Morgunblaðið - 04.12.1996, Blaðsíða 3

MORGUNBLAÐIÐ MIÐVIKUDAGUR 4. DESEMBER1996 D 3
MARKAÐSSÓKN
Islenzkar sjávarafurðir opna söluskrifstofu í Tókýó í Japan í kjölfar aukinna umsvifa
„Ætlum okkur að
verða mjög sterkir“
íslenzkar sjávarafurðir hafa aukið umsvif sín á Japansmarkaði verulega
og möguleikar eru að opnast á sölu á fiski til landa eins og Kína og
Indónesíu. Hlér Guðjónsson, fréttaritari Morgunblaðsins í Japan,
heimsótti ÍS í Tókýó.
SÖLU SKRIFSTOFA íslenskra
sjávarafurða hf. var opnuð í Tókýó
í lok nóvember. Umsvif ÍS á þessum
miklvæga markaði hafa stöðugt
aukizt, bæði með sölu afurða úr
ufsa frá UTRF í Rússlandi og auk-
inni framleiðslu á loðnuafurðum á
íslandi.í tilefni af þessum áfanga í
markaðsstarfi ÍS komu þrír af
æðstu stjórnendum ÍS til Japans
ásamt eiginkonum sínum. Þeir
Benedikt Sveinsson forstjóri, Sæ-
mundur Guðmundsson aðstoðarfor-
stjóri og Höskuldur Ásgeirsson
verðandi framkvæmdastjóri mark-
aðs- og sölusviðs. Viðstaddur at-
höfnina var Hjálmar W. Hannesson
sendiherra ásamt fulltrúum helstu
fískverslunarfyrirtækja í Japan.
Þó nú hafí ÍS formlega opnað
skrifstofu sína í Tókíó hefur hún
verið starfrækt frá því um miðjan
júlí í sumar. Framkvæmdastjóri
skrifstofu ÍS í Japan er Teitur
Gylfason sem um árabil hefur unn-
ið að uppbyggingu markaðsmála
þar i landi. Salan hefur aukist stór-
lega ár frá ári. Teitur sagði í við-
tali við Morgunblaðið að með því
að opna skrifstofuna í Tókíó hafi
verið stigið stórt skref í áttina að
því að efla enn frekar tengslin við
þennan mikilvæga markað.
Standa í eldlínunni
„Það sem gerir þetta helst að
merkum tímamótum er það að hing-
að til höfum við verið að vinna með
þennan markað úr mikilli fjarlægð
og komið hingað helst í heimsókn-
ir. Okkur hefur lengi fundist vanta
sterkari tengsl. Það er nauðsynlegt
að geta fylgst stöðugt með markað-
inum til að geta brugðist við þeim
breytingum sem þar verða. Þessi
skrifstofa gerir okkur kleift að
standa í eldlínunni og fá öll nauð-
synleg skilaboð á skemmri tíma.
Þau þurfa ekki lengur að fljúga
10.000 km leið til að ná til okkar.
Ekki má heldur gleyma mann-
lega þættinum sem styrkist að mikl-
um mun. Persónuleg tengsl skipta
auðvitað miklu máli í þessum við-
skiptum eins og öðrum.
Með því að hafa skrifstofu og
bæði íslenskt og japanskt starfs-
fólk, tryggjum við ákveðna vídd í
þekkingu og fjölbreytileika sem
gerir okkur sterkari í heild. Við
getum unnið að sölustarfinu á miklu
öruggari hátt en áður. Vinnan verð-
ur í heild sinni mun ítarlegri og
nákvæmari ef við erum alltaf á
staðnum og við trúum því að þetta
skili sér í auknum viðskiptum og
sölu.“
Loðna, rækja og alaskaufsi
Helstar meðal þeirra fiskteg-
unda sem ÍS flytur til Japans frá
íslandi eru loðnuafurðir, karfaaf-
urðir og rækja. Meðal tegunda sem
seldar eru í minna magni má nefna
grálúðu og annan flatfisk.
Langstærsta söluafurð ÍS í Japan
er hins vegar alaska-ufsi og alaska-
ufsahrogn frá Kamchsjatka. Teitur
var spurður hvort áherslan væri
mest á sölu erlendra afurða.
„Undirstaðan í þeim fiski sem
við erum að selja er fiskurinn frá
íslandi og verður held ég alltaf.
Fiskurinn sem við fáum núna frá
verkefnum okkar í Kamchsjatka,
Namibíu og vonandi fleiri stöðum
í framtíðinni gerir okkur hins vegar
kleift að styrkja heildarmyndina og
ná aukinni fótfestu víðsvegar í
heiminum. Við ætlum okkur að
verða mjög sterkir á alþjóðlegum
vetvangi. Erlendur fiskur gerir okk-
ur umsvifameiri og öflugri á mark-
aðnum og styrkir þannig sölumögu-
leikana fyrir afurðir íslenskra fram-
leiðenda.“
Öðruvísi markaður
Benedikt Sveinsson forstjóri ÍS
sagði í viðtali að Japansmarkaður
væri töluvert öðruvísi en aðrir
markaðir í heiminum. ÍS hefði aðrar
vörur hér en annars staðar og í
mörgum tilvikum minna unnar af-
urðir. Eins lagði hann áherslu á
mikilvægi viðskipta með erlendan
físk.
„Það hefur mjög mikið að segja
í viðskiptum okkar hérna að við
getum boðið afurðir frá Rússlandi.
Þá á ég bæði við alaska-ufsa, ufsa-
hrogn og fleiri afurðir sem styrkja
stöðu okkar mjög mikið gagnvart
kaupendum í Japan.
