Morgunblaðið - 13.08.1996, Blaðsíða 5

MORGUNBLAÐIÐ
ÞRIÐJUDAGUR13. ÁGÚST1996 B 5
þremur og varð í öðru sæti í tveim-
ur - langstökki og þrístökki. Það
eru greinar sem hún hefur ekki æft
í nokkur ár. „Ég æfði einu sinni
þrístökk og átti um tíma íslands-
metið, en hef ekkert æft þessa grein
í mörg ár. Nú keppi ég bara einu
sinni á ári í þessum greinum og það
er í bikarkeppninni til að vinna stig
fyrir mitt félag,“ sagði Guðrún. Þá
var hún í sigursveit Ármanns í
4x100 metra og 1000 metra boð-
hlaupi kvenna.
Verðskuldaður sigur
Það var snemma ljóst á síðari
keppnisdegi að eitthvað þyrfti al-
varlega að bera út af hjá FH til
þess að bikarinn gengi þeim úr
greipum. Sigurður T. Sigurðsson
og Jón Oddsson létu sínar greinar,
stangarstökk og langstökk, ekki
vefjast fyrir sér og fóru með sigur
af hólmi. Þjálfarinn Ragnheiður
Ólafsdóttir dró vagninn utan vallar
og innan og varð önnur í 3.000
metra hlaupi og hafði áður náð
sama sæti í 1.500 metra hlaupinu.
Laufey Stefánsdóttir varð önnur í
800 metra hlaupi og Finnbogi
Gylfason í sömu grein í karlaflokki
svo fátt eitt sé nefnt úr afrekalista
Hafnfirðinga. „Halla Heimisdóttir
og Unnur Sigurðardóttir voru sterk-
ar í köstunum og Helga var frábær
eins og venjulega," sagði Ragnheið-
ur er sigurinn var í höfn. „En þetta
er Ííklega í síðasta sinn sem ég er
bæði keppandi og þjálfari hjá FH
í sama móti. Að vera jafnt utan
vallar sem innan er of stressandi.
Þetta hef ég reyndar sagt áður.“
Þegar kom að síðustu grein,
1.000 metra boðhlaupi kvenna, var
ljóst að FH-sveitin hefði mátti koma
síðust í mark án þess að það kæmi
í veg fyrir sigur þeirra í stigakeppn-
inni. En Helga Halldórsdóttir og
stöllur hennar í boðhlaupssveitinni
sýndu ekkert kæruleysi í greininni
heldur hlupu á fullum dampi og
innsigluðu sigurinn í heildarkeppn-
inni með því að koma í öðru sæti
í mark líkt og karlamir höfðu gert
nokkrum mínútum áður. Góð breidd
með fjölmörgum jöfnum einstakl-
ingum hafði skilað bikarnum í
Hafnarfjörð á verðskuldaðan hátt
þriðja árið í röð.
Kvennabikarinn til Ármanns
„Árangurinn var betri en við
þorðum að vona og ég sáttur," sagði
Kristján þjálfari Armanns. „Það var
vitað mál að ekkert mætti fara úr-
skeiðis hjá okkur ef við ætluðum
að ná öðru sætinu því ÍR var með
framsækið lið, en miðað við útreik-
inga mína fyrir keppnina fengum
við átta stigum meira þegar öllu er
á botninn hvolft en ég hafði reiknað
með. Það tel ég gott því okkur vant-
aði í karlaliðið meðal annars Hauk
Sigurðsson spretthlaupara. Auk
þess sigruðum við í kvennaflokkun-
um líkt og í fyrra og það er já-
kvætt og ber vott um styrk að halda
þeim bikar í húsi,“ bætti Kristján
við. „Annars óska ég FH-ingum til
hamingju með sigurinn en vona
jafnframt að hann verði til þess að
aðstaða þeirra til æfinga í Hafnar-
firði verði bætt.“
ÍR komið til að vera á toppnum
Það var hlutskipti ÍR að hljóta
þriðja sætið og að sögn Þráins Haf-
steinssonar, þjálfara er markmið
þeirra þar með í höfn. „Þegar við
féllum í aðra deild fyrir tveimur
árum settum við okkur það mark-
mið að vinna aðra deildina árið eftir
og ná þriðja sæti i fyrstu deild árið
eftir og það tókst. Þannig að ég er
sáttur í sjálfu sér,“ sagði Þráinn í
mótslok. „Við eigum eftir að ala upp
sterkari hóp og það kemur með tím-
anum og því eru nokkrar greinar
veikar hjá okkur ennþá. En við erum
með ungt lið sem stóð sig vel og
sérstaklega var frammistaða
Guðnýjar Eyþórsdóttur góð, en hún
keppti í mörgum greinum þrátt fyr-
ir ungan aldur. Nú er það Ijóst að
við ÍR-ingar eru komnir til þess að
vera á toppnum. Eg vil hins vegar
óska FH til hamingju, þeir unnu
verðskuldað að þessu sinni.“
ÍÞRÓTTIR
Guðrún Arnardóttir
Var bara
meðaljón
„MÉR fannst nokkuð kalt en það
venst fljótt," sagði Guðrún Arn-
ardóttir, hlaupakona úr Ármanni,
en hún lét sitt ekki eftir liggja
um helgina við að safna stigum
fyrir félag sitt. „Það tilheyrir að
koma heim á sumrin og taka þátt
í bikarkeppninni. Það er öðruvísi
keppni en flestar aðrar. Mikil
stemmning er í liðunum og sam-
staða um að gera vel.“
Guðrún tók þátt í fimm ein-
staklingsgreinum, 400 m grinda-
hlaupi, 400 m hlaupi, 100 m
grindahlaupi, langstökki og þrí-
stökki. Þá var hún í báðum sigur-
sveitum félagsins í boðhlaupi
kvenna.
