Fréttablaðið - 27.12.2001, Page 22

22
FRETTABLAÐIÐ
27. desember 2001 FIMMTUDAGUR
HRAÐSOÐIÐ
RACNAR HAUKSSON
Einn eigenda Fiskbúðar Hafliða
Skötulykt hluti
af jólastemmn-
ingunni
HVENÆR byrjið þið að
undirbúa
skötuveisluna?
Undirbúningurinn hjá okkur hefst í
janúar þegar við byrjum að safna
hráefni.
HVAÐ verkíð þið mikið af skötu í ár?
Við reiknum með að selja sjö þúsund
kíló fyrir Þorláksmessu. Þetta er allt
unnið í aðalstöð okkar á Granda. Við
seljum í veitingahús, verslanir og svo
í fiskbúð okkar hér við Hverfisgöt-
una.
HVERNIG er skatan verkuð?
Við setjum hana í kös, eins og sagt er.
Þá er skatan sett í fiskikar og kæst í
sirka tvo til þrjá mánuði. Passað er
vel upp á að það myndist hvergi pöll-
ar af vökvanum sem rennur af henni.
Ef það gerist er hætt við að vatnið
fúlni og skemmi skötuna. Síðan er
hún vöskuð upp og söltuð. Það sem er
hengt upp er tekið seinna og látið
hanga í hjalli í viku tíma.
svo eru þær mismunandi mikið kæstar?
Já, við verkum skötuna á þrjá vegu.
Það er kæst og söltuð skata, kæst og
þurrkuð og að síðustu seljum við
tindabykkju. Það sem er vinsælast af
þessu er kæst og söltuð skata. Það
höfðar til flestra en svo eru sumir
sem vilja þessar sterkari með vest-
firskum hnoðmör sem farinn er að
grænka svolítið.
CK skatan vinsælli núna en undanfarin ár?
Vin.sældir hennar eru alltaf að aukast
og yngra fólk sækir meira í þetta.
Það eru haldnar heilu fjölskylduveisl-
umar til að borða skötu. Veitingahús-
in eru einnig nánast öll með skötu-
veislu á þessum degi. Þetta er stór
hluti af undirbúningi jólanna hjá
mörgum.
FOLKI er ekkert illa við lyktina?
Nei, ég held að fólk sem er vant að
borða skötu finnist jólastemmning
fylgja skötulyktinni. Það sé hluti af
jólunum þó sumir séu viðkvæmir fyr-
ir þessu.
Ragnar Hauksson er einn eigenda Fiskbúðar
Hafliða, sem selur skötu til helstu veitingahúsa
höfuðborgasvæðisins, í verslanir og í buð sinni
við Hverfisgötuna.
Afganskir listmunir boðnir til sölu í Astralíu:
2000 ára gömul list úr
safni í
listasafn Fágætir listmunir frá
Afganistan voru nýlega boðnir til
sölu listasafni í Ástralíu. Lista-
safnið, sem kennt er við Nýja
Suður-Wales, er stærsta listasafn
landsins. Stjórnandi þess, Emund
Capon, sagði frá því að tveir
listaverkasalar hefðu boðið hon-
um að kaupa gamlan Búdda út-
skurð í Ganadhar stíl fyrir viku.
Gandahar var vinsæll útskurðar-
stíll í norðurhluta Indlands, í
Pakistan og Afganistan fyrir
röskum 2000 árum. Sagðist hann
hafa afþakkað boðið af ótta við að
Kabúl
gripunum hefði verið stolið úr
safni í Kabúl, höfuðborg
Afganistans. Þá bætti Capon við
að hefðu gripirnir komið til Vest-
urlanda með öðrum hætti hefði
listaheimurinn fyrir löngu vitað
af þeim. Skemmst er að minnast
þegar talibanar eyðilögðu tvær
búddastyttur í mars á þessu ári.
