Lögberg - 14.02.1935, Blaðsíða 1
48. ARGANGUR jj WINNIPEXi, MAN., FIMíTUDAGINN 14. FEBRÚAR 1935 J NÚMER 7
Merkur Islendingur látinn
’
I 1 ;
MAGNUS PETERSON, skrifstofustjóri Winnipegborgar.
SíÖastli'fiinn mánudag lézt í borginni Los Angeles í Cali-
forníu ríki, Mr. Magnus Peterson, skrifari Winnipegborgar,
eftir langvarandi heilsubilun, þó áhugi hans og skyldurækni
héldu honum við starf fram til tiltölulega skamms tíma, er
hann, samkvæmt áeggjan bæjarstjórnar, tók sér hvíld, ef vera
mætti að honum auðnaðist að ná aftur heilsu sinni.
Magnus Peterson var fæddur í Wlinnipeg þann II. dag
júlimánaðar árið 1883. Voru foreldrar hans þau Pétur Magn-
ússrríi og kona hans,' ættuð af ísafiröi, er þá voru svo að segja
nýkomin að heiman. Móður sína misti Magnús er hann var
barn að aldri, en ólst upp hjá föður.sínum og stjúpu, ^ar til
faðir hans Iézt 1894. Frá ellefu ára aldri spilaði Magnús jafn-
an upp á eigin- spýtur og komst snemma til mannvirðinga. Hann
átti ungur þvi láni að fagna, að komast í kynni við ágætan mann,
þáverandi borgarskrifara, Mr. Brown, er tók við hann miklu ást-
fdstri og kom honum að sem vikadreng á skrifstofu sinni.
Upp frá því hækkaði þessi hógværi, dagfarsgóði maður jafnt
og þétt í mannvirðingarstiganum, unz þar kom, að við lát Mr.
' Browns 1926, var honum veitt borgarskrifara-sýslan; þótti
hann sjálfkjörinn í þá stöðu, sakir frábærrar árvekni og sam-
vizkusemi í því öllu, er að skrifstofustjórn bæjarmála laut.
Aðstaðan í lifinu haþaði því þannig til, að Magnus gat
ekki tekið mikinn almennan þátt í félagsmálum fslendinga. En
hann var íslendingur í hjartanu eigi að siður.
Magnus Peterson var drengilegur maður í fasi og sór sig
mjög í ætt við hinn norræna stofn; út frá honum stafaði hrein.
skilni drenglundaðs manns. Það er holt hverju þjóðfélagi, að
eiga slíka menn sem Magnus Peterson var, og taka þá sér til
fyrirmyndar.
Magnus Peterson lætur eftir sig konu og fimm börn. Hinn
látni skrifstofustjóri hafði mikið yndi af íþróttum, einkum
“curling,” og rétt áður en hann dó var hann gerður að heiðurs-
félaga í Manitoba Curling Association.
VOLDUGT LOFTFAR
SEKKTJR
Þann 12. þessa mánaðar sökk,
skamt undan ströndum Californíu,
amerískt loftfar, g^ysistórt, úr 2,500
feta hæð. Áttatíu og þrír menn voru
á þessum mikla loftdreka og björg-
uðust þeir allir að undanteknum
tveimur. Loftdreki þessi var met-
inn á f jórar miljónir dala.
dregur sig sennilega
IHLÉ
Samkvæmt símfregnum frá Ot-
tawa þann 12. þ. m., mun mega telja
nokkurn veginn víst, að Mr. J. H.
Stitt, núverandi þingmaður Selkirk
kjördæmis, dragi sig út úr stjórn-
málunum og leiti ekki endurkosn-
ingar til Sambandsþings. Er þetta
bygt á því að í ræðu, sem Mr. Stitt
flutti í þinginu síðastliðið mánu-
dagskveld, komst hann meðal ann-
ars þannig að orði: “Þetta getur
orðið síðasta ræðan, sem eg flyt á
Hngi.” Fullyrt er að Mr. Stitt hafi
þegar fengið loforð fyrir fastri
stöðu í þjónustu Sambandsstjórnar.
hatollastefnan
FORDÆMD
I tanríkisráðgjafi Bandaríkj anna,
Cordell Hull, hefir nýverið komið
fram með þá uppástungu, að kvatt
verði til alþjóða fjárhagsfundar í
Washimgton á næstunni, með það
fyrir augum, að reyna að ryðja úr
vegi að einhverju leyti þeim höml-
um, er standi alþjóða viðskiftum
um þessar mundir einna tilfinnan-
legast fyrir þrifum; vék hann í
þessu sambandi all-óvægilega að
tollmúrum hinna ýmsu þjóða, bæði
sinnar og annara, er yrði þegar öllu
væri á botninn hvolft öllum aðilj-
um til ógagns og ætti rót sína að
rekja til þjóðernislegs þröngsýnis.
