Tíminn - 01.05.1872, Blaðsíða 8

40
Hinir fátækustu mega nú borga þriðjungi meira
í húsaleigu, enn áður enn stríðið byrjaði. — Verka-
launin eru stígin um þriðjung og jafnvel um helm-
ing, enda rísa byggingar þar af rústum með degi
bverjum að heita má.
— Á Englandi heflr fyrir skömmu síðan, að-
borið sú nýlunda, að drottningunni var sýnt til-
ræði, með óhlaðinni skammbyssu. Maður sá er
þetta gjörði var írskur, Arthur O’Connor að nafni
og 18 ára að aldri. Eptir próf er tekið var í
málinu, var hinn seki dæmdur til 20 hagga með
reyrpriki, og eins árs strangrar tukthúss vinnu.
— Af 10 dagblöðum, sem þjóðþingið í Ver-
sailles á Frakklandi, ljet höfða mál á móti í vetur,
fyrir meiðyrði til iiknarnefndarinnar, eru níu fyrir
nokkru fríkennd. Ilið tíunda bl., er síðast varfrí-
kennt, þótti að því leyti merkilegt, að kona rit-
stjórans hafði ritað greinina er málið reis út af,
og er það í fyrsta sinni á Frakklandi, að kona
liefir verið kærð fyrir blaðagrein.
— Hraðfrjett frá Rómaborg, segir: að páfinn
hafi enn að nýju, neitað stjórninni um að taka í
móti 3,225,000 Lirer í lifeyri. Nokkrir segja að
páfanum hafi verið ráðið til að flytja til Malta,
væri hann neyddur til að fara úr Rómaborg.
— Norðanvert í Norðurameríku, er sagt að
veturinn hafi verið með harðasta móti, svo snjór-
inn hafi orðið 10—11 álnir á þykkt. Fyrir hin
miklu og óvanalegu snjóþyngsli, er sagt að hús
haíi farið alveg í kaf. Frostið hafði orðið yfir 20
gr. á R. ? Menn, og ef til vill bestar, höfðu fros-
ið í hel. — Að því leyti sem sögur fara af, líð-
ur íEinari Bjarnasyni bærilega, þó er sagt að
honum hafi orðið töluverður hnekkir að því, að
hann hjó sig í hnjeð, og lá lengi í því, og er ef
til vill eigi albata enn.
— Hið nafnkunna skáld vort síra Matthías
Jochumsson, er hefir dvalið í Khöfn í vetur, hafði
fótbrotnað, og lá á Friðriks-hospítali þegar póst-
skipið fór.
— Með Norðanpósti Magnúsi Hallgrímssyni,
er kom hjer í gær til bæjarins, sem aukapóstur,
kom »Norðanf.» og nokkur brjef, er úrþeimhelzt
til tíðinda, eptir því sem skrifað er í brjefi úr
Eyjaf. 18. f. m.: «Hjer komu jarðskjálftar miklir í
nótt er leið, og hafa verið öðru hverju til kl. 11
í dag. Allt fólkið flúði úr baðstofunni, og pottar
hristust af hlóðunum, unz hlje varð á þeim. Kl.
3 í dag hófust þeir aptur; á Akureyri hrundi úr
skorsteinum. Fyrsti jarðskjálftinn var stærstur og
svo smærri og tíðari allt að 10 á 1’/a tíma, þá
varð 3 tíma hlje, og svo byrjuðu þeir aptur. —
Tíðarfarið er kalt, jarðbannir og gaddur, kring-
um Eyjafjörð utarlega; í Fnjóskadal, Bárðardal
og Kinn, enn norðar aptur snjólítið og betra. —
Kaupskip sluppu inn á ýmsar hafnir norðanlands,
áður enn að HAFÍSINN fór að reka að landinu,
liggur íshellan norðaustur frá Fjörðum, vestur
undir Strandir. —Hákarlaskip eru að leggja út,
til að vera til staðar, nær sem ísinn rekur frá. —
Ekki verður fiskivart á Eyjaf., enn töluvert kom
inn af sel, og hefir dálítið verið skotið afhonum.
— Bráðapestin hefir drepið ógrynni fjár í Norð-
nrlandi í vetur (um 400 í Hrafnag. hr.). — Heil-
brigði má heita hjer almenn. — Mikil er hreyf-
ingin á mönnum, með Vesturheimsfarirnar, munu nú
4 fara á stað bráðum úr Þingeyjars., varla fara
fleiri í sumar. — Á Gránu er þegar von; hún átti að
fara frá Höfnl.f. m. Ekkihefirnýi maturinn verið
settur upp á Akureyri, kaffi er 44s.,syk. 28, brv. 26s».
— Vöruverð. Um 13. apríl var meðalkaffi selt
í Höfn fyrir 31 sk. pd.; kandissykur fyrir 21 sk.,
rúgmjel lpd. 3 mörk og 12 sk., tunnan með fullri
þyngd 12 lpd. 7 rd. 48 sk., korn eptir því um 7
rd.; gott hveiti á 7 sk. pundið.
— Rípur í Hegranesi veittur 4. f. m. presta-
skólakand. Guttormi Vigfússyni. Auk hans sótti
síra Jón Reykjalín á þönglabakka.
Ábyrgðarmaður: Jónas Sveinsson.
Prentalíar í prentsmiíju íslands. Einar þdrbarson.