„Mér finnst nyög gaman að sjá
hvað yngstu stelpumar í Ár-
manni eru duglegar að leggja sig
fram við æfingar og keppni því
eins og þjóðfélagið er í dag er
svo margt í boði fyrir fólk á
þeirra aldri. Ég bara vona að
frammistaða mín geti verið þeim
og öðrum stúlkum um land allt
jákvæð fyrirmynd og fordæmi
fyrir að þær haldi áfram að
leggja rækt við íþróttir. Ur því
að ég hef náð þeim árangri sem
ég hef náð er jjóst að flestar
stúlkur geta þetta því ég var
bara meðaljón á þeirra aldri,“
sagði Guðrún Amardóttir sem
með glæsilegri frammistöðu á
Ólympíuleikunum skipaði sér í
hóp allra bestu kvenna í 400 m
grindahlaupi í heiminum.
Guðrún sagði ennfremur ætla
að vera heima fram að áramótum
og nota tímann til að meta stöðu
sína og hvort hún færi í áfram-
haldandi nám til Bandaríkjanna
eða hvort hún reyndi að finna
sér vinnu þar i landi. „Einnig
veltur þetta allt á því hvort ég
fæ áframhaldandi styrk til þess
að geta einbeitt mér að æfingum.
Frá því Ólympíuleikunum lauk
hafa margir verið jákvæðir í
minn garð og Jóns Arnars og
vonandi verður einnig svo þegar
fram líða stundir." Þjálfari henn-
ar síðustu misseri verður áfram
þjálfari við hásskólann í Athens
og er það von þeirra beggja að
áframhald geti orðið á þvi sam-
starfi sem hefur skilað góðum
árangri að sögn Guðrúnar.
Engin keppni
Morgunblaðið/Golli
SIGURÐUR T. SlgurAsson, FH, fékk enga keppnl í stangar-
stökki, fór 90 sentímetrum hærra en næsti keppandl. Hér
vlppar Sigurður sér léttilega yfir 4,80 m.
ÍÞR&mR
FOLX
■ ÞÓRDÍS Lilja Gísladóttir há-
stökkvari úr IR keppti á ný í bikar-
keppni FRÍ fyrir sitt gamla félag
eftir nokkurra ára veru í HSK, en
þetta var í 21. skipti sem hún er
meðal þátttakenda í bikarkeppn-
inni. Hún sigraði að vanda í há-
stökki en tók auk þess þátt í boð-
hlaupi og 100 m grindahlaupi.
■ SVEINN Þórarinsson hlaupari
úr FH setti drengjamet í 400 m
grindahlaupi þegar hann kom annar
í mark á 55,15 sekúndum. Gamla
metið var 55,9 sek. í eigu Borg-
þórs Magnússonar KR en það setti
hann árið 1970 í Danmörku.
■ GISLI Sigurðsson sem undan-
farin ár hefur verið betur þekktur
sem þjálfari Jóns Arnars Magnús-
sonar lét sig ekki muna um að
keppa í tveimur greinum í bikar-
keppninni fyrir UMSS enda mjög
vel liðtækur tugþrautarmaður á
áðrum áður. Gísli varð fjórði í kúlu-
varpi með 12,04 metra og fimmti
í sleggjukasti með 36,42 metra.
Lærisveinninn Jón Arnar tók þátt
í hinum kastgreinunum, kringlu-
kasti og spjótkasti fyrir UMSS.
■ SIGURÐUR EINARSSON
spjótkastari úr Ármanni tók þátt
í 4x100 m boðhlaupi karla og hljóp
fyrsta sprett sveitarinnar.
■ ÓLAFUR Guðmundsson tug-
þrautarmaður úr HSK keppti í sjö
greinum í bikarkeppninni. „Eg
slapp við eina í dag,“ sagði hann
með bros á vör en hann hafði verið
skráður til leik í kringlukasti en
skipti við félaga sinn Ásmund
Jónsson á síðustu stundu.