FRJÁLSLYNDIR KJÓSEND-
UR IIALDA FUND
Á miðvikudagskveldið þann 7. þ.
m., héldu fylgismenn frjálslynda
flokksins í Norður-Winnipeg fjöl-
sóttan fund i Harrison Hall. Meðal
þeirra, sem fluttu ræður, voru J. T.
ThorSon, K.C., þingmannsefni
frjálslynda flokksins í Selkirk kjör-
dæminu, og Mrs. W. J, Lindal.
f ræðu sinni komst Mr. Thorsön
meðal annars þannig að orði:
“Það, sem konunglega rannsókn-
arnefndin í Ottawa hefir dregið
fram í dagsljósið, ber núverandi
tollverndarkerfi þjóðarinnar ófagr-
an vitnisburð.
ÞINGSETNING
Síðastliðinn þriðjudag var fylk-
isþingið í Manitoba sett með veg-
legri viðhöfn af hinum nýja fylkis-
stjóra, Hon. W. J. Tupper, að við-
stöddu miklu f jölmenni. Löggjafar
nýmæli þau, sem vikið er að í
stjórnarboðskapnum, eru sjö tals-
ins.
1. Stjórnarheimild urn að setja á
laggir nauðsynlega framkvæmdar-
nefnd með með framræslu, í því
falli að hinu fyrirhugaða framræslu
stórvirki Winnipegborgar verði
hrundið í framkvæmd, og samræma
það við önnur slík fyrirtæki í fylk-
inu.
2. Breyting á lögum um þjóðvegi,
ípeð það fyrir augum að útiloka
bilaárekstur og slys að svo miklu
leyti, sem framast má verða.
3. Heimild til laga, ef Jmrfa þyk-
ir, í sambandi við hina fyrirhuguðu
löggjöf sambandsþings um atvinnu-
leysisstyrk, ellistyrk og ákvæðis-
bundinn vinnutíma, í því falli að sú
löggjöf nái fram að ganga.
4. Framhaldsstarf við endurskoð.
un og samræming fylkislaga, þann-
ig, að innifalin verði lög um fram-
leiðslu mjólkur, lög um barnavernd
og lög um lögsóknara krúnunnar.
5. Frumvarp til laga um breyting
á launalögum (Fair Wage Act),
sveitarst j ójnarlögum, ábyrgðarlög-
um, skólalögum og lögum um vernd
almennings gegn ófyrirleitni 'og
brögðum tryggingum viðvíkjandi.
6. Breyting á skuldheimtu og
skuldajöfnunar löggjöf fylkisins.
7. Frumvarp til laga til þess að
koma á fullum jöfnuði í framræslu-
umdæmum fylkisins.
TEKST A IIENDUR NÝJA
ÁBYRGÐARSTÖÐU
Mr. Oliver G. Björnson.
Mr. Oliver G. Björnson, sá, er í
síðastliðin tuttugu og þrjú ár, hefir
gegnt vándasamri trúnaðarstöðu á
skrifstofu Royal Bank of Canada
hér i borginni, hefir nýlega sagt
sýslan sinni þar lausri, en tekist í
þess stað á hendur skrifstofustjóra
starf í Winnipeg hjá Nesbitt-Thom.
son fésýslufél. víðkunna, er skrif-
stofur hefir i flestum megin borg-
um þessa lands og gefur sig einkum
og sér í lagi að kaupum og sölum
veðbréfa, sem og sölu hlutabréfa í
hinum ýmsu fyrirtækjum. Nýtur
félag þetta í hvívetna álits og
trausts.
Þessi fregn er hinum mörgu vin-
nm Mr. Björnsons óblandið fagn-
aðarefni; hann er dengur hinn bezti,
og ábyggilegur í öllum efnum, og
hefir tekið rnikinn og góðan þátt í
íslenzkum mannfélagsmálum.
KIRKJAN C^)
FYRSTA LOTEJRSKA KIRKJA
Sunnudaginn 17. febrúar.
1. Hádegismessa, ensk, kl. 11.—Ræðuefni:
Lessons f rom the Life of an Immigrant
Boy (Suggested iby tlie 65th annivers-
ary ef the birth of the late Hon.
Thomas H. Johnson).
