Morgunblaðið - 13.08.1996, Blaðsíða 12

4
IPHJUIK
Vallarmet einn daginn,
fimm yfir pari þann næsta
RUSS Cochran, kylfingur frá Kentucky, setti vallarmet á Valhalla
vellinum á laugardaginn er hann lék á 65 höggum, sjö undir pari.
Hann bætti fyrra met, sem sett var daginn áður og jafnað fyrr þenn-
an sama dag, um eitt högg. Lánið er fallvalt og Cochran var ekki lengi
í paradís því daginn eftir lék hann á 77 höggum, 12 höggum meira
en daginn áður.
Perry sá mikið eftir sjón-
varpsviðtalinu í lokin
KENNY Perry var dreginn í sjónvarpsviðtal um leið og hann hafði
lokið leik á sunnudaginn. Eftir að úrslit lágu fyrir sagðist hann sjá
eftir því að hafa ekki frekar farið á æfingasvæðið. „Ég hefði aldrei átt
að fara í myndverið hjá sjónvarpinu. Ég var allt of lengi þar og hefði
betur farið út á æfingasvæði til að æfa mig og halda mér heitum. Ég
læt mér þetta að kenningu verða,“ sagði Perry.
Reynir
mjögá
þolrifin
Það voru 48 af fimmtíu bestu kylf-
ingum heimsins mættir á Val-
halla-vellinum þegar PGA mótið hófst
á fimmtudaginn og 82 af hundrað
efstu á heimslistanum og hafa bestu
kylfingar heimsins aldrei verið eins
margir samankomnir á einu móti.
Sigurvegarinn, Mark Brooks, og
Kenny Perry léku báðir á 11 undir
pari vallarins en það fundu sig ekki
allir jafnvel á þessum nýja velli.
Margir þekktir kylfingar urðu að
láta sér nægja að fylgjast með síðari
tvo dagana og má þar meðal annars
nefna hönnuð vallarins, Jack Nick-
laus, John Daly, Mark McNulty, Col-
in Montgomerie og Sam Torrance.
Montgomerie, sem er í öðru sæti á
heimslistanum, hefur þann vafasama
heiður að vera þekktasti kylfingurinn
sem ekki hefur tekist að sigra á einu
af stóru mótunum, og ekki tókst það
að þessu sinni.
„Þetta er erfiður völlur og hann
reynir verulega á þolrif manna,“
sagði Ástralinn Greg Norman, sem
er í efsta sæti heimslistans. Nick
Faldo byijaði ágætlega, lék fyrsta
hring á 69 höggum en síðustu þijá
hringina tókst honum ekki að leika
undir pari. „Völlurinn er mjög erfiður
og mér tókst ekki að sigrast á hon-
um,“ sagði hann.
Sem fyrr segir gekk sumum illa
að eiga við völlinn.
Einn þeirra var Emie
Els frá Suður-Afr-
íku, en hann lenti í
því að fara níu yfir
par á fimm holum á
laugardaginn. Hann
náði þó að bjarga sér
og lauk keppni á
tveimur yfir pari, lék
eina holuna til dæmis
á fjórum höggum yfir
pari.
Sérfræð-
ingur í
bráða-
bana
MARK Brooks er sérfræð-
ingur í bráðabana og um-
spili. Þó svo hann hafi ekki
verið meðal þeirra fremstu á
stórmótum í þau þrettán ár
sem hann hefur verið at-
vinnumaður hefur hann engu
að síður verið á smærri mót-
um og sex sinnum hefur hann
lent í bráðabana - og sigrað
fjórum sinnum.
„Mér hefur alltaf liðið vel
í bráðabana og hef náð ágæt-
um árangri þegar ég hef lent
í þeim,“ sagði Brooks sigur-
reifur. Hann hafði forystu
framan af sunnudeginum,
fékk fugl á sjöttu, sjöundu
og áttundu holu en síðan þrjá
skolla með stuttu millibili.
„Það fór nó um mig á þessum
tíma, en mér leið vel á 17.
teig þegar ég vissi að ég
ætti enn möguleika á að
sigra,“ sagði hann.
Þrír kylfíngar unnu í fyrsta
sinn á stórmóti í ár, en þeir
eru auk Brooks þeir Steve
Jones, sem sigraði á Opna
bandaríska mótinu, og Tom
Lehman sem sigraði á Opna
breska. Brooks hefur leikið
vel í ár og er í efsta sæti á
peningalistanum svokallaða í
Bandaríkjunum, hefur fengið
sem nemur 86 milljómim
króna í verðlaunafé.
