Morgunblaðið - 08.04.1997, Qupperneq 3
MORGUNBLAÐIÐ
HANDKNATTLEIKUR
ÞRIÐJUDAGUR 8. APRÍL1997 B 3
Jason með
14 mörk,
Dagur 5
Morgunblaðið/Golli
INGA FRÍÐA Tryggvadóttlr, fyrlrllöl Stjörnunnar, tryggði llðl sínu slgur á Haukum í Hafnarflrðl
f gærkvöldi og þar með oddaleik í úrslitakeppninni. Hér svffur hún Inn af línu elnbeitt á svlp
en Ragnheiður Guðmundsdóttir, fyrlrllði Hauka, kemur engum vörnum við.
Endurtekið efni?
Stjörnustúlkur unnu annan leikinn í röð eftir að Haukar höfðu sigrað í tveim-
urfyrstu úrslitaleikjunum. Lokarimma úrslitakeppninnar í Garðabæ á morgun
STJÖRNUSTÚLKUR sýndu Ól-
afi Lárussyni þjálfara sínum að
staðhæfing hans um að stríðið
væri búið eftir tap í fyrsta leik
gegn Haukum í úrslitakeppn-
inni, ætti sér enga stoð. Þeim
tókst, með mikilli baráttu, að
svara fyrir sig og sigra Hauka
tvívegis, sem tryggir þeim
oddaleik. Fjórði leikurinn fór
fram í Hafnarfirði í gærkvöldi
og eftir mikinn darraðardans
kom til framlengingar. Þar
lagði Fanney Rúnarsdóttir lóð
sín á vogarskálarnar svo um
munaði er hún varði sjö skot
og Stjarnan vann 21:19.
Sömu lið áttust við í úrslitum
íslandsmótsins í fyrra og þá
vann Stjarnan fyrstu tvo leikina en
Haukar næstu þijá.
Stefán „Við klúðrum þessu,
Stefánsson spiluðum ekki vel og
skrifar áttum að klára mótið
í Garðabænum síð-
asta laugardag en veröum að gera
það á miðvikudaginn í staðinn,"
sagði Ragnheiður Guðmundsdóttir
fyrirliði Hauka eftir leikinn. „Ég er
ekki smeyk við þann leik þó að þær
haldi í vonina að leikar fari eins og
í fyrra því það gerist ekki.“
Garðbæingar voru greinilega
komnir í Hafnarfjörðinn til að selja
sig dýrt og náðu strax ágætum
tökum á leiknum og 3:0 forystu.
Þá fóru Haukar að taka Herdísi
Sigurbergsdóttur, leikstjórnanda
Stjörnunnar, úr umferð og með
þolinmæði tókst heimaliðinu að ná
tveggja marka forystu, 9:7, á með-
an gestirnir skoruðu ekki í 10 mín-
útur. Stjörnustúlkur lögðu ekki árar
í bát og komust aftur inn í leikinn
svo að jafnt var um miðjan síðari
hálfleik, 14:14. Þá kom dapur 10
mínútna kafli Garðbæinga en það
varð þeim hinsvegar til happs að
Haukar voru litlu betri. Skoruðu
þó þrisvar og komust í 17:14. Stjam-
an gerði þá næstu fjögur mörk og
komst í 18:17 en Haukar jöfnuðu.
Taugar leikmanna voru þandar til
hins ítrasta og áttu þeir í miklum
vandræðum með að spila handknatt-
leik svo að fjórar síðustu mínútumar
liðu án þess að mark væri skorað.
Haukar fengu gott tækifæri til að
tryggja sér sigur en Fanney Rúnars-
dóttir í marki Stjömunnar varði eft-
ir hraðaupphlaup þeirra svo fram-
lengja varð leikinn.
I framlengingunni tók Fanney til
sinna ráða og varði sjö skot á glæsi-
lega hátt á meðan stöllur hennar
náðu að halda einbeitingunni og
skora þtjú mörk. „Eitthvað varð ég
að gera eftir hafa setið á bekknum
en ég er ekki hetja - það er allt
liðið,“ sagði Fanney markvörður
eftir leikinn. „Leikurinn var æðis-
legur. Allir bjuggust við að nú
myndu Haukar tryggja sér titilinn
en við ætluðum að sýna fólki að
við gefumst ekki upp. í fyrstu
tveimur leikjunum klikkuðum við í
kollinum en ekki nú. Leikurinn
vannst á góðri vörn og góðum kar-
akter þegar við unnum upp þriggja
marka forskot þeirra."
Haukastúlkur náðu sér ekki á
strik í þessum leik enda mótstaðan
mun meiri en í fyrstu tveimur leikj-
unum. Vörnin var þó grimm að
venju en sóknarleikurinn gekk ekki
sem skyldi því þar vantaði uppá
ákveðnina. Vigdís Sigurðardóttir í
markinu varði vel og Judit Eszterg-
al og Ragnheiður fyrirliði voru
ágætar auk þess sem Andrea Atla-
dóttir sýndi tilþrif í lokin.
Loks kom að því að Stjarnan
sýndi hvað í henni býr eftir dapra
leiki. Sem fyrr vantaði ekki barátt-
una til að byija með og þó að döpru
kaflarnir, sem oft hafa orðið þeim
að falli, kæmu tókst liðinu að klóra
sig inn í leikinn að nýju. Sóley
Halldórsdóttir varði vel í byijun og
þegar Fanney var hleypt inná vildi
hún sanna sig og gerði það. Ragn-
heiður Stephensen var góð og Her-
dís Sigurbergsdóttir, Nína K.
Björnsdóttir og Inga Fríða
Tryggvadóttir voru dijúgar í lokin.