■ GUÐRÚN Ingólfsdóttir ís-
landsmethafi í kúluvarpi og kringlu-
kasti kvenna var á meðal keppenda
í þessum greinum fyrir ÚÍA/ÚSÚ
í 2. deild þrátt fyrir að nokkuð sé
um liðið frá því hún var upp á sitt
besta. Guðrún sýndi mikið keppnis-
skap og bar sigur úr býtum í báðum
greinum. Varpaði kúlu 11,02 m og
þeytti kringlunni 37,62 m.
■ SUNNA Gestsdóttir keppti
með félögum sínum úr Húnavatns-
sýslu í 2. deild og vann mikilvæg
stig fyrir þá í baráttunni við að
komst upp í 1. deild og það tókst.
Þrátt fyrir ungan aldur er Sunna
í fremstu röð frjálsíþróttamanna
hér á landi undirstrikaði það um
helgina.
Ragnheiður Ólafsdóttir þjálfari FH sem varð bikarmeistari þriðja árið í röð
Viljum fara að sjá athafnir
í stað orða hjá yfirvöldum
Við erum sú deild í íþróttum í
Hafnarfirði sem stendur
best að vígi á landsmælikvarða,
höfum unnið bikarkeppnina þrisv-
ar í röð og sex sinnum á siðustu
níu árum og auk þess oft orðið
íslandsmeistarar félagsliða. Samt
sem áður er aðstaðan sem við
búum við ekki til að hrópa húrra
fyrir,“ sagði Ragnheiður Ólafs-
dóttir, þjálfari FH ómyrk í máli
um slæma aðstöðu og skilnings-
leysi bæjaryfirvalda í Hafnarfirði.
„Það er alveg sama hvað við
náum góðum árangri það hefur
ekkert verið gert af hálfu aðal-
stjórnar FH og bæjaryfirvalda í
Hafnarfirði til þess að bæta að-
stöðu okkar utanhúss og sífelt er
borið við fjárhagsskorti. Á sama
tíma hefur verið hægt að bæta
aðstöðu annarra greina svo sem
boltaíþrótta sem ekki hafa náð
að halda merki félagsins eins hátt
á lofti síðastliðin misseri. Nú
finnst okkur vera kominn tími til
að eitthvað verði gert og athafnir
komi í stað orða.“
Ragnheiður sagði ennfremur
að þegar horft væri til baka síð-
astliðin ár væri það merkilegt
hvað deildinni hefði tekist að
halda sínum sess sem besta fé-
lagslið landsins í fijálsíþróttum
þrátt fyrir allt en ljóst væri hins
vegar að nú væri farið að nálgast
þáttaskil. Reykjavíkurfélögin ÍR
og Ármann hefðu mun betri að-
stöðu enda hefði þar átt sér stað
mikil uppbygging að undanförnu.
Svo væri einnig um að ræða hjá
fleiri félögum sem hefðu mun
betri aðstöðu en FH og nú síðast
væri unnið að lagfæringum á
fijálsíþróttaaðstöðu hjá Breiða-
bliki í Kópavogi. Ljóst væri að
ekki yrði lengi hægt að halda
áfram góðu starfi innan FH miðað
við óbreytta aðstöðu. „Aðstaðan
í Kaplakrika er til skammar.
Við höfum náð að vera á toppn-
um undanfarin ár með einstaklega
góðri samstöðu allra félaga deild-
arinnar þar sem maður hefur
gengið undir manns hönd við að
gera það besta úr því sem við
höfum haft úr að spila. Þá má
heldur ekki gleyma því að stjórn
deildarinnar hefur unnið mikið og
óeigingjarnt starf á sama tíma og
án þeirra stæðum við ekki í þeim
sporum sem við stöndum í í dag.“
Aðstaðan innanhúss er allgóð
en deildin væri hálflgerð hornkerl-
ing í samanburði við aðrar deildir
og þá einkum boltaíþróttirnar.
Taka yrði því sem að manni væri
rétt til að geta haldið starfi á
veturna.
„I mörg ár hafa bæjaryfirvöld
í Hafnarfirði sagt við okkur sem
erum í fijálsíþróttum í Hafnarfirði
að við værum næst í röðinni og
nú mættum við ekki sitja á hakan-
um lengur, en ekkert hefur breyst.
Þegar leitað er eftir svörum er
borið við fjárhagserfiðleikum bæj-
arins. Langlundargeð frjáls-
íþróttamanna í Hafnarfirði er
senn á þrotum og við viljurn sjá
að eitthvað gerist í okkar málum
strax. Nú verða athafnir að fara
koma í stað orða hjá bæjaryfir-
völdum í Hafnarfirði."
■ Úrslit / B10