Lögberg-Heimskringla - 06.10.1960, Blaðsíða 1

Högberg - ^eimstmngla
Slofnað 14. jan., 1888
Stofnuð 9. sept.. 1886
74. ÁRGANGUR
WINNIPEG, FIMMTUDAGINN 6. OKTÓBER 1960
NÚMER 38
Söngför Karlakórs Reykjavíkur til Islendingabyggða í Manitoba
í'ERÐAÁÆTLUN Karlakórs
Reykjavíkur um meginland
Norður-Ameríku hefir þegar
verið birt hér í blaðinu. Af
þessari ferðaáætlun má það
Ijóst vera, að söngmenn vorir
hafa stranga útivist þessu
sinni, því að lítill tími gefst
þeim til að hvíla lúin bein
nema þá helzt á ferðum sínum
milli þeirra staða, þar sem
söngskemmtanir hafa þegar
verið auglýstar.
Það er íslendingum í Mani-
toba mikið gleðiefni að skipu-
leggjendur téðrar söngfarar
sáu sér fært að efna til þriggja
söngskemmtana hér í miðjum
íslendingabyggðum, þ. e. a. s.
í Winnipeg og í Árborg. Karla-
kór Reykjavíkur hefir einu
sinni áður komið á þessar
slóðir, og kynnti sig þá með
slíkum hætti, að marga mun
nú fýsa að hlýða á söng hans
öðru sinni. Er þess að vænta,
að íslendingar láti sitt ekki
eftir liggja að sækja söng-
skemmtanirnar, því að vissu-
lega verður hér á boðstólum
eitt af því bezta, sem íslenzk
sönglist getur í té látið.
Kórmenn hafa þegar gert
víðreist í þremur heimsálfum,
og má segja, að dómar og við-
tökur hafi alls staðar á einn
veg verið, en menn hafa hvar-
vettna keppzt við að lofa
þennan söng, sem á upphaf
sitt norður við íshaf, en vinn-
ur þó hljómgrunn suður við
Miðjarðarhaf og miklu víðar
á breiddargráðum suðursins.
Þjóðræknisfélagi Islendinga
í Vesturheimi er það ánægja
að geta efnt til boðs hér í
Winnipeg fyrir K a r 1 a k ó r
Reykjavíkur, og vill félagið
með þessu heiðra kórinn og
sýna honum virðingarvott.
Félagið hefir ákveðið að bjóða
til þátttöku í þessu hófi öllum
þeim Islendingum, sem hug
hafa á, en víst er, að margir
munu til þátttökunnar fúsir,
og viljum vér hér með skora
á fólk að láta ekkert aftra sér
í þessum efnum. í þessu sam-
bandi viljum vér vísa til aug-
lýsingar, sem nú birtist í blað-
inu og biðja menn að kynna
sér þessa auglýsingu nákvæm-
lega. Það er ósk vor og von,
að framkvæmd áðurgreinds
hófs megi takast sem bezt og
ná tilætluðum árangri, en til
að slíkur árangur megi nást,
er nauðsynlegt, að sem flestir
leggi hönd á plóginn. Lögberg-
Heimskringla mun halda
þessu máli vakandi í næstu
vikublöðum sínum.
F. h. móttökunefndar,
Haraldur Bessason
Kjörinn ævifélagi
Slysavarnarfélags
Stjórn Slysavarnarfélags Is-
lands hefir kjörið Dr. Richard
Beck ævifélaga þess félags í
þakkar skyni fyrir áhuga
hans á málum þess og sér-
staklega fyrir störf hans í
þágu félagsins á ferðum hans
á Austurlandi nú í sumar, en
um það fór dagblaðið „Tím-
inn“ þessum orðum í frétta-
grein „Beck og björgunar-
sjóður“ (4. sept.):
„Á vegum Björgunarskútu-
ráðs Austurlands flutti hann
fyrirlestra á samkomum til
agóða fyrir Björgunarskútu-
sjóðinn víðs vegar á Aust-
fjörðum. Voru samkomur
þessar yfirleitt vel sóttar,
ekki sízt þegar þess er gætt,
hve mikið annríki var hjá
fólki og tími stuttur til undir-
búnings.