Reuter
LANGÞRAÐUR koss! Mark Brooks kyssfr verðlaunagripinn en hann hafði beðið í 13 ár eftir
sigri á stórmóti. PGA mótið var nú haldið í 78. sinn.
Bestur
ílokin
BROOKS geymdi það besta þar
til síðast á sunnudaginn og var
bara nokkuð rogginn eftir sig-
urinn. „Ég held að upphafs-
höggin mín, á átjándu brautinni
í dag, bæði í síðasta hringnum
og líka í bráðabananum, séu
bestu upphafshögg sem ég hef
slegið lengi, alla vega í þessari
viku,“ sagði hann og bætti síð-
an hróðugur við: „Var þetta
ekki rétti tíminn fyrir góð upp-
hafshögg?!“
Ævintýri líkast
Ekki dans
á rósum
MARK Brooks er 35 ára gamall
og hefur tekið þátt í bandarisku
mótaröðinni í þrettán ár. Hann
hlaut rúmar 23 milijónir króna
fyrir sijjurinn á sunnudaginn, en
lífið hefur ekki alltaf verið dans
á rósum því hann komst ekki
að á mótaröðnni fyrr en í fjórðu
tilraun. „Ég veit nákvæmlega
hvernig lífið er, stundum gengur
illa, stundum gengur vel, alveg
eins og í golfinu," segir Brooks.
MARK Brooks frá Texas sigraði á sunnudaginn á PGA mótinu í
golfi, en það er eitt af fjórum stærstu og virtustu golfmótum
hvers árs. Brooks, sem er 35 ára gamall, sigraði jafnaldra sinn,
Kenny Perry, á fyrstu holu í bráðabana.
Þetta var ævintýri líkast, sérstak-
lega undir lokin,“ sagði Brooks
örþreyttur en ánægður eftir sigur-
inn. Já, það gekk mikið á í
Kentucky, þar sem mótið fór fram.
Mikill fjöldi áhorfenda fylgdi Kenny
Perry síðasta hrigninn á Valhalla-
vellinum, enda er hann frá
Kentucky. Áhorfendur hjálpuðu
honum mikið, og hann lék mjög
vel, fékk meðal annars fimm fugla
áður en hann náði forystunni á
fjórtándu holu. En þá kom átjánda
og síðasta holan. Þegar hann kom
á síðasta teig virtist fátt geta kom-
ið í veg fyrir sigur hans. En ekki
er allt sem sýnist og enn og aftur
sannast að golfleikur er ekki búinn
fyrr en síðasti maður hefur lokið
leik.
Perry hafði leikið síðustu holuna
vel fyrri þijá hringina, en hún er
rúmir 500 metrar og liggur aðeins
í sveig til hægri. Nú brá hins vegar
svo við að Perry lék hræðilega og
fékk skolla á holuna. Hann gat að
sjálfsögðu ekkert gert eftir það ann-
að en fylgst með síðustu ráshóp-
unum og vonað. Hann sá því þegar
Brooks fékk fugl og tryggði þar
með bráðabana. Brooks fékk fugl á
fyrstu holu \ honum og það dugði
til sigurs. „Ég er mjög ánægður og
glaður með frammistöðu mína, allt
nema 72. holuna," sagði Perry
hálfniðurdreginn yfir að hafa ekki
tekist að sigra á fyrsta stórmóti sínu
á heimavelli.
Spennan var mikil þegar Perry
hafði lokið leik því auk Brooks gátu
Ástralinn Steve Elkington, meistar-
inn frá því í fyrra, og Vijay Singh
frá Fiji-eyjum náð honum, en þurftu
báðir að fá fugl á síðustu holu til
að það tækist, sem það gerði ekki.
Svíinn Jesper Parnevik átti einnig
möguleika hefði hann náð erni á
síðustu holunni, en það tókst honum
ekki.
Elkington var nærri því að setja
niður púttið fyrir fugli, en varð að
sætta sig við að verða í 3.-4. sæti.
Singh, sem var með forystu eftir tíu
holur, var 12 undir parinu þá, fékk
skolla á síðustu holuna eftir hræði-
lega lélegt vipp yfir flötina, og
Parnevik varð að sætta sig við par.
„Ég er mjög vonsvikinn. Ég hafði
tækifæri til að sigra í dag en ein-
hvern veginn þá gegnu hlutirnir
ekki alveg upp þegar mest á reið,“
sagði Elkington, en hann sigraði
Colin Montgomerie í bráðabana á
PGA í fyrra.