Hlutverkaskipti
Haukar gátu tryggt sér íslands-
meistaratitilinn með sigri í þriðja
leik liðanna í Garðabænum á laug-
ardaginn en tókst ekki og má segja
að liðin hafi haft hlutverkaskipti.
Nú voru það Garðbæingar sem
héldu haus svo til allan leikinn en
Hafnfirðingum fataðist flugið um
tíma, sem dugði Stjörnustúlkum til
eins marks sigurs, 23:22.
Stjaman tók strax forystu og
komst í 8:4 en þá tók við kæru-
SÓKNARNÝTING
Þriðji leikur kvennaliðanna i úrslitum
íslandsmótsins, leikinn i Garðabæ
laugardaginn 5. aprfl 1997.
Stjarnan Haukar
Mðrk Sóknir % ; Mörk Sóknir %
11 26 42 F.h 8 25 32
12 26 46 S.h 14 27 52
23 52 44 Alls 22 52 42
6 Langskot 5
4 Gegnumbrot 6
3 Hraðaupphlaup 1
5 Horn 5
3 Lína 1
2 Viti 4
leysi og munurinn fór i eitt mark,
8:7. Þær náðu sér síðan strik vel á
strik aftur og gáfu hvergi eftir, þar
til fjórar mínútur voru eftir af leikn-
um og staðan 21:16. Sigur virtist
í höfn en Stjörnustúlkurnar náðu
ekki að halda sínu striki. Taugarnar
brustu en þrátt fyrir góða viðleitni
Haukastúlkna, sem höfðu ekki sýnt
mikinn sigurvilja, tókst þeim ekki
að brúa bilið.
Vörn Stjörnunnar var góð en
Herdís Sigurbergsdóttir var tekin
úr umferð í sóknarleiknum, svo
hann varð ekki eins skarpur, en
Ragnheiður Stephensen og Ásta
Sölvadóttir voru þar í aðalhlutverk-
um. Sóley Halldórsdóttir varði vel
en Rut Steinsen og Inga Fríða
Tryggvadóttir komu til í lokin.
Haukar vom heillum horfnir í
sóknarleiknum en vörnin stóð þó
fyrir sínu. Vigdís Sigurðardóttir í
markinu, Thelma Bj. Árnadóttir og
Hanna G. Stefánsdóttir voru þó
ágætar.
SÓKNARNÝTING
Fjórði leikur Ikvennaiðanna í úrslitum
Islandsmótsins, leikinn í Hafnarfirði
mánudaginn 7. apríl 1997.
fcé
Haukar | Stjarnan
MörK Sóknir % \ MörK Sóknir %
10 27 37 F.h 10 27 37
8 25 32 S.h 8 25 32
1 7 14 Framl. 3 7 43
19 59 32 Alls 21 59 36
7 Langskot 7
1 Gegnumbrot 4
2 Hraðaupphlaup 2
•3 Horn 3
4 Lína 4
2 Víti 1
ísland
byijar
heima
ÍEM
ÍSLAND, sem er í öðrum riðli ásamt
Júgóslavíu, Litháen og Sviss í Evr-
ópukeppni landsliða í handknatt-
leik, á fyrst heimaleik við Sviss.
Fyrri leikurinn við Svisslendinga á
að fara fram á tímabilinu 24. til
26. september nk. en seinni leikur-
inn 27. eða 28. september. Fyrri
viðureignin við Litháa skal leikin
ytra 28. til 31. október en sú seinni
heima 1. eða 2. nóvember. Júgósla-
var eiga að leika á íslandi á tímabil-
inu 26. til 28. nóvember en seinni
leikurinn verður ytra 29. eða 30.
nóvember.
20 lið leika í fímm fjögurra liða
riðlum. í fyrsta riðli eru Króatía,
Portúgal, Rúmenía og Makedónía.
í þriðja riðli leika Tékkland, Frakk-
land, Slóvenía og ísrael. í fjórða
riðli eru Spánn, Noregur, Þýskaland
og Slóvakía. í fimmta riðli spila
Svíþjóð, Ungveijaland, Danmörk og
Pólland. Ítalía heldur úrslitakeppn-
ina og er því ekki í undankeppninni
frekar en Evrópumeistarar Rúss-
lands.
Meistararn-
ir sigruðu
REDBERGSLID sem á titil að
vera í 1. deild í handknattleik
Svíþjóð vann GUIF 27:21 í
fyrsta leik liðanna í úrslitum
ura sænska meistaratitilinn.
Sama fyrirkomulag er á
keppninni og hér á landi - það
lið sem sigrar í þremur leikjum
verður meistari,
HM kvenna
1999 haldið
í Noregi
NORÐMENN halda úrslita-
keppni heimsmeistaramóts
kvenna i handknattleik árið
1999. S^órn alþjóða hand-
knattleikssambandsins ákvað
þetta á dögunum en valið stóð
á milli Noregs og Rúraeníu.
Danir og Svíar taka þátt í
framkvæmd keppninnar með
Norðmönnum og verður einn
riðill leikinn í hvoru landi í
fyrsta hluta keppninnar en
tveir í Noregi og framhaldið
verður svo allt þar. Norðmenn
komast sjálfkrafa í úrslita-
keppni HM sem mótshaldarar
en ekki hefur enn verið ákveð-
ið hvort Danir og Sviar fái
einnig sjálfkrafa sæti eða þurfi
að taka þátt i undanriðlum.
Heimslið
gegn Dönum
HEIMSLIÐ í handknattleik
mætir Dönum 3. ágúst næst-
komandi í Nyborg. Tilefnið er
100 ára afmæli íþróttarinnar
- en hún var fyrst leikin í
þessari dönsku borg árið 1897,
með sama sniði og enn er leik-
ið í dag. Heimsliðið verður
valið strax að loknu heims-
meistaramótinu í Japan i
næsta mánuði.