Frá því að stríð skall á í Afganist-
an er talið að ýmis glæpasamtök
og svartamarkaðsbraskarar hafi
reynt að hagnast á sölu á stolnum
forngripum úr listasöfnum lands-
ins. ■
Iain Duncan Smith:
Villekki
vidurnefni
BRETLANP Iain Duncan Smith, for-
maður breska ihaldsflokksins, hefur
sagt að hann vildi gjarnan að íhalds-
menn losnuðu við viðurnefnið
„Tory“. Honum þætti viðurnefnið
gamaldags og ólíklegt væri að það
höfðaði til ungra kjósenda. Talið er
að íhaldsamari félagar flokksins vilji
alls ekki sjá á bak viðurnefninu sem
er eldra en flokkurinn. Upphaflega
var það notað um írska glæpamenn
en síðar var það notað á niðrandi hátt
um fylgismenn krúnunnar. íhalds-
flokkurinn kom ekki til sögunnar
fyrr en 1832 en viðurnefnið hefur
loðað við liðsmenn hans síðan. ■
SYDNEY
Listasafn Nýja Suður Wales i Sydney fékk
boð um að kaupa gamlan Búdda útskurð.
FRÉTTIR AF FÓLKI
Framkvæmdastjóraskipti verða í
Kringlunni um áramótin. Örn V.
Kjartansson tekur þá við starfinu af
Einari I. Halldórssyni, sem hefur
verið ráðinn framkvæmdastjóri fé-
lagsins 101 Skuggahverfi hf. Örn
hefur síðastliðna sex mánuði unnið
með framkvæmdastjóra og stjórn
Kringlunnar að stefnumótun.
• •
Orn hefur setið í stjórn Kringl-
unnar frá 1998. Hann hefur síð-
ustu ár starfað hjá Þyrpingu hf.,
sem er stærsti eigandi húsnæðis í
Kringlunni. Þar áður starfaði Örn
hjá Hagkaupum, fyrst í innkaupa-
deild en síðan sem rekstrarstjóri og
loks sölustjóri. Hann sat í fram-
kvæmdastjórn Hagkaupa frá 1994
til 1998. Örn er markaðsfræðingur
að mennt.
Einar I. Halldórsson hefur starfað
sem framkvæmdastjóri Kringl-
unnar síðan í ársbyrjun 1988. Hann
hefur annast rekstur Kringlunnar
samfieytt síðan þá, utan þess að
hann stjórnaði endurbyggingu og
stækkun Kringlunnar 1996-98. Éinar
er lögfræðingur að mennt. Hann
starfaði sem lögfræðingur 'frygg-
ingar hf. um árabil og var bæjar-
stjóri í Hafnarfirði í 7 ár. Einar tek-
ur við framkvæmdastjórastarfi hjá
101 Skuggahverfi hf., sem er í eigu
Þyrpingar og Eimskips. Fyrirtækið
hyggur á byggingu 250 íbúða í fjöl-
býlishúsum við Skúlagötu.
Þau eru ýmisleg vandræðin sem
fylgja jólainnkaupum. Móðir
nokkur hafði samband við Frétta-
blaðið og var þreytt á því hversu
erfitt er að nálgast salerni við
verslanir bæjarins. Ilún benti á að
ekki virtist gert ráð fyrir því að
börnin væru tekin með í verslunar-
leiðangra í miðbænum, engin al-
menningsklósett væru á milli
Hlemms og Lækjatorgs. í Kringl-
unni væri bara um að ræða klósett
á annarri hæð og í Smáralindinni
hefðu þau ekki fundist. Fyrir for-
eldra með ung börn væri þetta hið
versta mál því þau væru ekki góð
að halda í sér.
Lífið yndislegt er,
án 4-'Runner
Krakkarnir í Nóaborg fengu hljómsveitina Rúnk í heimsókn á dög-
unum. Sveitin lék jólalög með sínu nefi og krakkarnir virtust kunna
vel að meta.
tónleikar „Þau eru alveg að
koma,“ segir aðstoðarleikstjórinn,
þar sem ég sit í fataklefanum á
leikskólanum Nóaborg í Stangar-
holti. „Þau voru að klára að spila í
Laufásborg," áréttar hún. Ég held
áfram að bíða.