Var ræðumanni alls staðar
vel fagnað, en jafnframt því
sem hann lagði áherzlu á
nauðsyn björgunarskútu fyr-
ir AustuHand og hvatti til
stuðnings við það velferðar-
rnál, flutti hann kveðjur frá
V.-íslendingum, lýsti braut-
íslands
ryðjendabaráttu þeirra og af-
rekum á mörgum sviðum og
sagði frá þjóðræknislegri við-
leitni og félagslegri starfsemi
þeirra."
Bæta má því við, að Dr.
Beck var á yngri árum sínum
sjómaður og formaður á Aust-
fjörðum frá vori til hausts um
margra ára ^keið.
Fulltrúar íslands
á þing S.Þ.
Fulltrúar Islands á Alls-
herjarþingi Sameinuðu þjóð-
anna, sem fara héðan að heim-
an, héldu vestur um haf með
Snorra Sturlusyni kl. eitt í
nótt. Eru það þeir Sigurður
Bjarnason, Stefán Pétursson
og Þórarinn Þórarinsson. Var
gert ráð fyrir að þeir yrðu
kðmnir til New York kl. 7 í
morgun og gætu verið við
setningu reglulegs þings sam-
takanna, sem á að fara fram
kl. 10 árdegis í dag (staðar-
tími).
Mbl., 20. sept.
i
Heiðurssamsæti
Kvöldið 24. júní s. 1. verður
lengi minnisstætt starfsfólki
A. S. Bardal útfararstofunnar
í Winnipeg. En það kvöld var
samsæti haldið til heiðurs frá-
farandi forseta fyrirtækisins,
herra Páli Bardal, í tilefni af
langri þjónustu hans í þágu
félagsins, bæði á myndunar-
tímabili þess og sem stjórn-
anda þess á síðari árum.
Fyrirtæki þetta var stofnað
árið 1894 og fékk strax orð á
sig fyrir lipurð og hugsunar-
semi við fólk á viðkvæmum
alvörustundum. Þessi orðstír
fór enn vaxandi eftir að Páll
tók við forstjórn. En hann var
gerður aðstoðar-forstjóri árið
1917, forstjóri árið 1929, og
forseti og framkvæmdastjóri
árið 1952, og hélt hann því
embætti fram á vor 1960, er
hann lét af störfum.
Auk starfsemi sinnar í þágu
útfararstofunnar, hefir Páll
tekið drjúgan þátt í félagslífi
Winnipegborgar, Manitoba-
fylkis, og í almennum sam-
tökum útfararstjóra 1 Kanada.
Hann var um langt árabil
söngstjóri Fyrstu lútersku
kirkju, og meðlimur Karla-
Paul Bardal
kórs Winnipegborgar. Á ár-
dögum útvarpsins mátti oft
heyra volduga og hreimfagra
baritón-rödd hans frá CKY
stöðinni í Winnipeg. Hann var
bæjarráðsmaður í Winnipeg
um tíu ára bil og sem settur
borgarstjóri var hann fulltrúi
Winnipegborgar við heimsókn
Bretakonungs árið 1939. Hann
var einnig umdæmisþingmað-
ur í Winnipeg um átta ára
bil og þjónaði kjördæmi sínu
með prýði og sóma. Hann
heldur 25 ára meðlimsskír-
teini í Kiwanis-klúbbnum, og
ei það óvenjulegur heiður.
Hann hefir verið forseti Út-
farrastjórafélagsins í Mani-
toba, og enn fremur var hann
einn af stofnendum og fyrsti
formaður Kanada Sambands
Útfararstjóra. Trúmennska,
drengskapur og mjög virðu-
leg framkoma hafa markað
allan starfsferil hans, áunnið
og vinsældir og traust góðra
manna.
I veizlulok flutti Njáll O.
Bardal, frændi heiðursgests-
ins tilhlýðilegt ávarp og af-
henti Páli vandaða hreyfi-
myndavél og sýningarvél á-
samt tjaldi, filmum og öðru
tilheyrandi, óskaði heiðurs-
gesti langra lífdaga og þess,
að hann fengi næði til að gefa
sig nú að hjástundavinnunni
með gleði og góðum árangri.
Að síðustu þakkaði Mr. Bar-
dal fyrir auðsýndan heiður,
gjafirnar og alla góðvild og
hollustu, sem hann hefði not-
ið hjá starfsfólki fyrirtækis-
ins um margra ára bil. Kunn-
ingjar og vinir víðs vegar
árna Mr. Bardal allra heilla.
(Lauslega þýtt úr CANA-
DIAN FUNERAL SERVICE,
september 1960.)