Árbók Hins íslenzka fornleifafélags - 01.01.1896, Blaðsíða 24

Um „G-oðatættur“ í Freysnesi
í Múlaþingi.
Hjer um bil á miðju Fljótsdalshjeraði ganga 2 smánes, svo
að segja hvort á móti öðru, út í Lagarfljót. Heitir hið syðra
Þórsnes, en hið nyrðra Freysnes, það er gagnvart Egilsstöðum;
er því ekki alllangt þaðan út að Einhleypingi, sem er hið efsta
vað á Fljótinu.
í safni til sögu íslands II bls. 460 getur próf. Sigurður
Gunnarsson á Hallormsstað í örnefnaskrá sinni þeirrar munn-
mælasögu, að goðunum úr goðahúsinu á Bessastöðum hafi, er
kristni var lögtekin hjer á landi, verið kastað í Lagarfljót, og
þeir Þór og Freyr rekið upp á nesjum þeim er síðan sjeu við
þá kend.
Að Þorvarði lækni Kerúlf hafi þessi saga verið kunn, má
sjá á árbókinni 1882 bls 38.
í nýjum fjelagsritum 13. ári bls. 150 getur Gísli Brynjólfsson
þess í ritgjörð sinni um goðorð að hann hafi heyrt að í Þórsnesi
sunnanvert við Lagarfljót væru allmiklar búðatóptir.
Sumarið 1890 kom fornfræðingur Sigurður Vigfússon í Þórs-
nes, en ekki getur hann þess að neinu íÁrbókinni 1893 í frásögu
sinni um ferð sína.
Þá er jeg kom hingað á Austurland var mjer sagt að rúst-
ir væru í Þórsnesi, en Sigurður mundi ekki hafa sinnt þeim, þar
eð Þórsnes væri hvergi nefnt í sögum. Það höfðu nú á seinni
árum verið haldnir mannfundir í Þórsnesi nokkrum sinnum, var
þá slegið þar upp stóru tjaldi, er báðar Múlasýslur áttu í fje-
lagi og kallað var »sýslutjald«. Nú er það orðið ónýtt og er
það skaði því illt er um fundarhús, en tjaldið einkar hentugt, var