Við getum vonandi haldið áfram
þessum viðskiptum við Rússana.
Hvað alaskaufsann varðar þá erum
við nú þegar komnir með samninga
til næstu þriggja ára eða til ársins
1999 þannig að við höldum áfram
að selja þeirra vörur hérna. Við
gerum reyndar ráð fyrir því að fá
meiri fisk frá Rússlandi í náinni
framtíð. Sá fiskur verður að öllum
líkindum seldur á Japansmarkaði.
Opnar flelrl möguleika
Skrifstofa ÍS í Japan opnar okk-
ur nú einnig aukna möguleika á
að afla hráefnis í samstarfi við jap-
önsk fyrirtæki auk þess sem hún
mun einnig sinna öðrum Asíulönd-
um að nokkru leyti. Má þar helst
nefna Kína, Tævan og Kóreu. Hins
vegar hef ég það á tilfinningunni
að ef við ætlum að ná meiri viðskipt-
um í Kína þá þurfum við að hafa
mannskap á svæðinu sem getur
sinnt viðskiptunum frá degi til dags.
Mér þykir ekki ólíklegt að bráðlega
verði farið að skoða möguleikana á
að sækja inn á markað í Kína. Það
má líka nefna lönd eins og Indónes-
íu sem er á mikilli uppleið. Þegar
á heildina er litið þá er ljóst að hér
er gífurlega mikið um að vera, ekki
síst í viðskiptum með fisk. Það verð-
ur því ekki annað sagt en að við
séum fullir bjartsýni og hlökkum
til að fá að takast á við þau verk-
efni sem bíða í þessum heimshluta.“
Miklir möguleikar í Kóna
Hjálmar W. Hannesson sendi-
herra í Kína var einnig viðstaddur
opnunina á miðvikudaginn. Japan
hefur heyrt undir sendiráð íslands
í Peking í allmarga mánuði en form-
lega tók Hannes við því embætti
þann 28. nóvember er hann afhenti
keisaranum trúnaðarbréf sitt.
Sendiráð íslands í Kína er einnig
sendiráð fleiri Asíuríkja.
Hjálmar sagði þegar Morgun-
blaðið ræddi við hann í Tókyó að
það væru miklir möguleikar í Kína
hvað varðar fiskveiðar, fiskverkun
og markaðssetningu sjávarafurða.
Hann taldi einnig að japanski mark-
aðurinn ætti eftir að aukast enn
að mikilvægi i framtíðinni. Nú þeg-
ar fara um það bil 30% af öllum
fískútflutningi í heiminum til Jap-
ans. Hannes sagðist einnig eiga von
á því að það verði mikil aukning á
samvinnu íslendinga við lönd eins
og Víetnam. Þar er öll tækni við
fískveiðar mjög vanþróuð og íslensk
fyrirtæki hafa verið að þreifa fyrir
sér með veiðar þar. Verði alvara
úr þessari samvinnu gæti farið svo
að Islendingar byggi þar grunninn
að nútímalegum fiskveiðum.
Aukin samvlnna í framtlöinni
„Ég efast ekki um að einhver
samvinna verði þar í framtíðinni.
Austur- og Suðaustur-Asía eru í svo
miklum efnahagslegum uppgangi
að ég sé geysilega möguleika fyrir
íslensk fyrirtæki þar. Ekki aðeins
á sviði fiskveiða og sölu heldur einn-
ig á öðrum sviðum þar sem við erum
sterkir. Við höfum mikla þekkingu
hvað varðar nýtingu á jarðhita og
íslendingar eru nú með þess_ konar
verkefni í gangi í Kína. íslensk
hugbúnaðarfyrirtæki eru einnig að
hasla sér völl.
Opnun þessarar skrifstofu ÍS í
Japan er talandi dæmi um það
hvemig viðskipti íslenskra fyrir-
tækja eru stöðugt að eflast og auk-
ast í þessum heimshluta," segir
Hjálmar.
Morgunblaðið/Hlér Guðu'ónsson
ÍSLENSKI hópurinn í Japan: Björn Ársæll Pétursson, skrifstofunni í Tókýó, Sig Haraldsdóttir og
eiginmaður hennar, Benedikt Sveinsson, forsljóri IS, Teitur Gylfason, forstöðumaður skrifstofunnar
í Tókýó, og Soffía Friðbjörnsdóttir, eiginkona hans, Sæmundur Guðmundsson, aðstoðarforstjóri IS,
og eiginkona hans, Sólveig Jóhannsdóttir, og Höskuldur Ásgeirsson, framkvæmdastjóri markaðs-
og sölusviðs ÍS, og eiginkona hans, Elsa Þórisdóttir.
Hjálmar W. Hannesson, sendiherra íslands í Benedikt Sveinsson, forstjóri ÍS, tekur á móti
Kína, ræðir málin við japanskan viðskiptavin gestum í móttöku, sem haldin var vegna opnun-
ÍS. ar skrifstofu ÍS í Japan.
Sími 511 1010
leiðréttingarbúnaði
Sjálfvirk stöðvarleitun KSyl/tN
Stóraukin nákvæmni traust Og góð tækl
Finnur alltaf bestu skilyrðin
Hámákvæmur hraði
11 tungla móttakari
Tilboðsverð ^
Grandagarði 9 • 101 Reykjavík
Bláa línan sýnir venjulegan
GPS feril, en sú rauða
leiðréttan feril eftir KGP-98D.
Munurinn er augljós.
radiomidun
http://www.radiomidun.is