Lögberg-Heimskringla - 06.10.1960, Blaðsíða 8

8
LÖGBERG-HEIMSKRINGLA, FIMMTUDAGINN 6. OKTÓBER 1960
0$, borg og byggð
Ungfrú Lóa Erlendsdóttir,
bókavörður við íslenzka bóka-
safnið í Manitobaháskóla, fór
flugleiðis til New York síðast-
liðinn föstudag, þar sem hún
mun dvelja í tvær vikur. Hún
kemur þar til móts við systur
sína, sem er þar stödd um
þessar. mundir í boði Upp-
lýsingaþjónustu Bandaríkja-
stjórnar.
☆
Sunnudaginn 25. september
var lagður hornsteinn St.
Stephens kirkju í St. James,
sem nú er í smíðum. Athöfnin
fór fram eftir morgunmessu
safnaðarins í KFUM húsinu í
St. James að viðstöddum um
200 manns. Prestur safnaðar-
ins, séra Eric H. Sigmar, stýrði
athöfninni. Dr. Valdimar J.
Eylands tók einnig þátt í þess-
ari athöfn. Gert er ráð fyrir,
að kirkjan verði fullsmíðuð og
tekin í notkun í desember-
byrjun næstkomandi.
☆ |
Dr. og Mrs. P. H. T. Thor-
lakson fóru flugleiðis til New
Orleans á þriðjudaginn, en
þangað var Dr. Thorlakson
boðinn til að flytja fyrirlest-
ur á ársþingi American Asso-
ciation of Medical Clinics.
Þau hjónin koma heim að viku
liðinni.
Hátíðleg guðsþjónusta var
haldin í Selkirk s. 1. sunnu-
dagskvöld kl. 7, þar sem séra
Wallace Martin Bergman var
formlega settur inn í embætti
sem prestur lúterska safnað-
arins í Selkirk af séra Eric H.
Sigmar, forseta Kirkjufélags-
ins. Aðrir prestar, sem tóku
þátt í athöfninni, voru séra
Donald Olson, prestur Argyle-
pretstakalls og ritari Kirkju-
félagsins, og séra Richard
Magnússon frá Riverton. —
Guðsþjónustan var vel sótt, og
að henni lokinni voru kirkju-
gestir boðnir til kaffidrykkju
í samkomuhúsi safnaðarins.
Forseti Kirkjufélagsins las
upp bréf frá séra Sigurði Ól-
afssyni, þar sem hann bað
Guðs blessunar yfir starf safn-
aðarins og hins nýja prests.
Næstk. sunnudagskvöld, 9.
október, verður nýi prestur-
inn á Gimli, séra Lorne Nadi-
ger, settur inn í embættið.
Hann hóf prestsstörf á Gimli
1. september s. 1.; hann er
vinsæll og góður prestur, og
kemur hann frá Victoria, B.C.,
þar sem hann þjónaði lútersk-
um söfnuði s. 1. fimm ár. Séra
Nadiger er fæddur og uppal-
inn í Regina, Sask. Hann er
kvæntur og á tvö börn.
Einnig hefir nýlega tekið til
starfs nýr prestur í Minneota,
séra Donald Johnson. Hann er
ungur prestur og kemur frá
Minneapolis. Mun hann verða
settur inn í embættið síðar á
þessu hausti.
Með þessum nýju prestum
er öllum prestaköllum Kirkju-
félagsins þjónað af heima-
presti, og er það í fyrsta skipti
um margra ára bil.
☆
Virðulegt samsæti
Sunnudaginn 2. október var
haldið samsæti á Lundar í til-
efni af 90 ára afmæli Skúla
Sigfússonar. Um 200 manns
komu saman í samkomuhúsi
bæjarins eftir hádegið þann
dag, til þess að heiðra þenn-
an heiðursöldung. Samsætinu
stýrði þingmaður kjördæmis-
ins, Elman Guttormsom Eftir-
farandi menn tóku til máls
og fluttu árnaðaróskir: St.