Það er krakkalykt í loftinu, al-
veg sérstök lykt sem hreiðrar um
sig þar sem mikið er af börnum,
eins og á leikskólum og stúdenta-
görðum fyrir barnafólk. Hljóm-
sveitin Rúnk er að koma í heim-
sókn, nýbúin að gefa út geisladisk
með jólalögum og ætlar að spila
fyrir börnin í salnum. Ég fer að
skoða jólaskrautið sem er úti um
alla ganga. Áður en ég veit af er Rúnk spilar lög af disknum: Jólin eru...
Rúnk mætt á svæðið: Bobby, Jim-
my, Orlando, Pamela og Suawey,
eins og þau kalla sig.
Eruð þiðjólaband?
„Nei,“ segja þau samróma og
fara að segja mér frá tónlistarhátíð
í Namur í Belgíu þar sem þau spil-
uðu fyrir ekki margt löngu síðan.
„Við erum samt mikil jólabörn í
okkur,“ segir Pamela, eina konan í
hópnum, og sú jólalegasta af þeim
- fyrir utan tvo fúlskeggjaða spil-
ara og einn með aðeins minni grön.
Orlando fer að segja mér frá
vinnunni við diskinn. „Við kláruð-
um að vinna hann á föstudegi og
brenndum hann á laugardegi,"
segir hann kæruleysislega.
Bobby og Jimmy vinna á leik-
skólunum Nóaborg og Laufásborg.
Þeir segja að legið hafi beinast við
að spila á þessum stöðum en reik-
na ekki með að spila á tónleikum á
fleiri leikskólum bæjarins.
Viljið þið segja eitthvað um tón-
listina ykkar?
„Til að eignast trú þarftu bara
BRÉFBERINN
Ég átt' engan aur,
og enga vinnu að fá
um jólin.
Þá kom að mér gaur
og bauð mér að bera út bréf
um jólin.
Hús úr húsi ég fór
og syngjandi bar út mfn bréf
um jólin.
Úti var jólasnjór
og snjókallar á hverri lóð
um jólin.
Þá hitti ég jólakór
og söng með þeim eitt jólalag
um jólin:
Lífið yndislegt er.
Þú þarft ekki að eiga 4-'Runner.
Til að eignast trú
þarftu bara að vera þú.
-Söngröddin í laginu á að vera
spegilmynd samfélagsins, fölsk
og ekki alveg nógu djúp,-
ÖÐRUVÍSI JÓLALÖG
Lög sveitarinnar eru með öðru sniði en
gengur og gerist og textarnir líka.
að vera þú,“ segir einn úr hópnum
og vísar í lagið Bréfberann.
Þegar bandið byrjar að spila
fylgjast börnin með af áhuga.
Spilamennskan er merkilega þétt
og ekkert kæruleysi þar á bæ. Éin-
hver fer að gráta þegar Orlando
lemur á snerilinn, en annars eru
börnin stillt og hljóð. Kassagítar,
harmónika, sílafónar og lítið
hljómborð eru þarna og allir með-
limir leggja sitt af mörkum í
söngnum.
kristjangeir@frettabladid.is
Fræðslufundur um það nýjasta í hönnun skipavéla
verður haldinn á Hótel Sögu, í Skála,
28. desember 2001
Vélstjórafélag íslands og Vélar og skip ehf halda fræðslufund þar sem sérfræðingar frá
WártsiláAVichmann vélaverksmiðjunum í Noregi munu halda fyrirlestra um það helsta sem er
að gerast varðandi þróun á skiþavélum.
Fjallað verður m.a. um olíueyðslu, ástandsgreiningu vélhluta og val á varahlutum, nýjungar í
brennsluolíukerfum s.s. Comon Rail og skrúfustjórnun, minnkun koltvísýrings (C02 ) í afgasi
(Low Nox), bakteríur í eldsneyti, eldhringi, stimpilhringi og almennt um framtíð í vélahönnun.
Fyrirlesarar: Júhann Pellas og Jörgen Holm, sérfræðingar í Wártsilá vélum og
Odd Robberstad, sérfræðingur í Wichmann vélum
Dagskráin byrjar kl. 09:00 og lýkur kl. 17:00
Milli kl 12:00 og 14:00 verður sameiginlegur
félagsfundur með vélstjórum á kaup- og fiskiskipum. VÉI StlÓRAFÉt.AG