Kirkjublaðið - 02.09.1892, Síða 11

171
var hrundið i það horf, að kirkjufjelagið verður að öllura
líkindum löggilt á þessu ári1.
Kvöldmáltíðarsakramentið.
(Tekið úr »Sameiningunni<s VII. 3.)
Hið islenzka kirkjufólk vort hefir almennt djúpa lotn-
ing fyrir heilagleik kvöldmáltíðarinnar. Margir bera það
fyrir, að þeir finni sig ekki rjett undir það búna að ganga
til Drottins borðs; þess vegna vilja þeir ekki gjöra það.
En því meir, sem vjer finnum til synda vorra og óverð-
ugleika, því hæfari altarisgestir erum vjer. Hið eina, sem
gjört getur kristinn mann óhæfan altarisgest, er það, ef
hann hefir ekki snúið sjer til Guðs ogbeðið hann umlíkn
og fyrirgefning, eða ef hann finnur einhverja þá synd í
fari sínu, sem hann vill ekki leggja niður. Enginn, sem
svo er ástatt fyrir, ætti að hugsa til að ganga fram fyrir
Drottin og neyta heilagrar kvöldmáltíðar fyr en hann fyrir
syndajátning og bæn til Guðs hefir komizt í sátt við hann.
Meðan hann gjörir það ekki, er hann stöðugt að færast
lengra og lengra frá Guði, og eptir því sem lengur líður
verður honum apturhvarfið örðugra. Tilfinningin fyrir því
að vera óverðugur altarisgestur á því að reka hvern krist-
inn mann til þess með aðstoð Guðs heilaga anda, að undir-
búa hjarta sitt þannig, að hann finni hjá sjer þörf og hvöt
til að neyta hinnar helgu kvöldmáltíðar. Hvort einstakl-
ingnum er fullkomin alvara með sinn kristindóm, sjest
einmitt á því, hvort hann einnig í þessu atriði vill hlýða
frelsara sínum. Hið síðasta sem hann gjörði: — innsetn-
ing heilagrar kvöldmáltíðar. Síðasta bænin til lærisvein-
anna:— »Gjörið þetta í mína minning«. AUir viljum vjer
uppfylla hina síðustu bæn ástvina voira. Vjer álítum það
heilaga skyldu vora. Skyldum vjer þá ekki vilja uppfylla
hans síðustu bæn? Og hver var tilgangur hans með þessa
heilögu athöfn? Sá, að mynda það einingarinnar band milli
sín og lærisveina sinna, er sterkara væri en öll önnur
1) Löggildingin er til að tryggja eignir kirkjufjelagsins og safn-
aðanna; 3 fjárhaldsmenn eiga aí> hafa á hendi framkvæmdina i fjár-
málum.—Itarleg fundarskýrsla er í »Lögbergi«.