Garson, fyrrv. forsætisráð-
herra Manitoba, Kári Byron,
hreppstjóri á Lundar, O. Hall-
son, kaupmaður frá Eriksdale,
D. Campbell, fyrrv. forsætis-
ráðherra Manitoba. Lesnar
voru kveðjur frá eftirtöldum
aðilum: Frú Ragnheiði O.
Björnsson, Akureyri, Dr. R.
Beck, forseta Þjóðræknisfé-
lags íslendinga í Vesturheimi,
Mary Hill Community Club,
Birni og Maríu Halldórsson
frá Akureyri, Ladies Aid
Björk, Lundar, Mrs. Salome
Halldórsson, Winnipeg, Lester
B. Pearson.
Að lokum reis Skúli á fætur
og þakkaði öllum þeim vinum
sínum fyrir þennan sólar-
geisla, sem þeir hefðu veitt
inn í líf sitt á þessum degi.
Konur úr Lundarbyggðinni
báru því næst fram ríkulegar
veitingar, sem þeirra er vanc\i
við slík tækifæri. Samsætið
var hið ánægjulegasta. Skúli
var glaður og hress eins og
maður á bezta aldri. Öll börn
Skúla voru þarna viðstödd
nema frú María Halldórsson
á Akureyri, einnig stór hópur
barnabarna.
Lögberg-Heimskringla ósk-
ar þessum ágæta stuðnings-
manni blaðsins og íslenzkra
þjóðræknismála innilega til
hamingju með afmælið og
væntir þess að geta innan
skamms birt grein um hinn
merka starfsferil hans.
Bráðu þörfina er bezt að
meta.
------------------------- ----—------------
Subscription Blank
NORTH AMERICAN PUBLISHING CO. LTD.
303 Kennedy Sl., Winnipeg 2.
I enclose $ for subscr.ption to the I
Icelandic Weekly, Lögberg-Heimskringla.
NAME ......................................
ADDRESS ...................................
City Zone j
MESSUBOÐ
Fyrsta lúlerska kirkja
Sr. V. J. Eylands, Dr. Theol.
Heimili 686 Banning Street.
Sími SUnset 3-0744.
Guðsþjónustur á hverjum
sunnudegi:
Á ensku kl. 11 f. h.
Á íslenzku kl. 7 e. h.
Allir ævinlega velkomnir.
Orðsending vegna
komu Karlakórs
Reykjavíkur til
Winnipeg
Herra Gísli tíuðmundsson,
fararstjóri Karlakórs Reykja-
víkur, hefir ritað formanni
móttökunefndar þeirrar, er
stjórnarnefnd Þjóðræknisfé-
lagsins skipaði í sambandi við
væntanlega komu kórsins til
Winnipeg, Gretti Johannson
konsúl. í bréfi sínu æskir
Gísli þess, að athugaðir verði
möguleikar á því að koma
söngmönnum fyrir á einka-
heimilum íslendinga í Winni-
peg, meðan kórinn dveljist
þar í borg dagana 21.-23. okt.
n. k. Væntanlega yrði um
þrjár nætur að ræða. i
Móttökunefnd telur sér
skylt að athuga, hvort unnt sé
að verða við þessari beiðni, og
vill í því sambandi taka fram
eftirfarandi:
Ef einhver sá Winnipeg ís-
lendingur, sem les þessar lín-
ur, treystir sér til að bjóða
einum eða tveimur söng-
mönnum kórsins húsaskjól
(nefndin fer fram á húsnæði,
en ekki fæði), vildi sá hinn
sami hringja sem allra fyrst
í einhvern nefndarmanna.
Nöfn, heimilisföng og síma-
númer þeirra eru rituð undir
þessa tilkynningu. Nafnalisti
söngmanna hefir þegar birzt
hér í blaðinu. Ef fólk æskir
þess að velja úr hópnum ætt-
ingja eða vihi, er ekki nema
sjálfsagt að taka slíkt til
greina.
Hólmfríður Daníelson, 869
Garfield, sími SU 3-8528.
Grettir L. Johannson, 76
Middlegate, sími SP 4-5270.
Guðmann Levy, 185 Lind-
say.
