Morgunblaðið - 04.05.1997, Qupperneq 16

16 B SUNNUDAGUR 4. MAÍ 1997
MORGUNBLAÐIÐ
Aðalfundur Krabbameinsfélags Reykjavíkur
Sameiginlegt átak gegn
óbeinum reykingum barna
NORRÆN krabbameinssamtök
hafa samvinnu um átak gegn óbein-
um reykingum barna og er nú unn-
ið að íslenskri útgáfu þriggja rita
í því sambandi. Eitt þeirra er ætlað
foreldrum og hin tvö starfsfólki
heilsugæslustöðva. Verða þau gefin
út fljótlega á vegum Krabbameins-
félagsins og Tóbaksvarnanefndar.
Þetta kom fram á aðalfundi
Krabbameinsfélags Reykjavíkur
sem haldinn var nýlega.
Framhaldsskólum hefur að venju
verið veitt hver sú aðstoð sem um
er beðið, svo sem með fyrirlestrum
og útvegun fræðslu- og upplýsinga-
efnis. Nokkur reykbindindisnám-
skeið voru haldin á starfsárinu fyr-
ir einstaklinga og hópa frá fyrir-
tækjum og stofnunum. Tvö
fræðslurit, „Lungnakrabbamein"
og „Krabbamein í skjaldkiitli" voru
.gefin út endurskoðuð á árinu, auk
annars fræðsluefnis, að því er fram
kemur í fréttatilkynningu.
Leikrit fyrir grunnskóla
Félagið samdi í vetur við hóp
ungra atvinnuleikara, Stoppleik-
hópinn, um að setja á svið nýtt
leikrit til að sýna í efri bekkjum
grunnskóla í tengslum við tóbak-
svarnastarfið. Leikritið samdi Val-
geir Skagfjörð leikari gagngert af
þessu tilefni. Sýningar eru þegar
hafnar.
Allmargir styrkir voru veittir ein-
staklingum til að sækja fundi, nám-
skeið og ráðstefnur utanlands um
krabbamein og krabbameinsvarnir.
Tveir stuðningshópar krabbameins-
sjúklinga fengu styrki: „Ný rödd“
til að halda Norðurlandaráðstefnu
og „Samhjálp kvenna" til að halda
námskeið fyrir sjálfboðaliða. Að-
standendur krabbameinssjúklinga
utan af landi voru einnig studdir
til dvalar í Reykjavík.
Sigríður Lister hjúkrunarfræð-
ingur var endurkjörin formaður fé-
lagsins. Formaður fræðslunefndar
síðasta starfsár var Jóhannes Tóm-
asson blaðamaður. Framkvæmda-
stjóri er Þorvarður Örnólfsson."
Auknu framlagi fagnað
Eftirfarandi ályktanir voru sam-
þykktar á aðalfundinum.
„Aðalfundur Krabbameinsfélags
Reykjavíkur þakkar Heimahlynn-
ingu Krabbameinsfélagsins 10 ára
árangursríkt starf í þágu krabba-
meinssjúklinga og aðstandenda
þeirra. Fundurinn hvetur stjórnvöld
til að tryggja framhald þessarar
mikilvægu starfsemi og rétt ein-
staklingsins til að fá að lifa og deyja
þar sem hann sjálfur kýs.
Aðalfundur Krabbameinsfélags
Reykjavíkur fagnar breytingum
sem gerðar voru síðastliðið sumar
á lögum um tóbaksvarnir, meðal
annars þeim breytingum sem miða
að aukinni vernd gegn óbeinum
reykingum. Fundurinn tekur sterk-
lega undir ályktun síðasta for-
mannafundar Krabbameinsfélags
íslands þar sem hvatt er til að sem
flestir kaffi- og matsölustaðir verði
reyklausir. Fundurinn fagnar því
að ríkisframlag til tóbaksvarna hef-
ur hækkað verulega og þar með er
unnt að stórauka tóbaksvarnastarf
í landinu. Jafnframt minnir fundur-
inn á þann mikla skerf sem krabba-
meinssamtökin, ekki síst Krabba-
meinsfélag Reykjavíkur, hafa um
langt skeið lagt til þessa mikilvæga
forvarnastarfs."
Heilsum sumri,
hreinsum lóöina
dagana
3.-11.
maí.
Nú er vetur úr bæ og ruslið úr görðunum á að fara sömu leið. Tökum
höndum saman með hækkandi sól og fegrum lóðirnar okkar fyrir
sumarið.
