Morgunblaðið - 15.04.1998, Blaðsíða 9

MORGUNBLAÐIÐ
MIÐVIKUDAGUR 15. APRÍL 1998 B
KAPPAKSTUR
FOLK
■ MANCHESTER United vill endi-
lega ná í hollenska vamarmanninn
Jaap Stam sem leikur með PSV, en
hollenska liðið streitist á móti og
segist ekki vilja selja kappann nema
eitthvert félag sé reiðubúið að greiða
sem nemur 1,8 milljörðum ki-óna.
Stam vill hins vegar ólmm' fara til
United og er tilbúinn að fara í hart
neiti PSV honum um að fara til liðs-
ins. United segist tilbúið að greiða
rúman milljarð fyrir kappann og láta
Jordi Cruyff fylgja með í kaupunum.
■ JOE Kinnear, stjóri enska úrvals-
deildarliðsins Wimbledon, mætti
ekki á blaðamannafund eftir heima-
leik við Bolton og heldur ekki að
þessu sinni. Ástæðan var, sam-
kvæmt því sem hann skrifaði í leik-
skrána, að hann væri orðinn leiður á
sömu neikvæðu spurningunum,
hvað mörg stig þyrfti, hvort liðið
félli og svo framvegis.
■ KINNEAR sagði að við þessum
spumingum væri aðeins eitt svar:
„Eina svarið er að við erum eitt af
úrvalsdeildarliðunum sem hefur
aldrei fallið síðan núverandi fyrir-
komulagi var komið á og þannig
verður það áfram.“
■ HARRY Redknapp, stjóri West
Ham, telur að liðið vinni sér sæti í
Evrópukeppni fái það 10 stig úr síð-
ustu fimm leikjunum.
■ RON Atkinson, stjóri Sheffield
Wednesday, segir að liðið sé ekki úr
fallhættu en sjö stig á botnliðin þrjú
og betri markatala eigi samt að
nægja.
■ TOTTENHAM tapaði 2:0 fyrir
Chelsea og gerði svo 1:1 jafntefli við
Coventry en Spurs er með tveimur
stigum meira en Bolton og Barns-
ley.
■ CHRISTIAN Gross, stjóri Spurs,
sagði að málið væri einfalt - liðið
yrði að sigra Barnsley, Newcastle
og Wimbledon.
■ KENNY Dalglish létti þegar Alan
Shearer ti'yggði Newcastle 2:1 sig-
ur á Barnsley fimm mínútum fyrir
leikslok en fyrir vikið er lið hans
fimm stigum frá fallsæti.
■ GLENN Hoddle, landsliðsþjálfari
Englands, telur að ómögulegt verði
að velja heimsklassalandslið eftir
áratug ef straumur erlendra leik-
manna til Englands verður áfram
eins og að undanfömu.
■ HODDLE sagði máli sínu til
stuðnings að fyrir skömmu hefðu
aðeins fjórir enskir markmenn átt
hlut að máli í leikjum úrvalsdeildar-
innar.
■ HODDLE sagðist ekki vera að
kvarta og ekki væri hægt að stöðva
straum erlendra leikmanna en
ástandið væri ekki gott. í fyrra léku
132 erlendir landsliðsmenn með
enskum liðum.
■ BO Johansson, landsliðsþjálfari
Dana, valdi tvo nýliða í hópinn fyrh'
vináttuleik við Norðmenn í Kaup-
mannahöfn 22. apríl, vamar- og
miðjumanninn Thomas Gravesen
hjá HSV og Ebbe Strand, miðherja
Bröndby, en hann er markahæstur í
dönsku deildinni.
■ PETER Schmeichel er aftur í
hópnum eftir að hafa misst af síð-
asta leik vegna meiðsla.
■ EGIL Olsen, landsliðsþjálfari
Noregs, valdi líka tvo nýliða í sinn
hóp, Thomas Myhre, markvörð
Everton, og Daniel Berg Hestad,
miðjumann hjá Molde.
■ FORRÁÐAMENN spænska fé-
lagsins Real Madrid hafa mótmælt
sektinni sem UEFA dæmdi félagið í
eftir leik þess við Dortmund í und-
anúrslitum Meistaradeildarinnar.
Þeir ætla að senda inn skrifleg mót-
mæli þar sem þeir skora á UEFA
að sanna að of margir áhorfendur
hafi verið á leiknum, segjast hafa
selt 65.948 miða en ekki 85 þúsund
eins og UEFA segir.
