Fylkir - 01.02.1918, Blaðsíða 70

70
FYLKIR.
Kvæði
flutt Stepháni O. Stephánssyni skáldi í samsæti á Akuí'
eyri, hinn 28. júlí þ. á.
Vitran skal vísir
virtum sæma,
kappa krossi,
kaupmann gulli,
en ljóðasmið
lof stefjum.
Heill þú óðsmiður
ungrar þjóðar,
ver riú velkominn
frá Vesturheimi;
vakti hug þinn
hjarta íslands,
beindu för þína
búa sveitir.
Bjóstu lengi
á breiðu völlum
Norður-Dakota,
nú í Alberta;
bar þér ár hvert
blómsveig gullinn;
fjórir tugir ára
fylkir krýna.
Kveðið hefur þú
kappa sennur,
munarglaður
á megin sléttum;
söngstu um ástir
og yndi kvenna,
um fegurð og speki
og frægðarverk.
Hélztu uppi heiðri
herja þjóðar,
féllu hrynhendur
hyggju þrungnar;
mæltir þú máli
munaðarlausra,
sannleik og rétt maztu
siklum ofar.
Ber nú bræðrum
í borgum og sveitum,
á ströndum og sléttum
hins stolta Vínlands,
ástar kveðjur
íslands sona,
og heilla óskir,
hoskra meya.
Veit eg að vakna
vonir fornar,
um eining allra
orra frænda;
enn mætti veldi
Veringja ná
frá Garðaríki
til Grænlands bygða.
Veit eg að ósk mín
vart mun fyrnast
um eining göfugra
gerskra þjóða;
enn mættu Einherjar
eiga ríki,
Svíþjóðu frá
til Furðustranda.
Fr. B. A.
f