Sérstakir hreinsunardagar eru frá 3. til 11. maí. Ruslapokar verða
afhentir í hverfabækistöðvum gatnamálastjóra. Næstu daga eftir
hreinsunardagana fara borgarstarfsmenn um hverfin og hirða fulla
poka. Eftir það er aðeins hægt að losa sig við garðaúrgang og annað
rusl sem ekki kemst í ruslafötuna í endurvinnslustöðvum Sorpu.
n
E
CQ
ui
Endurvinnslustöðvar Sorpu eru opnar alla daga
frá kl. 12:30 til 19:30.
Endurvinnslustöðvar eru á fjórum stöðum:
Við Bæjarflöt austan Gufunesvegar.
♦ Við Jafnasel í Breiðholti.
Við Ánanaust gegnt Mýrargötu.
t Við Sævarhöfða gegnt malbikunarstöðinni.
Stöðvarnar við Ánanaust og Bæjarflöt eru opnar
alla virka daga frá kl. 8:00 til 19:30.
\
Skorað er á forráðamenn fyrirtækja að taka til á lóðum sínum. Fyrir
stóra og fyrirferðarmikla hluti er bent á Geymslusvæðið í Hafnarfirði,
sem hreinsunardeild gatnamálastjóra leigir út.
Við tökum pokann þinn
Borgarstjórinn í Reykjavík
- hreinsunardeild gatnamálastjóra
Fræðslu-
fundur CCU
CCU SAMTÖKIN halda fræðslu-
fund þriðjudaginn 6. maí kl. 20.30
í íþróttamiðstöðinni Laugardal (ÍSÍ)
3. hæð.
Gestur fundarins verður Krist-
leifur Kristjánsson, barnalæknir og
erfðafræðingur og mun hann kynna
rannsókn sem hann vinnur að á
erfðum á Crohn’s og Colitis Ulcer-
osa sjúkdómum hjá Islenskri erfða-
greiningu. Á fundinn mætir einnig
Sigurður Björnsson, meltingarsér-
fræðingur.
CCU samtökin eru hópur fólks
með Crohn’s og Colitis Ulcerosa
sjúkdóma sem eru langvinnir bólgu-
sjúkdómar í meltingarvegi. Meðlim-
ir eru um 100. Talið er að um þess-
ar mundir séu 500-600 íslendingar
með þessa sjúkdóma og að árlega
greinist um 25-35 sjúklingar, segir
í fréttatilkynningu.
-----♦ ♦ ♦-----
Hafnarfjarðarkirkja
50, 60 og 70 ára
f ermingarbörn
í heimsókn
Á BÆNADEGI Þjóðkirkjunnar í
dag munu 50, 60 og 70 ára ferming-
arbörn Hafnarfjarðarkirkju sækja
messu sem hefst kl. 14 svo sem
þessir afmælisárgangar hafa gert
undanfarin ár á bænadegi.
Sr. Sighvatur Birgir Emilsson
sem nú er þjónandi prestur í Nor-
egi predikar en hann er 50 ára
fermingarbarn og þjónar fyrir alt-
ari ásamt sóknarpresti, sr. Gunn-
þóri Ingasyni. Eftir messuna verða
teknar myndir af þessum hópum
og þeir munu svo hittast í sam-
kvæmi í Veitingahúsinu Skútunni
til að rifja upp fyrri samleið og
kynni og treysta vinabönd, segir í
fréttatilkynningu.
-----♦ ♦ ♦-----
Hagfræðinem-
ar mótmæla líf-
eyrisfrumvarpi
FÉLAG fijálslyndra hagfræðinema
hefur staðið fyrir undirskriftasöfnun
meðal hagfræðinema við Háskóla
Islands þar sem skrifað er undir
mótmæli gegn áformum ríkisstjórn-
arinnar um frelsisskerðingu í lífeyr-
issparnaði íslendinga.
„Með frumvarpi til laga um
skyldutryggingu lífeyrisréttinda og
starfsemi lífeyrissjóða er ríkisstjórn-
in að ganga á bak orða sinna. Hætta
er á að lögin dragi úr mögulegri
samkeppni milli lífeyrissjóða og
skapi óvissu og óstöðuleika á ungum
fjármagnsmarkaði. Með frumvarp-
inu teljum við hagsmuni ungs fólks
fyrir borð borna og hvetjum ráð-
hen'a til að beita sér fyrir nauðsyn-
legum breytingum á frumvarpinu til
þess að stuðla að valfrelsi og sam-
keppni á lífeyrismarkaðinum," segir
í yfirlýsingu nemanna.