■ MIKILL áhugi er á knattspymu í
Frakklandi enda verður heimsmeist-
arakeppnin haldin þar í sumar. í síð-
ustu viku vai’ sett met því 236.039
áhorfendur mættu á leiki umferðar-
innai' en höfðu áður verið flestir
Reuters
CHRISTIAN Gross hinn sviss-
neski knattspyrnustjóri
Tottenham ■ Englandi.
192.581 árið 1993, og þá vai' tveimur
liðum fleh-a í deildinni. Flestir mættu
á leik Marseille og Paris St Germain
á miðvikudaginn, 56.478, og hafa
aldrei verið fleiri áhorfendm- á deild-
arleik í Frakklandi.
■ TÉKKAR hafa sett dómaratríó í
bann. Tríóið sem dæmdi nágranna-
leik Spörtu og Slavíu Prag í síðustu
viku þótti ekki standa sig vel og eft-
ir að hafa skoðað leikinn af mynd-
bandi ákvað dómaranefndin að setja
þá í bann. Dómarinn fékk fjögurra
leikja bann en annar línuvörðurinn
fékk níu leikja bann, þar af eru tveir
leikir frá síðasta leikbanni sem
hann var settur í. Hinn línuvörður-
inn fékk bara tveggja leikja bann.
■ BÚLGARSKA knattspymusam-
bandið ákvað fyrir helgi að lands-
liðsmenn, þjálfari og stjómarmenn
sambandsins myndu ekki tala við
fjölmiðlamenn fyrr en í úrslita-
keppninni í Frakklandi í júní. Það
hefur oft verið grunnt á því góða
milli leikmanna og þjálfara í
búlgarska landsliðinu og vill knatt-
spyrnusambandið með þessari sam-
þykkt tryggja að leikmenn geti ein-
beitt sér að lokaundirbúningnum.
■ SAGAN segir að Krassimir Bala-
kov, leikstjórnandi Iiðsins, hafí á
dögunum sagt þjálfaranum að hann
yrði að velja á milli sín og Hristo
Stoichkov, þeir gætu ekki verið
saman í liði. Knattspyrnusambandið
vill hins vegar að þeir verði báðir í
liðinu og til að tryggja sem mestan
frið verður mönnum bannað að tala
við fjölmiðla.
■ TENERIFE er í mikilli fallhættu í
spænsku deildinni og hefur Javier
Perez, forseti félagsins, miklar
áhyggjur af því. Til að reyna að fá
leikmenn til að sýna sitt besta hefur
hann heitið þeim sem nemur 120
milljónum króna falli liðið ekki. „Ég
vil endilega að liðið verði áfram í
efstu deild og til þess þurfum við
níu stig. Með þessu vona ég að leik-
menn taki sig á,“ sagði forsetinn.
■ MARCELO Vega, 26 ára gamall
miðjuleikmaður frá Chile, hefur
gengið til liðs við New York/New
Jersey MetroStars í bandarísku
deildinni.
■ STEAUA Búkarest hefur verið
lið hersins í Rúmeníu en nú er unn-
ið að því að höggva á þau bönd og
liður í því er að um helgina var
Daniel Gherasim kjörinn forseti fé-
lagsins. Gherasim hefur verið vara-
markvörður og aðstoðarþjálfari fé-
lagsins síðustu þrjú árin auk þess
sem hann er herforingi, en hann er
eini leikmaður félagsins sem hefur
einhver tengsl við herinn.
■ FLEIRI breytingar voru gerðar á
stjórn félagsins því tennisleikarinn
Ilie Nastase var kjörinn í stjórn, en
hann var í unglingaliði félagsins þar
til hann sneri sér að tennis fyrir
þremur áratugum.
■ BRAD Friedel, bandaríski mark-
vörðurinn hjá Liverpool, hefur
ákveðið að taka félagið fram yfir
landslið Bandarikjanna á næstu
vikum. Þetta gæti kostað hann sæti
í liðinu á HM en hann segir Liver-
pool eiga marga 614103 leiki
framundan og hann vilji ekki bregð-
ast félaginu.
Kraftaverkabíll
færði Schumacher
umdeildan sigur
AKSTUR Michaels Schumachers jaðraði við fífldirfsku er hann
ók Ferrari-bifreið sinni á McLaren-bíl Davids Coulthards í
Argentínukappakstrinum á sunnudag. Við atvikið rifjuðust upp
minningar frá lokamóti síðasta árs er hann reyndi að
klessukeyra þáverandi keppinaut sinn um
heimsmeistaratitilinn, Jacques Villeneuve, og var refsað
harðlega. Slapp hann að þessu sinni og ók með glæsibrag til
sigurs. Bifreið Coulthards snerist á brautinni svo að hann
missti forystuna og féll niður um mörg sæti og átti aldrei
möguleika eftir það.