Séra P. M. Pélursson, 681
Banning St., sími SU 3-4571.
Haraldur Bessason, 11 B,
1430 Pembina, sími GL 2-7712.
Betri er krókur en kelda.
Dánarfregn
Mrs. Jóhanna Kristjana
Oddson, 62 ára, andaðist
sunnudaginn 25. september að
heimili sínu, 624 Victor St.,
Winnipeg. Hún var fædd í
Reykjavík á íslandi, en ólst
upp í Árborg. Hún lætur eft-
ir sig einn son, Kenneth; móð-
ur sína og þrjár systur: Clara,
Emily og Svafa. Útförin var
gerð frá aBrdals útfararstof-
unni. Dr. Valdimar J. Eylands
flutti kveðjumál. Hún var
jarðsett í grafreitnum í Ár-
borg.
^penhagen
Heimsins bezta
munntóbok
Spurðu læknirinn eða lyfsalann
GARLIC
er þér hollur
Linar slæraa flu- og kvefverki. I aldir
hafa miljónir manna notað Garlic sera
heilsubót í trú á kraft hans að lækna
og styrkja. Garlic er rótvarnarlyf, er
heldur blóðstraumnum hreinum. Mary
ir hafa lofað hann fyrir að lina lið.i
taugagigtar verki. Adams Garlic
Pearles innihalda Salicylatnide þraut
reynt meðal að lina þrautiy. Hin
hreina olfa dreginn úr öllum lauknum
nær ölluin gæðum hans. Adams Garli,
Pearles er lyktar- og bragðlausar töfl-
ur. Fáið pakka frá lyfsalanum í dag
Það gleður þig að .hafa gert það.
ROSE THEATRE
SARGENT ot ARLINGTON
CHANGE OF PROGRAM
EVERY FOUR DAYS
Foto-Nite Every
.Tuesday and Wednesday
SPECIAL
CHILDREN'S MATINEE
Every Saturday
—AIR CONDITIONED—
UMBOÐSMENN LÖGBERGS-HEIMSKRINGLU
ÍSLANDI
SINDRI SIGURJÓNSSON póstafgreiðslum.
P.O. Box 757, Reykjavík
ARNI BJARNARSON bókaútgefandi,
Akureyri, Iceland
Verð Lögbergs-Heimskringlu er kr. 240 á ári.
Audiiorium Fri., Sai., Oci. 21-22, 8.30 p.m.
Celebrity Concert Series Presenis
From the Land of thc Midnight Sun
THE
ICELANDIC SINGERS
"KARLAKOR REYKJAVIKUR" (Male Chorus of 36)
Sigurdur Thordarson, Conductor
Gudmundur Jonsson, Baritone
“The Choir Has Stupendous Vocal and Dramatic Impact”
Reserved Seats Now on Sale: 3.50, 2.95, 2.50, 2.20, 1.65, 1.10 at
CELEBRITY BOX OFFICE, Mezz. Flr., Hudson's Boy Store, Ph: SP 5-2484
THE ICELANDIC SINGERS
KARLAKÓR REYKJAVíKUR
Þjóðræknisfélag íslendinga í Vesturheimi hefir
ákveðið að halda hádegisverð til heiðurs Karlakór
Reykjavíkur laugardaginn 22. október n. k„ kl. 12.30
e. h. í veitingahúsinu Town N' Country, 317 Kennedy
Street, Winnipeg.
Aðgöngumiðar kosta $2.50 og eru til sölu hjá með-
limum undirbúningsnefndarinnar: Mr. Guðmann Levy,
185 Lindsay, Mrs. H. F. Danielson, Prof. Haraldi Bessa-
son, Rev. Philip M. Pétursson, og Mr. Grettir Leo Jo-
hannson; einnig á skrifstofu Lögbergs-Heimskringlu.
Þeir, sem vilja taka þátt í þessum hádegisverði,
verða að vera búnir að kaupa aðgöngumiða fyrir 19-
október, svo hægt verði að gefa veitingahúsinu nægi-
legan fyrirvara til undirbúnings.
FORSTÖÐUNEFNDIN