bikarkeppni FRÍ
*
um síðustu helgi. Ivar Benediktsson fylgdist
með skemmtilegri keppni í Laugardal.
„VIÐ stefndum að sjálfsögðu á
sigur og vissum að Armenning-
ar og ÍR-ingar myndu veita okk-
ur harða keppni. En FH-liðið
er skipað reynslumiklu fólki í
bland við unga og efnilega ein-
staklinga sem eru að koma
meira og meira við sögu. Við
sigruðum í stigakeppni Meist-
aramótsins í sumar og því kom
ekkert annað til greina en að
verja bikarinn og það tókst,
enda erum við í skýjunum með
það,“ sagði Ragnheiður Ólafs-
dóttir, þjálfari FH, á sunnudag-
inn eftir að félagið hafði tryggt
sér sigur í bikarkeppni FRI
þriðja árið í röð og i sjötta sinn
á níu árum. FH hlaut 230 stig,
en Ármann sem fylgdi þeim
lengi vel sem skuggi varð í
öðru sæti með 214 stig og ÍR-
ingar hrepptu þriðja sætið með
204 stig. HSK hafnaði í fjórða
sæti, UMSS í fimmta og UMSK
í sjötta en UMSB og HSÞ verða
að sætta sig við að keppa í 2.
deild að ári.
Eins og ævinlega var hart barist
í flestum greinum enda er fyrst
og fremst barist um stig og kepp-
endur einblína síður á met í bikar-
keppni. Hlaupin verða taktískari og
kastarar og stökkvarar hafa oft
vaðið fyrir neðan sig og tefla ekki
á tvær hættur. En þrátt fyrir það
verður keppni oft æsileg og ekki
ganga hlutirnir eins fyrir sig og að
er stefnt. Nú voru þijár sveitir sem
háðu harða baráttu um sigurlaunin
og þótt þau lentu á kunnuglegum
slóðum var spennan til staðar lengst
af, ekkert mátti bera út af. Menn
og konur fórnuðu sér fyrir félagið
og sumir kepptu í fleiri greinum en
þeir eru þekktir fyrir og má nefna
að Sigurður Einarsson spjótkastari
úr Ármanni tók þátt í boðhlaupi og
Guðmundur V. Þorsteinsson lang-
hlaupari úr UMSB tók þátt í þrí-
stökki og svo mætti lengi telja.
Morgunblaðið/Golli
GUÐRÚN Arnardóttir, Ármanni, dró hvergi af sér í bikarkeppninni um helgina og tók þátt í
sjö greinum. Hér er hún að fara yfir síðustu grindina í 400 m grindahlaupinu og rétt á eftir
henni er fyrrum methafi í greininni Helga Halldórsdóttir, FH, sem einnig sýndi mikla keppnís-
hörku í fjölmörgum greinum.