Þökk sé mikilli keppnishörku
Schumachers og ágætum
akstri félaga hans hjá Ferrari,
Eddi Ii-vine, sem varð þriðji, að
nú stefnir vart lengur í að mótið
verði einstefna af
Ágúst hálfu McLaren,
Ásgeirsson sem átti fyrstu
tvo bílana í mark í
fyrstu tveimur
mótum ársins og reyndar því síð-
asta í fyrra einnig.
Margir voru farnir að óttast að
engir kappakstursbílar myndu
standa McLaren-bílunum á sporði
fyrr en í fyrsta lagi einhvern tím-
ann í sumar, en nú er það allt
breytt. Og Schumacher bjóst tæp-
ast við því að bilið yrði brúað svo
hratt því hann sagði að kraftaverk
hefði verið gert á bílnum.
Ferrari-bíllinn hefur greinilega
tekið miklum framförum í vor,
með nýjum mótor og aukinheldur
hefur Good Year framleitt nýja og
betri hjólbarða og yfirburðir
Bridgestone-barðanna ekki eins
miklir.
Það sem réð þó líklega úrslitum
í Buenos Aires var aðferð sú sem
keppnisliðin lögðu upp með.
McLaren ákvað að velja einungis
eitt stopp til að taka bensín og
skipta um dekk en Ferrari hins
vegar tvö. Fyrir vikið voru silfur-
örvar McLaren svifaseinni á
brautinni sakir meiri tankhleðslu
og dekkin það slitin þegar Ferr-
ari-bílarnir gerðu hlé á akstri sín-
um, að Mika Hakkinen gat ekki
notfært sér það til að ná forskoti á
Schumacher. Sást það best á því
að Schumacher kom út úr seinna
stoppinu rétt fyrir framan nefíð á
Hakkinen.
Coulthard var hinn reiðasti eft-
ir keppnina og sakaði þýska öku-
þórinn um að brjóta gegn anda
aksturs- og keppnisreglna for-
múlu-1. Norbert Haug, íþrótta-
stjóri McLaren og gamall vinur
Scumachers, leiddi þá hins vegar
saman eftir keppnina í skrifstofu
McLaren þar sem þeir fóru yfír
málið og hreinsuðu andrúmsloftið
sín á milli.
Arekstur Coulthards og
Schumachers skyggði á flest ann-
að en samt sem áður var Argent-
ínukappaksturinn mjög tíðinda-
samur og spennandi. Þvert á allar
spár var mikið um framúrakstur f
þröngri brautinni og staðan
stöðugt að breytast, allt þar til á
síðustu hringjum, en þá féll rign-
ing og gerði ökuþórunum lífið
leitt. Tveimur hringjum frá marki
munaði minnstu að keppnin yrði
endaslepp fyrir Schumacher er
hann náði ekki beygjunni sakir
bleytunnar. Heppnin var með
honum. Ok hann yfir malargryfju
og fann undankomuleið og komst
aftur inn á brautina.
Yngri bróðir Schumachers,
Ralf, þykir ekki standa alltof vel
hjá Jordan-liðinu eftir að hafa
klúðrað þriðja kappakstrinum í
röð með ökumannsmistökum.
Einnig er ljóst, að Damon Hill,
heimsmeistari 1996, er ekki alltof
sæll hjá Jordan þessa dagana því
honum fínnst að liðið eigi talsvert
í land með að þróa bílinn svo hann
geti slegist um efstu sæti.
Staðan í formúlu-1 kappastrin-
um er nú sú að Hakkinen hefur 26
stig í heimsmeistarakeppni öku-
þóra, Schumacher 14, Coulthard
13 og Irvine 7, en heimsmeistar-
inn Villeneuve er í 7.-8. sæti með
tvö stig ásamt Frakkanum Jean
Alesi. í keppni bílsmiða hefur
McLaren 39 stig, Ferrari 20 og
Williams og Benetton 8 stig. Má
Williams muna fífil sinn fegri eftir
afgerandi yfirburði undanfarin ár.
Reuters
MICHAEL Schumacher fagnar óvæntum sigri í argentínska kappakstrinum. Þessi þýski ökuþór, sem
ekur fyrir Ferrari, sagði að kraftaverk hefði verið gert á bíl sínum. »,