2. Kvöldmessa, íslenzk, kl. 7.—Séra Jóhann
Friðriksson verður staddur í borginni
og prédikar við guðsþjónustuna þetta
kvöld.
Frá Islandi
Húsið við þjóðveginn
(Þýtt úr enksu)
/
Það sumum er ljúft að lifa sér
—það líf er þeim sjálfsnægð ein—
sem stjarna vilja’ aðrir skína skær,
þars skín ekki önnur nein.
Um firnindi sumir brjóta braut,
þar brautir voru’ engar fyr.
• En eg vil hjá veginum byggja bæ
og bjóða þar opnar dyr.
Frá Iiúsinu vil eg horfa’ á fólk,
sem hrekst yfir lífsins veg;
eg veit það er bæði vont og gott
—já, vont og gott, eins og eg.—
Bn eg skal ei lirópa hæðnisorð,
sem hann, er með dómsrödd spyr. •
Nei, eg \dl hjá brautinni byggja hús
og bjóða þar opnar dyr.
Frá húsinu mínu veginn við
—sá vegur er lífsins braut—
eg keppa sé fólk með fjör og von—
og fólk, sem af þreytu laut.
Eg skil þeirra beggja bros og tár
—um breytni eg engan spyr.—
En eg vil 'hjá 'brautinni byggja hús
og bjóða þar opnar dyr.
Eg skil það að framtíð skapar lönd,
þar skiftist á grýtt og frjótt.;
og draumsjónir töfra livert dauðlegt barn
um dagleið — þá tekur við nótt.—
Eg gleðst ef eg ferðamann glaðan lít,
eg græt yfir þrautum hans.
Eg bý ekki einmana veginn við:
á vinfylgju sérhvers manns.
Frá húsinu vil eg horfa á fólk,
sem lirekst yfir lífsins veg,
er viturt og 'heimskt, er vont og gott,
er veiklað og hraust—'eins og eg.
> Því hrópa eg aldrei hæðnisorð
og hvergi um sakir spyr.
en eg vil hjá brautinni byggja hús
og bjóða þar opnar dyr.
Sig. Júl. Jóliannesson.
Giftingaraldurinn. Á - árurmm
1926—30' hefir meðalaldur brúð-
guma við giftingu verið 30.0 ár og
brúða 26.4 ár hér á landi.
Dánardaegur. Nýlátinn er Þórður
Þórðarson bóndi að Fossi i Vopna-
firði, á sjötugsaldri. — 1. þ. m. lézt
Stefán Stefánsson bóndi og útgerð-
armaður, Miðgörðum í Grenivík á
sjúkrahúsi á Akureyfi, að loknum
uppskurði.
Sigurður Sigurðsson hefir sagt
búnaðarmálastjórastarfinu lausu frá
áramótum. Seinasta Alþingi sam-
þykti að veita honum 4,500 kr. eftir-
laun, ef hann léti af störfum.
Flcirburafœðingar. Árin 1926—
30 voru hér á landi 215 tvíburafæð-
ingar og 1 þríburafæðing. Næstu
fimm árin á undan (1921—25) voru
tvíburafæðingarnar 181 og þríbura-
fæðingarnar 4.
Tíminn 7. janúar.
f
Gjaldeyris og innflutningsnefnd,
samkv. hinum nýju lögum, var skip-
uð af fjármálaráðherra n.’þ. m.
Skúli Guðmundsson kaupfélags-
stjóri er formaður og framkvæmda-
stjóri nefndarinnar, en auk hans eru
útnefndir af ráðherra Kjartan Ól-
afsson bæjarfulltrúi í Hafnarfirði
og Björn Ólafsson stórkaupmaður.
Landsbankinn hefir tilnefnt L.
Kaaber bankastjóra og Útvegsbank-
inn Jón Baldvinsson bankastjóra,—*-
Reglugerð smakv. hinum nýju lög-
um hefir einnig verið gefin út af
f j ár málaráðherra.
Iþróttafélag Reykjavikur hefir
ráðist í þa§ að gefa út bók til leið-
beiningar í úti-íþróttum, og er hún
þegar komin á bókamarkaðinn.
