Árbók Hins íslenzka fornleifafélags - 01.01.1996, Síða 26

30
ÁRBÓK FORNLEIFAFÉLAGSINS
en þó í tveim stöðum moldrunninn. Hálfan gafl hússins vantar og
endurbót á raftinn og þakið.71
Þar sem nyrðri veggur hússins er sagður nýuppbyggður en sá syðri
moldrunninn á tveim stöðum bendir það til þess að skemman hafi
stefnuna austur-vestur og jafnframt að hún standi ekki áföst öðrum
húsum, a.m.k. ekki á suðurveggnum. Húsið hefur einungis einn gafl
og snýr sá væntanlega fram á hlað. Aðrar úttektir hússins bæta ekki
miklu hér við nema hvað árið 1727 hefur það fengið nýja þekju. í út-
tektinni 1760 kemur fram önnur uppröðun á lýsingum húsanna en þar
er skemma talin á eftir kapítula með eftirfarandi hætti:
Skemma sunnan við klausturhúsin í 4 stafgólfum. Með tilhlýðilegum
yfir og undirviðum, þiljuð að framan, hurð á járnum, hespu og keng.
Húsið velstæðilegt og nýuppgjört.72
Nú má spyrja hvort þetta sé sarna skemma og áður var talin upp á eftir
klausturhúsinu eða hvort hér sé um nýtt hús að ræða á nýjum stað. Þessu
er erfitt að svara en þó er víst að þetta ár er húsið a.m.k. nýuppgert. Ekki
getur um skemmu þessa í úttektum eftir 1760 og mætti því hugsa sér að
hún hafi orðið eldi að bráð í brunanum 1772 og ekki verið endurbyggð.
Kapítuli á í 8. öld
Arið 1721 hljóðar úttekt hússins svo:
Capitolium (svo kallað) í fjórum litlum stafgólfum. Þiljað með reisifjöl
til rjáfurs og umhverfis að aursyllum. Þrír eru bitar í húsinu og 2
höggsperrur. Þær báðar grannar. Bekkur í tveimur hálfum stafgólfum.
Hurð á lömurn með hespu og keng, hring og járnlaufi. Húsið er að
veggjum og viðum af monsr. Sveini sæmilega uppbyggt.73
Uttektin 172474 er alveg samhljóða þessari og sú frá 172775 vísar í þá
frá 1724. Af lýsingunni er ljóst að þetta er fremur lítið hús, a.m.k. mun
rninna en klausturhúsið. Það virðist sem það sé eitt rými þar sem ekkert
er getið um innri afþiljun.
Næsta úttekt er frá 1760 og hljóðar hún svo:
Capitolium (áður kallað) er í þremur stafgólfum með tilhlýðilegum
yfir og undirviðum. Uppreftið af birki og greni. Bjórþil og standþil fram-
anundir, hurð á járnum með hespu og keng. Stæðilegt að viðum og
veggjum.76
Hér er greinilega um breytt hús að ræða frá því í fyrri úttektum þar
sem hér er einu stafgólfi færra og hér er minnst á timburgafl framanundir
(bjórþil og standþil) sem ekki var getið í eldri úttektum. Nýrra húsið ber
þess merki að vera ekki eins vandað og það eldra.