Bókin er þýðing á bók eftir tvo
þekta íþróttamenn—þjálfara—Carl
Silverstrand og Moritz Rasmusen,
og hefir um nokkur undanfarin ár
verið mjög mikið notuð sem kenslu-
bók í úti-íþróttum, bæði af íþrótta-
félögum, skólum og einstaklingum
um öll Norðurlönd. Auk þess hefir
hún verið þýdd á þýzku og ensku,
og er í ráði að gefa hana út að nýju
á ensku. Má, sem dæmi um það,
hversu mikils álits hún nýtur, nefna,
að i síðasta blaði (des.) af Super-
man, sem er málgagn brezka íþrótta-
sambandsins (A.A.A.) er bent á bók
þessa sérstaklega, um leið og stjórn
íþróttasambandsins hvetur alla í-
þróttamenn til þess að æfa sig af
kappi undir næsta ár og næstu
Olympiuleiki 1936. I bókinni er
nákvæmlega lýst beztu þjálfunar-
aðferðum í hlaupum, stökkum og
köstum og fylgja um 120 myndir til
skýringar, svo að öllum verður mjög
létt að sjá, hvað varast ber og að
hverju beri að keppa. — Verð bók-
arinnar, sem er 232 bls. að stærð,
innbundin í sterkt og gott band, er
aðeins kr. 4.50.
Ársrit hins ísl. garðyrkjufélags
1934, er nýlega komið út. Flytur
það m. a. greiú um trjárækt eftir
Einar Helgason garðyrkjustjóra og
grein um garðrækt og áburð eftir
Árna G. Eylands ráðunaut.
Úrkoman í nóvembermánuði s.l.
var í meira lagi, eða 29% umfram
meðallag á öllu landinu. Mest
mánaðarúrkoma 367.1 mm., mældist
í Vík í Mýrdal og þar mældist líka
mest sólarhringsúrkoma 13. dag
mánaðarins, eða 79.0 mm. t
Sólskin í nóvember. 1 Reykjavík
var sólskin í 22.5 klst. eða 13.2%
af þeim tíma, sem sól er á lofti.
Meðaltal 11 undanfarinna ára er
32.6 klst. A Akureyri var sólskin-
ið 9.2 klst. eða 5.1% af þeim tíma,
sem sól er á lofti.
Kaupfélag er nýstofnað á Eski-
firði i stað hins sem var þar fyrir
en hætt er störfum. Stofnendur eru
21. — Nýja kaupfélagið hefir keypt
verzlunarhús og vörubirgðir M.
Jensens, aðalkaupmannsins á staðn-
um og ráðið Jensen framkvæmda-
stjóra. Stjórn félagsins skipa: Hall-
dór Jónsson bóndi að Innstekk,
Gunnar Grímsson, bankar. og sr.
Stefán Björnsson.
Úr Loðmundarfirði. í bréfi dags.
27. des. s. 1. úr Loðmundarfirði seg-
ir m. a. sem dæmi um veðurblíðuna
þ^f: “í blómagarðinum lifna bel-
lisar, kongaljós, gullfíflar og sól-
eyjar. Ein sóley hefir sprungið út
Jiar og önnur í túninu.”
N. dagbl. 23. jan.
Frá Laugavatni. Á Laugavatni
hefir tjald verið notað til gufubaða
þangað til í haust, að reistur var
timburskúr yfir hverinn og hefir
það reynst til mikilla bóta. Hafa
nemendur að jafnaði i vetur fengið
sér gufubað eftir leikfimisæfingar.
Líkar þeim það svo vel, að þeir
myndu fyrir enga muni vilja missa
af þeim þægindum. Má geta þess í
sambandi við þetta, að Ásgeir Ás-
geirsson fræðslumálastjóri fékk þvi
komið til leiðar á seinasta þingi, að
nokkur f járhæð var veitt á þessa árs
fjárlög til að koma upp gufubað-
stofu í finnskum stil við alþýðuskól-
ann á Núpi. Bendir reynslan af
gufubaðinu á Laugarvatni til þess,
að góðs árangurs megi vænta af
þeirri framkvæmd.
N. dagbl. 23. jan.
Embœttisstörf presta 1934. Sam-
kvæmt nýkomnu Kirkjuriti voru
|haldnar um 4 þús. messur hér á landi
| á síðastliðnu ári, eða að meðaTtali
tæpl. 40 á hvernr prest. Fermd
hafa verið 1800 — 1900 ungmenni,
skírð meira en hálft þriðja þúsund
börn, gift um 600 pör og jarðsungn-
ir um 1200 manns. — N. dagbl.
MEISNER FUNDINN
SEKUR
Maður sá, er tekinn var fastur
snemma í vetur, Meisner að nafni,
og sakaður um ránið á ölkónginum
í Torontoborg, John Labatt, hefir
verið fundinn sekur og dæmdur í
fimtán ára fangelsi. Réttarhaldið
stóð ekki yfir nema örstuttan tíma.